ପୂନମ କୌର
ପୂନମ କୌର | |
|---|---|
 | |
| ଜନ୍ମ | ୨୧ ଅକ୍ଟୋବର ୧୯୮୩ ହାଇଦ୍ରାବାଦ, ତେଲେଙ୍ଗାନା, ଭାରତ |
| ଅନ୍ୟ ନାମ | ଦୀପା[୧] Nakshatra[୨] |
| ବୃତ୍ତି(ସମୂହ) | ଅଭିନେତ୍ରୀ ମଡେଲ୍ |
| ସକ୍ରିୟ ବର୍ଷ | ୨୦୦୬ - ଏବେଯାଏଁ |
ପୂନମ କୌର (ଜନ୍ମ: ୨୧ ଅକ୍ଟୋବର ୧୯୮୩) ଜଣେ ଭାରତୀୟ ଅଭିନେତ୍ରୀ ଏବଂ ମଡେଲ୍ ଯିଏକି ମୁଖ୍ୟତଃ ତେଲୁଗୁ ଏବଂ ତାମିଲ ଚଳଚ୍ଚିତ୍ରରେ ଅଭିନୟ କରନ୍ତି ।[୩][୪]
ଜନ୍ମ, ପରିବାର ଓ ଶିକ୍ଷା
[ସମ୍ପାଦନା]ପୂନମ ୧୯୮୩ ମସିହାର ଅକ୍ଟୋବର ୨୧ ତାରିଖରେ ହାଇଦ୍ରାବାଦରେ ଜନ୍ମଗ୍ରହଣ କରିଥିଲେ ।[୧] ସେ ହାଇଦ୍ରାବାଦ ପବ୍ଲିକ୍ ସ୍କୁଲରୁ ତାଙ୍କ ସ୍କୁଲ ପାଠପଢ଼ା ଶେଷ କରିବା ପରେ ଦିଲ୍ଲୀସ୍ଥିତ ନ୍ୟାସ୍ନାଲ୍ ଇନିଷ୍ଟିଚ୍ୟୁଟ୍ ଅଫ୍ ଫ୍ୟାସନ୍ ଡିଜାଇନିଂରେ ପଢ଼ିଥିଲେ ।[୧]
ଅଭିନୟ ଜୀବନ
[ସମ୍ପାଦନା]୨୦୦୬ରେ ତାଙ୍କ ଅଧ୍ୟୟନ ସମାପ୍ତ ପରେ ସେ ତେଜାଙ୍କ ନିର୍ଦ୍ଦେଶିତ ଏକ ଚଳଚ୍ଚିତ୍ରରେ ଅଭିନୟ କରିବା ପାଇଁ ଚୁକ୍ତି କରିଥିଲେ, ମାତ୍ର କୌଣସି କାରଣ ବଶତଃ ଏହା ମୁକ୍ତିଲାଭ କରିପାରିନଥିଲା । ଏହାପରେ ସେ ତେଜାଙ୍କର ଅନ୍ୟ ଏକ ଚଳଚ୍ଚିତ୍ର ଓକା ଭି ଚିତ୍ରମ୍ରେ କାର୍ଯ୍ୟ କରିଥିଲେ ।[୧] ମାତ୍ର ଏହି ଚଳଚ୍ଚିତ୍ରଟି ମୁକ୍ତିଲାଭ କରିବା ପୂର୍ବରୁ ସେ ମୁଖ୍ୟ ନାୟିକା ଭାବରେ ତାଙ୍କର ଅନ୍ୟ ଏକ ଚଳଚ୍ଚିତ୍ର ମାୟାଜାଲମ୍ ମୁକ୍ତିଲାଭକରିଥିଲା ।[୧]
୨୦୦୭ ମସିହାରେ ସେ ତାମିଲ କଥାଚିତ୍ର ଜଗତରେ ଅଭିନୟ କରିବା ଆରମ୍ଭ କରିଥିଲେ । ତାଙ୍କ ଅଭିନୀତ ପ୍ରଥମ ତାମିଲ କଥାଚିତ୍ର ଥିଲା ନେଜିରୁକମ୍ ବରାଇ । ୨୦୦୮ ମସିହାରେ ସେ ବନ୍ଧୁ ବଲଗା ଜରିଆରେ ସେ କନ୍ନଡ଼ କଥାଚିତ୍ର ଜଗତରେ ଅଭିନୟ କରିବା ଆରମ୍ଭ କରିଥିଲେ । ୨୦୦୮ ମସିହାର ଚର୍ଚ୍ଚିତ ହିନ୍ଦୀ କଥାଚିତ୍ର ଏ ୱେଡ୍ନେସ୍ଡେ ଚଳଚ୍ଚିତ୍ରର ତାମିଲ ରିମେକ୍ରେ ସେ ୨୦୧୦ ମସିହାରେ ଅଭିନୟ କରିଥିଲେ, ଯେଉଁଥିରେ ସେ କମଲ ହାସନ୍ ଏବଂ ମୋହନଲାଲ୍ଙ୍କ ସହିତ ଏକ କ୍ଷୁଦ୍ର ଭୂମିକାରେ ଅଭିନୟ କରିଥିଲେ । ସେ ତେଲୁଗୁ, ତାମିଲ, ମଲାୟଲମ୍, କନ୍ନଡ଼ ଏବଂ ହିନ୍ଦୀ କଥାଚିତ୍ରରେ ଅଭିନୟ କରିବା ସହିତ ଇଟିଭି ତେଲୁଗୁର ଦୁଇଟି କାର୍ଯ୍ୟକ୍ରମରେ ଅଭିନୟ କରିଛନ୍ତି ।
ଆଧାର
[ସମ୍ପାଦନା]- ↑ ୧.୦ ୧.୧ ୧.୨ ୧.୩ ୧.୪ "Deepa". totalbollywood.com. Archived from the original on 31 December 2013. Retrieved 25 September 2009.
- ↑ "Poonam Kaur becomes Nakshatra!". Sify.com. 14 March 2011. Archived from the original on 16 March 2011. Retrieved 17 August 2013.
- ↑ "'Never thought I'll perform pooja at Pakistan's iconic Katas Raj temples".
- ↑ https://www.thehindu.com/news/cities/Visakhapatnam/on-a-high-after-ipl-show/article18371134.ece
ବାହାର ଆଧାର
[ସମ୍ପାଦନା]- ଇଣ୍ଟରନେଟ ମୁଭି ଡାଟାବେସରେ ପୂନମ କୌର