ବିଜୁ ପଟ୍ଟନାୟକ ଫିଲ୍ମ ଓ ଟେଲିଭିଜନ ଅନୁଷ୍ଠାନ

ଉଇକିପିଡ଼ିଆ‌ରୁ
ବିଜୁ ପଟ୍ଟନାୟକ ଫିଲ୍ମ ଓ ଟେଲିଭିଜନ ଅନୁଷ୍ଠାନ
ବିଜୁ ପଟ୍ଟନାୟକ ଫିଲ୍ମ ଓ ଟେଲିଭିଜନ ଅନୁଷ୍ଠାନର ପ୍ରବେଶଦ୍ୱାର
ବିଜୁ ପଟ୍ଟନାୟକ ଫିଲ୍ମ ଓ ଟେଲିଭିଜନ ଅନୁଷ୍ଠାନର ପ୍ରବେଶଦ୍ୱାର
ସ୍ଥାପିତ୧୯୯୮
ପ୍ରକାରଚଳଚ୍ଚିତ୍ର ସମ୍ବନ୍ଧିୟ
ଅବସ୍ଥାନକଟକ, ଓଡ଼ିଶା, ଭାରତ
ପରିସରଭୁବନାନନ୍ଦ ଓଡ଼ିଶା ସ୍କୁଲ ଅଫ ଇଞ୍ଜିନିୟରିଂ
ଅନୁବନ୍ଧନରାଜ୍ୟ ବୈଷୟିକ ଶିକ୍ଷା ଓ ପ୍ରଶିକ୍ଷଣ ପରିଷଦ, ଓଡ଼ିଶା
ୱେବସାଇଟwww.bpftio.org/BijuPattanaik/index.html


ବିଜୁ ପଟ୍ଟନାୟକ ଫିଲ୍ମ ଓ ଟେଲିଭିଜନ ଅନୁଷ୍ଠାନ, କଟକରେ ଥିବା ଏକ ସ୍ୱୟଂଶାସିତ ବୈଷୟିକ ଶିକ୍ଷାନୁଷ୍ଠାନ ।[୧] ଏଠାରେ ଚଳଚ୍ଚିତ୍ର ସମ୍ବନ୍ଧିତ ବୈଷୟିକ ଜ୍ଞାନକୌଶଳ ଶିକ୍ଷା ଦିଆଯାଏ । ଏହା ଓଡ଼ିଶା ସରକାରଙ୍କଦ୍ୱାରା ବିଶ୍ୱବ୍ୟାଙ୍କ ସହାୟତାରେ ଫିଲ୍ମ ନିର୍ମାଣ ଓ ଟେଲିଭିଜନ କାର୍ଯ୍ୟକ୍ରମ ପ୍ରସ୍ତୁତି ପାଇଁ ଦରକାର ହେଉଥିବା ବୈଷୟିକ ଜ୍ଞାନପ୍ରାପ୍ତ ଜନସମ୍ବଳ ସୃଷ୍ଟି ପାଇଁ ପ୍ରତିଷ୍ଠା କରାଯାଇଛି । ମହାନଦୀ କୁଳରେ ଓଡ଼ିଶା ରାଜ୍ୟର ସର୍ବପୁରାତନ ଭୁବନାନନ୍ଦ ଓଡ଼ିଶା ସ୍କୁଲ ଅଫ ଇଞ୍ଜିନିୟରିଂର ପରିସର ମଧ୍ୟରେ ଏହା ରହିଛି । ଓଡ଼ିଶା ସରକାରଙ୍କ ଆର୍ଥିକ ସହାୟତାରେ ପରିଚାଳିତ ଏହି ପ୍ରତିଷ୍ଠାନରେ ନିଯୁକ୍ତି, ବୈଷୟିକ ଶିକ୍ଷା ଓ ତାଲିମ , ବିଭାଗରେ ୩ଟି ସ୍ୱତନ୍ତ୍ର ବିଭାଗ, ଯଥା ସିନେମାଟୋଗ୍ରାଫି , ଶବ୍ଦ ଓ ଟିଭି ଇଂଜିନିଯରିଂ ଏବଂ ଫିଲ୍ମ ଓ ଭିଡିଓ ଏଡିଟିଂରେ ଶିକ୍ଷା ପ୍ରଦାନ କରାଯାଇଥାଏ ।[୨]

ଇତିହାସ [ସମ୍ପାଦନା]

୧୯୯୮ ମସିହାରେ ଏହି ପ୍ରତିଷ୍ଠାନର ସ୍ଥାପନ ହେଇଥିଲା । ଏଥିପାଇଁ ମୂଳ ବିନିଯୋଗ ପାଇଁ ବିଶ୍ୱବ୍ୟାଙ୍କରୁ ଆର୍ଥିକ ସହାୟତା ନିଆ ଯାଇଥିଲା । ଏଠାରେ ଫିଲ୍ମ ଶୁଟିଙ୍ଗ ପାଇଁ ଦରକାର ହଉଥିବା ଅତ୍ୟାଧୁନିକ ଯନ୍ତ୍ରପାତି ରହିଛି ଏବଂ ଏଠାରେ ସିନେମାଟୋଗ୍ରାଫି , ଶବ୍ଦ ଗ୍ରହଣ ଓ ଚିତ୍ର ସମ୍ପାଦନ ଶିକ୍ଷା ପ୍ରଦାନ ପାଇଁ ପ୍ରବୀଣ ଶିକ୍ଷକମାନେ ରହିଛନ୍ତି । ଏହି ପ୍ରତିଷ୍ଠାନରୁ ଅଦ୍ୟାବଧି ୧୪ଟି ବ୍ୟାଚର ଛାତ୍ର ପ୍ରଶିକ୍ଷଣ ନେଇ ବିଭିନ୍ନ ମିଡ଼ିଆ ଚ୍ୟାନେଲ , ସରକାରୀ ଓ ବେସରକାରୀ କ୍ଷେତ୍ରରେ ନିଯୁକ୍ତି ପାଇଛନ୍ତି । ଅନୁଷ୍ଠାନରେ ଚଳଚ୍ଚିତ୍ର ସମ୍ବନ୍ଧିୟ ସମ୍ପାନ, ବିଶ୍ୱ ସିନେମା ଦିବସ ଭଳି ମହୋତ୍ସବ ମଧ୍ୟ ପାଳନ କରାଯାଏ ।[୩][୪]

ପାଠ୍ୟକ୍ରମ [ସମ୍ପାଦନା]

ଏହି ପ୍ରତିଷ୍ଠାନରେ ସିନେମାଟୋଗ୍ରାଫି, ଶବ୍ଦ ଓ ଟେଲିଭିଜନ ଇଂଜିନିୟରିଂ ଏବଂ ଫିଲ୍ମ ଓ ଭିଡିଓ ଏଡିଟିଂ ଏହି ୩ଟି ବିଷୟରେ ୩ ବର୍ଷୀୟ ଡିପ୍ଲୋମା ପାଠ୍ୟକ୍ରମ ରହିଛି ।[୫] 

ଆଧାର [ସମ୍ପାଦନା]

  1. "Odisha Stage Film Policy 2019" (PDF). investodisha.gov.in. Retrieved 13 July 2020.
  2. "BPFTIO". www.bpftio.org. Archived from the original on 26 August 2014. Retrieved 22 August 2014.
  3. "World Cinema Day celebrations at BPFTIO, Cuttack". odishatv.in/. odisha tv. Retrieved 13 July 2020.
  4. "BPFTIO celebrates Cinema Day to pay tribute to the Lumiere Brothers -Happy Birth Day to Cinema". orissadiary.com. orissa diary. Retrieved 13 July 2020.
  5. "Lights, Camera, Action In Place! Odisha Film Institute Needs Course Correction". odishabytes.com. Archived from the original on 18 Nov 2019. Retrieved 13 July 2020.