ବିରେନ୍ଦ୍ର ଲାକ୍ରା
 | |||||||||||||||||||||||||||||||||||||||||||||||||||||
| ବ୍ୟକ୍ତିଗତ ସୂଚନା | |||||||||||||||||||||||||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| ଜନ୍ମ |
୩ ଫେବୃଆରୀ ୧୯୯୦ ରାଉରକେଲା, ଓଡ଼ିଶା, ଭାରତ | ||||||||||||||||||||||||||||||||||||||||||||||||||||
| ଉଚ୍ଚତା | 167 cm (5 ft 6 in) | ||||||||||||||||||||||||||||||||||||||||||||||||||||
| ଓଜନ | ୬୮ କେଜି | ||||||||||||||||||||||||||||||||||||||||||||||||||||
| Playing position | ଫୁଲବ୍ୟାକ | ||||||||||||||||||||||||||||||||||||||||||||||||||||
| Senior career | |||||||||||||||||||||||||||||||||||||||||||||||||||||
| Years | Team | Apps | (Gls) | ||||||||||||||||||||||||||||||||||||||||||||||||||
| ୨୦୧୨ରୁ | ଚଣ୍ଡିଗଡ଼ କମେଟ୍ସ | ||||||||||||||||||||||||||||||||||||||||||||||||||||
| ବିପିସିଏଲ | |||||||||||||||||||||||||||||||||||||||||||||||||||||
| –୨୦୦୮ | ଓଡ଼ିଶା ଷ୍ଟିଲର୍ସ | ||||||||||||||||||||||||||||||||||||||||||||||||||||
| ୨୦୧୩-୨୦୧୪ | ରାଞ୍ଚି ରାଇନୋସ | ୧୫ | (0) | ||||||||||||||||||||||||||||||||||||||||||||||||||
| ୨୦୧୫ | ରାଞ୍ଚି ରେସ | ||||||||||||||||||||||||||||||||||||||||||||||||||||
| National team | |||||||||||||||||||||||||||||||||||||||||||||||||||||
| ୨୦୧୨-୨୦୨୧ | ଭାରତୀୟ ପୁରୁଷ ହକି ଦଳ | ୧୭୨ | (୯) | ||||||||||||||||||||||||||||||||||||||||||||||||||
Medal record
| |||||||||||||||||||||||||||||||||||||||||||||||||||||
| Last updated on: ୨ ମାର୍ଚ୍ଚ ୨୦୧୯ | |||||||||||||||||||||||||||||||||||||||||||||||||||||
ବିରେନ୍ଦ୍ର ଲାକ୍ରା (ଜନ୍ମ : ୩ ଫେବୃଆରୀ ୧୯୯୦) ଜଣେ ଭାରତୀୟ ହକି ଖେଳାଳି । ସେ ୨୦୧୨ ଲଣ୍ଡନ ଅଲିମ୍ପିକ୍ସରେ ଭାରତକୁ ପ୍ରତିନିଧିତ୍ୱ କରିଥିଲେ । ବିରେନ୍ଦ୍ରଙ୍କ ବଡ଼ ଭାଇ ବିମଳ ମଧ୍ୟ ଭାରତୀୟ ହକି ଦଳର ଜଣେ ମିଡ଼ଫିଲ୍ଡର ଖେଳାଳି । ତାଙ୍କ ଭଉଣୀ ଅସୁନ୍ତା ଲାକ୍ରା ମଧ୍ୟ ଭାରତୀୟ ମହିଳା ଦଳରେ ଖେଳିଛନ୍ତି ଓ ଅଧିନାୟିକା ଦାୟିତ୍ୱ ମଧ୍ୟ ନିର୍ବାହ କରିଛନ୍ତି ।[୧] ୨୦୨୦ ଟୋକିଓ ଅଲିମ୍ପିକ୍ସର ବ୍ରୋଞ୍ଜ ପଦକ ବିଜୟୀ ଭାରତୀୟ ଦଳରେ ସେ ଥିଲେ ଉପ-ଅଧିନାୟକ । ହକିରୁ ସନ୍ୟାସ ନେବା ପରେ ସେ ୨୦୨୨ ମସିହାରେ ଓଡ଼ିଶା ପୁଲିସରେ ଯୋଗ ଦେଇଥିଲେ ।
ବ୍ୟକ୍ତିଗତ ଜୀବନ
[ସମ୍ପାଦନା]ବିରେନ୍ଦ୍ର, ୧୯୯୦ ମସିହା ଫେବୃଆରୀ ୩ ତାରିଖରେ ସୁନ୍ଦରଗଡ଼ ଜିଲ୍ଲାର ଲଚ୍ଛଦାଠାରେ ଜନ୍ମଗ୍ରହଣ କରିଥିଲେ । ସେମାନେ ଓରାଁ ଜନଜାତୀର ଲୋକ ।
ଖେଳ ଜୀବନ
[ସମ୍ପାଦନା]ବିରେନ୍ଦ୍ର, ରାଉରକେଲା ଇସ୍ପାତ କାରଖାନାର "ସେଲ ହକି ଏକାଡେମୀ"ରେ ପ୍ରଶିକ୍ଷିତ ହୋଇଥିଲେ । [୨] ୨୦୦୭ରେ ସିଙ୍ଗାପୁରରେ ଅନୁଷ୍ଠିତ ଜୁନିୟର ବିଶ୍ୱ କପପାଇଁ ସେ ଭାରତର ଜୁନିୟର ହକି ଦଳରେ ଚୟିତ ହୋଇଥିଲେ । ଜୁନିୟର ଦଳରେ ଥାଇ ୨୦୦୯ରେ ସେ ସିଡ଼ନିଠାରେ ଅନୁଷ୍ଠିତ "ୟୁଥ ଅଲିମ୍ପିକ୍ସ" ଓ ୨୦୧୦ରେ ଢାକାଠାରେ "ସାଫ ଗେମ୍ସ" ଖେଳିଥିଲେ । ୨୦୧୨ରେ ସେ ଭାରତ ସିନିୟର ଦଳରେ ଚୟିତ ହୋଇ ଦକ୍ଷିଣ ଆଫ୍ରିକା ବିରୁଦ୍ଧରେ ପ୍ରଥମେ ଖେଳିଥିଲେ ।
୨୦୧୨ରେ ଅଲିମ୍ପିକ ହକି କ୍ୱାଲିଫାୟର ମ୍ୟାଚରେ ସେ ଫ୍ରାନ୍ସ ବିରୁଦ୍ଧରେ ନିଜର ପ୍ରଥମ ଆନ୍ତର୍ଜାତୀୟ ଗୋଲ କରିଥିଲେ । ୨୦୧୨ ଚାମ୍ପିୟନସିପ ଟ୍ରଫିରେ ଭାରତକୁ ସେମି ଫାଇନାଲ ପର୍ଯ୍ୟନ୍ତ ନେବାରେ ତାଙ୍କର ପ୍ରମୁଖ ଅବଦାନ ରହିଥିଲା । ବେଲଜିୟମ ବିରୋଦ୍ଧରେ ଏହି ମ୍ୟାଚରେ, ସେ ଫରୱାର୍ଡ଼ ଖେଳାଳିକୁ ପାସ ଦେଇ ଗୋଲ କରିବାରେ ସହାୟତା କରିଥିଲେ । ଏହି ଗୋଲଦ୍ୱାରା ଭାରତ ୮ ବର୍ଷ ପରେ ଚାମ୍ପିୟନସିପ ଟ୍ରଫିର ସେମି-ଫାଇନାଲରେ ସ୍ଥାନ ପାଇଥିଲା ।
୨୦୧୪ ରାଷ୍ଟ୍ରମଣ୍ଡଳ ଖେଳରେ ସେ ଭାରତୀୟ ଦଳରେ ଥାଇ ରୌପ୍ୟ ପଦକ ହାସଲ କରିଥିଲେ ।
୨୦୨୦ ଟୋକିଓ ଅଲିମ୍ପିକ୍ସରେ ବିରେନ୍ଦ୍ର ଭାରତୀୟ ଦଳର ଉପ-ଅଧିନାୟକ ଥିଲେ । ଏହି ଅଲିମ୍ପିକ୍ସରେ ଭାରତ ବ୍ରୋଞ୍ଜ ପଦକ ଜିତିଥିଲା । ଏହି ଅଲିମ୍ପିକ୍ସ ପରେ ପରେ ୨୦୨୧ ମସିହା ସେପ୍ଟେମ୍ବର ୩୦ତାରିଖରେ ବିରେନ୍ଦ୍ର ଆନ୍ତର୍ଜାତୀୟ ହକିରୁ ସନ୍ୟାସ ନେଇଥିଲେ ।[୩]
ହକି ଖେଳରୁ ସନ୍ୟାସ ନେବା ପରେ, ୨୦୨୨ ମସିହାରେ ସେ ଓଡ଼ିଶା ପୁଲିସ ବିଭାଗରେ ଡିଏସପି ଭାବରେ ଯୋଗଦେଇଥିଲେ ।[୪]
ହକି ଇଣ୍ଡିଆ ଲିଗ
[ସମ୍ପାଦନା]ହକି ଇଣ୍ଡିଆ ଲିଗର ପ୍ରଥମ ସଂସ୍କରଣରେ ବିରେନ୍ଦ୍ରଙ୍କୁ ରାଞ୍ଚି ରାଇନୋ ଦଳ ୪୧୦୦୦ ଆମେରିକୀୟ ଡଲାର ଦେଇ କିଣିଥିଲେ ।[୫] ଏହି ପ୍ରତିଯୋଗିତାରେ ରାଞ୍ଚି ଦଳ ପ୍ରଥମ ସ୍ଥାନ ଅଧିକାର କରିଥିଲା । ୨୦୧୫ ସଂସ୍କରଣରେ ସେ ରାଞ୍ଚି ରେସ ଦଳରେ ଅନ୍ତର୍ଭୁକ୍ତ ହୋଇଥିଲେ ।
ଆଧାର
[ସମ୍ପାଦନା]- ↑ "New Indian women's hockey captain: Asunta from Lakra family of Simdega!". Bihar Days. 2011-12-01. Retrieved 2013-01-17.[permanent dead link]
- ↑ "Profile: Birendra Lakra". NDTV. 2012-07-20. Archived from the original on 2013-02-16. Retrieved 2013-01-17.
- ↑ "ଅନ୍ତର୍ଜାତୀୟ ହକିରୁ ଅବସର ନେଲେ ଓଡ଼ିଆ ପୁଅ ବୀରେନ୍ଦ୍ର ଲାକ୍ରା, ଅଲମ୍ପିକ୍ସରେ ମେଡାଲ ଜିତି ରାଜ୍ୟକୁ ଗର୍ବିତ କରିଥିଲେ". www.sambad.in. ଇଷ୍ଟର୍ଣ୍ଣ ମିଡ଼ିଆ. Archived from the original on 30 September 2021. Retrieved 30 September 2021.
- ↑ "ବୀରେନ୍ଦ୍ର ଲାକ୍ରା ଡିଏସ୍ପି; ଓଡ଼ିଶା ପୁଲିସ୍ରେ ୧୩୬ତମ ଖେଳାଳି, ଦ୍ୱିତୀୟ ଡିଏସ୍ପି". www.sambad.in. ଇଷ୍ଟର୍ଣ୍ଣ ମିଡ଼ିଆ. Archived from the original on 18 February 2022. Retrieved 18 February 2022.
- ↑ "Hockey India League Auction: the final squads list". CNN-IBN. 2012-12-16. Archived from the original on 2012-12-19. Retrieved 2013-01-17.
ବାହାର ଆଧାର
[ସମ୍ପାଦନା]- ବିରେନ୍ଦ୍ର ଲାକ୍ରା ହକି ଇଣ୍ଡିଆ ୱେବସାଇଟରେ Archived 2017-05-09 at the Wayback Machine.