ରେଖା ରାଜ

ଇଂରାଜୀ ଲିଙ୍କ

https://or.wikipedia.org/wiki/Rekha_Raj

ରେଖା ରାଜ
രേഖ രാജ്
ଜନ୍ମ	(1978-05-05) ୫ ମଇ ୧୯୭୮ କୋଟୟମ, କେରଳ, ଭାରତ
ବୃତ୍ତିସମୂହ	ଲେଖିକା ଦଳିତ କାର୍ଯ୍ୟକର୍ତ୍ତା ସହଯୋଗୀ ପ୍ରାଧ୍ୟାପକ
ସକ୍ରିୟ ବର୍ଷ	୧୯୯୦–ବର୍ତ୍ତମାନ
ବୈବାହିକ-ସାଥୀ	ଏମ. ଆର. ରେଣୁକୁମାର

ରେଖା ରାଜ (ମାଲାୟାଲମ୍: രേഖ രാജ്; ଜନ୍ମ 5 ମଇ 1978) ଜଣେ ଦଳିତ ତଥା ନାରୀବାଦୀ ଚିନ୍ତକ, ସମାଜସେବୀ ତଥା ଲେଖିକା। ସେ ଜାତିପ୍ରଥା ଏବଂ ଲିଙ୍ଗ ପ୍ରସଙ୍ଗରେ ଲେଖିଥିବା ପ୍ରାରମ୍ଭିକ ଦଳିତ ନାରୀବାଦୀମାନଙ୍କ ମଧ୍ୟରୁ ଜଣେ |

ପ୍ରାରମ୍ଭିକ ଜୀବନ

ରେଖା ରାଜଙ୍କ ମାଆଙ୍କ ନାମ କେପି ନଳୀନାକ୍ଷୀ ଏବଂ ବାପାଙ୍କ ନାମ ଏସ ରାଜପ୍ପାନ । ସେ ମଇ ୧୯୭୮ ମସିହା ମଇ ୫ ତାରିଖରେ କେରଳର କୋଟାୟାମରେ ଜନ୍ମଗ୍ରହଣ କରିଥିଲେ। ସେ ମାଲାୟାଲାମ କବି ଏମଆର ରେଣୁକୁମାରଙ୍କୁ ବିବାହ କରିଥିଲେ ଓ ଏହି ଦମ୍ପତ୍ତିଙ୍କ ଜଣେ ପୁଅ ଅଛନ୍ତି ।

ଶିକ୍ଷା ଓ ବୃତ୍ତି

ସେ ସାମାଜିକ ବିଜ୍ଞାନରେ ମହାତ୍ମା ଗାନ୍ଧୀ ବିଶ୍ୱବିଦ୍ୟାଳୟର ସାମାଜିକ ବିଜ୍ଞାନ ବିଭାଗରୁ ଡକ୍ଟରେଟରେ ସମ୍ମାନୀତ ହୋଇଥିଲେ । ତାଙ୍କର ଡକ୍ଟରେଟ ନିବନ୍ଧର ଶୀର୍ଷକ ଥିଲା "Politics of Gender and Dalit Identity: Representation of Dalit Women in Contemporary Dalit Discourses in Kerala" (ଅନୁବାଦ: ଲିଙ୍ଗ ଏବଂ ଦଳିତ ପରିଚୟର ରାଜନୀତି: କେରଳରେ ସମସାମୟିକ ଦଳିତ ଆଲୋଚନାରେ ଦଲିତ ମହିଳାଙ୍କ ପ୍ରତିନିଧିତ୍ୱ) । ପରେ ସେ ସେଠାରେ ଗାନ୍ଧୀ ଚିନ୍ତାଧାରା ଏବଂ ବିକାଶ ଅଧ୍ୟୟନରେ ସହକାରୀ ପ୍ରଫେସର ଭାବରେ ନିଯୁକ୍ତ ହୋଇଥିଲେ । ତେବେ ନିଯୁକ୍ତିରେ ଅନିୟମିତତା ଦର୍ଶାଇ କେରଳର ହାଇକୋର୍ଟ ନିଯୁକ୍ତିକୁ ବାତିଲ ଘୋଷଣା କରିଥିଲେ ।

ରଚନା

ରେଖା ରାଜ ୨୦୧୫ରେ ମାଲାୟାଲାମରେ Dalit Sthree Idapedalukal ନାମକ ଏକ ପୁସ୍ତକ ରଚନା କରିଥିଲେ । ତାହା ୨୦୧୭ରେ ତାମିଲରେ ଅନୁବାଦ କରାଯାଇଥିଲା । ସେ ୨୦୧୩ରେ ଦଳିତ ମହିଳାଙ୍କ ଉପରେ ସଂଘଠିତ ପତ୍ରିକାର ଅତିଥି ସମ୍ପାଦକ ଥିଲେ । ସେ ଇକୋନୋମିକ ଓ ପଲିଟିକାଲ ଡେଲି , ମାତୃଭୂମି, ସାମାକାଳିକା ମାଲାୟାଲମ ବାରିକା, ମାଧ୍ୟାମମ୍ ଉଇକ୍ଲି ଏବଂ ଭାରତର ଅନ୍ୟାନ୍ୟ ସାମ୍ପ୍ରତିକ ସାମୟିକ ପତ୍ରିକା ସହିତ ଉଭୟ ଶିକ୍ଷାଭିତ୍ତିକ ଏବଂ ଅନ୍ୟାନ୍ୟ ପତ୍ରିକାରେ ରଚନା କରିଛନ୍ତି । ତାଙ୍କର ଆଗ୍ରହର କ୍ଷେତ୍ର ଲିଙ୍ଗ, ବିକାଶ, ଜାତି, ସାଂସ୍କୃତିକ, ଦଳିତ ଏବଂ ନିଷ୍ପେଶିତ ଆଦି ଅଧ୍ୟୟନରେ ବିସ୍ତାରିତ |

ପୁରସ୍କାର ଏବଂ ସମ୍ମାନ

• ୨୦୧୨: ଆଲାପୁଳାର ମୋଚିତ ସ୍ତ୍ରୀ ପଦନ କେନ୍ଦ୍ରମରୁ ରାହନା ପୁରସ୍କାର ।
• ଯୁକ୍ତରାଷ୍ଟ୍ର ଆମେରିକା ସରକାରଙ୍କଦ୍ୱାରା ଇନଟରନ୍ୟାସନାଲ ଭିଜିଟର ଲିଡରସିପ ପ୍ରୋଗ୍ରାମ କାର୍ଯ୍ୟକ୍ରମର ଜଣେ ପ୍ରାକ୍ତନ |