କ୍ଲେବ୍ସିଏଲା ନିମୋନ୍ଯେ

ଉଇକିପିଡ଼ିଆ ରୁ
Jump to navigation Jump to search

କ୍ଲେବ୍ସିଏଲା ନିମୋନ୍ଯେ
Klebsiella pneumoniae 01.png
ବିଜ୍ଞାନଭିତ୍ତିକ ଶ୍ରେଣୀବିଭାଗ edit
ଜଗତ: ବ୍ଯାକ୍ଟେରୀଆ
ପର୍ବ: ପ୍ରୋଟିଓବ୍ଯାକ୍ଟେରିଆ
ଶ୍ରେଣୀ: ଗାମାପ୍ରୋଟିଓବ୍ଯାକ୍ଟେରିଆ
ବର୍ଗ: ଏଣ୍ଟେରୋବ୍ଯାକ୍ଟେରୀଆଲ
ବଂଶ: ଏଣ୍ଟେରୋବ୍ଯାକ୍ଟେରୀଆସି
ପ୍ରଜାତି: କ୍ଲେବ୍ସିଏଲା
ଜାତି: କ ନିମୋନ୍ଯେ
ବାଇନୋମିଆଲ ନାମ
କ ନିମୋନ୍ଯେ
(ଷ୍ରୋଏଟର ୧୮୮୬) ତ୍ରେବିଷାନ୍ ୧୮୮୭
ଉପଜାତି

କ୍ଲେବ୍ସିଏଲା ନିମୋନ୍ଯେ ଏକ ଗ୍ରାମ୍-ବିରୋଧୀ, ଖୋଳ-ବିହୀନ, ଲାକ୍ଟୋଜ୍-କିଣ୍ୱନକାରୀ, ଇଚ୍ଛାଧୀନ ଅବାୟବ, ବାଡ଼ି ଆକାରର ବ୍ଯାକ୍ଟେରୀଆ ଅଟେ। ମ୍ଯାକ୍କୋଙ୍କି ଆଗାର ଉପରେ ଏହା ମ୍ଯୁକୋଏଡ ଲାକ୍ଟୋଜ୍-କିଣ୍ୱକ ପରି ଦେଖାଯାଏ।

ମୁଖ, ଚର୍ମ ତଥା ଅନ୍ତ୍ରନଳୀରେ ମିଳୁଥିଲେ ମଧ୍ଯ ଏହାକୁ ଆଘ୍ରାଣ କଲେ ଏହା ଫୁସଫୁସରେ, ମୁଖ୍ଯତଃ ଆଲଭିଓଲାଇକୁ ଗଭୀର କ୍ଷତି ପହଞ୍ଚାଇ ପାରେ। ଫଳରେ ସ୍ପୁଟମ ରକ୍ତିମ, ମାଠିଆ ତଥା ହଳଦିଆ ରଙ୍ଗର ହୋଇଯାଏ।[୧] ଏହା ଏଣ୍ଟେରୋବ୍ଯାକ୍ଟେରିଆସିର କ୍ଲେବ୍ସିଏଲା ପ୍ରଜାତିର ଅତି ମହତ୍ତ୍ୱପୂର୍ଣ୍ଣ ସଦସ୍ଯ।

ଏହା ପ୍ରାକୃତିକ ଭାବରେ ମାଟିରେ ମିଳିଥାଏ ଏବଂ ଅବାୟବିକ ପରିସ୍ଥିତିରେ ଶତକଡା ପ୍ରାୟ ୩୦ ଭାଗ ଉପଜାତି ଯବକ୍ଷାରଜାନ ବିବନ୍ଧନ କରିପାରନ୍ତି।[୨] ଏକ ମୁକ୍ତ ଦ୍ୱିଆଜୋଭୋଜୀ ହୋଇଥିବାରୁ ଏହାକୁ ଅଧିକ ଗବେଷିତ କରାଯାଇଛି। ଏହା କୃଷିକାର୍ଯ୍ୟ ପାଇଁ ମହତ୍ତ୍ବପୂର୍ଣ୍ଣ ଏବଂ ଶସ୍ଯ ଅମଳରେ ବୃଦ୍ଧି କରିପାରିବ ବୋଲି ପରୀକ୍ଷା କରାଯାଇ ସାରିଛି।[୩]

ଏହା କ୍ଲେ. ଓକ୍ସିଟୋକାର ନିକଟ ସମ୍ବନ୍ଧୀୟ। ତା' ଠାରୁ ଏହାର ଭିନ୍ନତା ହେଲା - ଏହା ଇଣ୍ଡୋଲ-ବିରୋଧୀ ଏବଂ ମେଲେଜିଟୋଜରେ ଏହା ବଢିପାରେ କିନ୍ତୁ ୩-ହାଇଡ୍ରୋକ୍ସିବ୍ଯୁଟିରେଟରେ ବଢିପାରେ ନାହିଁ।

ଇତିହାସ[ସମ୍ପାଦନା]

କ୍ଲେବ୍ସିଏଲା ପ୍ରଜାତିଟି ଜର୍ମାନ ଅଣୁଜୀବ ବିଜ୍ଞାନୀ ଏଡ୍ୱିନ କ୍ଲେବ୍ସ (୧୮୩୪-୧୯୧୩)ଙ୍କ ନାମରେ ନାମିତ।[ଆଧାର ଲୋଡ଼ା] ଜର୍ମାନ ରୋଗବିଜ୍ଞାନୀ କାର୍ଲ ଫ୍ରିଏଡ୍ଲାଣ୍ଡରଙ୍କ ସମ୍ମାନରେ ଏହାକୁ ଫ୍ରିଏଡ୍ଲାଣ୍ଡରଙ୍କ ବାସିଲମ୍ ବୋଲି ମଧ୍ଯ କୁହାଯାଏ।[୪]

ମହାମାରୀ ବିଜ୍ଞାନ[ସମ୍ପାଦନା]

କ୍ଲେ. ନିମୋନ୍ଯେ ନିମୋନିଆ ରୋଗ ଛଡ଼ା ମୂତ୍ରନଳୀରେ ତଥା ପିତ୍ତନଳୀରେ ମଧ୍ଯ ସଂକ୍ରମଣ କରାଇପାରେ। ଏହାଦ୍ବାରା ନିମ୍ନଲିଖିତ ରୋଗାଦି ହେଇଥାଏ; ଯଥା - ନିମୋନିଆ, ଥ୍ରୋମ୍ବୋଫ୍ଲେବିତିସ, ମୂତ୍ରନଳୀ ସଂକ୍ରମଣ, କୋଲେସିଷ୍ଟିସ, ଡାଇରିଆ, ଉପର ଶ୍ୱାସନଳୀ ସଂକ୍ରମଣ, ଘା ସଂକ୍ରମଣ, ଅଷ୍ଟିଓମିଲେଟିସ, ମେନିଞ୍ଜାଇଟିସ୍, ବ୍ଯାକ୍ଟେରେମିଆ ଓ ସେପ୍ସିସ ଇତ୍ଯାଦି। କ୍ଲେବ୍ସିଏଲା ବୟସ୍କ ଲୋକଙ୍କଠାରେ ମୂତ୍ରନଳୀ ସଂକ୍ରମଣ କରିବାରେ ଇ. କୋଲାଇ ପରେ ଦ୍ୱିତୀୟ ସ୍ଥାନ ଅଧିକାର କରିଛି ।

ସଂକ୍ରମଣ[ସମ୍ପାଦନା]

କ୍ଲେ. ନିମୋନ୍ଯେରେ ସଂକ୍ରମିତ ହେବାପାଇଁ ଜଣେ ଲୋକକୁ ଏହି ବ୍ଯାକ୍ଟେରୀଆ ସହ ପ୍ରତ୍ଯକ୍ଷ ସଂସ୍ପର୍ଶରେ ଆସିବାକୁ ପଡିବ । ଅର୍ଥାତ୍ କ୍ଲେ. ନ୍ଯୁମୋନ୍ଯେ ଲୋକର ଶ୍ୱାସନଳୀରେ ପଶିବାକୁ ପଡିବ । ପ୍ରକୃତିରୁ ସିଧାସଳଖ ସଂକ୍ରମଣ ଏବେମଧ୍ୟ ବିବାଦିତ ।[୫] କିନ୍ତୁ ଏହି ବୀଜାଣୁଟି ବାୟୁ ଦ୍ବାରା ବ୍ଯାପେ ନାହିଁ । ଭେଣ୍ଟିଲେଟର ତଥା ଅନ୍ତର୍ଧମନୀୟ କାଥେଟରଦ୍ୱାରା ରୋଗୀମାନେ ଏହି ବୀଜାଣୁ ଦ୍ବାରା ସଂକ୍ରମିତ ହୋଇଥାନ୍ତି ।

ଚିକିତ୍ସା[ସମ୍ପାଦନା]

ଯଦି କ୍ଲେ. ନ୍ଯୁମୋନ୍ଯେଜନ୍ଯଟି ଡ୍ରଗ ପ୍ରତିରୋଧୀ ନୁହଁ, ତେବେ ଏହାକୁ ପ୍ରତିଜୀବକ ଦେଇ ଚିକିତ୍ସା କରାଯାଇ ପାରିବ । କ୍ଲେ. ନ୍ଯୁମୋନ୍ଯେର ସଂକ୍ରମଣକୁ ଠିକ୍ କରିବା କଷ୍ଟସାଧ୍ୟ ଅଟେ, କାରଣ ଏହା ପାଇଁ ଆବଶ୍ୟକ ପ୍ରତିଜୀବକ ସଂଖ୍ଯା କମ୍ ଅଛି । ଏହି ପରିପ୍ରେକ୍ଷୀରେ ପ୍ରଥମେ ଅଣୁଜୀବବିଜ୍ଞାନର ଗବେଷଣାଗାରରେ ଆବଶ୍ୟକ ପରୀକ୍ଷା ନିରୀକ୍ଷା କରି ଉପଯୁକ୍ତ ପ୍ରତିଜୀବକ ନିର୍ଦ୍ଧାରଣ କରାଯାଏ ।ବହୁଡ୍ରଗୀୟ ପ୍ରତିରୋଧୀ କ୍ଲେବ୍ସିଏଲା ଜାତି ଦ୍ବାରା ମୂତ୍ରନଳୀ ସଂକ୍ରମଣର ଚିକିତ୍ସା ପାଇଁ ଆମିକାସିନ ଓ ମେରୋପେନେନର ଏକ କୋମ୍ବୋ ଥେରାପି ଦିଆଯାଏ ।[୬]

ଆଧାର[ସମ୍ପାଦନା]

  1. Ryan, KJ; Ray, CG, eds. (2004). Sherris Medical Microbiology (4th ed.). McGraw Hill. ISBN 978-0-8385-8529-0.
  2. Postgate, J (1998). Nitrogen Fixation (3rd ed.). Cambridge University Press. ISBN 978-0-521-64047-3.
  3. Riggs, PJ; Chelius MK; Iniguez AL; Kaeppler SM; Triplett EW (2001). "Enhanced maize productivity by inoculation with diazotrophic bacteria". Australian Journal of Plant Physiology. 29 (8): 829–836. doi:10.1071/PP01045.
  4. Zander DS, Farver CF (2016). Pulmonary Pathology: A Volume in Foundations in Diagnostic Pathology Series. Elsevier Health Sciences. p. 169. ISBN 978-0-323-46119-1. Retrieved 14 January 2017.
  5. "Carbapenem-resistant Enterobacteriaceae (CRE) Infection: Clinician FAQs". Cdc.gov. Retrieved 25 October 2017.
  6. Yasin, Faizan; Assad, Salman; Talpur, Abdul Subhan; Zahid, Mehr; Malik, Shuja A (2017). "Combination Therapy for Multidrug-Resistant Klebsiella Pneumoniae Urinary Tract Infection". Cureus. doi:10.7759/cureus.1503. ISSN 2168-8184. PMC 5608481.