ମହେନ୍ଦ୍ର ସିଂହ ଧୋନି

ଉଇକିପିଡ଼ିଆ ରୁ
Jump to navigation Jump to search
ମହେନ୍ଦ୍ର ସିଂହ ଧୋନି
Dhoni at Reebok event.jpg
Dhoni at a promotional event in January 2013
ଖେଳାଳିଙ୍କ ତଥ୍ୟ
ପୁରା ନାଆଁ ମହେନ୍ଦ୍ର ସିଂହ ଧୋନି
ଜଣାଶୁଣା ନାଆଁ ମାହି,ଏମଏସ
ଉଚ୍ଚତା ୫ ft ୯ in (୧.୭୫ m)
ବ୍ୟାଟିଙ୍ଗ ପ୍ରକାର ଡାହାଣ-ହାତି ବ୍ୟାଟ୍ସମ୍ୟାନ
ବୋଲିଂ ପ୍ରକାର ଡାହାଣ-ହାତି ମିଡିୟମ
ଭୁମିକା ୱିକେଟ-ରକ୍ଷକ, ଭରତ ଅଧିନଯକ
ବିଶ୍ଵ ତଥ୍ୟ
ନିଜ ଦେଶ ପଟ ଭାରତ କ୍ରିକେଟ ଦଳ
ପ୍ରଥମ ଟେଷ୍ଟ (cap ୨୫୧) ୨ ଡିସେମ୍ବର ୨୦୦୫ v ଶ୍ରୀଲଙ୍କା
ଶେଷ ଟେଷ୍ଟ ୨୬ ଡିସେମ୍ବର ୨୦୧୪ v ଅଷ୍ଟ୍ରେଲିଆ
ପ୍ରଥମ ଦିନିକିଆ ୨୩ ଡିସେମ୍ବର ୨୦୦୪ v ବାଂଲାଦେଶ
ଶେଷ ଦିନିକିଆ କ୍ରିକେଟ ୧୬ ଫେବୃଆରୀ ୨୦୧୮ v ଦକ୍ଷିଣ ଆଫ୍ରିକା
ଦିନିକିଆ ଜାମା ନମ୍ବର
ପ୍ରଥମ ଟି୨୦ ୧ ଡିସେମ୍ବର ୨୦୦୬ v ଦକ୍ଷିଣ ଆଫ୍ରିକା
ଶେଷ ଟି୨୦ଆଇ ୨୪ ଫେବୃଆରୀ ୨୦୧୮ v ଦକ୍ଷିଣ ଆଫ୍ରିକା
Domestic team information
Years ଦଳ
୧୯୯୯/୦୦–୨୦୦୪/୦୫ ବିହାର
୨୦୦୪/୦୫-ବର୍ତ୍ତମାନ ଝାରଖଣ୍ଡ
୨୦୦୮–ବର୍ତ୍ତମାନ ଚେନ୍ନାଈ ସୁପର କିଙ୍ଗସ
କ୍ୟାରିଅର ତଥ୍ୟ
ପ୍ରତିଯୋଗିତା ଟେଷ୍ଟ ଦିନିକିଆ ଏଫସି ଟି୨୦ଆଇ
ମ୍ୟାଚ ୯୦ ୩୧୮ ୧୩୧ ୮୯
ରନ ୪,୮୭୬ ୯୯୬୭ ୭୦୩୮ ୧୪୪୪
ବ୍ୟାଟିଙ୍ଗ ହାର ୩୮.୦୯ ୫୧.୩୭ ୩୬.୮୪ ୩୭.୦୨
ଶତକ/ଅର୍ଦ୍ଧଶତକ ୬/୩୩ ୧୦/୬୭ ୯/୪୭ ୦/୨
ସବୁଠୁ ବେସି ସ୍କୋର ୨୨୪[୧] ୧୮୩* ୨୨୪ ୫୬
ବୋଲିଂ କରିଥିବା ବଲ ୯୬ ୩୬ ୧୨୬
ଉଇକେଟ
ବୋଲିଂ ହାର ୩୧.୦୦
ଇନିଙ୍ଗସରେ ୫ଟି ଉଇକେଟ
ମ୍ୟାଚରେ ୧୦ଟି ଉଇକେଟ
ସବୁଠୁ ଭଲ ବୋଲିଙ୍ଗ ୧/୧୪
କ୍ୟାଚ/ଷ୍ଟମ୍ପ କରାଯାଇଥିବା ୨୫୬/୩୮ ୨୯୭/୧୦୭ ୩୬୪/୫୭ ୪୯/୨୯
Source: ESPNCricinfo, ୨୫ ଫେବୃଆରୀ

ଭାରତୀୟ କ୍ରିକେଟ ଦଳର ସବୁଠାରୁ ସଫଳ ଅଧିନାୟକ ମହେନ୍ଦ୍ର ସିଂହ ଧୋନି । ଆଜି ପର୍ଯ୍ୟନ୍ତ କେବଳ ଭାରତ ନୁହେଁ ଭାରତ ବାହାରେ ମଧ୍ୟ ବହୁ ମ୍ୟାଚ ଓ ଟୁର୍ଣ୍ଣାମେଣ୍ଟ ଜିତିବାରେ ତାଙ୍କର ବଳିଷ୍ଠ ଅବଦାନ ରହିଛି । ଭାରତ ଧୋନିଙ୍କ ନେତୃତ୍ୱରେ ୨୦୦୭ରେ ଟି୨୦ ବିଶ୍ୱକପ ଓ ୨୦୧୧ରେ ଦିନିକିଆ ବିଶ୍ୱକପ୍ ବିଜୟୀ ହୋଇଛି । ଏହାଛଡା ଧୋନି ଭାରତକୁ ଆହୁରି ଅନେକ ବିଶ୍ୱସ୍ତରୀୟ ଚାମ୍ପିୟନସିପ୍ ମଧ୍ୟ ଜିତାଇଛନ୍ତି ।

ଜନ୍ମ ଓ ପରିବାର[ସମ୍ପାଦନା]

୧୯୮୧ ମସିହା ଜୁଲାଇ ୭ ତାରିଖରେ ବର୍ତ୍ତମାନର ଝାଡ଼ଖଣ୍ଡ [୨] ରାଜ୍ୟର ରାଞ୍ଚିରେ ପାନ୍ ସିଂହ ଓ ଦେବକୀ ଦେବୀଙ୍କ ଠାରୁ ସେ ଜନ୍ମ ନେଇଥିଲେ । ତାଙ୍କର ପୈତୃକ ଘର ଉତ୍ତରାଖଣ୍ଡ ରାଜ୍ୟର ଆଲମୋରା ଜିଲ୍ଲା ଅନ୍ତର୍ଗତ ଲାମଗଡ ବ୍ଲକ୍ର ଭାଲି ଗ୍ରାମରେ । ପିତା ପାନ୍ ସିଂହ ମେକନ୍ କମ୍ପାନୀରେ କନିଷ୍ଠ ପରିଚାଳକ ରୂପେ କାର୍ଯ୍ୟ କରୁଥିବାରୁ ତାଙ୍କୁ ଉତ୍ତରାଖଣ୍ଡରୁ ରାଞ୍ଚି ସ୍ଥାନାନ୍ତର ହେବାକୁ ପଡ଼ିଥିଲା । ଧୋନିଙ୍କର ଜଣେ ବଡ ଭାଇ ନରେନ୍ଦ୍ର ଓ ଭଉଣୀ ଜୟନ୍ତୀ ମଧ୍ୟ ଅଛନ୍ତି । [୩][୪]

ପାଠପଢା[ସମ୍ପାଦନା]

ଧୋନି ନିଜର ପାଠପଢା ଡି.ଏ.ଭି ଜବାହାର ବିଦ୍ୟାମନ୍ଦିର,ଶ୍ୟାମଳିରେ କରିଥିଲେ । ବର୍ତ୍ତମାନ ସେ ବିଦ୍ୟାଳୟ ଜେ.ଭି.ଏମ୍,ଶ୍ୟାମଳି ନାଁରେ ଜଣାଶୁଣା । ପାଠ ପଢିବା ସମୟରେ ଧୋନିଙ୍କର ବ୍ୟାଡମିଣ୍ଟନ ଓ ଫୁଟବଲ୍ ଭଳି ଖେଳରେ ରୁଚି ଥିଲା । ଏହି ଖେଳ ଦ୍ୱୟରେ ସେ ଜିଲ୍ଲା ସ୍ତରୀୟ ଓ ବ୍ଲକ ସ୍ତରୀୟ ଟୁର୍ଣ୍ଣାମେଣ୍ଟ ପାଇଁ ଯୋଗ୍ୟତା ଅର୍ଜନ କରିଥିଲେ । ଧୋନି ତାଙ୍କର ଫୁଟବଲ୍ ଦଳର ଗୋଲ ରକ୍ଷକ ଥିଲେ ଓ ଏକଦା ତାଙ୍କର ପ୍ରଶିକ୍ଷକଙ୍କ କଥାରେ ସ୍ଥାନୀୟ କ୍ରିକେଟ୍ ଦଳ ପାଇଁ କ୍ରିକେଟ୍ ଖେଳିବାକୁ ଯାଇଥିଲେ । ସେଦିନର ସେହି କ୍ରିକେଟ୍ ମ୍ୟାଚରେ ଧୋନିଙ୍କୁ ବ୍ୟାଟିଂ କି ବୋଲିଂ କରିବାର ସୁଯୋଗ ତ ମିଳି ନଥିଲା, ହେଲେ ନିଜର ଉଚ୍ଚସ୍ତରୀୟ କିପିଙ୍ଗ୍ଦ୍ୱାରା ସେ ସମସ୍ତଙ୍କୁ ପ୍ରଭାବିତ କରିଥିଲେ । ଏହାପରେ ସେ କମାଣ୍ଡୋ କ୍ରିକେଟ୍ କ୍ଲବର ନିୟମିତ କିପର୍ ଭାବେ କାର୍ଯ୍ୟ ତୁଲାଇବାକୁ ଆରମ୍ଭକଲେ ସେହି କ୍ରିକେଟ୍ କ୍ଲବଟି ୧୯୯୫ ରୁ୧୯୯୮ ପର୍ଯ୍ୟନ୍ତ ରାଞ୍ଚିରେ ଅବସ୍ଥିତ ଥିଲା ।

ୱିକେଟ୍ ପଛରେ ମହେନ୍ଦ୍ର ସିଂହ ଧୋନି

କ୍ୟାରିୟର[ସମ୍ପାଦନା]

ବ୍ୟାଟିଂ କରୁଥିବା ଧୋନି

ନିଜର ବଳିଷ୍ଠ ପ୍ରଦର୍ଶନଦ୍ୱାରା ମହେନ୍ଦ୍ର ସିଂହ ଧୋନି ସମସ୍ତଙ୍କୁ ଆକର୍ଷିତ କରିପାରିଥିଲେ । ଯାହାଫଳରେ ତାଙ୍କୁ ୧୯୯୭/୯୮ ମସିହା ପାଇଁ ଷୋହଳ ବର୍ଷରୁ କମ୍ ବିନୁ ମଙ୍କଡ୍ ଟ୍ରଫି ପାଇଁ ଚୟନ କରାଯାଇଥିଲା । ସେହି ଟୁର୍ଣ୍ଣାମେଣ୍ଟରେ ମଧ୍ୟ ତାଙ୍କର ପ୍ରଦର୍ଶନ ଅତି ଉଚ୍ଚକୋଟୀର ଥିଲା । ଦଳମ ଶ୍ରେଣୀ ପରେ ଧୋନି ନିଜକୁ କ୍ରିକେଟ୍ ସହିତ ଅଧିକରୁ ଅଧିକ ସଂଶ୍ଳିଷ୍ଟ କରିବାକୁ ଆରମ୍ଭ କଲେ ଓ ନିଜକୁ ଭବିଷ୍ୟତରେ ଜଣେ କ୍ରିକେଟର ଭାବେ ଗଢିତୋଳିବାକୁ ପ୍ରଯତ୍ନଶୀଳ ହେଲେ । ୨୦୦୧ ମସିହାରୁ ୨୦୦୩ ମସିହା ପର୍ଯ୍ୟନ୍ତ ମହେନ୍ଦ୍ର ସିଂହ ଧୋନି ମେଦିନପୁରଠାରେ ଥିବା ଦକ୍ଷିଣ ପୂର୍ବ ରେଳପଥ ଅନ୍ତର୍ଭୁକ୍ତ ଖଡକପୁର ରେଳ ଷ୍ଟେସନରେ ଜଣେ ରେଳ ଟିକେଟ୍ ଯାଞ୍ଚ କାର୍ଯ୍ୟକର୍ତ୍ତା ରୂପେ କାର୍ଯ୍ୟରତ ଥିଲେ । ମାତ୍ର ସେଠି ରହିବା ସମୟରେ ମଧ୍ୟ ସେ କ୍ରିକେଟକୁ ଭୁଲି ପାରି ନଥିଲେ ବା କ୍ରିକେଟଠାରୁ ନିଜକୁ ଦୂରେଇ ଦେଇ ପାରୁ ନଥିଲେ । ଖଡକପୁର ଷ୍ଟେସନଠାରୁ ଅଳ୍ପ କିଛି ଦୂରରେ ଥିବା ଏକ ଛୋଟ ଘରେ ନିଜର ଜଣେ ବନ୍ଧୁଙ୍କ ସହ ସେ ଭଡାରେ ରହୁଥିଲେ । ସେହି ବନ୍ଧୁଙ୍କର କହିବା ଅନୁଯାୟୀ ଧୋନି ପ୍ରବଳ ମାତ୍ରାରେ କ୍ରିକେଟ୍କୁ ଭଲ ପାଉଥିଲେ । ଯାହା ଫଳରେ ଟିକିଏ ସମୟ ମିଳିଲେ ଏମିତିକି କାମଧନ୍ଦା ଛାଡି ମଧ୍ୟ ସେ କ୍ରିକେଟ ଖେଳିବାକୁ ପଳାଉଥିଲେ । ଖଡକପୁରରେ ରହିବା ସମୟରେ ଧୋନି ସେଠାରେ ଲୋକମାନଙ୍କ ପାଇଁ ଏକ ଆକର୍ଷଣୀୟ କ୍ରିକେଟର ହୋଇପାରିଥିଲେ । ସେ ସେଠାରେ ନିଜର ଆକ୍ରମଣାତ୍ମାକ ବ୍ୟାଟିଂଦ୍ୱାରା ସମସ୍ତଙ୍କୁ ପ୍ରଭାବିତ କରିପାରିଥିଲେ । ଖଡକପୁର ପାଖରେ ଥିବା ଏକ ମିନି ଷ୍ଟାଡିୟମରେ ପ୍ରତ୍ୟେହ ଅପରାହ୍ନରେ ଧୋନିଙ୍କୁ କ୍ରିକେଟ ଖେଳୁଥିବାରେ ଦେଖିବାକୁ ମିଳିଥିଲା । ଧୋନି ଟେଲିଭିଜନରେ ପ୍ରଶାରିତ ହେଉଥିବା କୌଣସି କ୍ରିକେଟ୍ ମ୍ୟାଚକୁ କେବେବି ଦେଖିବାକୁ ଭୁଲନ୍ତିନି । ତାଙ୍କ ବନ୍ଧୁଙ୍କ କହିବା ଅନୁଯାୟୀ ୨୦୦୩ ବିଶ୍ୱକପ୍ ଫାଇନାଲରେ ଭାରତ ଯେତେବେଳେ ଅଷ୍ଟ୍ରେଲିଆଠାରୁ ଲଜ୍ଜାଜନକ ପରିସ୍ଥିତିରେ ହାରିଲା, ସେତେବେଳେ ଧୋନିଙ୍କ ସହ ବସି ସେ ସେହି ମ୍ୟାଚ୍ ଦେଖୁଥିଲେ । ମ୍ୟାଚ୍ ଶେଷରେ ଧୋନି ତାଙ୍କ ବନ୍ଧୁଙ୍କୁ କହିଥିଲେ ଯେ, ‘ମୁଁ ଜାଣିଛି ମୁଁ ହତଭାଗ୍ୟ କାରଣ ମୁଁ ମୋ କ୍ରିକେଟକୁ ଆଗକୁ ବଢାଇ ପାରୁନାହିଁ । କିନ୍ତୁ ମୋର ଭାଗ୍ୟ ଏତେ ବି ଖରାପ ନୁହେଁ ଯେ ଆଗାମ୧୫ ବର୍ଷ ମଧ୍ୟରେ ମୁଁ ନିଜକୁ ଭାରତୀୟ କ୍ରିକେଟ ପୋଷାକ ମଧ୍ୟରେ ଦେଖିପାରିବିନି ।‘ ୫ ବର୍ଷତ ବହୁତ ଅଧିକ ସମୟ । ତାପରର ଏକ ବର୍ଷ ମଧ୍ୟରେ ଧୋନି ନିଜକୁ ଭାରତୀୟ କ୍ରିକେଟ ଦଳରେ ସାମିଲ କରାଇବାକୁ ସକ୍ଷମ ହୋଇଥିଲେ ।

ଆର୍ନ୍ତଜାତୀୟ କ୍ରିକେଟ ଜୀବନ[ସମ୍ପାଦନା]

ମହେନ୍ଦ୍ର ସିଂହ ଧୋନି

୨୦୦୪ ମସିହା ଡିସେମ୍ବରରେ ବାଂଲାଦେଶ ବିରୁଦ୍ଧରେ ଧୋନି ନିଜର ପ୍ରଥମ ଦିନିକିଆ ମ୍ୟାଚ୍ ଖେଳିଥିଲେ । ଏହି ମ୍ୟାଚରେ ସେ ଅବଶ୍ୟ ବିଶେଷ କିଛି କରିପାରିନଥିଲେ, ମାତ୍ର ତାଙ୍କର କିଛି ସମୟର ରହଣୀ ମଧ୍ୟରେ ସେ ନିଜର ଆକ୍ରମଣାତ୍ମକ ବ୍ୟାଟିଂ ମାଧ୍ୟମରେ ଦର୍ଶକଙ୍କ ମନରେ ଉତ୍କଣ୍ଠା ଭରିଦେଇଥିଲେ । ଏହାର ବର୍ଷେ ପରେ ୨୦୦୪ରେ ଶ୍ରୀଲଙ୍କା ବିରୁଦ୍ଧରେ ଧୋନି ନିଜର ପ୍ରଥମ ଟେଷ୍ଟ ମ୍ୟାଚ ଖେଳିଥିଲେ । ଧୋନିଙ୍କର ବ୍ୟାଟିଂ କୌଶଳ ଅତ୍ୟନ୍ତ ନିଆରା । ତାଙ୍କର ଏକ ଭିନ୍ନ ଢଙ୍ଗରେ ବ୍ୟାଟିଂ କରିବା ଦର୍ଶକଙ୍କ ସମେତ କ୍ରିକେଟ ପଣ୍ଡିତ ତଥା ପୂର୍ବତନ କ୍ରିକେଟରମାନଙ୍କୁ ହତୋତ୍ସକିତ କରିଥିଲା । ୨୦୦୪ରୁ ୨୦୦୭ ପର୍ଯ୍ୟନ୍ତ ଧୋନି ଭାରତୀୟ ଦଳର ନିୟମିତ ୱିକେଟ୍ କିପର ତଥା ଜଣେ ବିସ୍ଫୋରକ ବ୍ୟାଟ୍ସମ୍ୟାନ ରୂପେ ପରିଚିତ ଥିଲେ । ସେ ନିଜର ପ୍ରଥମ ଶତକ ପାକିସ୍ତାନ ବିରୁଦ୍ଧରେ କରିଥିଲେ । ଯେଉଁଥିରେ ସେ ୧୪୮ ରନ୍ କରି ଆଉଟ୍ ହୋଇଥିଲେ । ୨୦୦୭ ମସିହାରେ ହୋଇଥିବା ପ୍ରତମ ଟି୨୦ ବିଶ୍ୱକପରେ ଅଧିନାୟକ ଭାବେ ଧୋନିଙ୍କ ନାମକୁ ସୁପାରିସ୍ କରିଥିଲେ ବ୍ୟାଟିଂ କିମ୍ବଦନ୍ତୀ ସଚିନ୍ ତେନ୍ଦୁଲକର । ସଚିନଙ୍କର ସୁପାରିସ୍ ଓ ଧୋନିଙ୍କର ଯୋଗ୍ୟତାକୁ ଆଖି ଆଗରେ ରଖି ଚୟନକର୍ତ୍ତାମାନେ ତାଙ୍କୁ ଏକ ଯୁବ ଦଳର ଅଧିନାୟକ ରୂପେ ବିଶ୍ୱକପ ଖେଳିବାକୁ ସାଉଥ୍ ଆଫ୍ରିକା ପଠାଇଥିଲେ । ଏହି ଦଳଠାରୁ କାହାରି ବିଶେଷ କିଛି ଆଶା ନଥିଲା । କାରଣ ସମସ୍ତେ ଅନଭିଜ୍ଞ ଥିଲେ । ମାତ୍ର ସମସ୍ତଙ୍କୁ ଆଶ୍ଚର୍ଯ୍ୟ ଚକିତ କରି ଧୋନିଙ୍କ ନେତୃତ୍ୱରେ ଭାରତୀୟ କ୍ରିକେଟ ଦଳ ଫାଇନାଲରେ ପାକିସ୍ତାନକୁ ହରାଇ ବିଶ୍ୱ ଚମ୍ପିୟାନ ହୋଇଥିଲା । ଏହାପରଠାରୁ ସେ ଆଉ ପଛକୁ ଫେରି ଚାହିଁନାହାନ୍ତି । ଟି୨୦ ପରେ ଦନିକିଆ ଓ ତା ପରେ ଟେଷ୍ଟ ଦଳର କମାଣ ମଧ୍ୟ ନିଜ ହାତକୁ ନେଇ ସେ ସଫଳ ହୋଇପାରିଛନ୍ତି । ତାଙ୍କ ନେତୃତ୍ୱରେ ଭାରତୀୟ ଟେଷ୍ଟ ଦଳ ବିଶ୍ୱର ୧ନଂ ମାନ୍ୟତା ମଧ୍ୟ ହାସଲ କରିସାରିଛି । ଧୋନିଙ୍କର କିଛି ବୃହତ୍ ବିଜୟ ମଧ୍ୟରେ ରହିଛି ୨୦୦୭ ଟି୨୦ ବିଶ୍ୱକପ୍, ୨୦୦୮ ଓ ୨୦୧୦ ବର୍ଡର ଗାଭାସ୍କର ଟ୍ରଫି, ୨୦୦୭/୦୮ ସିବି ସିରିଜ୍, ୨୦୧୦ ଏସିଆ କପ୍ ଇତ୍ୟାଦି । ୨୦୧୩ର ଚାମ୍ପିୟନ୍ସ ଟ୍ରଫିର ଶେଷ ସଂସ୍କରଣରେ ଇଂଲଣ୍ଡକୁ ତାହାରି ମାଟିରେ ହରାଇ ଧୋନି ଇତିହାସ ରଚନା କରିଥିଲେ । ଏହାଛଡା ସର୍ବବୃହତ୍ ବିଜୟ ହେଉଛି ୨୦୧୧ ବିଶ୍ୱକପ୍ । ଶ୍ରୀଲଙ୍କା ବିରୁଦ୍ଧରେ ମୁମ୍ବାଇରେ ଏକ ବିଶାଳ ଛକ୍କା ଲଗାଇ ଧୋନି ବିଶ୍ୱକପକୁ ଭାରତୀୟ ଦଳ ନାଁରେ କରାଇଥିଲେ । ଯାହା ଫଳରେ ଭାରତୀୟ କ୍ରିକେଟ୍ ପ୍ରେମୀଙ୍କ ଦୀର୍ଘ ୨୮ ବର୍ଷର ଅପେକ୍ଷାର ଅନ୍ତ ଘଟିଥିଲା । ଏହାଛଡା ଆଇ.ପି.ଏଲ୍ରେ ମଧ୍ୟ ସେ ଚେନ୍ନାଇ ସୁପରକିଙ୍ଗ୍ସର ନେତୃତ୍ୱ ନେଇ ଦଳକୁ ୩ ଥର ଚମ୍ପିୟାନ, ୨ ଥର ରନର୍ସ ଅପ୍ କରାଇବାକୁ ସକ୍ଷମ ହୋଇଛନ୍ତି । ନିଜର ଥଣ୍ଡା ମିଂଜାସ ଓ ବିପରୀତ ସମୟରେ ଧର୍ଯ୍ୟ ପ୍ରଦର୍ଶନ ପାଇଁ ସେ କ୍ୟାପଟେନ କୁଲ୍ ହିସାବରେ ବି ପରିଚିତ । ଧୋନି ବର୍ତ୍ତମାନ ପର୍ଯ୍ୟନ୍ତ ୭୭ଟି ଟେଷ୍ଟ, ୨୨୬ଟି ଦିନିକିଆ ଓ ୪୨ଟି ଟି୨୦ ମ୍ୟାଚ ଖେଳିସାରିଛନ୍ତି । ଯେଉଁଥିରେ ଯଥାକ୍ରମେ ,୩୯.୭୦, ୫୧.୪୫, ୩୧.୧୬ ବ୍ୟାଟିଂ ହାରରେ ସେ ୪୨୦୯, ୭୩୫୮ ଓ ୭୪୮ ରନ୍ କରି ସାରିଛନ୍ତି ।

ବୈବାହିକ ଜୀବନ ଓ ସଉକ[ସମ୍ପାଦନା]

ମହେନ୍ଦ୍ର ସିଂହ ଧୋନିଙ୍କ ପତ୍ନୀ ସାକ୍ଷୀ ସିଂହ ରାୱତ୍

ମହେନ୍ଦ୍ର ସିଂହ ଧୋନି ୨୦୧୦ ମସିହା ଜୁଲାଇ ୪ ତାରିକରେ ଉତ୍ତରାଖଣ୍ଡ ଡେରାଡୁନର ହୋଟେଲ ମ୍ୟାନେଜମେଣ୍ଟ ଛାତ୍ରୀ ସାକ୍ଷୀ ସିଂହ ରାୱତଙ୍କୁ ବିବାହ କରିଥିଲେ । ଧୋନିଙ୍କର ମୋଟର ସାଇକେଲ ପ୍ରତି ଅହେତୁକ ପ୍ରେମ ରହିଛି । ସୁଜୁକି ହାୟାବୁସା ପରି ୧୦ରୁ ଉର୍ଦ୍ଧ୍ୱ ବହୁମୂଲ୍ୟ ମୋଟର ସାଇକେଲ ଧୋନି ନିଜ ଘରେ ଥିବା ସୋରୁମରେ ସଜାଇ ରଖିଛନ୍ତି । ନିଜର କେଶସଜ୍ଜାକୁ ନେଇ ଦୋନି ବିଭିନ୍ନ ସମୟରେ ଚର୍ଚ୍ଚାକୁ ଆସିଛନ୍ତି । କ୍ରିକେଟ ଦୁନିଆକୁ ପଶିବା ସମ.ରେ ସେ ନିଜର ଲମ୍ବା କେଶ ପାଇଁ ସଭିଙ୍କର ପସନ୍ଦ ଥିଲେ । ପାକିସ୍ତାନର ତତ୍କାଳୀନ ରାଷ୍ଟ୍ରପତି ଜେନେରାଲ ପରଭେଜ ମୁସାରଫ ତାଙ୍କୁ ନିଜର କେଶ ନକାଟିବାକୁ ମଧ୍ୟ ପରାମର୍ଶ ଦେଇଥିଲେ ।

ସମ୍ମାନ ଓ ପୁରସ୍କାର[ସମ୍ପାଦନା]

କ୍ରିକେଟରେ ନିଜର ବଳିଷ୍ଠ ଅବଦାନ ପାଇଁ ୨୦୦୭ /୦୮ ମସିହାରେ ତାଙ୍କୁ ଖେଳ ଜଗତର ସର୍ବଶ୍ରେଷ୍ଠ ସମ୍ମାନ ରାଜୀବ ଗାନ୍ଧୀ ଖେଳରତ୍ନରେ ସମ୍ମାନୀତ କରାଯାଇଛି । ୨୦୦୮ ଓ ୨୦୦୯ ମସିହାରେ ଆର୍ନ୍ତଜାତୀୟ କ୍ରିକେଟ୍ କାଉନସିଲଦ୍ୱାରା ଧୋନି ପ୍ଲେୟାର ଅଫ ଦ ଇୟର ପୁରସ୍କାର ମଧ୍ୟ ପାଇଛନ୍ତି । ଏହାଛଡା ୨୦୦୮, ୨୦୦୯, ୨୦୧୦ ଓ ୨୦୧୧ ମସିହାରେ ସେ ନିଜକୁ ବିଶ୍ୱ ଏକାଦଶରେ ମଧ୍ୟ ସାମିଲ କରାଇପାରିଥିଲେ । ଅଗଷ୍ଟ ୨୦୧୧ରେ ଦି ମୋଣ୍ଟଫୋର୍ଟ ୟୁନିଭର୍ସିଟି ତରଫରୁ ତାଙ୍କୁ ସମ୍ମାନଜନକ ଡକ୍ଟରେଟ୍ ଉପାଧି ମଧ୍ୟ ମିଳିଛି । ଭାରତୀୟ ସ୍ଥଳସେନାରେ ଧୋନିଙ୍କୁ କ୍ୟାପଟେନ୍ ପଦବାଚ୍ୟ କରାଯିବା ସହ ଭାରତର ୨ୟ କ୍ରିକେଟର ହିସାବରେ ସଚିନ ତେନ୍ଦୁଲକରଙ୍କ ପରେ ସେ ସୁଖୋଇ ଯୁଦ୍ଧବିମାନରେ ଉଡିବାର ସୌଭାଗ୍ୟ ଲାଭ କରିଛନ୍ତି ।

ଆଧାର[ସମ୍ପାଦନା]

  1. "Dhoni breaks Sachin's record of highest score by Indian skipper". Retrieved 2013-02-25.
  2. "Players and Officials – MS Dhoni". Cricinfo.
  3. http://sports.ndtv.com/cricket/news/item/202092-ms-dhonis-sister-to-convey-schools-best-wishes
  4. "Ranchi rocker". The Tribune. India. 29 April 2006. Retrieved 12 May 2007.

ବାହାର ତଥ୍ୟ[ସମ୍ପାଦନା]