ବୁଲା ଚୌଧୁରୀ
ବୁଲା ଚୌଧୁରୀ (ଜନ୍ମ ୧୯୭୦ , ହୁଗୁଳି , ଭାରତ ) ଜଣେ ଭାରତୀୟ ସନ୍ତରଣକାରିଣୀ । ବିଭିନ୍ନ ଜାତୀୟ ଓ ଆନ୍ତର୍ଜାତୀୟ ପ୍ରତିଯୋଗୀତା ରେ ଅନେକ ପଦକ ହାସଲ କରିଥିବା ବୁଲା , ଭାରତ ସରକାର ଙ୍କ ଦ୍ଵାରା ଅର୍ଜୁନ ପୁରସ୍କାର ସହ ପଦ୍ମଶ୍ରୀ ପୁରସ୍କାର ମଧ୍ୟ ପାଇଛନ୍ତି । ସେ ୨୦୧୬ ମସିହା ନିର୍ବାଚନ ରେ ପଶ୍ଚିମ ବଙ୍ଗ ରାଜ୍ୟ ରେ ଜଣେ ବିଧୟିକା ଭାବରେ ନିର୍ବାଚିତ ହେଇଛନ୍ତି । [୧]
ସନ୍ତରଣ ଜୀବନୀ
ମାତ୍ର ୯ ବର୍ଷ ବୟସ ରେ ସେ ଜାତୀୟ ଜୁନିଅର ସନ୍ତରଣ ପ୍ରତିଯୋଗୀତା ରେ ସମ୍ପୂର୍ଣ ପ୍ରାଧାନ୍ୟ ବିସ୍ତାର କରି ୬ ଟି ଭିନ୍ନ ପ୍ରକାର ସନ୍ତରଣ ରେ ୬ ଟି ସ୍ଵର୍ଣ ପଦକ ହାସଲ କରିଥିଲେ । ତାହା ପରେ ସେ ଆହୁରି ଉନ୍ନତି କରି ବିଭିନ୍ନ ଜାତୀୟ ଜୁନିଅର ଓ ପରେ ସିନିଯର ସନ୍ତରଣ ପ୍ରତିଯୋଗୀତା ରେ ଅନେକ ଥର ଚମ୍ପିୟାନ ହେବା ସହ ଅନେକ ପୁରସ୍କାର ପ୍ରାପ୍ତ ହେଇଥିଲେ । ୧୯୯୧ ମସିହା ଦକ୍ଷିଣ ଏସିଆ ଫେଡେରେସନ ଗେମ ରେ ଭାରତ ପାଇଁ ସେ ୬ ଟି ସ୍ଵର୍ଣ ପଦକ ଜିତି ଥିଲେ ।
୧୯୮୯ ମସିହା ରୁ ସେ ଦୀର୍ଘପଥ ସନ୍ତରଣ ଅଭ୍ୟାସ କରି ସେହି ବର୍ଷ ହିଁ ଇଙ୍ଗ୍ଲିଶ ଚାନେଲ ଅତିକ୍ରମ କରିବାର ଗୌରବ ହାସଲ କରିଥିଲେ । ସେ ମୁର୍ଶିଦାବାଦ ଦୀର୍ଘପଥ ସନ୍ତରଣ ପ୍ରତିଯୋଗୀତା ରେ ୮୧ କିଲୋମିଟର ସନ୍ତରଣ କରି ୧୯୯୬ ରେ ଏହି ପ୍ରତିଯୋଗୀତା ବିଜୟିନୀ ହେଇଥିଲେ । ୧୯୯୯ ରେ ପୁନର୍ବାର ଇଙ୍ଗ୍ଲିଶ ଚାନେଲ ରେ ସନ୍ତରଣ କରିବା ସହ ୨୦୦୫ ମସିହା ସୁଦ୍ଧା ସେ ବିଶ୍ଵର ସମସ୍ତ ୫ ଟି ମହାଦେଶ ରେ ଥିବା ଚାନେଲ ଯଥା ଜିବ୍ରାଲ୍ଟର ଷ୍ଟ୍ରେଟ , ଟାଇହେନିଆନ ଷ୍ଟ୍ରେଟ , କୂକ ଷ୍ଟ୍ରେଟ ତୋଟୋନିଓ ପ୍ରଣାଳୀ , କାଟାଲିନା ଚାନେଲ ଇତ୍ୟାଦି ରେ ସନ୍ତରଣ କରି ସାରିଥିଲେ । ବୁଲା ଚୌଧୁରୀ ବର୍ତମାନ କଲିକତା ଠାରେ ଏକ ସନ୍ତରଣ ଏକାଡେମି ସ୍ଥାପନ କରିବା ପ୍ରଚେଷ୍ଟା ରେ ରହିଛନ୍ତି ।
ପୁରସ୍କାର ଓ ସମ୍ମାନ
- ବୁଲା ବିଶ୍ଵ ର ସାତଟି ଯାକ ମହାସାଗର ରେ ସନ୍ତରଣ କରିଥିବା ଏକ ମାତ୍ର ଭାରତୀୟ ମହିଳା ହେଇଥିବାର ସମ୍ମାନ ର ଅଧିକାରୀ ।
- ସେ ଇଙ୍ଗ୍ଲିଶ ଚାନେଲ ଦୁଇଥର ସନ୍ତରଣ କରି ଅତିକ୍ରମ କରିଥିଲେ
- ତାଙ୍କୁ ୧୯୯୦ ମସିହା ରେ ଅର୍ଜୁନ ପୁରସ୍କାର ଦିଆ ଯାଇଥିଲା ଇ।
- ତାଙ୍କୁ ପଦ୍ମଶ୍ରୀ ଉପାଧି ମଧ୍ୟ ଦିଆ ଯାଇଥିଲା ।
- [୧]
ପୁନଶ୍ଚ ଦେଖଣା
- Swimming in India
- List of Indian records in swimming
- Kutraleeswaran
ଆଧାର
- ↑ ୧.୦ ୧.୧ "Padma Awards" (PDF). Ministry of Home Affairs, Government of India. 2015. Archived from the original (PDF) on November 15, 2014. Retrieved July 21, 2015.
{{cite web}}: Unknown parameter|deadurl=ignored (|url-status=suggested) (help)