ପିଟିରିଆସିସ ଭର୍ସିକଲର

Tinea versicolor, dermatomycosis furfuracea, tinea flava
Light areas of the skin on the chest due to pityriasis
ବିଭାଗ	Dermatology, infectious diseases
ଲକ୍ଷଣ	Dark or light slightly scaly marks on skin
କାରଣ	Malassezia
ବିପଦ କାରକ	Warm, humid environment, pregnancy, immunodeficiency
ରୋଗ ନିର୍ଣ୍ଣୟ ପଦ୍ଧତି	Usually based on appearance
ସଠିକ ରୋଗ ନିର୍ଣ୍ଣୟ	Vitiligo, secondary syphilis
ଚିକିତ୍ସା	Antifungals (selenium sulfide, clotrimazole, ketoconazole)
Prognosis	Benign
ପୁନଃପୌନିକ	Common

ପିଟିରିଆସିସ ଭର୍ସିକଲର, ଅନ୍ୟ ନାମ ଟିନିଆ ଭର୍ସିକୋଲର, ଏକ ପ୍ରକାର କବକ ସଂକ୍ରମଣ ଯାହାକୁ ଇଷ୍ଟ ବା ଖମୀର ମଧ୍ୟ କୁହାଯାଏ, ଯେଉଁଥିରେ ଚର୍ମରେ ନାଲି-ବାଦାମୀ, ଗାଢ଼ କିମ୍ବା ଫିକା କାତି ଭଳି ଦାଗ ହୁଏ । ଏହା ସାଧାରଣତ ଉପର ବାହୁ, ଗୋଡ଼, ଛାତି, ପିଠି ଏବଂ ବେକକୁ ପ୍ରଭାବିତ କରିଥାଏ । ଚିହ୍ନଗୁଡିକ ଅଲଗା ହୋଇପାରେ କିମ୍ବା ମିଶ୍ରିତ ହୋଇପାରେ ଏବଂ ଗଲୁ କରିପାରେ ।

ଏହା ଇଷ୍ଟ ମାଲାସେଜିଆ ନାମକ ଖମୀରଦ୍ୱାରା ଘଟିଥାଏ, ଯାହାର ପୂର୍ବ ନାମ ପିଟିରୋସ୍ପୋରମ୍ ଥିଲା । ଏହି ଖମୀର ସାଧାରଣତ ମାନବ ଚର୍ମରେ ଦେଖାଯାଏ ଏବଂ ଉଷ୍ମ ଏବଂ ଆର୍ଦ୍ର ପରିବେଶରେ ଅସୁବିଧାଜନକ ହୋଇଯାଏ | ଗର୍ଭଧାରଣ ଏବଂ ଇମ୍ମ୍ୟୁନିଟି ଅଭାବ ଥିଲେ ଏହି ରୋଗ ସଙ୍କଟ ରହେ । ଏହି ରୋଗ ମଣିଷଠାରୁ ମଣିଷକୁ ବ୍ୟାପି ନ ଥାଏ ।

ଏହାକୁ ଦେଖି ସାଧାରଣତଃ ରୋଗ ନିର୍ଣ୍ଣୟ କରାଯାଏ । ଉଡ୍ସ ଲ୍ୟାମ୍ପ ଆଗରେ ରଖିଲେ ଫ୍ଲୋରିସ ହଳଦିଆ ଦେଖାଯାଏ । ସିଧାସଳଖ ଅଣୁବୀକ୍ଷଣ ଯନ୍ତ୍ରରେ ଦେଖିଲେ ସ୍ପୋରଗୁଡ଼ିକ ସର୍ଟ ଫିଲାମେଣ୍ଟ ଗୁଡ଼ିକ "ସ୍ପାଗେଟି ଏବଂ ମାଂସବଲ୍" ଭଳି ଦେଖାଯାଇପାରେ । ଭିଟିଲିଗୋ ଏବଂ କ୍ଲୋଆଜ୍ମା ଭଳି ଦେଖାଗଲେ ମଧ୍ୟ ଏଗୁଡ଼ିକରେ ପିଟିରିଆସିସ ଭର୍ସିକଲର ଭଳି କାତି ନଥାଏ । ଚିକିତ୍ସା ବିକଳ୍ପଗୁଡ଼ିକରେ ସେଲେନିୟମ୍ ସଲଫାଇଡ୍ ସାମ୍ପୋ, ଏବଂ ଆଣ୍ଟିକବକ ଥିବା ଅନ୍ୟାନ୍ୟ କ୍ରିମ୍ ଯେପରିକି କ୍ଲୋଟ୍ରିମାଜୋଲ୍ ୧% କିମ୍ବା କେଟୋକୋନାଜୋଲ୍ ୨% ଦିଆଯାଇପାରେ । ଏହା ପ୍ରଭାବଶାଳୀ ନ ହେଲେ ପାଟିରେ ଆଣ୍ଟିଫଙ୍ଗାଲ୍ ଔଷଧ ବ୍ୟବହାର କରାଯାଇପାରେ । ଏହି ରୋଗ ଗୁରୁତର ନଥିଲେ ମଧ୍ୟ ଏହାର ପୁନରାବୃତ୍ତି ହୋଇପାରେ।

ପିଟିରିଆସିସ ଭର୍ସିକଲର ଏକ ସାଧାରଣ ରୋଗ ଅଟେ । ଟ୍ରପିକାଲ୍ ଦେଶଗୁଡିକରେ ଏହାର ହାର ୫୦% ହୋଇପାରେ । ଗ୍ରୀଷ୍ମ ସମୟରେ ଏହା ଅଧିକ ଦେଖାଯାଏ | ପୁରୁଷ ଏବଂ ସ୍ତ୍ରୀ ସମାନ ଭାବରେ ପ୍ରଭାବିତ ହୁଅନ୍ତି । ପ୍ରଥମେ ୧୮୪୬ ମସିହାରେ ଏହି ରୋଗ ପ୍ରଥମେ ଚିହ୍ନଟ ହୋଇଥିଲା । ଭର୍ସିକୋଲର୍ ଲାଟିନ୍ ଭାଷାରୁ ଆସିଛି, versāre ଅର୍ଥ “ଟର୍ନ୍” (ବଦଳିବା) ଏବଂ “ରଙ୍ଗ” ।