ଅବନୀ ଚତୁର୍ବେଦୀ
ଅବନୀ ଚତୁର୍ବେଦୀ | |
|---|---|
 | |
| ବ୍ୟକ୍ତିଗତ ସବିଶେଷ | |
| ଜନ୍ମ | ୨୭ ଅକ୍ଟୋବର ୧୯୯୩ ସାତନା, ମଧ୍ୟପ୍ରଦେଶ, ଭାରତ |
| ଜୀବନ ସାଥୀ | ବିନିତ ଚିକାରା |
| ଶିକ୍ଷା | ବନସ୍ଥଳୀ ବିଶ୍ୱବିଦ୍ୟାଳୟ, ରାଜସ୍ଥାନ, ଭାରତ (ବି.ଟେକ୍ କମ୍ପ୍ୟୁଟର ସାଇନ୍ସ) |
| ବୃତ୍ତି | ଯୁଦ୍ଧ ବିମାନଚାଳକ |
| Military service | |
| ଆନୁଗତ୍ୟ |  ଭାରତ |
| Branch/service |  ଭାରତୀୟ ବାୟୁସେନା |
| ର୍ୟାଙ୍କ |  ସେନାଦଳର ନେତା |
ଅବନୀ ଚତୁର୍ବେଦୀ (ଜନ୍ମ ୨୭ ଅକ୍ଟୋବର ୧୯୯୩) ମଧ୍ୟପ୍ରଦେଶର ରେବା ଜିଲ୍ଲାରେ ଜନ୍ମିତ ଜଣେ ଭାରତୀୟ ବିମାନଚାଳକ ଅଟନ୍ତି । ତାଙ୍କୁ ତାଙ୍କର ଦୁଇ ସହଯୋଗୀ ମୋହନା ସିଂ ଜିତରବାଲ ଏବଂ ଭାବନା କଣ୍ଠଙ୍କ ସହ ପ୍ରଥମ ମହିଳା ଯୁଦ୍ଧ ବିମାନଚାଳକ ଭାବରେ ଘୋଷଣା କରାଯାଇଥିଲା ।[୧][୨] ଜୁନ ୨୦୧୬ ମସିହାରେ ଏହି ତ୍ରି ଭାରତୀୟ ବାୟୁସେନା ଯୁଦ୍ଧ ବିମାନ ସେନାଦଳରେ ଅନ୍ତର୍ଭୁକ୍ତ କରାଯାଇଥିଲା । ଦେଶର ସେବା କରିବା ପାଇଁ ସେମାନଙ୍କୁ ୧୮ ଜୁନ ୨୦୧୬ ମସିହାରେ ତତ୍କାଳୀନ ପ୍ରତିରକ୍ଷା ମନ୍ତ୍ରୀ ମନୋହର ପାରିକର ଆନୁଷ୍ଠାନିକ ଭାବରେ ନିର୍ଦ୍ଦେଶ ଦେଇଥିଲେ ।[୩]
ପ୍ରାଥମିକ ଜୀବନ ଏବଂ ଶିକ୍ଷା[ସମ୍ପାଦନା]
ଅବନୀ ୨୭ ଅକ୍ଟୋବର ୧୯୯୩ ମସିହାରେ ଜନ୍ମଗ୍ରହଣ କରିଥିଲେ । ତାଙ୍କ ପିତା ଦିନକର ଚତୁର୍ବେଦୀ ମଧ୍ୟପ୍ରଦେଶ ସରକାରଙ୍କ ଜଳ ଉତ୍ସ ବିଭାଗର ଜଣେ ଅଧୀକ୍ଷକ ଏବଂ ମାତା ଜଣେ ଗୃହିଣୀ ଅଟନ୍ତି । ସେ ମଧ୍ୟପ୍ରଦେଶର ଶାହଦୋଲ ଜିଲ୍ଲାର ଏକ ଛୋଟ ସହର ଦେଓଲଣ୍ଡରୁ ନିଜର ପାଠପଢ଼ା ସମାପ୍ତ କରିଥିଲେ ।[୪] ୨୦୧୪ ମସିହାରେ ରାଜସ୍ଥାନର ବନସ୍ଥଳୀ ବିଶ୍ୱବିଦ୍ୟାଳୟରୁ ଟେକ୍ନୋଲୋଜିରେ ସ୍ନାତକୋତ୍ତର ସମାପ୍ତ କରିବା ପରେ କଲେଜର ଫ୍ଲାଇଙ୍ଗ କ୍ଲବରେ ଯୋଗ ଦେଇଥିଲେ ଯାହା ତାଙ୍କୁ ଉଡ଼ିବାପାଇଁ ଆକର୍ଷିତ କରିଥିଲା । ସେ AFCAT ପାସ୍ କରିଥିଲେ ଏବଂ AFSBଦ୍ୱାରା ତାଙ୍କୁ ପରାମର୍ଶ ଦିଆଯାଇଥିଲା ।
ଅବନୀ ଚେସ, ଟେବୁଲ ଟେନିସ ଖେଳିବା ସହିତ ସ୍କେଚିଂ ଏବଂ ପେଣ୍ଟିଂ କରିବାକୁ ପସନ୍ଦ କରନ୍ତି । ଭାରତୀୟ ସେନାରେ ଜଣେ ଅଧିକାରୀ ଥିବା ଅବନୀଙ୍କ ବଡ ଭାଇ ତାଙ୍କୁ ଭାରତୀୟ ବାୟୁସେନାରେ ଯୋଗଦେବାକୁ ପ୍ରେରଣା ଦେଇଥିଲେ ।
ବୃତ୍ତି[ସମ୍ପାଦନା]
ସେ ବାୟୁସେନା ଏକାଡେମୀରେ ତାଲିମ ପାଇଁ ମନୋନୀତ ହୋଇ ୨୫ ବର୍ଷ ବୟସରେ ତାଲିମ ସମାପ୍ତ କରିଥିଲେ । ପରବର୍ତ୍ତୀ ତାଲିମ ପରେ, ଚତୁର୍ବେଦୀ ଜୁନ ୨୦୧୬ ମସିହାରେ ଯୁଦ୍ଧ ବିମାନଚାଳକ ହୋଇଥିଲେ ।[୫][୬]
ପୁରସ୍କାର ଏବଂ ସ୍ୱୀକୃତି[ସମ୍ପାଦନା]
୨୦୨ ମସିହାରେ, ତାଙ୍କୁ ବନସ୍ଥଳୀ ବିଦ୍ୟାପୀଠରୁ ଡକ୍ଟରେଟ ଡିଗ୍ରୀ ସହିତ ସମ୍ମାନିତ କରାଯାଇଥିଲା । ୯ ମାର୍ଚ୍ଚ ୨୦୨୦ ମସିହାରେ, ରାଷ୍ଟ୍ରପତି ରାମନାଥ କୋବିନ୍ଦଦ୍ୱାରା ନାରୀ ଶକ୍ତି ପୁରସ୍କାର ସହିତ ଚତୁର୍ବେଦୀଙ୍କୁ ପୁରସ୍କୃତ କରାଯାଇଥିଲା ।[୭]
ଆଧାର[ସମ୍ପାଦନା]
- ↑ "Avani, Bhawana, Mohana become IAF's first women fighter pilots - Times of India". The Times of India. Retrieved 2016-12-09.
- ↑ Krishnamoorthy, Suresh. "First batch of three female fighter pilots commissioned". The Hindu. Retrieved 2016-12-09.
- ↑ Gurung, Shaurya Karanbir (2019-07-17). "IAF pilots test F-21 simulator". The Economic Times. Retrieved 2019-10-18.
- ↑ "MP girl Avani Chaturvedi to be one amongst India's first three women fighter pilots". english.pradesh18.com. Retrieved 2016-12-09.
- ↑ "The first Indian woman to fly a fighter jet". BBC News (in ବ୍ରିଟିଶ୍ ଇଂରାଜୀ). 2018-02-22. Retrieved 2019-12-03.
- ↑ "For IAF's first women fighter pilots Mohana Singh, Bhawana Kanth & Avani Chaturvedi, sky is no limit". The Economic Times. Retrieved 2016-12-09.
- ↑ "Flying MiG-21 Bison matter of pride: Flt Lt Bhawana Kanth". Livemint (in ଇଂରାଜୀ). 2020-03-09. Retrieved 2020-04-10.