ଚିତ୍ତରଞ୍ଜନ ପାର୍କ କାଳୀ ମନ୍ଦିର
ଚିତ୍ତରଞ୍ଜନ ପାର୍କ କାଳୀ ମନ୍ଦିର(Chittaranjan Park Kali Bari) ଭାରତୀୟ ରାଜଧାନୀ ଦିଲ୍ଲୀ ମହାନଗରର ଚିତ୍ତରଞ୍ଜନ ପାର୍କଠାରେ ଥିବା ଏକ ମନ୍ଦିର ପରିସର ଓ ଏଠାରେ ଦିଲ୍ଲୀଠାରେ ବସବାସ କରୁଥିବା ବଙ୍ଗାଳୀ ସଂପ୍ରଦାୟର ସଂସ୍କୃତିକ କେନ୍ଦ୍ର ଅବସ୍ଥିତ । ଏକ କ୍ଷୁଦ୍ର ପାହାଡ ଉପରେ ୧୯୭୩ ମସିହାରେ ଏକ ଶିବ ମନ୍ଦିର ପ୍ରଥମେ ନିର୍ମିତ ହେଇଥିଲା । ଏହା ସହ ଏହି ପରିସରରେ ୧୯୮୪ ମସିହାରେ ଏଠାରେ ବୃହତ ଆକାରରେ ଦେବୀ କାଳୀ , ଶିବ ଓ ରାଧାକୃଷ୍ଣଙ୍କ ମନ୍ଦିର ନିର୍ମିତ ହେଇଥିଲା । ସ୍ଥାନୀୟ ବଙ୍ଗାଳୀ ସଂପ୍ରଦାୟ ପାଇଁ ଏହା ଏକ ମୁଖ୍ୟ ଯୋଗାଯୋଗ କେନ୍ଦ୍ର ରହିବା ସହ ଏଠାରେ ଦୁର୍ଗାପୂଜା ଅବସରରେ ସଂପ୍ରଦାୟର ସମସ୍ତ ବ୍ୟକ୍ତିଙ୍କ ସମାଗମ ହେଇଥାଏ । [୧]
୧୯୭୭ମସିହାରୁ ଏଠାରେ ଦୂର୍ଗା ପୂଜା ଉତ୍ସବର ଆରମ୍ଭ ହେଇ ପ୍ରତିବର୍ଷ ପାଳିତ ହେଇଆସୁଛି । .[୨]
ଇତିହାସ
[ସମ୍ପାଦନା]ପ୍ରଥମେ ୧୯୭୩ ମସିହାରେ ନାସକେଣ୍ଟ EPDP କଲୋନୀ ପାଇଁ ସ୍ଥିରୀକୃତ ସ୍ଥାନରେ ଏକ ପାହାଡ ଉପରେ ଏକ କ୍ଷୁଦ୍ର ଶିବ ମନ୍ଦିର ଭାବରେ ନିର୍ମିତ ହେଇଥିଲା । ସେଠାରେ ବଙ୍ଗାଳୀ ସଂପ୍ରଦାଯ ତରଫରୁ ୧୯୭୭ ମସିହାରୁ ଦୂର୍ଗାପୂଜାର ଆୟୋଜନ ହେଇଥିଲା । କ୍ରମଶଃ ଶ୍ରର୍ଧାଲୁ ସଂଖ୍ୟାର ବୃଦ୍ଧି ପାଇଁ ୧୯୮୪ ମସିହାରେ ସେହି ପରିସର ମଧ୍ୟରେ ଏକ ଭବ୍ୟ କାଳୀ ମନ୍ଦିରର ନିର୍ମାଣ ହେଲା । ଏହି ମନ୍ଦିରର ନିର୍ମାଣ ଶୈଳୀ ପାରମ୍ପରିକ ବଙ୍ଗାଳୀ ଟେରାକ୍କୋଟା ସ୍ଥାପତ୍ୟ ଶୈଳୀରେ ହେବା ସହ ପରେ ପରିସରରେ ଶିବ ଓ ରାଧାକୃଷ୍ଣଙ୍କ ମଧ୍ୟ ଦୁଇଟି ବଡ଼ ମନ୍ଦିର ନିର୍ମିତ ହେଇଥିଲା । ୨୦୦୬-୦୯ ମସିହାରେ ମନ୍ଦିର ଗୁଡିକରେ ତେରାକ୍କୋଟା କାମ ପୁନର୍ନିର୍ମିତ ହେଇଥିଲା ।
ଚିତ୍ତରଞ୍ଜନ ପାର୍କ ଅଞ୍ଚଳରେ ବଙ୍ଗାଳୀ ସଂପ୍ରଦାୟର ଘନତ୍ୱ ରହିଥିବାରୁ କାଳୀ ମନ୍ଦିର ସେମାନଙ୍କ ଏକ ମୁଖ୍ୟ ସଂସ୍କୃତିକ କେନ୍ଦ୍ର ତଥା ଯୋଗାଯୋଗ ସ୍ଥଳୀ ହେଇ ରହିଛି । ଏହାର ପରିଚାଳନା ପାଇଁ " ଚିତ୍ତରଞ୍ଜନ ପାର୍କ କାଳୀ ମନ୍ଦିର ସମିତି " ଗଠନ କରାଯାଇଛି ।
ପୂଜା ପାର୍ବଣ
[ସମ୍ପାଦନା]ଏଠାରେ ମୁଖ୍ୟ ଧର୍ମାନୁଷ୍ଠାନ ଭାବରେ ଦୁର୍ଗାପୂଜା ପ୍ରତିବର୍ଷ ପାଳିତ ହୁଏ । ପାଞ୍ଚ ଦିନ ଧରି ପାଳିତ ହଉଥିବା ଏହି ପୂଜା ଦିଲ୍ଲୀ ସହରରେ ବହୁଳ ଜନପ୍ରିୟ[୩] ହେଇଥାଏ ଓ ପ୍ରତ୍ୟେକ ଦିନ ବହୁ ଜନସମାଗମ[୪]ହେଇଥାଏ । ପଶ୍ଚିମ ବଙ୍ଗରୁ ଏଠି ସକାଶେ ସେହି ଅଞ୍ଚଳର ତାଜା ଫୁଲ ଉଡାଜାହାଜ ଯୋଗେ ଆସିଥାଏ । । ଏହା ସହିତ ମନ୍ଦିର ପରିସରରେ ପ୍ରତି ବର୍ଷ କାଳୀ ପୂଜା , ଲକ୍ଷ୍ମୀ ପୂଜା , ସରସ୍ୱତୀ ପୂଜା , ଗଣେଶ ଚତୁର୍ଥୀ ଆଦି ମହାସମାରୋହରେ ପାଳିତ ହେଇଥାଏ । ଏଠାରେ ଥିବା ଏକ ହଲରେ ଦେବା ଦେବୀଙ୍କ ମୃନ୍ୱୟ ମୂର୍ତି ସବୁ ପୂଜା ଆଗରୁ ଶିଳ୍ପୀ ମାନଙ୍କଦ୍ୱାରା ନିର୍ମାଣ କରାଯାଇଥାଏ ।[୫]
ଗ୍ୟାଲେରି
[ସମ୍ପାଦନା]-
ଚିତ୍ତରଞ୍ଜନ ପାର୍କ କାଳୀ ମଦିର ପରିସରର ସମ୍ମୁଖ ଭାଗର ଦୃଶ୍ୟ -
ମନ୍ଦିରର କାଳୀଙ୍କ ପ୍ରତିମୂର୍ତି -
ଚିତ୍ତରଞ୍ଜନ ପାର୍କ କାଳୀ ମନ୍ଦିର ଦୁର୍ଗାପୂଜା ସମାପ୍ତ ପରେ ବିସର୍ଜନ ପାଇଁ ନିଆ ଯାଉଥିବା ମୃନ୍ୱୟ ପ୍ରତିମା
ଆଧାର
[ସମ୍ପାଦନା]- ↑ "City pandals step up security ahead of Puja". Indian Express. Oct 6, 2008.
- ↑ "How community pujas came about". India Today. September 25, 2009.
- ↑ A walk with the Goddess (2011-10-01). "A walk with the Goddess". The Pioneer. Retrieved 2011-10-07.
- ↑ "Durgotsav '98: Kali Mandir, Chittaranjan Park, New Delhi". Durgotsav98.tripod.com. Retrieved 2011-10-07.
- ↑ Alokparna Das (2008-10-05). "Divine image". Indian Express. Archived from the original on 2013-01-22. Retrieved 2011-10-07.