ରାମଚନ୍ଦ୍ର ନାୟକ
ରାମଚନ୍ଦ୍ର ନାୟକ | |
|---|---|
| ଜନ୍ମ ଓ ଜନ୍ମସ୍ଥାନ | ୨୨ ଜୁନ ୧୯୫୦ ଅତାସାହି, ଘସିପୁରା, କେନ୍ଦୁଝର |
| ବୃତ୍ତି | ଶିକ୍ଷକ |
| ଜାତୀୟତା | ଭାରତୀୟ |
| ନାଗରିକତା |  ଭାରତୀୟ |
| ପୁରସ୍କାର | କେନ୍ଦ୍ର ସାହିତ୍ୟ ଅକାଦେମି ବାଳ ସାହିତ୍ୟ ପୁରସ୍କାର |
| ପିତାମାତା | ଭାଗୀରଥି ନାୟକ , ଚମ୍ପାବତୀ ନାୟକ |
ରାମଚନ୍ଦ୍ର ନାୟକ (ଜନ୍ମ: ୨୨ ଜୁନ ୧୯୫୦) ଜଣେ ଓଡ଼ିଆ ଶିଶୁ ସାହିତ୍ୟିକ । ୨୦୨୦ ମସିହା ପାଇଁ ତାଙ୍କୁ କେନ୍ଦ୍ର ସାହିତ୍ୟ ଅକାଦେମି ବାଳ ସାହିତ୍ୟ ପୁରସ୍କାରରେ ସମ୍ମାନୀତ କରାଯାଇଥିଲା । ବଣ ଦେଉଳରେ ସୁନା ନେଉଳ ପୁସ୍ତକ ପାଇଁ ତାଙ୍କୁ ଏହି ପୁରସ୍କାର ପ୍ରଦାନ କରାଯାଇଥିଲା ।[୧]
ବ୍ୟକ୍ତିଗତ ଜୀବନ
[ସମ୍ପାଦନା]ରାମଚନ୍ଦ୍ର, ୧୯୫୦ ମସିହାରେ କେନ୍ଦୁଝର ଜିଲ୍ଲାର ଘସିପୁରା ବ୍ଲକ ଅନ୍ତର୍ଗତ ଅତାସାହିଠାରେ ଜନ୍ମଗ୍ରହଣ କରିଥିଲେ । ତାଙ୍କ ପିତାଙ୍କ ନାମ ଭାଗିରଥି ନାୟକ ଓ ମାଙ୍କ ନାମ ଚମ୍ପାବତୀ ନାୟକ । ସେ ଥିଲେ ପରିବାରର ଜ୍ୟେଷ୍ଠ ପୁତ୍ର । ସେ ଉତ୍କଳ ବିଶ୍ୱବିଦ୍ୟାଳୟରୁ ଜଗମୋହନ ରାମାୟଣରେ ରାଜଧର୍ମ ଶୀର୍ଷକରେ ଗବେଷଣା କରି ପିଏଚଡ଼ି ହାସଲ କରିଛନ୍ତି । ବୃତ୍ତିରେ ସେ ଜଣେ ଶିକ୍ଷକ ଥିଲେ ଓ ଅବସର ଗ୍ରହଣ କରିସାରିଛନ୍ତି ।[୨]
ରଚନାବଳୀ
[ସମ୍ପାଦନା]ପଞ୍ଚମ ଶ୍ରେଣୀରେ ପଢ଼ିବା ବେଳେ ରାମଚନ୍ଦ୍ରଙ୍କର ସାହିତ୍ୟ ପ୍ରତି ଆଗ୍ରହ ବଢ଼ିଥିଲା । ୧୯୬୦ ମସିହାରୁ ସେ ନିୟମିତ ଲେଖାଲେଖି କରୁଛନ୍ତି । [୩] ତାଙ୍କଦ୍ୱାରା ଲିଖିତ ମା ପରି ମୋର କିଏସେ ହେବ କବିତା ବର୍ତ୍ତମାନ ଦ୍ୱିତୀୟ ଶ୍ରେଣୀର ପାଠ୍ୟକ୍ରମରେ ଏବଂ ତୃତୀୟ ଶ୍ରେଣୀରେ ପାଠ୍ୟକ୍ରମରେ ଟିକି ଫୁଲର ବାସ କବିତା ପଢ଼ାଯାଉଛି ।
ରଚନାବଳୀ
[ସମ୍ପାଦନା]ଶିଶୁ ଗପ
[ସମ୍ପାଦନା]- ବଣ ଦେଉଳରେ ସୁନା ନେଉଳ
- କଣ୍ଢେଇ ଖେଳ
- ଶୋଲା ବାଲା
- ଆମ ଦେଶର ଜାତୀୟ ପ୍ରତୀକ
- ପିଲାଙ୍କ ବଣଭୋଜି
- ଆସ ଖୋଲିଦେବା ଗପର ପେଡ଼ି
ଶିଶୁ କବିତା
[ସମ୍ପାଦନା]- ମା ପରି ମୋର କିଏସେ ହେବ
- ଚାଇଁ ଚେରିକି
- କେମିତି ଲାଗିବ କୁହ
- ଟିକି ଫୁଲର ବାସ
- ଟିକିକୁ ନକର ହେଳା
- ମହିମା ଧର୍ମର ଆଦିସିଦ୍ଧ ଗୋବିନ୍ଦ ବାବା
- ଓଡ଼ିଶାର ଶୈବ ପରମ୍ପରାରେ କୁଶଳେଶ୍ୱର ମନ୍ଦିର[୪]
ପ୍ରବନ୍ଧ
[ସମ୍ପାଦନା]- ଶ୍ରୀକ୍ଷେତ୍ରେ ଶ୍ରୀ ଜଗନ୍ନାଥ
ସମ୍ମାନ ଓ ପୁରସ୍କାର
[ସମ୍ପାଦନା]- କେନ୍ଦ୍ର ସାହିତ୍ୟ ଅକାଦେମି ବାଳ ସାହିତ୍ୟ ପୁରସ୍କାର - ୨୦୨୦
- ପ୍ରଜାତନ୍ତ୍ର ବିଷୁବ ମିଳନ ମୀନାବଜାର ପୁରସ୍କାର - ୨୦୧୩
- ଓଡ଼ିଶା ଶିଶୁ ସାହିତ୍ୟ ସମିତୀ ପୁରସ୍କାର - ୨୦୧୬
- ଶ୍ରୀକ୍ଷେତ୍ର ଶିଶୁ ସାହିତ୍ୟ ସମ୍ମାନ
- ଭୂମିପୁତ୍ର ( ଉତ୍ତର ଓଡ଼ିଶା ବିଶ୍ୱବିଦ୍ୟାଳୟ )
- ରାଜ୍ୟପାଳ ପୁରସ୍କାର (ଶ୍ରେଷ୍ଠ ଶିକ୍ଷକ) - ୧୯୯୫
ଆଧାର
[ସମ୍ପାଦନା]- ↑ "Two litterateurs to get Akademi awards". www.timesofindia.indiatimes.com. The Times of India. Archived from the original on 16 November 2021. Retrieved 16 November 2021.
- ↑ "ଶିଶୁ ସାହିତ୍ୟିକ ଡ. ରାମଚନ୍ଦ୍ର ନାୟକଙ୍କୁ କେନ୍ଦ୍ର ସାହିତ୍ୟ ଏକାଡେମୀର ବାଲ୍ ସାହିତ୍ୟ ପୁରସ୍କାର". www.nandighoshatv.com. ନନ୍ଦିଘୋଷ ଟିଭି. Archived from the original on 16 November 2021. Retrieved 16 November 2021.
- ↑ "କବିତାରୁ ଆରମ୍ଭ ହୋଇଥିଲା ମୋ ସାରସ୍ବତ ଯାତ୍ରା: ରାମଚନ୍ଦ୍ର ନାୟକ". www.sambad.in. ଇଷ୍ଟର୍ଣ୍ଣ ମିଡ଼ିଆ. Archived from the original on 16 November 2021. Retrieved 16 November 2021.
- ↑ "ବଣ ଦେଉଳରେ ସୁନା ନେଉଳ ପାଇଁ ରାମଚନ୍ଦ୍ର ନାୟକଙ୍କୁ 'ବାଲ୍ ସାହିତ୍ୟ ପୁରସ୍କାର'". www.theratnagiri.com/. ରତ୍ନଗିରି. Archived from the original on 16 November 2021. Retrieved 16 November 2021.