ଟେନୋସାଇନୋଭାଇଟିସ

Tenosynovitis
Tendinitis, tendovaginitis, tendinosis
A case of congenital trigger finger, a type of tenosynovitis, in a 3 year old
ବିଭାଗ	Plastic surgery, orthopedics
ଲକ୍ଷଣ	Pain, swelling, inability to fully straighten the joint.
ସଠିକ ରୋଗ ନିର୍ଣ୍ଣୟ	Felon, joint infection, herpetic whitlow, cellulitis
ଚିକିତ୍ସା	Based on cause

ଟେନୋସାଇନୋଭାଇଟିସ ନାମ ଦିଆଯାଏ ଯେତେବେଳେ କୌଣସି ଟେଣ୍ଡନରେ ପ୍ରଦାହ ହୋଇ ତାହାର ଖୋଳ ଭିତରେ ତରଳ ପଦାର୍ଥ ଜମିଯାଏ । ଏହି ରୋଗରେ ସାଧାରଣତଃ ଯନ୍ତ୍ରଣା, ଫୁଲା ଏବଂ ଗଣ୍ଠିକୁ ସଂପୂର୍ଣ୍ଣ ସିଧା କରିବାରେ ଅକ୍ଷମତା ହୁଏ । ହାତ, କଚଟି, ଏବଂ ପାଦରେ ଥିବା ଟେଣ୍ଡନ‌ଗୁଡିକ ସାଧାରଣତଃ ପ୍ରଭାବିତ ହୋଇଥାଏ ।

ଟେନୋସାଇନୋଭାଇଟିସ ସଂକ୍ରାମକ କିମ୍ବା ଅଣ-ସଂକ୍ରମଣ ରୋଗ ହୋଇପାରେ । ଆଘାତ ହେତୁ ସଂକ୍ରମଣ ହୋଇପାରେ, ଯେପରିକି କଟିଗଲେ କିମ୍ବା କାମୁଡ଼ିଲେ କିମ୍ବା ଶରୀରର ଅନ୍ୟ ସ୍ଥାନରୁ ବିସ୍ତାର ଯୋଗୁ ହୋଇପାରେ । ଅଣ ସଂକ୍ରାମକ ପ୍ରକାରରେ ଡି କ୍ୱେରଭେନ ସିଣ୍ଡ୍ରୋମ, ଇଣ୍ଟରସେକ୍ସନ ସିଣ୍ଡ୍ରୋମ ଏବଂ ଟ୍ରିଗର ଆଙ୍ଗୁଠି (ଷ୍ଟେନୋଜିଙ୍ଗ ଟେନୋସାଇନୋଭାଇଟିସ୍) ରୋଗ‌ଗୁଡ଼ିକ ଅନ୍ତର୍ଭୁକ୍ତ ହୋଇଥାଏ । ଅଣ ସଂକ୍ରାମକ ପ୍ରକାର ପାଇଁ ବିପଦ କାରଣଗୁଡ଼ିକ ମଧ୍ୟରେ ଅତ୍ୟଧିକ ବ୍ୟବହାର, ରିଉମାଟଏଡ୍ ଆର୍ଥ୍ରାଇଟିସ୍ ଏବଂ ସୋରିଆସିସ ହୋଇପାରେ ।

ଫ୍ଲେକ୍ସର ଟେଣ୍ଡନର ସଂକ୍ରମଣ ହେଲେ ଶୀଘ୍ର ଚିକିତ୍ସା ଆବଶ୍ୟକ ହୁଏ । ରୋଗ ସାମାନ୍ୟ ଧରଣର ହୋଇଥିଲେ ଶିରାଭ୍ୟନ୍ତର ଆଣ୍ଟିବାୟୋଟିକ ଏବଂ ସ୍ପ୍ଲିଣ୍ଟିଂଦ୍ୱାରା ଚିକିତ୍ସା କରାଯାଇପାରେ; ଅଧିକ ଗୁରୁତର ମାମଲାରେ ଅସ୍ତ୍ରୋପଚାର ଆବଶ୍ୟକ ହୁଏ ଅଣ-ସଂକ୍ରାମକ ପ୍ରକାରଗୁଡିକ ନ‌ନଷ୍ଟେରେଡାଲ ଆଣ୍ଟି-ଇନଫ୍ଲାମେଟୋରୀ ଔଷଧ, ସ୍ପ୍ଲିଣ୍ଟିଂ କିମ୍ବା କର୍ଟିକୋଷ୍ଟେରଏଡ ସହିତ ଚିକିତ୍ସା କରାଯାଇପାରେ । ୩% ଲୋକଙ୍କର ଟ୍ରିଗର ଆଙ୍ଗୁଠି ହୋଇପାରେ ।