ଇଲିନା ସେନ
ପ୍ରଫେସର ଇଲିନା ସେନ | |
|---|---|
| ମୃତ୍ୟୁ | ୯ ଅଗଷ୍ଟ ୨୦୨୦ |
| ବୃତ୍ତି(ସମୂହ) | କର୍ମୀ, ପ୍ରାଧ୍ୟାପିକା, ଲେଖିକା |
| ବୈବାହିକ-ସାଥୀ | ବିନାୟକ ସେନ |
| ସନ୍ତାନ | ୨ |
ଇଲିନା ସେନ ଜଣେ ଭାରତୀୟ ମାନବ ଅଧିକାର, ବାଣିଜ୍ୟ ସଂଘ ଏବଂ ନାରୀବାଦୀ କର୍ମୀ ଏବଂ ଭାରତରେ ମହିଳା ଆନ୍ଦୋଳନ ସହ ଜଡ଼ିତ ଜଣେ ଶିକ୍ଷକ ଏବଂ ଲେଖକ ଥିଲେ ।[୧] ଅନେକ ବର୍ଷ ଧରି କର୍କଟ ରୋଗରେ ପୀଡ଼ିତ ହୋଇ ସେ ୨୦୨୦ ମସିହାରେ ଅଗଷ୍ଟ ୯ ତାରିଖରେ ୬୯ ବର୍ଷ ବୟସରେ ମୃତ୍ୟୁବରଣ କରିଥିଲେ ।[୨][୩][୪]
କ୍ୟାରିଅର
[ସମ୍ପାଦନା]୨୦୦୪ ମସିହାରେ ଇଲିନା ୱାର୍ଧାସ୍ଥିତ ମହାତ୍ମା ଗାନ୍ଧୀ ଆନ୍ତର୍ଜାତୀୟ ହିନ୍ଦୀ ବିଶ୍ୱବିଦ୍ୟାଳୟରେ ଶିକ୍ଷାଦାନ ଆରମ୍ଭ କରିଥିଲେ । ସେ ସେଠାରେ ୨୦୦୭ ମସିହାରେ ପ୍ରାଧ୍ୟାପକ ଭାବେ ଯୋଗଦେଇଥିଲେ । ସେ ୱାର୍ଧାରେ ଥିବାବେଳେ ସେ ୨୦୧୧ ମସିହାରେ ଓ ପରେ ୨୦୧୪ ମସିହା ଫେବୃଆରୀରେ[୫] ଗୁଆହାଟୀରେ ଭାରତୀୟ ମହିଳା ଅଧ୍ୟୟନ ସଂଘ ("ଇଣ୍ଡିଆନ ଆସୋସିଏସନ ଅଫ ଉଇମେନ୍ସ ଷ୍ଟଡିଜ" ବା ଆଇ.ଏ.ଡବ୍ଲୁ.ଏସ. - IAWS) ସମ୍ମିଳନୀର ଆୟୋଜକ-ସମ୍ପାଦିକା ଥିଲେ । ଗୁଆହାଟୀସ୍ଥିତ ସମ୍ମୀଳନୀ ସମୟରେ ସେ ଆଇ.ଏ.ଡବ୍ଲୁ.ଏସ.ର ସଭାପତି ମଧ୍ୟ ଥିଲେ ।[୬]
୨୦୦୯ ମସିହାରେ ଇଲିନା ସେନ ଶିକ୍ଷାକ୍ଷେତ୍ରକୁ ପୁଣି ଫେରି ମହାରାଷ୍ଟ୍ରର ୱାର୍ଧାଠାରେ ମହାତ୍ମା ଗାନ୍ଧୀ ଅନ୍ତର୍ଜାତୀୟ ହିନ୍ଦୀ ବିଶ୍ୱବିଦ୍ୟାଳୟରେ ଶିକ୍ଷା ଦେଇଥିଲେ । ଏହା ପରେ ସେ ମୁମ୍ବାଇକୁ ଯାଇ ସେଠାରେ ଟାଟା ସାମାଜିକ ବିଜ୍ଞାନ ପ୍ରତିଷ୍ଠାନରେ ଆଡଭାନ୍ସଡ ସେଣ୍ଟର ଫର ଉଇମେନ୍ସ ଷ୍ଟଡିଜ ଅଧ୍ୟାପନା କରିଥିଲେ ।[୭][୮] ଜୁଲାଇ ୨୦୧୩ରୁ ଜୁଲାଇ ୨୦୧୫ ପର୍ଯ୍ୟନ୍ତ ସେ ନେହରୁ ସ୍ମାରକୀ ଲାଇବ୍ରେରୀରେ ଜଣେ ବରିଷ୍ଠ ଫେଲୋ ଥିଲେ ।[୫]
ଛତିଶଗଡ଼ରେ କର୍ମୀଜୀବନ
[ସମ୍ପାଦନା]୧୯୮୦ଦଶକର ଆରମ୍ଭରେ ଇଲିନା ନିଜ ସାଥୀ ବିନାୟକ ସେନଙ୍କ ସହ ଏକ ଆଦିବାସୀ ଆନ୍ଦୋଳନର ଲୋକଙ୍କ ସହ କାମ କରିବା ପାଇଁ ଛତିଶଗଡ଼ ଚାଲିଯାଇଥିଲେ ।[୯] ପ୍ରଥମେ ସେ ବିଭିନ୍ନ କିସମର ଧାନ ବିହନ[୧] ଏବଂ ଚାଉଳର ସଂରକ୍ଷଣରେ ସତତ ବିକାଶ ସୁନିଶ୍ଚିତ କରିବା ପାଇଁ କାମ କରିଥିଲେ । ତା'ପରେ ସେ ଶଙ୍କର ଗୁହା ନିଯୋଗୀଙ୍କଦ୍ୱାରା[୧] ଆରମ୍ଭ କରାଯାଇଥିବା ଟ୍ରେଡ ଇଉନିଅନରେ କାମ କରିବା ଆରମ୍ଭ କରିଥିଲେ । ସେଠାରେ ସେ ଅନେକ ବର୍ଷ ଧରି ଟ୍ରେଡ ଇଉନିଅନ, ଆଦିବାସୀ ଏବଂ ଅଭାବୀ ଲୋକଙ୍କ ସହିତ କାମ କରିଥିଲେ ।[୯][୧୦]
ସେନ ଦମ୍ପତି ଅନେକ ବର୍ଷ ଗ୍ରାମୀଣ ମଧ୍ୟ ପ୍ରଦେଶରେ ମଧ୍ୟ କାମ କରୁଥିଲେ । ସେହି ସମୟରେ ମଧ୍ୟ ପ୍ରଦେଶର ଲୁହା ଓର ଖଣି ଅଞ୍ଚଳରେ ଛତିଶଗଡ଼ ମାଇନ୍ସ ଶ୍ରମିକ ସଂଗଠନ (ସି.ଏମ.ଏସ.ଏସ.)[୪] ନାମକ ଏକ ଏକ ସ୍ୱାଧୀନ ଶ୍ରମିକ ସଂଗଠନ ସହିତ ଜଡ଼ିତ ଥିଲେ । ସେମାନେ ସି.ଏମ.ଏସ.ଏସ.ର ଶହିଦ ଡାକ୍ତରଖାନା ସହ ମଧ୍ୟ କାର୍ଯ୍ୟ କରିଥିଲେ । ଏହି ଡାକ୍ତରଖାନା ଶ୍ରମିକ ଆନ୍ଦୋଳନ ମଧ୍ୟରେ ସ୍ୱାସ୍ଥ୍ୟସେବା ପ୍ରଦାନ କରୁଥିଲା ।[୪]
ସେ ମଧ୍ୟ-ଭାରତରେ ଭୁଲ କାରଣରୁ ଗିରଫ ହୋଇଥିବା ଆଦିବାସୀ ପୁରୁଷମାନଙ୍କୁ ମୁକୁଳାଇବା ପାଇଁ ଏବଂ ଉପଦ୍ରବ ଓ ମାଓବାଦୀ ତଥା ନକ୍ସଲବାଦୀମାନଙ୍କୁ ସାହାଯ୍ୟ କରିବା ଅଭିଯୋଗରେ[୧୦] ଛତିଶଗଡ଼ର ଏକ ନିମ୍ନ ଅଦାଲତଦ୍ୱାରା ଆଜୀବନ କାରାଦଣ୍ଡ ପାଇଥିବା ବିନାୟକଙ୍କୁ ମୁକୁଳାଇବା ପାଇଁ ଅଭିଯାନ କରିଥିଲେ ।[୧୧] ବିନାୟକ ଶେଷରେ ୨୦୧୧ରେ ମୁକ୍ତ ହୋଇଥିଲେ ।[୧୨] ଦୂର୍ଗମ ଅଞ୍ଚଳରେ ବିକଳ୍ପ ସ୍ୱାସ୍ଥ୍ୟସେବା ଯୋଗାଇବା ପାଇଁ ସେ ରୂପାନ୍ତର ନାମରେ ଏକ ଅଣ-ଲାଭକାରୀ ସଂସ୍ଥା ପ୍ରତିଷ୍ଠା କରିଥିଲେ ।[୯]
ଆଧାର
[ସମ୍ପାଦନା]- ↑ ୧.୦ ୧.୧ ୧.୨ "Ilina Sen As We Knew Her: A Tribute from WSS". Countercurrents (in ଆମେରିକୀୟ ଇଂରାଜୀ). 2020-08-11. Retrieved 2020-08-12.
- ↑ Aug 10, TNN /; 2020; Ist, 06:00. "Activist Ilina, wife of Binayak Sen, passes away | Kolkata News - Times of India". The Times of India (in ଇଂରାଜୀ). Retrieved 2020-08-12.
{{cite web}}:|last2=has numeric name (help)CS1 maint: numeric names: authors list (link) - ↑ Staff, Scroll. "Activist and academic Ilina Sen dies at 69". Scroll.in (in ଆମେରିକୀୟ ଇଂରାଜୀ). Retrieved 2020-08-12.
- ↑ ୪.୦ ୪.୧ ୪.୨ "Social Activist, Academic and Author Ilina Sen Passes Away". The Wire. Retrieved 2020-08-12.
- ↑ ୫.୦ ୫.୧ "Ilina Sen As We Knew Her: A Tribute from WSS". Countercurrents (in ଆମେରିକୀୟ ଇଂରାଜୀ). 2020-08-11. Retrieved 2020-08-12.
- ↑ "Essay: A tribute to Ilina Sen". hindustantimes.com (in ଇଂରାଜୀ). Retrieved 2020-08-15.
- ↑ "Ilina Sen Symbolised Courage, Empathy And Selflessness". www.outlookindia.com/. Retrieved 2020-08-12.
- ↑ "Binayak Sen". The Week (in ଇଂରାଜୀ). Retrieved 2020-08-12.
- ↑ ୯.୦ ୯.୧ ୯.୨ "Social activist and author Ilina Sen passes away". The Indian Express (in ଇଂରାଜୀ). 2020-08-09. Retrieved 2020-08-12.
- ↑ ୧୦.୦ ୧୦.୧ "Activist, academic & author Ilina Sen passes away". The Bengal Story - English (in ଆମେରିକୀୟ ଇଂରାଜୀ). 2020-08-10. Retrieved 2020-08-12.
- ↑ "Ilina talks tough". Hindustan Times (in ଇଂରାଜୀ). 2011-03-25. Retrieved 2020-08-12.
- ↑ Venkatesan, J. (2011-04-15). "Binayak Sen gets bail in Supreme Court". The Hindu (in Indian English). ISSN 0971-751X. Retrieved 2020-08-12.