ଢଗ ଢମାଳି

ଉଇକିପିଡ଼ିଆ ରୁ
Jump to navigation Jump to search

ଓଡ଼ିଆ ସମାଜିକ ଚାଲିଚଳଣିରେ ଆକ୍ଷେପ, ଉପଦେଶ, ମନ୍ତବ୍ୟ ପାଇଁ ମୁଖ ନିସୃତ ଲୋକ କଥା ଯାହା ଋଢୀ, ପଦ, କାବ୍ୟାଂଶ, ଲୋକଗୀତର ଅଂଶବିଶେଷ ଅଟେ ଏବଂ ଗଦ୍ୟ କିମ୍ବା ପଦ୍ୟ ଭାବେ ପ୍ରକାଶ ହୋଇଥାଏ । ଲୋକକଥା, ଢଗ ଢମାଳି ତଥା ଋଢୀ ପ୍ରୟୋଗର ବ୍ୟାବହାରିକ, ସାମାଜିକ, ସାଂସ୍କୃତିକ ତଥା ଭାଷାଗତ ମୂଲ୍ୟ କିଛି କମ୍‌ ନୁହେଁ । ମାନବ ସମାଜରେ ଭାବର ଏହି ବ୍ୟଙ୍ଗାତ୍ମକ ପରିପ୍ରକାଶରେ ସାଂସ୍କୃତିକ, ପୌରାଣିକ ତଥା ସାମାଜିକ ପରମ୍ପରାର ଝଲକ ଦେଖିବାକୁ ମିଳେ । ଆମ ଦୈନନ୍ଦିନ ଜୀବନର ନିତିଦିନିଆ ଘଟଣାକୁ ଏକ ରଚନାତ୍ମକ ତଥା ବ୍ୟଙ୍ଗାତ୍ମକ ଭଙ୍ଗୀରେ ପ୍ରକାଶ କରିବାର ଏହି ଅଭିନବ ଶୈଳୀ ଆମ ସାହିତ୍ୟକୁ ଋଦ୍ଧିମନ୍ତ କରିଛି । ସାଧାରଣତଃ ଢଗ ଢମାଳିକୁ ସାତୋଟି ବିଚାରଧାରାରେ ଉଲ୍ଲିଖିତ କରାଯାଇପାରେ । ଯଥା: ବ୍ୟକ୍ତିଗତ, ସାହିତ୍ୟିକ, ବ୍ୟାବହାରିକ, ଧାର୍ମିକ, ସାଂସ୍କୃତିକ, ଔପଚାରିକ ଏବଂ ସଜ୍ଞାନାତ୍ମକ ।[୧] ଅନ୍ୟ ଭାଷା ଭଳି ଓଡ଼ିଆ ଭାଷାରେ ଢଗ ଢମାଳିର ସଂଖ୍ୟା କିଛି କମ୍‌ ନୁହେଁ । ତେବେ ବ୍ୟାବହାରିକ ତଥା ଶୈଳୀଗତ ଦୃଷ୍ଟିରୁ ଓଡ଼ିଆ ଢଗ ଢମାଳିଗୁଡିକୁ ନିମ୍ନମତେ ଭାଗ କରାଯାଇପାରେ:[୧]

ଉଦାହରଣ[ସମ୍ପାଦନା]

ଏହିଠାରେ ଉଦାହରଣ ନିମନ୍ତେ କିଛି ଜଶାଶୁଣା ଢଗମାନ ଦିଆଯାଇଅଛି। ଏକ ବର୍ଣ୍ଣମାଳା ଭିତ୍ତିକ ତାଲିକା ପାଇଁ ଢଗ ଢମାଳି/ତାଲିକା ଦେଖନ୍ତୁ।

ବ୍ୟାବହାରିକ[ସମ୍ପାଦନା]

ଦୈନନ୍ଦିନ ଜୀବନର ଅନେକ ବ୍ୟାବହାରିକ ସତ୍ୟକୁ ଦର୍ପଣ ଭଳି ଆମକୁ ଦେଖାଇ ଆମର ଭବିଷ୍ୟତ ପାଇଁ ଏକ ମାର୍ଗ ଦର୍ଶନ କରୁଥିବା କିଛି ଢଗ ଏହି ଶ୍ରେଣୀର ଅନ୍ତର୍ଗତ ।

  • ଅରକ୍ଷିତକୁ ଦଇବ ସାହା -
  • ଅଳ୍ପ ବିଦ୍ୟା ଭୟଙ୍କରୀ - କୌଣସି ବିଷୟରେ ଅଳ୍ପକିଛି ଜାଣି ପ୍ରୟୋଗ କଲେ, ଭୟଙ୍କର ପରିଣାମ ମିଳେ ।
  • ଏଣୁ ମାଇଲେ ଗୋହତ୍ୟା, ତେଣୁ ମାଇଲେ ବ୍ରହ୍ମହତ୍ୟା-
  • କଟକ ଚିନ୍ତା ବାଇମୁଣ୍ଦିକୁ-

ଧାର୍ମିକ[ସମ୍ପାଦନା]

  • ଅତି ଗର୍ବେ ହତ ଲଙ୍କା -
  • ମର୍ତ୍ତ୍ୟମଣ୍ଡଳେ ଦେହ ବୋହି, ଦେବତା ହେଲେ ବି ମରଇ-
  • ରଖେ ହରି ମାରେ କିଏ, ମାରେ ହରି ରଖେ କିଏ-

କିମ୍ବଦନ୍ତୀ ତଥା ଉପାଖ୍ୟାନ[ସମ୍ପାଦନା]

  • କୀଚକ ବାହୁବଳେ ବିରାଟ ରାଜା-
  • ନର ହେଉ ବା ହାତି, ଅଶ୍ୱତ୍ଥମା ହତ-
  • ଭୀମବଳ କୁନ୍ତିକୁ ଜଣା-

ଲୋକକଥା[ସମ୍ପାଦନା]

  • ଅକାଳେ ଗୋଦରି କଲା ବେଉସା ,ଲାଭ ଖାଇଗଲା ଚୁଟିଆ ମୁଷା -ବ୍ୟବସାୟ ବାବଦରେ କିଛି ନ ଜାଣି ହଠାତ୍‌ ବ୍ୟବସାୟ କରି କ୍ଷତି ସହିବା ।
  • ଅତି ଅଲାଜୁକ ନାଚିଯାଏ, ଅତି ପୋଡାମୁହାଁ ଗୀତଗାଏ - ନିଜର ଭୁଲକୁ ଠିକ୍‌ ବୋଲି ଦର୍ଶାଇ ଆନନ୍ଦିତ ହେବା । [୨][୩]
  • ଅଣ୍ଟିଛୁରୀ ତଣ୍ଟି କାଟେ -

ଆଧାର[ସମ୍ପାଦନା]

  1. ୧.୦ ୧.୧ Pratap Kumar Dash, Dr. "Socio-cultural Praxis and Stylistics in Selected Odia Proverbs". Retrieved 2 November 2015.
  2. "ଓଡ଼ିଆ ଢଗ ଧମାଳି". Retrieved 2 November 2015.
  3. "Common Odia Proverbs with their meaning". Retrieved 2 November 2015.

ଅଧିକ ଦେଖିବେ[ସମ୍ପାଦନା]

କିଛି ଢଗ ଢମାଳିର ତାଲିକା