ଓମ୍ଫାଲୋସିଲ

Omphalocele
Omphalocoele, exomphalos
Dawing of an omphalocele
ଉଚ୍ଚାରଣ	uhm-fa-lo-seal
ବିଭାଗ	Pediatrics, medical genetics
ଲକ୍ଷଣ	Intestines, liver or other organs stick out through the belly button
ଆକ୍ରାନ୍ତ ସମୟ	In the uterus
କାରଣ	Unclear
ବିପଦ କାରକ	Alcohol, smoking, obesity, certain medications
ରୋଗ ନିର୍ଣ୍ଣୟ ପଦ୍ଧତି	Before birth (blood tests, ultrasound), after birth
ସଠିକ ରୋଗ ନିର୍ଣ୍ଣୟ	Gastroschisis, hernias of the umbilical cord
ଚିକିତ୍ସା	Surgery, gradual reduction over time
Prognosis	80% survival
ପୁନଃପୌନିକ	1 in 4,200 births

ଓମ୍ଫାଲୋସିଲ (ଇଂରାଜୀ ଭାଷାରେ Omphalocele) ଶରୀରର ଏକ ଆଜନ୍ମ ତୃଟି ରୋଗ ଯେଉଁଥିରେ ଉଦର କାନ୍ଥର ତୃଟି ଯୋଗୁ ନାହି ବାଟ ଦେଇ ଅନ୍ତନଳୀ, ଯକୃତ କିମ୍ବା ଅନ୍ୟାନ୍ୟ ଅଙ୍ଗ‌ଗୁଡ଼ିକ ବାହାରକୁ ବାହାରିଥାଏ | ବାହାରକୁ ବାହାରିଥିବା ଅଙ୍ଗଗୁଡ଼ିକ ଏକ ପତଳା ଏବଂ ପ୍ରାୟ ସ୍ୱଚ୍ଛ ଥଳିରେ ଆଚ୍ଛାଦିତ ହୋଇଥାଏ | ରୋଗ ଜଟିଳ ହେଲେ ସଂକ୍ରମଣ, ଅଳ୍ପ ରକ୍ତ ପ୍ରବାହ, ଏବଂ ଫୁସଫୁସ ଛୋଟ ହୋଇପାରେ ।

ଏହାର କାରଣ ସାଧାରଣତଃ ଅସ୍ପଷ୍ଟ ରହିଛି | ବିପଦ କାରକଗୁଡ଼ିକ ମଧ୍ୟରେ ମଦ୍ୟପାନ, ଧୂମପାନ, ମେଦ ବ‌ହୁଳତା ଏବଂ କିଛି ଔଷଧ ରହିପାରେ | ବେକଉଇଥ-ଉଇଡରମାନ ସିଣ୍ଡ୍ରୋମ, ଟ୍ରାଇସୋମି ୧୮, ଟ୍ରାଇସୋମି ୨୧ କିମ୍ବା ପେଣ୍ଟାଲୋଜି ଅଫ କ୍ୟାଣ୍ଟ୍ରେଲ ରୋଗମାନଙ୍କ ସହିତ ଏହି ରୋଗ ଜଡ଼ିତ ହୋଇପାରେ | ଗର୍ଭଧାରଣର ଏକାଦଶ ସପ୍ତାହ ମଧ୍ୟରେ ଅନ୍ତନଳୀ ପେଟ ଭିତରକୁ ଫେରିବାରେ ଅନ୍ତର୍ନିହିତ ବିଫଳତା ଯୋଗୁ ଏହି ରୋଗ ସୃଷ୍ଟି ହୁଏ | ରକ୍ତ ପରୀକ୍ଷା ବା ଅଲଟ୍ରାସାଉଣ୍ଡ କରି ଜନ୍ମ ପୂର୍ବରୁ ରୋଗ ନିର୍ଣ୍ଣୟ କରାଯାଇପାରେ ଅଥବା ଜନ୍ମ ପରେ ନିର୍ଣ୍ଣୟ ହୁଏ ।

ଓମଫାଲୋସିଲର ଆକାର ଉପରେ ଚିକିତ୍ସା ନିର୍ଭର କରେ | ଆକାର ଛୋଟ ଥିଲେ ଜନ୍ମ ପରେ ଅତି ଶୀଘ୍ର ଅସ୍ତ୍ରୋପଚାର କରାଯାଇପାରେ | ଆକାର ବଡ଼ ଥିଲେ ଅଙ୍ଗଗୁଡିକ ଏକ ବିଶେଷ ପଦାର୍ଥରେ ଆଚ୍ଛାଦିତ କରି ସମୟ କ୍ରମେ ଧୀରେ ଧୀରେ ପଛକୁ ଠେଲି ଦିଆଯାଏ | ଫୁସଫୁସ ଛୋଟ ଥିଲେ ବାୟୁ ଚଳାଚଳ ନିମନ୍ତେ ମେକାନିକାଲ ଭେଣ୍ଟିଲେଟର ଆବଶ୍ୟକ ହୋଇପାରେ। ଦୀର୍ଘକାଳୀନ ବଞ୍ଚିବା ହାର ପ୍ରାୟ ୮୦% ଓ ଏହା ଅନ୍ୟାନ୍ୟ ସଂପୃକ୍ତ ରୋଗ ଉପରେ ନିର୍ଭର କରେ ।

ପ୍ରାୟ ୪,୨୦୦ ଜନ୍ମରେ ଜଣକର ଓମଫାଲୋସିଲ ଥିବା ଦେଖାଯାଏ | ନାରୀମାନଙ୍କ ଅପେକ୍ଷା ପୁରୁଷମାନେ ଅଧିକ ପ୍ରଭାବିତ ହୁଅନ୍ତି | ସପ୍ତଦଶ ଶତାବ୍ଦୀରେ ଏହି ଅବସ୍ଥା ପ୍ରଥମେ ଆମ୍ବ୍ରୋଜ ପାରେ ବର୍ଣ୍ଣନା କରିଥିଲେ । ଏହା ଗ୍ୟାସ୍ଟ୍ରୋସ୍କିସିସ ରୋଗଠାରୁ ଏକ ପୃଥକ ରୋଗ ବୋଲି ୧୯୫୩ ମସିହାର ପ୍ରତିପାଦିତ ହୋଇଥିଲା ।