ଗ୍ୟାସ୍ଟ୍ରୋସ୍କିସିସ
| ଗ୍ୟାସ୍ଟ୍ରୋସ୍କିସିସ (Gastroschisis) | |
|---|---|
 ଗ୍ୟାସ୍ଟ୍ରୋସ୍କିସିସ ରୋଗ ଥିବା ଏକ ପିଲାର ଛବି | |
| ଉଚ୍ଚାରଣ |
|
| ବିଭାଗ | ଶଲ୍ୟ ବିଭାଗ (General surgery, ମେଡିକାଲ ଜେନେଟିକସ medical genetics |
| ଲକ୍ଷଣ | ନାହି (belly button) ମଧ୍ୟ ଦେଇ ଅନ୍ତନଳୀ (Intestines) ବାହାରକୁ ବାହାରିଥାଏ ।[୨] |
| ଆକ୍ରାନ୍ତ ସମୟ | ପ୍ରାକ୍ ବିକାଶ ସମୟରେ [୧] |
| କାରଣ | ଅଜ୍ଞାତ[୧] |
| ବିପଦ କାରକ | ଧୂମ୍ରପାୟୀ ମାତା, ମଦ୍ୟପାୟୀ ମାତା, ୨୦ ବର୍ଷ ବୟସରୁ କମ୍ ବୟସର ମାତା [୩][୧] |
| ରୋଗ ନିର୍ଣ୍ଣୟ ପଦ୍ଧତି | ଗର୍ଭାବସ୍ଥାରେ ଅଲଟ୍ରାସାଉଣ୍ଡ (Ultrasound), ଜନ୍ମ ପରେ ଲକ୍ଷଣ [୧] |
| ସଠିକ ରୋଗ ନିର୍ଣ୍ଣୟ | ଓମ୍ଫାଲୋସିଲ (Omphalocele), ପ୍ରୁନ ବେଲି ସିଣ୍ଡ୍ରୋମ (prune belly syndrome)[୩][୪] |
| ଚିକିତ୍ସା | ଶୀଘ୍ରାତିଶୀଘ୍ର ଅପରେଶନ[୧] |
| ପୁନଃପୌନିକ | ୧୦,୦୦୦ ଜନ୍ମରେ ୪ ଜଣ [୩] |
ଗ୍ୟାସ୍ଟ୍ରୋସ୍କିସିସ (ଇଂରାଜୀ ଭାଷାରେ Gastroschisis) ଏକ ଜନ୍ମଗତ ତୃଟି (birth defect) ଯେଉଁଥିରେ ଶିଶୁର ଅନ୍ତନଳୀ (Intestines) ନାଭି ମଣ୍ଡଳରେ (belly button) ଥିବା ଏକ କଣା ଦେଇ ଶରୀର ବାହାରକୁ ବାହାରିଆସିଥାଏ ।[୨] ଏହି କଣାର ଆକାର ଭିନ୍ନ ଭିନ୍ନ ଥାଏ ଓ ଏହା ମଧ୍ୟ ଦେଇ ଅନ୍ୟାନ୍ୟ ଉଦର ଅଙ୍ଗ ଯେପରିକି ପାକସ୍ଥଳୀ (stomach) ଓ ଯକୃତ (liver) ବାହାରିଆସେ ।[୧] ଏହି ରୋଗରେ ଅନେକ ଜଟିଳ ସମସ୍ୟା ଯେପରିକି ଖୁଏଇବା ସମସ୍ୟା, ଅପରିପକ୍ୱ ଜନ୍ମ (prematurity), ଗର୍ଭସ୍ଥ ବିକାଶ ବିଳମ୍ବ (intrauterine growth retardation), ଅନ୍ତନଳୀ ଆଟ୍ରେସିଆ (intestinal atresia) ଆଦି ଦେଖାଯାଇପାରେ ।[୧][୩]
ଏହାର କାରଣ ଅଦ୍ୟାବଧି ଅଜ୍ଞାତ ଅଛି ।[୩][୧] ଧୂମ୍ରପାୟୀ ମାତା, ମଦ୍ୟପାୟୀ ମାତା, ୨୦ ବର୍ଷ ବୟସରୁ କମ୍ ବୟସର ମାତାଙ୍କର ଜନ୍ମିତ ଶିଶୁଙ୍କର ଏହି ସଙ୍କଟ ଅଧିକ ରହେ ।[୩][୧] ଗର୍ଭାବସ୍ଥାରେ ଅଲଟ୍ରାସାଉଣ୍ଡ (Ultrasound) କରି ରୋଗ ଚିହ୍ନଟ କରାଯାଇପାରେ ।[୧] ଅନ୍ୟଥା ଜନ୍ମ ପରେ ଶିଶୁର ଲକ୍ଷଣ ଦେଖି ରୋଗ ନିର୍ଣ୍ଣୟ କରାଯାଏ ।[୧] ଓମ୍ଫାଲୋସିଲ (Omphalocele) ରୋଗରେ ଅନ୍ତନଳୀ ଉପରେ ଏକ ପତଳା ପରଦା ଥାଏ । [୩]
ଏକ ମାତ୍ର ଅପରେଶନ କରି ଏହାକୁ ଚିକିତ୍ସା କରାଯାଏ ।[୧] ଜନ୍ମର ଅଳ୍ପ ସମୟ ପରେ ଏହି ତୃଟି ଧରାପଡ଼େ ।[୧] ବଡ଼ କଣା ସହିତ ଏହା ବାହାରକୁ ଆସିଥିଲେ ସାଧାରଣତଃ ଏକ ପତଳା ପରଦା ଏହାକୁ ଘୋଡ଼େଇ ରଖିଥାଏ ଓ ଏହା ଉଦର ମଧ୍ୟକୁ ଚାଲିଯାଇପାରେ ।[୧] ଦଶ ହଜାର ନୂତନ ଜନ୍ମରେ ପ୍ରାୟ ୪ ଜଣଙ୍କର ଏହି ତୃଟି ରହିବା ଦେଖାଯାଏ ।[୩] ଏହି ଜନ୍ମ ତୃଟିର ହାର ବଢ଼ୁଥିବା ଲକ୍ଷ କରାଯାଉଛି ।[୧]
ଏହାକୁ ମଧ୍ୟ ଦେଖାନ୍ତୁ[ସମ୍ପାଦନା]
ଆଧାର[ସମ୍ପାଦନା]
- ↑ ୧.୦୦ ୧.୦୧ ୧.୦୨ ୧.୦୩ ୧.୦୪ ୧.୦୫ ୧.୦୬ ୧.୦୭ ୧.୦୮ ୧.୦୯ ୧.୧୦ ୧.୧୧ ୧.୧୨ ୧.୧୩ ୧.୧୪ ୧.୧୫ "Facts about Gastroschisis". National Center on Birth Defects and Developmental Disabilities Home | NCBDDD | CDC (in ଆମେରିକୀୟ ଇଂରାଜୀ). 27 June 2017. Archived from the original on 18 July 2017. Retrieved 14 July 2017.
- ↑ ୨.୦ ୨.୧ "Gastroschisis". Genetic and Rare Diseases Information Center (GARD) (in ଇଂରାଜୀ). 2017. Archived from the original on 5 July 2017. Retrieved 14 July 2017.
- ↑ ୩.୦ ୩.୧ ୩.୨ ୩.୩ ୩.୪ ୩.୫ ୩.୬ ୩.୭ Reference, Genetics Home (August 2016). "Abdominal wall defect". Genetics Home Reference (in ଇଂରାଜୀ). Archived from the original on 10 July 2017. Retrieved 14 July 2017.
- ↑ "Gastroschisis". NORD (National Organization for Rare Disorders). 2007. Archived from the original on 21 February 2017. Retrieved 14 July 2017.
ବାହ୍ୟ ଲିଙ୍କ[ସମ୍ପାଦନା]
| ଶ୍ରେଣୀବିଭାଗ | |
|---|---|
| ବାହାର ଉତ୍ସ |