ଆଶୁତୋଷ ମହାପାତ୍ର
ଆଶୁତୋଷ ମହାପାତ୍ର | |
|---|---|
| ଜନ୍ମ | |
| ଜାତୀୟତା | ଭାରତୀୟ |
| ବୃତ୍ତି | ନାଟ୍ୟକାର (ଯାତ୍ରା) |
| ସକ୍ରିୟ ବର୍ଷ | ୨୦୦୩ରୁ ଏପର୍ଯ୍ୟନ୍ତ |
| ପିତାମାତା | କିଶୋର ମହାପାତ୍ର |
ଆଶୁତୋଷ ମହାପାତ୍ର ଜଣେ ଓଡ଼ିଆ ନାଟ୍ୟକାର, ଅଭିନେତା ଓ ନାଟ୍ୟ ନିର୍ଦ୍ଦେଶକ, ଯିଏକି ଅନେକ ଯାତ୍ରା ନାଟକ ରଚନା କରିଛନ୍ତି । ୨୦୦୩ ମସିହାରୁ ସେ ପ୍ରଥମ ଥର ପାଇଁ ଯାତ୍ରାନାଟକ ରଚନା କରିବା ଆରମ୍ଭ କରିଥିଲେ । ପରବର୍ତ୍ତୀ ସମୟରେ ସେ କୋଣାର୍କ ଗଣନାଟ୍ୟ, ରଙ୍ଗମହଲ, ସ୍ୱର୍ଣ୍ଣ ମହଲ, ଗୌରୀ ଗଣନାଟ୍ୟ, ତୁଳସୀ ଗଣନାଟ୍ୟ, ଶିବାନୀ, ତାରିଣୀ, ବାଘାଯତୀନ ଆଦିରେ ନାଟକ ରଚନା କରିଥିଲେ ।
ବ୍ୟକ୍ତିଗତ ଜୀବନ
[ସମ୍ପାଦନା]ଆଶୁତୋଷ ଜଗତସିଂହପୁର ଜିଲ୍ଲାର ରଘୁନାଥପୁର ବ୍ଲକ ଅନ୍ତର୍ଗତ ରେଢ଼ୁଆ ଗ୍ରାମରେ ସେ ଜନ୍ମଗ୍ରହଣ କରିଥିଲେ । ଓଡ଼ିଆ ଯାତ୍ରା ଜଗତରେ ସେ ଜଣେ ନାଟ୍ୟକାର, ଗୀତିକାର ଓ ନିର୍ଦ୍ଦେଶକ ଭାବେ ସୁପରିଚିତ । ନାଟ୍ୟକାର ପିତା ଇଂ କିଶୋର ମହାପାତ୍ରଙ୍କ ପଦାଙ୍କ ଅନୁସରଣ କରି ସେ ପିଲାଦିନରୁ ନାଟକ ରଚନା ପ୍ରତି ମନ ବଳାଇଥିଲେ । ମାତ୍ର ପିତାଙ୍କ ଇଚ୍ଛା ମୁତାବକ ପ୍ରଥମେ ପାଠ ପଢ଼ି ଜଣେ ଯନ୍ତ୍ରୀ ଭାବେ ନିଜ କର୍ମମୟ ଜୀବନ ଆରମ୍ଭ କରିଥିଲେ । ପରେ ବାପଙ୍କ ପେସା ଓ ନିଶାକୁ ଆପଣେଇଥିଲେ । ତାଙ୍କର ପ୍ରଥମ ନାଟକ 'ଚାରି ଛକରେ ତିନି ଝିଅ' ଗୋରୀ ଗଣନାଟ୍ୟରେ ଓ ଦ୍ୱିତୀୟ ନାଟକ 'ସୁନ୍ଦରୀ ଝିଅଙ୍କୁ ଦୂରୁ ଜୁହାର' ତୁଳସୀ ଗଣନାଟ୍ୟରେ ମଞ୍ଚସ୍ଥ ହୋଇଥିଲା । ୮୦ରୁ ଉର୍ଦ୍ଧ୍ୱ ନାଟକର ସ୍ରଷ୍ଟା ଆଶୁତୋଷ ନିଜର ଅଧିକାଂଶ ନାଟକରେ ନିଜେ ନିର୍ଦ୍ଦେଶନା ଦେଇଛନ୍ତି ।[୧] ଜଣେ ଅଭିନେତା ଭାବେ ଆଶୁତୋଷ ନାଟକ ବ୍ୟତୀତ ଦୂରଦର୍ଶନର କିଛି ଧାରାବାହିକରେ ନକରାତ୍ମକ ଭୂମିକାରେ ଅଭିନୟ କରି ଦର୍ଶକୀୟ ଆଦୃତି ଲାଭ କରିପାରିଛନ୍ତି । ତାଙ୍କ ନିର୍ଦ୍ଦେଶନାରେ 'ବାଜିବଲୋ ସାହାନାଇ' ଚଳଚ୍ଚିତ୍ର ୨୦୨୩ରେ ମୁକ୍ତିଲାଭ କରିଥିଲା ।[୨]
ଅଭିନୟ
[ସମ୍ପାଦନା]ଆଶୁତୋଷ ମହାପାତ୍ର ଓଡ଼ିଆ ଦୂରଦର୍ଶନ ଧାରାବାହିକରେ ଅଭିନୟ କରିଥିଲେ । ଇ ଟିଭି ଓଡ଼ିଆରେ ପ୍ରସାରିତ ଧାରାବାହିକ ଗାୟତ୍ରୀରେ ସେ ଅଭିନୟ କରିଥିଲେ । ଏହି ଧାରାବାହିକଟିରେ ତାଙ୍କର ଅଭିନୟ ଆଶୁତୋଷଙ୍କୁ ଅଧିକ ଲୋକପ୍ରିୟତା ଦେଇଥିଲା । ସେ ମୁଠାଏ ସପନ, ଭାଗ୍ୟ ବିଧାତା, ମାଉସୀ ଆଦି ଧାରାବାହିକରେ ଅଭିନୟ କରିଥିଲେ ।
ଅଭିନୀତ ଧାରାବାହିକ
[ସମ୍ପାଦନା]- ମୁଠାଏ ସପନ
- ମାଉସୀ - ଇ ଟିଭି ଓଡ଼ିଆ
- ଗାୟତ୍ରୀ - ଇ ଟିଭି ଓଡ଼ିଆ
- ଭାଗ୍ୟ ବିଧାତା - ଇ ଟିଭି ଓଡ଼ିଆ
- ତୋ ଅଗଣାରେ ତୁଳସୀ ମୁଁ - ଜୀ ସାର୍ଥକ
ରଚିତ ନାଟକ
[ସମ୍ପାଦନା]- ଚାରି ଛକରେ ତିନି ଝିଅ
- ସୁନ୍ଦରୀ ଝିଅଙ୍କୁ ଦୂରୁ ଜୁହାର
- ପାପ ଜାଣିନି କି ପୁଣ୍ୟ ଜାଣିନି
- ଗରିବର ଦୁଃଖ ଦେଖିଛି କିଏ
- ବେଳ ବୁଡ଼ିଲେ ବେବିନା କାନ୍ଦେ
- କେମିତି ଏ ବନ୍ଧନ
- ସ୍ୱାମୀର ସିନ୍ଦୂର ସତ ଲାଗୁନି
- ଶ୍ରାବଣ ମାସର ଶେଷ ରାତି
- କେତେ ଦୁଃଖ ଦେବୁ ଦେ'ରେ କାଳିଆ
- ବଳାତ୍କାର
- ଶେଷ ଠିକଣା ସ୍ୱର୍ଗଦ୍ୱାର
- ବଡ଼ଦାଣ୍ଡର ଭିକାରୀ
- ପତିବ୍ରତା
- ସ୍ୱାମୀ ଆସିଥିଲା ରାତିକ କାଇଁ
- ଷ୍ଟେସନ କୁଲି
- ଜଗା ଧରିଛି ଜୀବନ ପଘା
ନିର୍ଦ୍ଦେଶିତ ନାଟକ
[ସମ୍ପାଦନା]- ଚାରି ଛକରେ ତିନି ଝିଅ
- ହାତୀ ନାହିଁ କି ଘୋଡ଼ା ନାହିଁ
- ବାସନ୍ତୀ ଭାଉଜ ଭାରି ଖରାପ
- ବାଜିବଲୋ ସାହାନାଇ
- ଅର୍ଦ୍ଧାଙ୍ଗିନୀ
- ବଳତ୍କାର
- ଷ୍ଟେସନ କୁଲି