ଫୁଲନ୍ ଦେବୀ

ଫୁଲନ୍ ଦେବୀ
Member of Parliament (11th Lok Sabha)
In office 1996–1998
ନିର୍ବାଚନ ମଣ୍ଡଳୀ	Mirzapur
Member of Parliament (13th Lok Sabha)
ଅଫିସରେ 1999–2001
ନିର୍ବାଚନ ମଣ୍ଡଳୀ	Mirzapur
ବ୍ୟକ୍ତିଗତ ସବିଶେଷ
ଜନ୍ମ	୧୦ ଅଗଷ୍ଟ ୧୯୬୩(1963-08-10) Ghura Ka Purwa, Uttar Pradesh, India
ମୃତ୍ୟୁ	୨୫ ଜୁଲାଇ ୨୦୦୧(2001-07-25) (ବୟସ ୩୭) New Delhi, India
ଜାତୀୟତା	ଭାରତୀୟ
ରାଜନୀତିକ ଦଳ	Samajwadi Party
ଜୀବନ ସାଥୀ	Putti Lal
ବୃତ୍ତି	Dacoit (bandit), politician

ଫୁଲନ୍ ଦେବୀ (୧୦ ଅଗଷ୍ଟ ୧୯୬୩-୨୫ ଜୁଲାଇ ୨୦୦୧) "ଡାକୁରାଣୀ" ନାମରେ ଲୋକପ୍ରିୟ । ସେ ଜଣେ ଡାକୁ ଥିଲେ ଓ ପରେ ସେ ଭାରତର ଲୋକ ସଭାର ସଦସ୍ୟା ହେଲେ । ଫୁଲନ୍ ଉତ୍ତର ପ୍ରଦେଶର ଏକ ନିମ୍ନ ବର୍ଗ ପରିବାରରେ ଜନ୍ମ ଗ୍ରହଣ କରିଥିଲେ ଓ ଅତ୍ୟନ୍ତ ଦାରିଦ୍ର‍୍ୟ ମଧ୍ୟରେ ବଢିଥିଲେ । ପ୍ରଥମ ସ୍ୱାମୀଙ୍କଦ୍ୱାରା ନିର୍ଯ୍ୟାତିତ ହୋଇ ନିଜ ସମାଜ ଓ  ପରିବାର ଠାରୁ ପରିତ୍ୟକ୍ତା ହେବା ପରେ ସେ ଅପରାଧର ଦୁନିଆକୁ ଆପଣେଇ ନେଇଥିଲେ । ସେହି ଗ୍ରାମର ପ୍ରଧାନ ଜଣେ ଗଣ୍ଡଗୋଳକାରୀ ବ୍ୟକ୍ତିଙ୍କୁ ମାରିଦେବା ପାଇଁ କହିବା ପରେ ଏକ ଡାକୁ ଦଳଦ୍ୱାରା ଫୁଲନ୍ ଅପହରଣ ହୋଇଥିଲେ, ସେତେବେଳେ ଫୁଲନ୍ ତରୁଣୀ ଥିଲେ । ଡାକୁ ଦଳର ଲୋକେ ଏହି ଯୁବତୀଙ୍କୁ ଦେଖି ଆଚମ୍ବିତ ହୋଇଥିଲେ ଓ ଫୁଲନ୍‌ଙ୍କୁ ମାରିବାକୁ ମନା କରିଦେଇଥିଲେ । ଫୁଲନ୍ ଜଙ୍ଗଲରେ ଡାକୁ ଦଳର ସଦସ୍ୟା ପରି ବାସ କଲେ । ପରିମାଣତଃ ଦଳର ମୂଖିଆ ଓ ଫୁଲନ୍ ପ୍ରେମରେ ପଡି ପରେ ପରସ୍ପରକୁ ବିବାହ କରିଥିଲେ । ଦଳର ଜଣେ ଲୋକ ସହ ଫୁଲନ୍‌ଙ୍କ ସଂପର୍କରେ ବିଦ୍ୱେଷ ଭାବ ଦେଖାଯାଇଥିଲା, ଏହା ଚରମ ସୀମାରେ ପହଞ୍ଚିବା ଫଳରେ ଫୁଲନ୍‌ଙ୍କ ସ୍ୱାମୀ ବନ୍ଧୁକ ଯୁଦ୍ଧରେ ପ୍ରାଣତ୍ୟାଗ କଲେ । ଏହାପରେ ଫୁଲନ୍ ଦଳର ପ୍ରତିଦ୍ୱନ୍ଦୀମାନଙ୍କଦ୍ୱାରା ଧର୍ଷଣର ଶିକାର ହୋଇଥିଲେ । ପୁନଶ୍ଚ ଉତ୍ତମ ସ୍ୱାସ୍ଥ୍ୟ ଲାଭ କଲାପରେ ଦଳର ବିଶ୍ୱାସ କରୁଥିବା କିଛି ଲୋକଙ୍କୁ ଏକଜୁଟ କରିଥିଲେ। ପ୍ରତିହିଂସା ପରାୟଣ ହୋଇ, ତାଙ୍କ ପ୍ରତି ଅନ୍ୟାୟ କରିଥିବା ଲୋକଙ୍କୁ ଖୋଜିବା ପାଇଁ  ଧର୍ଷଣ ହୋଇଥିବା ବେହମାଇ ଗ୍ରାମକୁ ଫେରିଲେ । 

ପ୍ରାଥମିକ ଜୀବନ

ଉତ୍ତର ପ୍ରଦେଶର ଜାଲାଉନ ଜିଲ୍ଲାର "ଘୁରା କା ପୁର୍ୱା" ନାମକ ଏକ ଛୋଟ ଗାଁରେ ମହ୍ଲ (ନାଉରୀଆ) ପରିବାରରେ ଫୁଲନ୍ ଜନ୍ମ ଗ୍ରହଣ କରିଥିଲେ। ସେ ଦେବୀ ଦିନ୍ ଓ ମୂଲାଙ୍କ ଚତୁର୍ଥତମ ସନ୍ତତି ଥିଲେ। ଫୁଲନ୍‌ଙ୍କ ପରିବାର ବହୁତ ଗରିବ ଥିଲେ । ଫୁଲନ୍‌ଙ୍କ କେବଳ ପାଖାପାଖି ଏକ ଏକରର ଚାଷ ଜମି ଥିଲା ଯେଉଁଥିରେ ଏକ ପୁରୁଣା ନିମ୍ବ ଗଛଟିଏ ଥିଲା । ତାଙ୍କ ପରିବାର ଏକ ଯୌଥ ପରିବାର ଥିଲା ଓ ପାରମ୍ପାରିକ ଚଳଣୀ ଥିଲା । ଫୁଲନ୍‌ଙ୍କ ବାପା, ତାଙ୍କ ବାପାଙ୍କ ଭାଇ ଓ ତାଙ୍କ ବାପାଙ୍କ ଭାଇଙ୍କ ପୁଅ ତାଙ୍କ ଏକ ଏକରର ଜମିରେ ଚାଷ କରୁଥିଲେ ଯାହାଦ୍ୱାରା ତାଙ୍କ ବଡ ପରିବାରର ପେଟ ପୋଷଣ ହେଉଥିଲା।

ଯେତେବେଳେ ଫୁଲନ୍‌ଙ୍କୁ ୧୧ ବର୍ଷ ହୋଇଥିଲା ସେତେବେଳେ ତାଙ୍କ ଜେଜେବାପାଙ୍କ ଦେହାନ୍ତ ଘଟିଥିଲା । ତେଣୁ ତାଙ୍କ ବାପାଙ୍କ ବଡ ଭାଇ ଘରର ମୂଖିଆ ସାଜିଲେ । ଫୁଲନ୍‌ଙ୍କ ପରିବାର ତାଙ୍କ ପାଇଁ ଏକ ବରପାତ୍ର ଖୋଜିଲେ ଯାହାଙ୍କର ନାମ ପୁତ୍ତି ଲାଲ୍ । ପୁତ୍ତି ଲାଲ୍ ଫୁଲନ୍‌ଙ୍କ ପରିବାରରୁ ୧୦୦ ମାଇଲ ଦୂରରେ ରହୁଥିଲେ ଏବଂ ସେ ଫୁଲନ୍‌ଙ୍କ ଠାରୁ ୧୨ ବର୍ଷ ବଡ ଥିଲା । ବିବାହ ଜୀବନରେ ଅତ୍ୟାଚାରିତ ହେବାରୁ ସେ ତାଙ୍କ ବାପା ଘରକୁ ଫେରି ଆସିଥିଲେ କିନ୍ତୁ ତାଙ୍କ ବାପଘର ଲୋକେ ତାଙ୍କୁ ପୁଣି ଶାଶୁଘରକୁ ପଠାଇଦେଇଥିଲେ। କିଛି ମାସପରେ ସେ ପୁନର୍ବାର ତାଙ୍କ ବାପାଘରକୁ ଫେରି ଆସିଥିଲେ । ସେ ସମୟରେ ତାଙ୍କ ଶାଶୁଘର ଲୋକେ ତାଙ୍କ ବାପାଘର ଲୋକଙ୍କୁ ତାଙ୍କ(ଫୁଲନ୍‌ଙ୍କ ବାପଘର ଲୋକ) ପାଖେ ଫୁଲନ୍‌ଙ୍କୁ ରଖନ୍ତୁ ବୋଲି ପରାମର୍ଶ ଦେଇଥିଲେ, ଅନ୍ତତଃ ସେପର୍ଯ୍ୟନ୍ତ ଯେଉଁ ପର୍ଯ୍ୟନ୍ତ ସେ ଘରୋଇ କାମଦାମ ଠିକ୍ ସେ ଶିଖି ନାହାନ୍ତି।