ଭୂମିକା ଚାୱଲା
ଭୂମିକା ଚାୱଲା | |
|---|---|
.jpg) ୬୦ତମ ଦକ୍ଷିଣଭାରତୀୟ ଚଳଚ୍ଚିତ୍ର ପୁରସ୍କାର ଉତ୍ସବରେ ଭୂମିକା | |
| ଜନ୍ମ | ରଚନା ଚାୱଲା ୨୧ ଅଗଷ୍ଟ ୧୯୭୮[୧] ନୂଆ ଦିଲ୍ଲୀ, ଭାରତ[୧] |
| ଅନ୍ୟ ନାମ | ରଚନା ଚାୱଲା (ଜନ୍ମନାମ) ଗୁଡ଼ିଆ (ଡାକନାମ) |
| ବୃତ୍ତି | ଅଭିନେତ୍ରୀ |
| ସକ୍ରିୟ ବର୍ଷ | ୨୦୦୦- ଏବେଯାଏଁ |
| ବୈବାହିକ-ସାଥୀ |
ଭରତ ଠାକୁର (m. ୨୦୦୭) |
ଭୂମିକା ଚାୱଲା (ଜନ୍ମ: ୨୧ ଅଗଷ୍ଟ ୧୯୭୮)[୧] ଜଣେ ଭାରତୀୟ କଥାଚିତ୍ର ଅଭିନେତ୍ରୀ ଏବଂ ପୂର୍ବତନ ମଡେଲ । ୨୦୦୦ ମସିହାରେ ଭୂମିକା ତେଲୁଗୁ ଚଳଚ୍ଚିତ୍ର ଯୁବାକୁଡ଼ୁ ଜରିଆରେ ପ୍ରଥମ ଅଭିନୟ ଆରମ୍ଭ କରିଥିଲେ । ଭୂମିକା ତେଲୁଗୁ ଚଳଚ୍ଚିତ୍ର ବ୍ୟତୀତ ତାମିଲ, ହିନ୍ଦୀ, ମାଲାୟଲମ୍, କନ୍ନଡ଼, ଭୋଜପୁରୀ ଏବଂ ପଞ୍ଜାବୀ ଭାଷାର ଚଳଚ୍ଚିତ୍ରରେ ଅଭିନୟ କରିଛନ୍ତି । ଭୂମିକାଙ୍କ ଅଭିନୀତ ସଫଳତମ ଚଳଚ୍ଚିତ୍ରଗୁଡ଼ିକ ହେଲା: ଖୁସି (ତେଲୁଗୁ), ଓକ୍କୁଡ଼ୁ, ତେରେ ନାମ୍, ମିସ୍ସାମ୍ମା, ଗାନ୍ଧୀ- ମାଇଁ ଫାଦର, ବୁଡ୍ଦି ଏବଂ ଅନସୁୟା ।
ପ୍ରାରମ୍ଭିକ ଜୀବନ ଏବଂ ପରିବାର
[ସମ୍ପାଦନା]ଭୂମିକା ୨୧ ଅଗଷ୍ଟ ୧୯୭୮ରେ ନୂଆ ଦୀଲ୍ଲିରେ ଏକ ପଞ୍ଜାବୀ ପରିବାରରେ ଜନ୍ମଗ୍ରହଣ କରିଥିଲେ । ଭୂମିକା ତାଙ୍କର ବିଦ୍ୟାଳୟ ଶିକ୍ଷା ନୂଆ ଦିଲ୍ଲୀରୁ ଶେଷ କରିଥିଲେ । ତାଙ୍କର ପିତା ଜଣେ ସେନା ଅଧିକାରୀ ଥିଲେ । ଭୂମିକାଙ୍କର ଗୋଟିଏ ବଡ଼ ଭାଇ ଗୋଟିଏ ବଡ଼ ଭଉଣୀ ଅଛନ୍ତି । ଭୂମିକା ୧୯୯୭ରେ ମୁମ୍ବାଇ ଯାଇଥିଲେ ଏବଂ ସେଠରେ କିଛି ବିଜ୍ଞାପନ ସହ କିଛି ଆଲବମ୍ ଗୀତରେ ଅଭିନୟ କରିଥିଲେ । ସେ ଜୀ ଟିଭିରେ ପ୍ରସାରିତ କାର୍ଯ୍ୟକ୍ରମ ହିପ୍ ହିପ୍ ହୁରେରେ ଭୂମିକାରେ ଅଭିନୟ କରିଥିଲେ ।
ଭୂମିକା ୨୦୦୭ରେ ତାଙ୍କର ଦୀର୍ଘଦିନର ପୁରୁଷ ବନ୍ଧୁ ଭରତ ଠାକୁରଙ୍କୁ ୨୧ ଅକ୍ଟୋବର ୨୦୦୭ରେ ନାସିକ୍ର ଏକ ଗୁରୁଦ୍ୱାରରେ ବିବାହ କରିଥିଲେ । ଭରତ ଜଣେ ଯୋଗ ପ୍ରଶିକ୍ଷକ ।[୨] ଭୂମିକା ଭରତଙ୍କର ଯୋଗ ପ୍ରଶିକ୍ଷଣ କେନ୍ଦ୍ରକୁ ନିୟମିତ ଭାବରେ ଯୋଗ ଶିକ୍ଷା ପାଇଁ ଯାଉଥିଲେ ଏବଂ ସେଠାରେ ଉଭୟଙ୍କ ମଧ୍ୟରେ ସମ୍ପର୍କ ଗଢ଼ି ଉଠିଥିଲା ଏବଂ ବିବାହ ପୂର୍ବରୁ ୪ବର୍ଷର ସମ୍ପର୍କ ଥିଲା ।[୩] ଦୁଇ ଦମ୍ପତିଙ୍କର ୨୦୧୪ ଫେବୃଆରୀରେ ଏକ ପୁତ୍ର ସନ୍ତାନ ଜନ୍ମ ହୋଇଥିଲା ।[୪][୫]
ଅଭିନୟ ଜୀବନ
[ସମ୍ପାଦନା]୧୯୯୭ରେ ମୁମ୍ବାଇ ଆସିବା ପରେ ଭୂମିକାଙ୍କୁ ୨୦୦୦ ମସିହାରେ ତେଲୁଗୁ କଥାଚିତ୍ର ଜଗତରେ ଅଭିନୟ କରିବାର ପ୍ରଥମ ସୁଯୋଗ ପାଇଥିଲେ । ଭୂମିକାଙ୍କ ପ୍ରଥମ ତେଲୁଗୁ ଚଳଚ୍ଚିତ୍ର ଥିଲା ଯୁବାକୁଡ଼ୁ । ଏହା ପରେ ସେ ଅଭିନେତା ପବନ କଲ୍ୟାଣଙ୍କ ସହ ୨୦୦୧ରେ ଭୂମିକା ଖୁସି ଚଳଚ୍ଚିତ୍ରରେ ଅଭିନୟ କରିଥିଲେ । ଏହି ଚଳଚ୍ଚିତ୍ରଟି ଉତ୍ତମ ବ୍ୟବସାୟ କରିବା ସହ ଭୂମିକା ଦକ୍ଷିଣ ଭାରତୀୟ ଫିଲ୍ମଫେୟାରରେ ଶ୍ରେଷ୍ଠ ଅଭିନେତ୍ରୀ ପୁରସ୍କାର ପାଇଥିଲେ । ଏହି ଚଳଚ୍ଚିତ୍ରଟି ହିନ୍ଦୀ ଭାଷାରେ ପୁନଃନିର୍ମାଣ ହୋଇଥିଲା । ଭୂମିକାଙ୍କ ଅଭିନୀତ କିଛି ସଫଳ ତେଲୁଗୁ ଚଳଚ୍ଚିତ୍ର ଗୁଡ଼ିକ ହେଲା: ମହେଶ ବାବୁଙ୍କ ସହ ଓକ୍କୁଡ଼ୁ, ଜୁନିଅର ଏନ୍.ଟି.ଆର୍ଙ୍କ ସହ ସିମାଦ୍ରୀ । ଏହି ଚଳଚ୍ଚିତ୍ର ଦୁଇଟି ସେହି ବର୍ଷର ସର୍ବାଧିକ ଆୟକାରୀ ତେଲୁଗୁ ଚଳଚ୍ଚିତ୍ର ଥିଲା ।[୬]
ତେଲୁଗୁ ଚଳଚ୍ଚିତ୍ର ସହ ଭୂମିକ ମଧ୍ୟ ତାମିଲ ଚଳଚ୍ଚିତ୍ରରେ ଅଭିନୟ କରିଥିଲେ । ଅଭିନେତା ବିଜୟଙ୍କ ସହ ଭୂମିକା ବଦ୍ରୀ ଏବଂ ରୋଜା କୂଟମ୍ ଭଳି ତାମିଲ ଚଳଚ୍ଚିତ୍ରରେ ଅଭିନୟ କରିଥିଲେ । ସଫଳ ତେଲୁଗୁ ଚଳଚ୍ଚିତ୍ର ପରେ ଭୂମିକା ୨୦୦୩ରେ ଅଭିନେତା ସଲମାନ ଖାଁଙ୍କ ସହ ତେରେ ନାମ୍ ଚଳଚ୍ଚିତ୍ର ଜରିଆରେ ହିନ୍ଦୀ କଥାଚିତ୍ର ଜଗତରେ ଅଭିନୟ ଆରମ୍ଭ କରିଥିଲେ । ଏହି ଚଳଚ୍ଚିତ୍ର ପାଇଁ ଭୂମିକା ଫିଲ୍ମଫେୟାରର ଶ୍ରେଷ୍ଠ ଅଭିନେତ୍ରୀ ପାଇଁ ମନୋନୀତ ହୋଇଥିଲେ ଏବଂ ଜୀ ସିନେ ଆୱାର୍ଡ଼ସ୍ରେ ଶ୍ରେଷ୍ଠ ନବାଗତା ପୁରସ୍କାର ପାଇଥିଲେ ।[୭] ଭୂମିକା ତେଲୁଗୁ, ତାମିଲ ଏବଂ ହିନ୍ଦୀ ବ୍ୟତୀତ ପଞ୍ଜାବୀ, ମାଲାୟଲମ୍, କନ୍ନଡ଼ ଏବଂ ଭୋଜପୁରୀ ଚଳଚ୍ଚିତ୍ରରେ ଅଭିନୟ କରିଥିଲେ ।
ଅଭିନୀତ କଥାଚିତ୍ର
[ସମ୍ପାଦନା]- ୨୦୦୦: ଯୁବାକୁଡ଼ୁ (ତେଲୁଗୁ)
- ୨୦୦୧: ବଦ୍ରୀ (ତାମିଲ)
- ୨୦୦୧: ଖୁସି (ତେଲୁଗୁ)
- ୨୦୦୧: ସ୍ନେହମନ୍ତେ ଇଦେରା
- ୨୦୦୨: ରୋଜା କୂଟ୍ଟମ୍ (ତାମିଲ)
- ୨୦୦୨: ବାସୁ (ତେଲୁଗୁ)
- ୨୦୦୩: ଓକ୍କୁଡ଼ୁ (ତେଲୁଗୁ)
- ୨୦୦୩: ମିସାମ୍ମା (ତେଲୁଗୁ)
- ୨୦୦୩: ସୀମାଃଦ୍ରୀ (ତେଲୁଗୁ)
- ୨୦୦୩: ତେରେ ନାମ୍ (ହିନ୍ଦୀ)
- ୨୦୦୩: ଆଦାନ୍ତେ ଆଦୋ ଟାଇପ୍ (ତେଲୁଗୁ)
- ୨୦୦୪: ରନ୍ (ହିନ୍ଦୀ)
- ୨୦୦୪: ଶାମ୍ବା (ତେଲୁଗୁ)
- ୨୦୦୪: ନା ଅଟୋଗ୍ରାଫ୍ (ତେଲୁଗୁ)
- ୨୦୦୪: ଦିଲ୍ନେ ଜିସେ ଅପ୍ନା କାହା (ହିନ୍ଦୀ)
- ୨୦୦୫: ସିଲ୍ସିଲେ (ହିନ୍ଦୀ)
- ୨୦୦୫: ଦିଲ୍ ଯୋ ଭି କହେ (ହିନ୍ଦୀ)
- ୨୦୦୫: ଜୟ ଚିରଞ୍ଜିବୀ (ତେଲୁଗୁ)
- ୨୦୦୬: ସିଲ୍ଲୁନୁ ଓରୁ କାଦ୍ଧାଲ୍ (ତାମିଲ)
- ୨୦୦୬: ଫେମିଲି (ହିନ୍ଦୀ)
- ୨୦୦୬: ମାୟାବଜାର (ତେଲୁଗୁ)
- ୨୦୦୭: ଗନ୍ଧୀ- ମାଇଁ ଫାଦର୍ (ହିନ୍ଦୀ)
- ୨୦୦୭: ସତ୍ୟଭାମା (ତେଲୁଗୁ)
- ୨୦୦୭: ଗଙ୍ଗୋତ୍ରୀ (ଭୋଜପୁରୀ)
- ୨୦୦୭: ଅନସୂୟା (ତେଲୁଗୁ)
- ୨୦୦୮: ସ୍ୱାଗତମ୍ (ତେଲୁଗୁ)
- ୨୦୦୮: ମେଲ୍ଲେପୁଭୁ (ତେଲୁଗୁ)
- ୨୦୦୮: ୟାରିଆଁ (ପଞ୍ଜାବୀ)
- ୨୦୦୯: ଭ୍ରମଣମ୍ (ମାଲାୟଲମ୍)
- ୨୦୦୯: ନା ଷ୍ଟାଇଲ୍ ବେରୁ (ତେଲୁଗୁ)
- ୨୦୦୯: ଅମରବତୀ (ତେଲୁଗୁ)
- ୨୦୧୦: ୟଗମ୍ (ତେଲୁଗୁ)
- ୨୦୧୦: ଥକିତା ଥକିତା (ତେଲୁଗୁ)
- ୨୦୧୦: କଲେକ୍ଟର ଗାରୀ ଭାର୍ଯ୍ୟା (ତେଲୁଗୁ)
- ୨୦୧୧: ସିରୁତାଇ (ତାମିଲ)
- ୨୦୧୧: କଳାବାଦିଆ ପଝୁତୁଗାଲ (ତାମିଲ)
- ୨୦୧୨: ଗଡ୍ ଫାଦର୍ (କନ୍ନଡ଼)
- ୨୦୧୩: ବୁଡ୍ଡି (ମାଲାୟଲମ୍)
- ୨୦୧୩: ଚିଠିରାୟିଲି ନିଲ୍ଲାଚୋରୁ (ତାମିଲ)
- ୨୦୧୪: ଲଡ୍ଡୁ ବାବୁ (ତେଲୁଗୁ)
- ୨୦୧୪: ଏପ୍ରିଲ ଫୁଲ୍ (ତେଲୁଗୁ)
- ୨୦୧୫: ଲଭ୍ ୟୁ ଆଲିଆ (କନ୍ନଡ଼)
- ୨୦୧୬: ଲଭ୍ ୟୁ ଆଲିଆ (ହିନ୍ଦୀ)
- ୨୦୧୬: ମହେନ୍ଦ୍ର ସିଂ ଧୋନି- ଦ ଅନ୍ଟୋଲ୍ଡ ଷ୍ଟୋରୀ (ହିନ୍ଦୀ)
ଆଧାର
[ସମ୍ପାଦନା]- ↑ ୧.୦ ୧.୧ ୧.୨ "About Me". Bhumika Chawla. 2015. Archived from the original on 25 March 2015. Retrieved 23 April 2017.
- ↑ "Bhumika Chawla weds yoga guru Bharat". Screenindia.com. Archived from the original on 24 January 2009. Retrieved 23 April 2017.
- ↑ "Bhumika weds Bharath on Oct 25 th". Oneindia. Archived from the original on 2012-07-08. Retrieved 2009-08-06.
- ↑ "Bhumika delivered a baby boy - Bhumika Chawla- Laddu Babu- Allari Naresh- Ravi Babu- Misama- Khushi - Cinemalead.com -". Archived from the original on 2014-03-03. Retrieved 2017-04-23.
- ↑ iQlik Movies. "Actress Bhumika Chawla blessed with a baby boy". iQlikmovies.
- ↑ "Telugu mid-year report". The Hindu. Archived from the original on 6 May 2011. Retrieved 23 April 2017.
- ↑ "Nominees for the 49th Manikchand Filmfare Awards 2003". The Times Of India. March 2008. Archived from the original on 2012-07-12. Retrieved 2017-04-23.
ଅଧିକ ତଥ୍ୟ
[ସମ୍ପାଦନା]- ଇଣ୍ଟରନେଟ ମୁଭି ଡାଟାବେସରେ ଭୂମିକା ଚାୱଲା