ଅନସୂୟା ମିଶ୍ର

ଅନସୂୟା ମିଶ୍ର
ଜନ୍ମ ଓ ଜନ୍ମସ୍ଥାନ	(1962-06-07) ୭ ଜୁନ ୧୯୬୨ ପତ୍ରପୁର (ସୋରିଷଦା), କେନ୍ଦ୍ରାପଡ଼ା ଜିଲ୍ଲା
ବୃତ୍ତି	ଶିକ୍ଷୟିତ୍ରୀ
ଭାଷା	ଓଡ଼ିଆ
ଜାତୀୟତା	ଭାରତୀୟ
ସାହିତ୍ୟ କୃତି	ମହାପୁରୁଷଙ୍କ ପିଲାଦିନ
ପୁରସ୍କାର	ଓଡ଼ିଶା ସାହିତ୍ୟ ଏକାଡେମୀ ପୁରସ୍କାର ୨୦୦୨
ଜୀବନସାଥୀ	ପ୍ରମୋଦ କୁମାର ମହାପାତ୍ର

ଅନସୂୟା ମିଶ୍ର (ଜନ୍ମ ୭ ଜୁନ ୧୯୬୨) ଜଣେ ଓଡ଼ିଶା ସାହିତ୍ୟ ଏକାଡେମୀ ପୁରସ୍କାରପ୍ରାପ୍ତ ବିଜ୍ଞାନ ଲେଖକ, ସାମ୍ବାଦିକ ଓ ସମ୍ପାଦକ । ସେ ୨୦୦୨ ମସିହାରେ ମହାପୁରୁଷଙ୍କ ପିଲାଦିନ ପୁସ୍ତକ ପାଇଁ ଶିଶୁ ସାହିତ୍ୟ ବିଭାଗରେ ଓଡ଼ିଶା ସାହିତ୍ୟ ଏକାଡ଼େମୀ ପୁରସ୍କାର ପାଇଥିଲେ ।

ସଂକ୍ଷିପ୍ତ ଜୀବନୀ

ଅନସୂୟା କେନ୍ଦ୍ରାପଡ଼ା ଜିଲ୍ଲାର ପତ୍ରପୁର (ସୋରିଷଦା) ଠାରେ ଜନ୍ମଗ୍ରହଣ କରିଥିଲେ । ବିଜ୍ଞାନ ଓ ଶିକ୍ଷାରେ ସ୍ନାତକୋତ୍ତର ଶିକ୍ଷା ପ୍ରାପ୍ତ ଅନସୂୟା ୨୯ ବର୍ଷ ଧରି ବିଭିନ୍ନ ଉଚ୍ଚ ବିଦ୍ୟାଳୟରେ ବିଜ୍ଞାନ ଶିକ୍ଷୟିତ୍ରୀ ଭାବେ କାର୍ଯ୍ୟ କରିଥିଲେ । ବିଜ୍ଞାନଭିତ୍ତିକ ପ୍ରବନ୍ଧ, ଗଳ୍ପ ଓ କବିତା ଲେଖିକା ଭାବେ ଜଣାଶୁଣା ଅନସୂୟାଙ୍କ ବହୁ ଲେଖା ଓଡ଼ିଶାର ବିଭିନ୍ନ ପତ୍ରପତ୍ରିକାରେ ପ୍ରକାଶିତ । ସେ ପୁଣି ପ୍ରଥମ ବିଜ୍ଞାନ କ'ଣ, କାହିଁକି ଏନସାଇକ୍ଲୋପାଡ଼ିଆ ଜ୍ଞାନ ବିଜ୍ଞାନର ଯୁଗ୍ମ ଲେଖିକା । ଏହାର ୮ଟି ଭାଗ ପ୍ରକାଶିତ । ଆକାଶବାଣୀ କଟକ କେନ୍ଦ୍ରରେ ବଜ୍ଞାନ ଓ ଶିକ୍ଷା ସମ୍ପର୍କିତ ତାଙ୍କର ଅନେକ ବକ୍ତୃତା ପ୍ରଚାରିତ । ସେ ମାସିକ ବିଜ୍ଞାନ ପତ୍ରିକା ବିଜ୍ଞାନ ବାର୍ତ୍ତାର ସମ୍ପାଦନା କରିଛନ୍ତି । କେନ୍ଦ୍ର ସରକାରଙ୍କ ଦ୍ୱାରା ନିର୍ବାଚିତ ହୋଇ ରାଜ୍ୟର ଏକମାତ୍ର ଶିକ୍ଷୟିତ୍ରୀ ଭାବେ ୨୦୧୦ରେ ଜାପାନ ଗସ୍ତ କରିଥିଲେ । ନିଜ କୃତି ଓ କୃତିତ୍ୱ ପାଇଁ ସେ ୩୦ରୁ ଉର୍ଦ୍ଧ୍ୱ ଅନୁଷ୍ଠାନରୁ ସମ୍ମାନୀତ ।

ରଚନାବଳୀ

ଓଡ଼ିଆ

• ଜଗନ୍ନାଥ ତ୍ରାହିମାଂ
• ଜୀବ ଜଗତର ବିସ୍ମୟ
• ଉଦ୍ଭିଦ ଜଗତର ବିସ୍ମୟ
• ମହାପୁରୁଷଙ୍କ ପିଲାଦିନ
• ଦେଶ ବିଦେଶରେ କୁନିମୁନି
• ଶୀଲା ଓ ଲୀଲା
• ବିଜ୍ଞାନର ଅଜଣା କଥା
• ଦେଶ ବିଦେଶ
• ଆମ ପରିବେଶ ଆମ ଜୀବନ
• ଅନସୂୟା ମିଶ୍ରଙ୍କ ଗଳ୍ପ
• ପଚାଶଟି ବିଜ୍ଞାନ କବିତା
• ବିଜ୍ଞାନ ବିସ୍ମୟ

ଇଂରାଜୀ

• Moral Tales
• Famous Indian Scientists

ପୁରସ୍କାର ଓ ସମ୍ମାନ

• ସାହସିକତା ପାଇଁ ନୀଳଶୈଳ ପୁରସ୍କାର
• ଶ୍ରେଷ୍ଠ ଶିଶୁ ଲେଖିକା ଭାବେ କଣ୍ଢେଇ ପୁରସ୍କାର ୧୯୯୪
• ଓଡ଼ିଶା ସାହିତ୍ୟ ଏକାଡେମୀ ପୁରସ୍କାର ୨୦୦୨ ମହାପୁରୁଷଙ୍କ ପିଲାଦିନ ପାଇଁ
• ଓଡ଼ିଶା ବିଜ୍ଞାନ ଏକାଡ଼େମୀ ପୁରସ୍କାର, ୨୦୦୧
• ପ୍ରକୃତି ବନ୍ଧୁ ସମ୍ମାନ
• ଶ୍ରେଷ୍ଠ ଶିକ୍ଷୟିତ୍ରୀ ଭାବେ ୨୦୦୩ରେ ରାଜ୍ୟପାଳ ପୁରସ୍କାର
• ଭୁବନେଶ୍ୱର ପୁସ୍ତକ ମେଳା ପୁରସ୍କାର