ନିର୍ମଳା କୁମାରୀ ମହାପାତ୍ର

ନିର୍ମଳା କୁମାରୀ ମହାପାତ୍ର
ଜନ୍ମ	ଅଡଙ୍ଗା ମଲ୍ଲିକାଶପୁର, କଟକ
ଜାତୀୟତା	ଭାରତୀୟ
ବୃତ୍ତି(ସମୂହ)	ଶିକ୍ଷକ, ଲେଖକ
ଚାକିରିକ୍ଷେତ୍ର	ଓଡ଼ିଶା ସରକାର

ନିର୍ମଳା କୁମାରୀ ମହାପାତ୍ର ଜଣେ ଭାରତୀୟ ଶିକ୍ଷକ ଓ ଓଡ଼ିଆ-ଭାଷୀ ଲେଖକ । ସେ ମୁଖତଃ ଶିଶୁସାହିତ୍ୟ ରଚନା ପାଇଁ ପରିଚିତ । ତାଙ୍କର ରଚନାବଳୀ ମଧ୍ୟରେ ଚୁମକୀ (୨୦୦୭) ଓ କଚ୍ଛପ ସମାବେଶ (୨୦୧୩), କାଳଜୟୀ (୨୦୦୦) ଅନ୍ୟତମ । ସେ କନ୍ଧମାଳ, ପୁରୀ ଆଦି ଜିଲ୍ଲାରେ ଜିଲ୍ଲା ଶିକ୍ଷା ଓ ପ୍ରଶିକ୍ଷଣ ପ୍ରତିଷ୍ଠାନ ଅଧୀନରେ ଜଣେ ଶିକ୍ଷକ-ପ୍ରଶିକ୍ଷକ ଥିଲେ । ତାଙ୍କର ସାହିତ୍ୟ ରଚନା ନିମନ୍ତେ ସେ ୨୦୨୧ ମସିହାରେ ଅନନ୍ତ ପଟ୍ଟନାୟକ ଦ୍ୱିଦଶନ୍ଧି ଶିଶୁ-ସାହିତ୍ୟ ସମ୍ମାନ ଓ କଚ୍ଛପ ସମାବେଶ ପାଇଁ ୨୦୧୩ ମସିହାରେ ପ୍ରାଣକୃଷ୍ଣ ପରିଜା ଲୋକପ୍ରିୟ ବିଜ୍ଞାନ ପୁରସ୍କାର ପାଇଥିଲେ ।

ପ୍ରାରମ୍ଭିକ ଜୀବନୀ ଓ ଶିକ୍ଷା

ନିର୍ମଳା କୁମାରୀ ମହାପାତ୍ର କଟକ ଜିଲ୍ଲାସ୍ଥିତ ଅଡଙ୍ଗା ମଲ୍ଲିକାଶପୁରଠାରେ ଜନ୍ମଗ୍ରହଣ କରିଥିଲେ । ତାଙ୍କ ପିତାମାତାଙ୍କ ନାମ କାଶୀନାଥ ମହାପାତ୍ର ଓ କ୍ଷୀରତନୟା ମହାପାତ୍ର । ସେ ଇତିହାସ, ଓଡ଼ିଆ, ଆଇନ (ଏଲ.ଏଲ.ବି.), ଶିକ୍ଷା (ଏମ.ଏଡ଼.)ରେ ସ୍ନାତକୋତ୍ତର କରିଥିଲେ ଏବଂ ମାଲାୟାଲାମରେ ଡିପ୍ଲୋମା, ହିନ୍ଦୀରେ କୋବିଦ ଶିକ୍ଷାଲାଭ କରିଥିଲେ ।

ସାହିତ୍ୟ ରଚନା

ନିର୍ମଳା କୁମାରୀ ମହାପାତ୍ର ଓଡ଼ିଆରେ ଶିଶୁମାନଙ୍କ ପାଇଁ ଓ ଅନ୍ୟାନ୍ୟ କବିତା, ପ୍ରବନ୍ଧ ଓ ଗଳ୍ପ ଆଦି ସାହିତ୍ୟ ବିଭାବ ରଚନା କରିଛନ୍ତି । ତାଙ୍କ କାବ୍ୟକବିତା ଭିତରେ ଚୁମକୀ (୨୦୦୭), କଚ୍ଛପ ସମାବେଶ (୨୦୧୩), ତୁମପାଇଁ ଗୀତ ଓ କବିତା, ତୁମପାଇଁ ଯାଦୁଘର, ଏବଂ ଏକଲବ୍ୟ ଏବଂ ସୁନା କୁଲେଇ କବିତା ସଂକଳନ, ତଥା କରୁଣ ପ୍ରଶାନ୍ତ କାବ୍ୟ ଆଦି ଅନ୍ୟତମ ।

ରଚନାବଳୀ

କାବ୍ୟକବିତା

• ଚୁମକୀ (୨୦୦୭)
• ତୁମପାଇଁ ଗୀତ ଓ କବିତା
• ତୁମପାଇଁ ଯାଦୁଘର
• ଏକଲବ୍ୟ (ସଂକଳନ)
• କରୁଣ ପ୍ରଶାନ୍ତ (କାବ୍ୟ)
• ସୁନା କୁଲେଇ (ସଂକଳନ)
• ରତ୍ନମୁଦି
• ଦିଗ୍‌ବଳୟ

ପ୍ରବନ୍ଧ

• ପ୍ରତିଭାର ଝଲକ
• କାଳଜୟୀ (୨୦୦୦)

ଗଳ୍ପ

• ବ୍ୟାସଦେବଙ୍କ ଗବେଷଣା (ସଂକଳନ)
• କଚ୍ଛପ ସମାବେଶ (୨୦୧୩)

ସମ୍ମାନ ଓ ପୁରସ୍କାର

ସେ ୨୦୨୧ ମସିହାରେ ଅନନ୍ତ ପଟ୍ଟନାୟକ ଦ୍ୱିଦଶନ୍ଧି ଶିଶୁ-ସାହିତ୍ୟ ସମ୍ମାନ ପାଇଥିଲେ । ତାଙ୍କ ରଚିତ କଚ୍ଛପ ସମାବେଶ ପୁସ୍ତକ ପାଇଁ ସେ ୨୦୧୩ ମସିହାରେ ପ୍ରାଣକୃଷ୍ଣ ପରିଜା ଲୋକପ୍ରିୟ ବିଜ୍ଞାନ ପୁରସ୍କାର ପାଇଥିଲେ ।