ନରେନ୍ଦ୍ର ନାଥ ମିଶ୍ର
ନରେନ୍ଦ୍ର ନାଥ ମିଶ୍ର | |
|---|---|
| ଜନ୍ମ | ୨୩ ଅକ୍ଟୋବର ୧୯୨୯
ଗିଲିଦା, ବାଲେଶ୍ୱର |
| ମୃତ୍ୟୁ | ୧୩ ଜୁଲାଇ ୨୦୧୬ (ବୟସ ୮୬) ବାଲେଶ୍ୱର |
| ଜାତୀୟତା | ଭାରତୀୟ |
| ଶିକ୍ଷା | ସ୍ନାତକୋତ୍ତର(ଓଡ଼ିଆ) ୧୯୫୦ |
| ଶିକ୍ଷାନୁଷ୍ଠାନ | ଉତ୍କଳ ବିଶ୍ୱବିଦ୍ୟାଳୟ |
| ସନ୍ତାନ | ଅଶୋକ, ମଞ୍ଜୁଳା, ମୃଦୁଳା, ପ୍ରଭାତୀ |
ନରେନ୍ଦ୍ର ନାଥ ମିଶ୍ର, ଜଣେ ଓଡ଼ିଆ ପ୍ରାବନ୍ଧିକ ଓ ସାହିତ୍ୟ ସମାଲୋଚକ ଥିଲେ ।[୨]
ନରେନ୍ଦ୍ର ନାଥ ୧୯୨୯ ମସିହାରେ ବାଲେଶ୍ୱର ଜିଲ୍ଲାର ଗିଲିଦା ଗ୍ରାମରେ ଜନ୍ମଗ୍ରହଣ କରିଥିଲେ । ସେ ଉତ୍କଳ ବିଶ୍ୱବିଦ୍ୟାଳୟରୁ ଓଡ଼ିଆରେ ସ୍ନାତକ ଓ ସ୍ନାତକୋତ୍ତର ଲାଭ କରିଥିଲେ । ସେ ଶାନ୍ତିନିକେତନ ଓ ବିଶ୍ୱ ଭାରତୀ ବିଶ୍ୱବିଦ୍ୟାଳୟରେ ଗବେଷଣା କରିବା ପରେ ଜଣେ ଓଡ଼ିଆ ଅଧ୍ୟାପକ ଭାବରେ କାର୍ଯ୍ୟ ଆରମ୍ଭ କରିଥିଲେ । ୧୯୬୦ ମସିହାରେ ବିଶ୍ୱ ଭାରତୀ ବିଶ୍ୱବିଦ୍ୟାଳୟରେ ଜଣେ ସ୍ଥାୟୀ ଅଧ୍ୟାପକ ଭାବରେ ଯୋଗଦେଇ ୧୯୯୪ ମସିହାରେ ଅବସର ଗ୍ରହଣ କରିଥିଲେ । ଅଧ୍ୟାପନା ଛଡ଼ା, ସେ ଭାରତୀୟ ଜ୍ଞାନପୀଠ ଓଡ଼ିଆ ସମିତିର ଆବାହକ ଭାବରେ କାର୍ଯ୍ୟ କରିଥିଲେ । ସେ ଓଡ଼ିଆ ଭାଷା ବିଶାରଦ ଭାବରେ ବିଶ୍ୱବିଦ୍ୟାଳୟ ଅନୁଦାନ ଆୟୋଗରେ ମଧ୍ୟ କାର୍ଯ୍ୟ କରିଥିଲେ ।
ରଚନାବଳୀ
[ସମ୍ପାଦନା]- ବଳରାମ ଦାସ ଓ ଓଡ଼ିଆ ରାମାୟଣ
- ଆଧୁନିକ ଓଡ଼ିଆ କାବ୍ୟଧାରା[୩]
- ସମକାଳିନ ରଚନା ଓ ସାହିତ୍ୟ ଗବେଷଣା[୪]
- ଆଧୁନିକତା ଓ ଆଧୁନିକ ସାହିତ୍ୟ
- ଆଧୁନିକ କଥା ସାହିତ୍ୟ (ଉପନ୍ୟାସ)
- ଓଡ଼ିଆ ସାହିତ୍ୟ ଓ ଭାଷା-ଏକ ଅଧ୍ୟୟନ
- କଳାପାଣି(ଭ୍ରମଣ କାହାଣୀ)[୫]
- 'ଭାରତୀୟ ସାହିତ୍ୟ ନିର୍ମାତା'ଶୃଂଖଳାରେ ନୀଳକଣ୍ଠ ଦାସ ଓ କୁଞ୍ଜବିହାରୀ ଦାସଙ୍କ ଜୀବନୀ ଓ କୃତି[୬]
ମୃତ୍ୟୁ
[ସମ୍ପାଦନା]୨୦୧୬ ଜୁଲାଇ ୧୩ ତାରିଖରେ ବାଲେଶ୍ୱରଠାରେ ନରେନ୍ଦ୍ର ନାଥଙ୍କର ପରଲୋକ ଘଟିଥିଲା ।[୭]
ଆଧାର
[ସମ୍ପାଦନା]- ↑ Men of Education in India. Premier Publishers. 1968.
- ↑ Asitakumāra Bandyopādhyāẏa (1983). The Rāmāyaṇa in Eastern India. Prajñā.
- ↑ Nagendra (1976). Literary Criticism in India. Sarita Prakashan.
- ↑ Savitiri Rout (1 January 1972). Women Pioneers In Oriya Literature. Motilal Banarsidass Publishe. pp. 59–. ISBN 978-81-208-2546-8.
- ↑ Indian Literature. Sahitya Akademi. 1985.
- ↑ Lila Ray (1985). Pandit Nilakantha Das: Life and Achievements. Pandit Nilakantha Smruti Samiti.
- ↑ "ବିଶିଷ୍ଟ ସାହିତ୍ୟିକ ନରେନ୍ଦ୍ର ନାଥ ମିଶ୍ରଙ୍କ ପରଲୋକ". ଧରିତ୍ରୀ ଭୁବନେଶ୍ୱର ସଂସ୍କରଣ ୧୪/୦୭/୨୦୧୬ ପୃଷ୍ଠା ୭. Retrieved 14 July 2016.