ଡମ୍ବରୁଧର ପାଠକ

Justice ଡମ୍ବରୁଧର ପାଠକ
11th Chief justice of ଓଡ଼ିଶା ଉଚ୍ଚ ନ୍ୟାୟାଳୟ
କାର୍ଯ୍ୟକାଳ 11 August 1983 – 28 February 1986
ପୂର୍ବ ଅଧିକାରୀ	Ranganath Misra
ପର ଅଧିକାରୀ	ହରିଲାଲ ଅଗ୍ରୱାଲ
ବ୍ୟକ୍ତିଗତ ସବିଶେଷ
ଜନ୍ମ	(1924-03-01)୧ ମାର୍ଚ୍ଚ ୧୯୨୪
ମୃତ୍ୟୁ	୧୦ ଅଗଷ୍ଟ ୨୦୦୫(2005-08-10) (ବୟସ ୮୧) Guwahati, India

ଡମ୍ବରୁଧର ପାଠକ (୧ ମାର୍ଚ୍ଚ ୧୯୨୪ – ୧୦ ଅଗଷ୍ଟ ୨୦୦୫) ଜଣେ ଭାରତୀୟ ବିଚାରପତି ଥିଲେ, ଯିଏ ଓଡ଼ିଶା ଉଚ୍ଚ ନ୍ୟାୟାଳୟର ୧୧ତମ ମୁଖ୍ୟ ବିଚାରପତି ଭାବେ କାର୍ଯ୍ୟ କରିଥିଲେ ।

ସଂକ୍ଷିପ୍ତ ଜୀବନ

ଡମ୍ବରୁଧର ପାଠକଙ୍କ ଜନ୍ମ ୧ ମାର୍ଚ୍ଚ ୧୯୨୪ରେ ହୋଇଥିଲା । ସେ ୧୯୪୬ରେ କୋଲକାତା ବିଶ୍ୱବିଦ୍ୟାଳୟରୁ ସ୍ନାତକ (ବି.ଏ.) ଏବଂ ୧୯୫୩ରେ ଗୁଆହାଟି ବିଶ୍ୱବିଦ୍ୟାଳୟରୁ ଏଲଏଲବି ଡିଗ୍ରୀ ଲାଭ କରିଥିଲେ । ଆଗକୁ ଆଇନରେ ଅଧ୍ୟୟନ କରିବା ପାଇଁ ସେ ବ୍ରିଟେନ ଯାଇଥିଲେ । ଲଣ୍ଡନ ବିଶ୍ୱବିଦ୍ୟାଳୟରୁ ସେ ୧୯୫୭ରେ ଏଲଏଲଏମ ଡିଗ୍ରୀ ଲାଭ କଲେ । ସେ ଏହାର ପୂର୍ବରୁ, ୧୯୫୬ରେ ଲିଙ୍କନ୍ସ ଇନ୍ ଅନୁଷ୍ଠାନରୁ ବାର୍ ଆଟ୍ ଲ ଡିଗ୍ରୀ ହାସଲ କରିଥିଲେ ଏବଂ ଉଚ୍ଚତର ଶିକ୍ଷା ସମାପ୍ତ କରି ଭାରତକୁ ଫେରିଲେ । ସେ ଏପ୍ରିଲ୍ ୧୯୫୮ରେ ଗୁଆହାଟି ଉଚ୍ଚ ନ୍ୟାୟାଳୟରେ ଏକ ଅଧିବକ୍ତା ଭାବେ ନିଯୁକ୍ତି ହୋଇଥିଲେ । ୧୯୬୧ରୁ ସେ ଭାରତୀୟ ସୁପ୍ରିମ୍ କୋର୍ଟରେ ମଧ୍ୟ ଓକିଲାତି କରି ମାମଲାରେ ପ୍ରତିନିଧିତ୍ୱ କରିବା ଆରମ୍ଭ କଲେ ।

ପାଠକ ୧୯୫୮ରୁ ଗୁଆହାଟି ବିଶ୍ୱବିଦ୍ୟାଳୟର ଆଇନ କଲେଜର ସାମୟିକ ଅଧ୍ୟାପକ ଥିଲେ ଏବଂ ତାହାର ତିନି ବର୍ଷ ପର୍ଯ୍ୟନ୍ତ ସାମୟିକ ଅଧ୍ୟକ୍ଷ ଭାବେ ମଧ୍ୟ କାର୍ଯ୍ୟ କଲେ । ସେ ଆଇନ ବିଷୟକ ପ୍ରବନ୍ଧ ଏବଂ ପୁସ୍ତକ ଲେଖି ଏହି ବିଭାଗରେ ଗୁରୁତ୍ୱପୂର୍ଣ୍ଣ ଅବଦାନ ଦେଇଥିଲେ । ନିଜ କାର୍ଯ୍ୟକାଳ ସମୟରେ, ସେ ୮ ଅଗଷ୍ଟ ୧୯୭୩ରେ ଗୁଆହାଟି ଉଚ୍ଚ ନ୍ୟାୟାଳୟର ବେଞ୍ଚରେ ବିଚାରପତି ଭାବେ ନିଯୁକ୍ତ ହୋଇଥିଲେ । ସେ ଏପ୍ରିଲ୍ ୧୮, ୧୯୮୩ରୁ ଅଗଷ୍ଟ ୧୦, ୧୯୮୩ ପର୍ଯ୍ୟନ୍ତ ଗୁଆହାଟି ଉଚ୍ଚ ନ୍ୟାୟାଳୟର ମୁଖ୍ୟ ବିଚାରପତି ଥିଲେ ଏବଂ ଓଡ଼ିଶା ଉଚ୍ଚ ନ୍ୟାୟାଳୟର ମୁଖ୍ୟ ବିଚାରପତି ଭାବେ ୧୧ ଅଗଷ୍ଟ ୧୯୮୩ରୁ ୨୮ ଫେବୃଆରୀ ୧୯୮୬ ପର୍ଯ୍ୟନ୍ତ କାର୍ଯ୍ୟ କଲେ ।

୮୧ ବର୍ଷ ବୟସରେ ୧୦ ଅଗଷ୍ଟ ୨୦୦୫ରେ ପାଠକଙ୍କ ଦେହାନ୍ତ ଗୁଆହାଟିରେ ତାଙ୍କ ନିଜ ଗୃହରେ ହୋଇଥିଲା ।