ରବୀନ୍ଦ୍ର କୁମାର ପ୍ରହରାଜ

ଉଇକିପିଡ଼ିଆ ରୁ
Jump to navigation Jump to search
ରବୀନ୍ଦ୍ର କୁମାର ପ୍ରହରାଜ
ଜନ୍ମ ଓ ଜନ୍ମସ୍ଥାନ
ରବୀନ୍ଦ୍ର କୁମାର ପ୍ରହରାଜ

୨୯ ନଭେମ୍ବର ୧୯୩୮ (1938-11-29) (୮୦ ବର୍ଷ)
ଜାତୀୟତା  ଭାରତୀୟ
ଶିକ୍ଷା ବି.ଏଡ୍, ପି.ଏଚ.ଡି(ଓଡ଼ିଆ)
ଶିକ୍ଷାନୁଷ୍ଠାନ ଉତ୍କଳ ବିଶ୍ୱବିଦ୍ୟାଳୟ
ଜୀବିକା ଶିକ୍ଷକତା
ପ୍ରସିଦ୍ଧି ଥିଲା ଘରର ଗେହ୍ଲାପୁଅ
ବାପା ବୋଉ ଗୁଣନିଧି ପ୍ରହରାଜ, ରଙ୍ଗଲତା ଦେବୀ
ପୁରସ୍କାର କେନ୍ଦ୍ର ସାହିତ୍ୟ ଅକାଦେମୀ ପୁରସ୍କାର ୨୦୧୫

ରବୀନ୍ଦ୍ର କୁମାର ପ୍ରହରାଜ, ଜଣେ ଓଡ଼ିଆ ସାହିତ୍ୟିକ ।[୧] ଅନୁବାଦ ସାହିତ୍ୟ ପାଇଁ ସେ ବିଶେଷ ଭାବରେ ପରିଚିତ ।

ରବୀନ୍ଦ୍ର କୁମାର ପ୍ରହରାଜ, ୧୯୩୮ ମସିହା ନଭେମ୍ବର ୨୯ ତାରିଖରେ, ଜଗତସିଂହପୁର ଜିଲ୍ଲାର ତିର୍ତ୍ତୋଲ ବ୍ଳକ ଅନ୍ତର୍ଗତ ବିଧାନପୁର ଗ୍ରାମରେ ଜନ୍ମଗ୍ରହଣ କରିଥିଲେ ।[୨] ତାଙ୍କ ପିତାଙ୍କ ନାମ ଗୁଣନିଧି ପ୍ରହରାଜ ଓ ମାତାଙ୍କ ନାମ ରଙ୍ଗଲତା ଦେବୀ । ଓଡ଼ିଆରେ ସେ ସ୍ନାତ୍ତକ ଓ ବି.ଏଡ୍ କରିବା ପରେ ଉତ୍କଳ ବିଶ୍ୱବିଦ୍ୟାଳୟରୁ ପି.ଏଚ.ଡି ହାସଲ କରିଛନ୍ତି । ଶିକ୍ଷକ ବୃତ୍ତିକୁ ଆବୋରୀଥିବା ରବୀନ୍ଦ୍ର କୁମାର ବିଭିନ୍ନ ବିଦ୍ୟାଳୟ ଓ ମହାବିଦ୍ୟାଳୟରେ ଶିକ୍ଷାଦାନ କରି ୧୯୯୬ମସିହାରେ ସେବାନିବୃତ ହୋଇଛନ୍ତି । ସାହିତ୍ୟ ଓ ଶିକ୍ଷକତା ବ୍ୟତିତ, ରବୀନ୍ଦ୍ର କୁମାରଙ୍କର ଗୀତ ଗାଇବା, ବାଦ୍ୟଯନ୍ତ୍ର ବଜେଇବା, ସଙ୍ଗୀତ ଓ ନାଟକ ନିର୍ଦ୍ଦେଶନାରେ ମଧ୍ୟ ରୂଚି ରହିଛି । [୩]

ଓଡ଼ିଆ ସାହିତ୍ୟକୁ ଅବଦାନ[ସମ୍ପାଦନା]

୧୯୬୪ ମସିହାରୁ ପ୍ରବନ୍ଧ ଲେଖି ଆସୁଥିବା ରବୀନ୍ଦ୍ରଙ୍କର ଏଯାବତ ୨୦୦ରୁ ଉର୍ଦ୍ଧ ପ୍ରବନ୍ଧ ବିଭିନ୍ନ ପତ୍ରପତ୍ରିକାରେ ପ୍ରକାଶିତ ହୋଇସାରିଛି । ସେ ୧୯୮୯ ମସିହାରୁ ଅନୁବାଦ ସାହିତ୍ୟରେ ପ୍ରବେଶ କରିଥିଲେ ଓ ଏ ପର୍ଯ୍ୟନ୍ତ ତାଙ୍କର ୧୪ଟି ଅନୁବାଦ ଗ୍ରନ୍ଥ ପ୍ରକାଶିତ ହୋଇସାରିଛି ଓ ଆଉ ୫ଟି ପ୍ରକାଶ ଅପେକ୍ଷାରେ ଅଛି । ସର୍ବମୋଟ ତାଙ୍କର ୩୬ଟି ପୁସ୍ତକ ପ୍ରକାଶିତ ହୋଇସାରିଛି ।[୪] ତାଙ୍କର ପ୍ରଥମ ପ୍ରବନ୍ଧ ଥିଲା 'ସାରଳା ସାହିତ୍ୟରେ ଉତ୍କଳୀୟତା' ଓ ପ୍ରଥମ କବିତା ଥିଲା 'କବି ସମ୍ରାଟ' । ମୁଖ୍ୟତଃ ଇଂରାଜୀବଙ୍ଗଳା ଭାଷାର ପୁସ୍ତକ ଗୁଡିକୁ ଅନୁବାଦ କରୁଥିବା ରବୀନ୍ଦ୍ର, ଆଗାମୀ ଦିନରେ ହିନ୍ଦୀସଂସ୍କୃତ ଭାଷାର ପୁସ୍ତକ ଅନୁବାଦ କରିବାର ଲକ୍ଷ ରଖିଛନ୍ତି । ୧୯୯୬ରେ ଅବସର ଗ୍ରହଣ କରିବା ପରେ, ସେ ଲେଖାଲେଖିରେ ସମ୍ପୂର୍ଣ୍ଣ ନିମଗ୍ନ ଅଛନ୍ତି ।

ରବୀନ୍ଦ୍ର କୁମାରଙ୍କ ଅନୁବାଦ ପୁସ୍ତକ 'ଥିଲା ଘରର ଗେହ୍ଲାପୁଅ' ୨୦୧୫ ମସିହାର କେନ୍ଦ୍ର ସାହିତ୍ୟ ଅକାଦେମୀ ପୁରସ୍କାର ପାଇଁ ମନୋନୀତ ହୋଇଛି । ଏହି ପୁସ୍ତକଟି ଟେକଚାନ୍ଦ ଠାକୁରଙ୍କ ବଙ୍ଗଳା ପୁସ୍ତକ 'ଆଲାଲେର ଘରେର ଦୁଲାଲ'(୧୮୫୭ରେ ଲିଖିତ)ର ଓଡ଼ିଆ ଅନୁବାଦ ।[୫] ଏହି ପୁସ୍ତକଟିକୁ ଲେଖିବା ପାଇଁ, ରବୀନ୍ଦ୍ରଙ୍କୁ ୮ମାସ ସମୟ ଲାଗିଥିଲା ଓ ଏହା ୨୦୧୧ରେ ପ୍ରକାଶିତ ହୋଇଥିଲା । ୧୭୮ ପୃଷ୍ଠା ବିଶିଷ୍ଟ ଏହି ପୁସ୍ତକରେ ବଙ୍ଗଳା ଗ୍ରାମାଞ୍ଚଳ ବିଷୟରେ ଲେଖାଯାଇଛି ।

ଅନୁବାଦ ପୁସ୍ତକ[ସମ୍ପାଦନା]

  • ବେମନା( ଭି.ଆର୍. ନାରଳା)
  • ଚଣ୍ଡୀଦାସ( ସୁକୁମାର ସେନ)[୬]
  • ଆମ୍ବେଦକର ବାଣୀ ଓ ରଚନା
  • ବିଶ୍ୱ ପ୍ରସିଦ୍ଧ ଗଳ୍ପମାଳା
  • ଟମାସ୍ ହାର୍ଡିଙ୍କ ଗଳ୍ପ ସମ୍ଭାର
  • ପ୍ରାଚୀନ ସାହିତ୍ୟ(ରବୀନ୍ଦ୍ର ନାଥ ଠାକୁର)
  • ଭାରତ ଆମକୁ କଣ ଶିଖାଇପାରେ(ମ୍ୟାକ୍ସ ମୁଲାର)
  • ଥିଲା ଘରର ଗେହ୍ଲାପୁଅ(ଟେକଚାନ୍ଦ ଠାକୁର)

ଅନ୍ୟାନ୍ୟ ପୁସ୍ତକ[ସମ୍ପାଦନା]

  • ଗୋଦାବରୀଶ ମିଶ୍ର (ପ୍ରବନ୍ଧ)[୭]

ପୁରସ୍କାର ଓ ସମ୍ମାନ[ସମ୍ପାଦନା]

  • ଓଡ଼ିଶା ସାହିତ୍ୟ ଏକାଡେମୀ ତରଫରୁ ସାରସ୍ୱତ ସମ୍ବର୍ଦ୍ଧନା - ୨୦୦୬[୮]
  • ମକର ମିଳନ ମହୋତ୍ସବ ତରଫରୁ ସମ୍ବର୍ଦ୍ଧନା
  • ପୂଜ୍ୟପୂଜା ସଂସଦ ତରଫରୁ ସମ୍ବର୍ଦ୍ଧନା
  • ପୁନର୍ନବା ସାହିତ୍ୟ ସଂସଦ ତରଫରୁ ସମ୍ବର୍ଦ୍ଧନା
  • କେନ୍ଦ୍ର ସାହିତ୍ୟ ଅକାଦେମୀ ପୁରସ୍କାର ୨୦୧୫('ଥିଲା ଘରର ଗେହ୍ଲାପୁଅ' ପାଇଁ)[୯]

ଆଧାର[ସମ୍ପାଦନା]

  1. Jagannath Mohanty; Sudhansu Mohanty (1 January 2006). In Quest of Quality Education and Literature: An Autobiography. Deep & Deep Publications. pp. 211–. ISBN 978-81-7629-764-6. 
  2. Orissa reference: glimpses of Orissa. TechnoCAD Systems. 2001. 
  3. ସମ୍ବାଦ ୧୦/୦୩/୨୦୧୫ ପୃଷ୍ଠା ୧୫
  4. http://www.odishatv.in/kendra-sahitya-akademi-award-for-odia-writer-rabindra-praharaj/
  5. http://www.orissadiary.com/ShowOriyaOrbit.asp?id=57873
  6. Sukumar Sen (1 January 1996). Chandidas. Sahitya Akademi Publications. ISBN 978-81-7201-919-8. 
  7. D. S. Rao (1 January 2004). Five Decades: The National Academy of Letters, India : a Short History of Sahitya Akademi. Sahitya Akademi. pp. 123–. ISBN 978-81-260-2060-7. 
  8. http://www.thehindu.com/todays-paper/tp-national/tp-otherstates/sahitya-akademi-awards-presented/article1900669.ece
  9. ଧରିତ୍ରୀ ୧୦/୦୩/୨୦୧୫ ପୃଷ୍ଠା ୧୧