ନାଚିକା ଲିଙ୍ଗା
ନାଚିକା ଲିଙ୍ଗା | |
|---|---|
| ନାରାୟଣପାଟଣା | |
| ଜାତୀୟତା | ଭାରତୀୟ |
| Criminal charge(s) | ହତ୍ୟା, ବେଆଇନ ଜମି ଦଖଲ ଓ ଥାନା ଡକାୟତି |
ପୁରସ୍କାର ପରିମାଣ | ୫ ଲକ୍ଷ ଟଙ୍କା |
ଧରାପଡ଼ିବା ସ୍ଥିତି | ପୋଲିସଠାରେ ଆତ୍ମସମର୍ପଣ [୧] |
କାହା ଦ୍ୱାରା ୱାଣ୍ଟେଡ଼ | ଓଡ଼ିଶା ପୋଲିସ |
| କରିଥିବା ହତ୍ୟା | |
| ଅପରାଧର ଶିକାର | ଝିନା ହିକକା (ଲକ୍ଷ୍ମୀପୁରର ବିଧାୟକ) |
କରିଥିବା ହତ୍ୟାର ଅବଧି | ୨୦୦୫– |
| ଦେଶ | ଭାରତ |
| ରାଜ୍ୟ | ଓଡ଼ିଶା |
| ଅବସ୍ଥିତି | ନାରାୟଣପାଟଣା |
ନାଚିକା ଲିଙ୍ଗା ଜଣେ ଆଦିବାସୀ ନେତା । ସେ କୋରାପୁଟର ଚାଷୀ ମୂଲିଆ ଆଦିବାସୀ ସଂଘ (ସିମାସ)ର ସଭାପତି । ଏହାର ନେତୃତ୍ୱ ନେଇ ସେ ନାରାୟଣପାଟଣା ଅଞ୍ଚଳରେ ବେଆଇନ ଜମି ଆବଣ୍ଟନ, ଚୋରା ମଦ ଚାଲାଣ ବିରୋଧରେ ଆନ୍ଦୋଳନ କରିଆସୁଥିଲେ । ସେ ୪ ବର୍ଷ ପୋଲିସ ଆଢ଼ୁଆଳରେ ରହିଆସିଥିଲେ ।[୨] ୨୦୧୪ ମସିହା ଅକ୍ଟୋବର ୨୮ ତାରିଖ ଦିନ ସେ ଭାଲିଆପୁଟ ଗାଁରେ ବର୍ଡ଼ର ସିକୁରିଟି ଫୋର୍ସ (ବିଏସଏଫ)ଦ୍ୱାରା ଏକ କମ୍ବିଙ୍ଗ ଅପରେସନରେ ଗିରଫ ହୋଇଥିଲେ । ୨୦୦୯ ପରଠାରୁ ସେ ପୋଲିସଦ୍ୱାରା "ମୋଷ୍ଟ ୱାଣ୍ଟେଡ଼" ଭାବେ ଗଣା ଯାଉଥିଲେ । ହତ୍ୟା, ଡକାୟତି ଆଦି ବିଭିନ୍ନ ଅପରାଧରେ ସେ ଜଡ଼ିତ ଥିଲେ । ୨୦୦୯ରେ ନାରାୟଣପାଟଣାରେ ତାଙ୍କ ନେତୃତ୍ୱରେ ସିମାସ ଏକ ଗଣ-ଜମି ଦଖଲ ଆନ୍ଦୋଳନ କରି ଅଣ-ଆଦିବାସୀଙ୍କଠାରୁ ୨୦୦୦ ଏକର ଜମି ଦଖଲ କରିଥିଲେ ।[୧]
ଜୀବନୀ
[ସମ୍ପାଦନା]ଚାଷୀମୂଲିଆ ଆଦିବାସୀ ସଂଘ
[ସମ୍ପାଦନା]"ଚାଷୀ ମୂଲିଆ ଆଦିବାସୀ ସଂଘ" ନାରାୟଣପାଟଣାରେ ବେଆଇନ ଜମି ଆବଣ୍ଟନକୁ ବିରୋଧ କରିଆସୁଥିଲା । ୨୦୧୧ ପରଠାରୁ ସେ ଏହାର ନେତୃତ୍ୱ ନେଉଥିଲେ । ଚୋରା ମଦ ଚାଲାଣ ବିରୋଧରେ ସେ ଗଣ-ଆନ୍ଦୋଳନ ଜାରୀ ରଖିଥିଲେ ।
ଅପରାଧ
[ସମ୍ପାଦନା]ଲିଙ୍ଗାଙ୍କ ବିରୋଧରେ ୪୦ଟି ଅପରାଧ ରୁଜୁ ହୋଇଥିଲା । ଏଥି ମଧ୍ୟରେ ୧୦ଟି ହତ୍ୟା, ବେଆଇନ ଜମି ଦଖଲ ଓ କୋରାପୁଟ ଜିଲ୍ଲାର ଅନେକ ଥାନାରେ ଡକାୟତି ଆଦି ଆଇନଗତ ଅପରାଧ ନିମନ୍ତେ ୨୦୦୯ ପରଠାରୁ ସେ ପୋଲିସଦ୍ୱାରା "ମୋଷ୍ଟ ୱାଣ୍ଟେଡ଼" ଭାବେ ଗଣା ଯାଉଥିଲେ । ତାଙ୍କ ଉପରେ ୫ ଲକ୍ଷ ଟଙ୍କାର ମୁଣ୍ଡଜାମିନ ଘୋଷଣା କରାଯାଇଥିଲା ।[୧] ସିମାସଦ୍ୱାରା ନାରାୟଣପାଟଣା ପୋଲିସ ଷ୍ଟେସନ ସମୟରେ ପୋଲିସ ଓ ସିମାସ କର୍ମୀଙ୍କ ମଧ୍ୟରେ ଗୁଳି ବିନିମୟ ହୋଇଥିଲା । ଏଥିରେ ଆଦିବାସୀ କର୍ମୀମାନେ ପୋଲିସ ଗୁଳିରେ ପ୍ରାଣ ହରାଇଥିଲେ। ଲିଙ୍ଗାଙ୍କ ନେତୃତ୍ୱରେ ହୋଇଥିବା ଏହି ଆକ୍ରମଣ ପରେ ତାଙ୍କୁ ପୋଲିସ ପକ୍ଷରୁ "ମୋଷ୍ଟ ୱାଣ୍ଟେଡ଼" ଘୋଷଣା କରାଯାଇଥିଲା ।[୨]
ଗିରଫ
[ସମ୍ପାଦନା]ସେ ପ୍ରଥମେ ୨୦୦୫ରେ ଗିରଫ ହୋଇଥିଲେ । ୨୦୦୭ରେ ଜେଲରୁ ଛାଡ଼ ପାଇବା ପରେ ସେ ପୁଣି ନିଜ କାର୍ଯ୍ୟକଳାପ ଜାରୀ ରଖିଥିଲେ ।[୨] ୨୦୧୪ ପୂର୍ବର କିଛି ବର୍ଷ ଧରି ଲିଙ୍ଗା କିଛି ବାର ସିମାସ ସଭାମାନଙ୍କରେ ଅଂଶଗ୍ରହଣ କରିଥିଲେ । ସେଠାରେ ପୋଲିସ ତାଙ୍କୁ ଧରିବାରେ ବିଫଳ ହୋଇଥିଲା । ୨୦୧୩ ଜାନୁଆରୀ ପରଠାରୁ, ମାଓବାଦୀ ଆନ୍ଦୋଳନର ସହଯୋଗ ହ୍ରାସ ପାଇବାରୁ ସିମାସର ଅନେକ ନେତା ପୋଲିସ ନିକଟରେ ଆତ୍ମସମର୍ପଣ କରିଥିଲେ । କେବଳ ଲିଙ୍ଗା ବାକି ରହିଥିଲେ । ୨୦୧୪ ମାର୍ଚ୍ଚରେ ସେ ଏକ ସ୍ଥାନୀୟ କୋର୍ଟରେ ଆତ୍ମସମର୍ପଣ କରିବେ ବୋଲି ଘୋଷଣା କରି ଆସି ନଥିଲେ । ପଦରପୁର ଅଞ୍ଚଳରେ ତାଙ୍କର ଉପସ୍ଥିତି ବିଷୟରେ ଜାଣି ବିଏସଏଫ ଏକ କମ୍ବିଙ୍ଗ ଅପରେସନ ଆରମ୍ଭ କରିଥିଲେ । ଭାଲିଆପୁଟ ଗାଁରେ ଗାଁଲୋକଙ୍କ ସହ ଆଲୋଚନା କରୁଥିବା ସମୟରେ ବିଏସଏଫ ଯବାନମାନେ ତାଙ୍କୁ ଗିରଫ କରିଥିଲେ ।[୧]
ରାଜନୀତି
[ସମ୍ପାଦନା]୨୦୧୪ ମସିହା ମାର୍ଚ୍ଚ ମାସରେ ଲକ୍ଷ୍ମୀପୁର ନିର୍ବାଚନ ମଣ୍ଡଳୀର ବିଧାୟକ ଝିନ ହିକକାଙ୍କୁ ମାଓବାଦୀମାନେ ପଣବନ୍ଦୀ କରିଥିଲେ । ଓଡ଼ିଶା ସରକାର ବନ୍ଦୀ କରିଥିବା ଚାଷୀ ମୂଲିଆ ଆଦିବାସୀ ସଂଘର ୩୦ ଜଣ ସଦସ୍ୟଙ୍କୁ ମୁକୁଳାଇଲେ ହିକକାଙ୍କୁ ଛଡ଼ାଯିବ ବୋଲି ଲିଙ୍ଗା ଓ ମାଓବାଦୀ ନେତାମାନେ ଦାବୀ କରିଥିଲେ । ଏହାର କାରଣ ୨୦୧୪ ଓଡ଼ିଶା ବିଧାନ ସଭା ନିର୍ବାଚନରେ ସ୍ୱାଧୀନ ପ୍ରାର୍ଥୀ ଭାବେ ଛିଡ଼ା ହେବାର ଯୋଜନା ରହିଥିଲା ବୋଲି ପ୍ରକାଶ ପାଇଥିଲା।[୨][୩]
ଆଧାର
[ସମ୍ପାଦନା]- ↑ ୧.୦ ୧.୧ ୧.୨ ୧.୩ "Nachika Linga Rounded up by BSF Men". ଦି ନିଉ ଇଣ୍ଡିଆନ ଏକ୍ସପ୍ରେସ. ୨୯ ଅକ୍ଟୋବର ୨୦୧୪. Archived from the original on 2014-11-12. Retrieved ୩୧ ଅକ୍ଟୋବର ୨୦୧୪.
{{cite news}}: Check date values in:|accessdate=and|date=(help) - ↑ ୨.୦ ୨.୧ ୨.୨ ୨.୩ ଦାସ, ପ୍ରଫୁଲ୍ଲ (୨୩ ଅକ୍ଟୋବର ୨୦୧୪). "Nachika Linga to appear in public". ହିନ୍ଦୁ. Retrieved ୩୧ ଅକ୍ଟୋବର ୨୦୧୪.
{{cite news}}: Check date values in:|accessdate=and|date=(help) - ↑ ଏସ, ପ୍ରକାଶ (୧୮ ଅପ୍ରେଲ ୨୦୧୨). "ବିଧାୟକ ଅପହରଣ ଏକ ରାଜନୈତିକ ଚାଲ". ଦି ସନ୍ଡେ ଇଣ୍ଡିୟାନ. Retrieved ୩୧ ଅକ୍ଟୋବର ୨୦୧୪.
{{cite news}}: Check date values in:|accessdate=and|date=(help)[permanent dead link]