ଲଳିତ ମୋହନ ଶର୍ମା

ଇଂରାଜୀ ଲିଙ୍କ

https://or.wikipedia.org/wiki/Lalit_Mohan_Sharma

ଲଳିତ ମୋହନ ଶର୍ମା
ଜଷ୍ଟିସ ଲଳିତ ମୋହନ ଶର୍ମା
୨୪ତମ ମୁଖ୍ୟ ବିଚାରପତି, ଉଚ୍ଚତମ ନ୍ୟାୟାଳୟ
Appointed by	ଭାରତର ରାଷ୍ଟ୍ରପତି ଶଙ୍କର ଦୟାଲ ଶର୍ମା
ପୂର୍ବ ଅଧିକାରୀ	ମଧୁକର ହିରାଲାଲ କାନିୟା
ପର ଅଧିକାରୀ	ଜଷ୍ଟିସ ଏମ୍. ଏନ୍. ଭେଙ୍କେଟଚାଲିୟା
ବ୍ୟକ୍ତିଗତ ସବିଶେଷ
ଜନ୍ମ	(1928-02-12)୧୨ ଫେବୃଆରୀ ୧୯୨୮ ଗୟା, (ବିହାର)
ମୃତ୍ୟୁ	୩ ନଭେମ୍ବର ୨୦୦୮(2008-11-03) (ବୟସ ୮୦) ପାଟନା

ଲଳିତ ମୋହନ ଶର୍ମା (୧୨ ଫେବୃଆରୀ ୧୯୨୮ – ୩ ନଭେମ୍ବର ୨୦୦୮) ଭାରତର ଉଚ୍ଚତମ ନ୍ୟାୟାଳୟର ୨୪ତମ ମୁଖ୍ୟ ବିଚାରପତି । ତାଙ୍କ ପିତା ଏଲ୍. ଏନ୍. ସିହ୍ନା ଥିଲେ ଭାରତର ପୂର୍ବତନ ଆଟର୍ଣ୍ଣି ଜେନେରାଲ । ଜଷ୍ଟିସ ଶର୍ମା ଭାରତର ଉଚ୍ଚତମ ନ୍ୟାୟାଳୟରେ ୧୮ ନଭେମ୍ବର ୧୯୯୨ରୁ ୧୧ ଫେବୃଆରୀ ୧୯୯୩ ପର୍ଯ୍ୟନ୍ତ ମୁଖ୍ୟ ବିଚାରପତି ଭାବେ କାର୍ଯ୍ୟ ତୁଲାଇଥିଲେ ।

ବୃତ୍ତିଗତ ଜୀବନ

ଜଷ୍ଟିସ ଶର୍ମା ପାଟନା ବିଶ୍ୱବିଦ୍ୟାଳୟରୁ ୧୯୪୬ ମସିହାରେ ବି. ଏ. (ସମ୍ମାନ) ପରୀକ୍ଷାରେ ଉତ୍ତୀର୍ଣ୍ଣ ହେବା ପରେ ୧୯୪୮ରେ ଉକ୍ତ ବିଶ୍ୱବିଦ୍ୟାଳୟରୁ ବି. ଏଲ୍. ଡ଼ିଗ୍ରୀ ହାସଲ କଲେ । ୧୯୪୯ ମସିହାରେ ପାଟନା ଉଚ୍ଚ ନ୍ୟାୟାଳୟରେ ଏକ କିରାଣୀ ଭାବେ ଯୋଗ ଦେଇଥିଲେ । ପରେ ୧୯୫୦ ମସିହା ଫେବୃଆରୀ ମାସରୁ ପାଟନା ଉଚ୍ଚ ନ୍ୟାୟାଳୟରେ ଓକିଲାତି ଆରମ୍ଭ କଲେ । ୬ ମାର୍ଚ୍ଚ ୧୯୫୭ ମସିହାରେ ଭାରତର ଉଚ୍ଚତମ ନ୍ୟାୟାଳୟର ଓକିଲ ଭାବେ ପଞ୍ଜିକୃତ ହେବା ପରେ ସେ ଏକ ବରିଷ୍ଠ ଓକିଲ ଭାବେ ମାନ୍ୟତା ପ୍ରାପ୍ତ ହେଲେ । ୧୨ ଏପ୍ରିଲ ୧୯୭୩ରେ ସେ ପାଟନା ଉଚ୍ଚ ନ୍ୟାୟାଳୟର ଏକ ବିଚାରପତି ଭାବେ ଯୋଗଦେଲେ ।

୧୮ ନଭେମ୍ବର ୧୯୯୨ରେ ସେ ଭାରତର ଉଚ୍ଚତମ ନ୍ୟାୟାଳୟର ବିଚାରପତି ଆସନକୁ ଉନ୍ନିତ ହୋଇ ପରେ ୧୮ ନଭେମ୍ବର ୧୯୯୨ରେ ସର୍ବୋଚ୍ଚ ନ୍ୟାୟାଳୟରେ ମୁଖ୍ୟ ବିଚାରପତି ଆସନ ଅଳଂକୃତ କରିଥିଲେ । ପରିଶେଷରେ ୧୧ ଫେବୃଆରୀ ୧୯୯୩ ଦିନ ସେ ଚାକିରିରୁ ଅବସର ନେଇଥିଲେ ।

ପରିବାର ଏବଂ ବାଲ୍ୟ ଜୀବନ

ଲଳିତ ମୋହନ ଶର୍ମା ୧୨ ଫେବୃଆରୀ ୧୯୨୮ରେ ବିହାର ରାଜ୍ୟର ଗୟାଜିଲ୍ଲା ଅନ୍ତର୍ଗତ ମୁସି ଗ୍ରାମରେ ଏକ ଜମିଦାରି ପରିବାରରେ ଜନ୍ମ ଗ୍ରହଣ କରିଥିଲେ । ତାଙ୍କ ପିତା ଲାଲ ନାରାୟଣ ସିହ୍ନା ଭାରତରେ ଇନ୍ଦିରାଗାନ୍ଧୀଙ୍କ ପ୍ରଧାନମନ୍ତ୍ରୀତ୍ୱ କାଳରେ ୧୭ ଜୁଲାଇ ୧୯୭୨ରୁ ଏପ୍ରିଲ ୫ ୧୯୭୭ ପର୍ଯ୍ୟନ୍ତ ଭାରତର ଆଟର୍ଣ୍ଣି ଜେନେରାଲ ଥିଲେ । ତାଙ୍କ ପୁତ୍ର ଜଷ୍ଟିସ ପାର୍ଥ ସାରଥୀ ପାଟନା ଉଚ୍ଚ ନ୍ୟାୟାଳୟର ଏକ ବିଚାରପତି ଭାବେ କାର୍ଯ୍ୟ ତୁଲାଇଥିଲେ ।

ମୃତ୍ୟୁ

ଜଷ୍ଟିସ ଶର୍ମା ୮୦ ବର୍ଷ ବୟସରେ ୩ ନଭେମ୍ବର ୨୦୦୮ ଦିନ ପାଟନାସ୍ଥିତ ନିଜ ବାସଭବନରେ ଶେଷ ନିଃଶ୍ୱାସ ତ୍ୟାଗ କରିଥିଲେ । ମୃତ୍ୟୁ ବେଳକୁ ତାଙ୍କ ପରିବାର ଅନ୍ୟ ସଦସ୍ୟମାନେ ହେଲେ ତାଙ୍କର ସ୍ତ୍ରୀ, ପୁତ୍ର ଏବଂ କନ୍ୟା ।

ବାହାର ଲିଙ୍କ

• Biography