ଚୁନି ଗୋସ୍ୱାମୀ

ଉଇକିପିଡ଼ିଆ ରୁ
Jump to navigation Jump to search
ଚୁନି ଗୋସ୍ୱାମୀ
Chuni Goswami 1959.jpg
ଚୁନି ଗୋସ୍ୱାମୀ ୧୯୫୯ରେ
କଲିକତାର ସରିଫ
In office
୨୦୦୫
ବ୍ୟକ୍ତିଗତ ସବିଶେଷ
ଜନ୍ମସୁବିମଳ ଗୋସ୍ୱାମୀ
୧୫ ଜାନୁଆରୀ ୧୯୩୮(1938-01-15)
କିଶୋରଗଞ୍ଜ, ବଙ୍ଗଳା ଗଡ଼ଜାତ,ସ୍ୱାଧିନତା ପୂର୍ବ ଭାରତ
(ବର୍ତ୍ତମାନ ବଙ୍ଗଳାଦେଶ)
ମୃତ୍ୟୁ୩୦ ଅପ୍ରେଲ ୨୦୨୦(2020-04-30) (ବୟସ ୮୨)[୧]
କଲିକତା, ପଶ୍ଚିମବଙ୍ଗ, ଭାରତ
ଜାତୀୟତାଭାରତ

ସୁବିମଳ ଗୋସ୍ୱାମୀ (୧୫ ଜାନୁଆରୀ ୧୯୩୮ - ୩୦ ଅପ୍ରେଲ ୨୦୨୦), ଜଣେ ଭାରତୀୟ ଫୁଟବଳ ଖେଳାଳି ଥିଲେ । ଷ୍ଟ୍ରାଇକର ଭାବରେ ଖେଳି ସେ ନିଜ କ୍ଲବ ମୋହାନ ବାଗାନ ଓ ଭାରତୀୟ ଫୁଟବଳ ଦଳର ନେତୃତ୍ୱ ନେଇଥିଲେ । ସେ ଚୁନି ଗୋସ୍ୱାମୀ ନାମରେ ବେଶି ପରିଚିତ ଥିଲେ ।୩୦ଟି ଆନ୍ତର୍ଜାତୀୟ ଫୁଟବଲ ମ୍ୟାଚ ପଦାର୍ପଣରେ ସେ ୯ଟି ଗୋଲ ସ୍କୋର କରିଥିଲେ । ସେ ଭାରତ ତରଫରୁ ୧୯୬୦ ଅଲିମ୍ପିକରେ ଖେଳିଥିଲେ । ୧୯୬୨ ଏସୀୟ କ୍ରୀଡାରେ ତାଙ୍କ ନେତୃତ୍ୱରେ ଭାରତ ସ୍ୱର୍ଣ୍ଣପଦକ ହାସଲ କରିଥିଲା ଓ ୧୯୬୪ ଏସିଆନ କପରେ ଭାରତ ରନର୍ସ-ଅପ ହୋଇଥିଲା ।[୨]

ସେ କ୍ରିକେଟ ମଧ୍ୟ ଖେଳୁଥିଲେ ଓ ବଙ୍ଗଳା ଦଳ ତରଫରୁ ରଣଜୀ ଟ୍ରଫି ମଧ୍ୟ ଖେଳିଥିଲେ । ୧୯୭୧-୭୨ରେ ତାଙ୍କ ନେତୃତ୍ୱରେ ବଙ୍ଗଳା ଦଳ ରଣଜୀ ଟ୍ରଫି ଫାଇନାଲ ଖେଳିଥିଲେ ।

ଫୁଟବଲ ଖେଳାଳି ଭାବରେ[ସମ୍ପାଦନା]

ଚୁନି, ନିଜର ସମ୍ପୂର୍ଣ୍ଣ କ୍ୟାରିୟର କେବଳ ମୋହନ ବାଗାନ କ୍ଲବ ତରଫରୁ ଖେଳିଥିଲେ ।[୩]

କ୍ଲବ ତରଫରୁ ଖେଳ[ସମ୍ପାଦନା]

ସେ ମୋହନ ବାଗାନ ଜୁନିୟର ଦଳରେ ୧୯୪୬ ମସିହାରେ ୮ବର୍ଷ ବୟସରେ ଯୋଗ ଦେଇଥିଲେ । ୧୯୫୪ରେ ସେ ସିନିୟର ଦଳରୁ ଖେଳିବା ଆରମ୍ଭ କରିଥିଲେ ଓ ୧୯୬୮ରେ ନିଜର ଅବସର ପର୍ଯ୍ୟନ୍ତ ସେହି ଦଳ ତରଫରୁ ଖେଳୁଥିଲେ । ୧୯୬୦ରୁ ୧୯୬୪ ପର୍ଯ୍ୟନ୍ତ ସେ ମୋହନ ବାଗାନ ଦଳର ଅଧିନାୟକ ଥିଲେ ।[୪][୫]

ଆନ୍ତର୍ଜାତୀୟ ଖେଳ[ସମ୍ପାଦନା]

୧୯୫୬ରେ ଚୁନି ଭାରତ ତରଫରୁ ଖେଳିବା ଆରମ୍ଭ କରିଥିଲେ । ତାଙ୍କ ପ୍ରଥମ ମ୍ୟାଚରେ ଭାରତ ଚିନକୁ ୧-୦ ଗୋଲରେ ହରେଇଥିଲା । ସେ ଭାରତ ତରଫରୁ ୫୦ଟି ମ୍ୟାଚ ଖେଳିଥିଲେ । ସେଥି ମଧ୍ୟରେ ଅଲିମ୍ପିକ, ଏସୀୟ କ୍ରୀଡା, ଏସିଆ କପ, ମର୍ଡେକା କପ ଆଦି ଅନ୍ୟତମ ।୧୯୬୨ ଏସୀୟ କ୍ରୀଡାରେ ତାଙ୍କ ନେତୃତ୍ୱରେ ଭାରତ ସ୍ୱର୍ଣ୍ଣପଦକ ହାସଲ କରିଥିଲା ଓ ୧୯୬୪ ଏସିଆନ କପ ଓ ମର୍ଡେକା କପରେ ଭାରତ ରନର୍ସ-ଅପ ହୋଇଥିଲା ।[୬]


ଚୁନି ୩୦ଟି ଫିଫା 'ଏ' ଆନ୍ତର୍ଜାତୀୟ ମ୍ୟାଚ ଖେଳି ୯ଟି ଗୋଲ ଦେଇଥିଲେ ।

ଭାରତ ଜାତୀୟ ଦଳ
ବର୍ଷ ପଦାର୍ପଣ ଗୋଲ
୧୯୫୮
୧୯୫୯
୧୯୬୦
୧୯୬୧
୧୯୬୨
୧୯୬୪
ସମୁଦାୟ ୩୦ [୭]

କ୍ରିକେଟ ଖେଳାଳି ଭାବରେ[ସମ୍ପାଦନା]

୧୯୬୨-୬୩ରେ ଚୁନି ବଙ୍ଗଳା ଦଳ ତରଫରୁ ରଣଜୀ ଟ୍ରଫି ଖେଳିବା ଆରମ୍ଭ କରିଥିଲେ ।[୮] ସେ ଜଣେ ଡାହାଣ ହାତୀ ବ୍ୟାଟ୍ସମ୍ୟାନ ଓ ମିଡିୟମ ପେସ ବୋଲର ଥିଲେ । ଫୁଟବଲ ଖେଳର ଅବସର ନେବା ପରେ ସେ କ୍ରିକେଟ ଖେଳକୁ ପୂର୍ଣ୍ଣଭାବରେ ଆବୋରୀ ଥିଲେ ଓ ବଙ୍ଗଳା ଦଳ ତରଫରୁ ଖେଳିଥିଲେ । ସେ ଦୁଇଥର ରଣଜୀ ଫାଇନାଲ ଖେଳିଥିଲେ ଓ ଉଭୟ ଥର ବମ୍ବେଠାରୁ ପରାଜିତ ହୋଇଥିଲେ । ୧୯୬୮-୬୯ ରଣଜୀ ଫାଇନାଲରେ ସେ ପ୍ରଥମ ଇନିଙ୍ଗସରେ ୯୬ ଓ ଦ୍ୱିତୀୟରେ ୮୪ ରନ କରିଥିଲେ । କିନ୍ତୁ ଅଜିତ ୱାଡେକରଙ୍କ ଶତକ ବମ୍ବେ ଦଳକୁ ବିଜୟୀ କରାଇଥିଲା । ସେହି ବମ୍ବେ ଦଳରେ ଗାଭାସ୍କର ଓ ଶିଭଲକର ମଧ୍ୟ ଖେଳିଥିଲେ । ୧୯୬୬ରେ ପୂର୍ବ ଓ ମଧ୍ୟାଞ୍ଚଳର ଏକତ୍ର ଗୋଟିଏ ଦଳ ୱେଷ୍ଟ ଇଣ୍ଡିଜ ଗସ୍ତରେ ଯାଇ, ୱେଷ୍ଟ ଇଣ୍ଡିଜକୁ ତାଙ୍କରି ମାଟିରେ ଏକ ଇନିଙ୍ଗସରେ ପରାସ୍ତ କରିଥିଲେ ।[୯] ଚୁନି ଏହି ମ୍ୟାଚରେ ୮ଟି ଉଇକେଟ ଅକ୍ତିଆର କରିଥିଲେ । ତାଙ୍କର ସମଗ୍ର ଫାଷ୍ଟ-କ୍ଲାସ କ୍ରିକେଟ ଜୀବନରେ ସେ ୪୬ଟି ମ୍ୟାଚ ଖେଳି ୧୫୯୨ ରନ ସ୍କୋର କରିଥିଲେ ଓ ୪୭ଟି ଉଇକେଟ ଅକ୍ତିଆର କରିଥିଲେ ।[୧୦]

ଅନ୍ୟ କାର୍ଯ୍ୟ[ସମ୍ପାଦନା]

ଚୁନିଙ୍କର ବହୁବିଧ ବ୍ୟକ୍ତିତ୍ୱ ଥିଲା । ସେ ନିଜ କ୍ଲବ ତରଫରୁ ହକି ମଧ୍ୟ ଖେଳିଥିଲେ । ସେ ବଙ୍ଗଳା ଚଳଚ୍ଚିତ୍ର 'ପ୍ରଥମ ପ୍ରେମ'ରେ ଅଭିନୟ ମଧ୍ୟ କରିଥିଲେ । ୨୦୦୫ରେ କଲିକତା ମହାନଗରୀର ସେ ସରିଫ ହୋଇଥିଲେ । ସେ କଲିକତାର ସାଉଥ କ୍ଲବରେ ଲନ ଟେନିସ ମଧ୍ୟ ଖେଳୁଥିଲେ ।[୧୧]

ମୃତ୍ୟୁ[ସମ୍ପାଦନା]

ଚୁନି, ୨୦୨୦ ମସିହା ଅପ୍ରେଲ ୩୦ତାରିଖରେ ହୃଦଘାତ ଯୋଗୁ ମୃତ୍ୟୁବରଣ କରିଥିଲେ ।[୧୨]

ସମ୍ମାନ ଓ ପୁରସ୍କାର[ସମ୍ପାଦନା]

ଆଧାର[ସମ୍ପାଦନା]

  1. "Chuni Goswami, Star Indian Footballer, Bengal Ranji Captain, Dead". Outlook. 30 April 2020. Retrieved 30 April 2020.
  2. "India's football legend Chuni Goswami passes away". sportstar.thehindu.com. the hindu. Retrieved 2 May 2020.
  3. "Latest Volume19-Issue14 News, Photos, Latest News Headlines about Volume19-Issue14". Frontline. Archived from the original on 7 September 2008.
  4. "Chuni Goswami Profile". IloveIndia.com. Retrieved 1 May 2020.
  5. "Indian Football Capital's News : EAST BENGAL VS MOHUNBAGAN IN CFL - 2007". www.kolkatafootball.com. Archived from the original on 14 September 2008.
  6. "Calcuttaweb - Sports Personality : Chuni Goswami". Archived from the original on 22 June 2008.
  7. India - Record International Players RSSSF
  8. "Chuni Goswami". Cricinfo.
  9. http://static.espncricinfo.com/db/ARCHIVE/1960S/1966-67/WI_IN_IND/COMB-EAST-CENT_WI_26-28DEC1966.html
  10. Players and Officials - Chuni Goswami, from Cricinfo.
  11. "Chuni Goswami: An all-rounder in the truest sense Read more at: timesofindia.indiatimes.com/articleshow/75483249.cms?utm_source=contentofinterest&utm_medium=text&utm_campaign=cppst". timesofindia.indiatimes.com. times of india. Retrieved 2 May 2020.
  12. Sportstar, Team. "India's football legend Chuni Goswami passes away". Sportstar (in ଇଂରାଜୀ). Retrieved 2020-04-30.

ବାହାର ଆଧାର[ସମ୍ପାଦନା]