ଧିରେନ୍ଦ୍ର ହୀରାଲାଲ ୱାଘେଲା
ଧିରେନ୍ଦ୍ର ହୀରାଲାଲ ୱାଘେଲା | |
|---|---|
| ଜନ୍ମ | ଧିରେନ୍ଦ୍ର ହୀରାଲାଲ ୱାଘେଲା ୧୧ ଅଗଷ୍ଟ ୧୯୫୪ |
| ଜାତୀୟତା |  ଭାରତୀୟ |
| ଶିକ୍ଷାନୁଷ୍ଠାନ | ସୌରାଷ୍ଟ୍ର ବିଶ୍ୱବିଦ୍ୟାଳୟ |
| ପ୍ରସିଦ୍ଧି | ଓଡ଼ିଶା ଉଚ୍ଚ ନ୍ୟାୟାଳୟର ପୂର୍ବତନ ମୁଖ୍ୟ ବିଚାରପତି |
ଧିରେନ୍ଦ୍ର ହୀରାଲାଲ ୱାଘେଲା (ଜନ୍ମ:୧୧ ଅଗଷ୍ତ ୧୯୫୪) ବମ୍ବେ (ମୁମ୍ବାଇ) ଉଚ୍ଚ ନ୍ୟାୟାଳୟର ପୂର୍ବତନ ମୁଖ୍ୟ ବିଚାରପତି[୧] ତଥା ଓଡ଼ିଶା ଉଚ୍ଚ ନ୍ୟାୟାଳୟର ପୁର୍ବତନ ମୁଖ୍ୟ ବିଚାରପତି[୨]
ଶିକ୍ଷା ଓ ବୃତ୍ତିଗତ ଜୀବନ[ସମ୍ପାଦନା]
ଜଷ୍ଟିସ୍ ୱାଘେଲା ରାଜକୋଟର ମ୍ୟୁନିସିପାଲିଟି ସ୍କୁଲ ଏବଂ ସ୍ୱାମୀ ନାରାୟଣ ଗୁରୁକୁଳରେ ତାଙ୍କର ପ୍ରାଥମିକ ଶିକ୍ଷା ଲାଭ କରିଥିଲେ । ତାଙ୍କ ଶିକ୍ଷକମାନେ ତାଙ୍କଠାରେ ଏକ ନିଷ୍ଠାପର ଛାତ୍ରର ଲକ୍ଷଣ ଦେଖି ତାଙ୍କୁ ଦୁଇ ଶିକ୍ଷାବର୍ଷରେ ଦୁଇଟି ଷ୍ଟାଣ୍ଡାର୍ଡକୁ ଡେଇଁବାକୁ ଉତ୍ସାହିତ କଲେ ଏବଂ ଏହିପରି ଭାବରେ ସେ ୧୪ ବର୍ଷ ବୟସରେ ଏକାଦଶ ଶ୍ରେଣୀ ବା ମାଟ୍ରିକ୍ ପାସ କଲେ । ସେ ରାଜକୋଟର ପି.ଡି ମାଲବ୍ୟ ବାଣିଜ୍ୟ ମହାବିଦ୍ୟାଳୟରେ ବାଣିଜ୍ୟରେ ସ୍ନାତକ ହାସଲ କରିଥିଲେ ଏବଂ ପରବର୍ତ୍ତୀ ପାଞ୍ଚ ବର୍ଷ ପର୍ଯ୍ୟନ୍ତ ତାଙ୍କ ପରିବାରର ବ୍ୟବସାୟରେ ମଧ୍ୟ ଯୋଗ ଦେଇଥିଲେ । ୧୯୭୨ ମସିହାରେ ସମ୍ମାନ ସହିତ ବାଣିଜ୍ୟରେ ସ୍ନାତକ ହାସଲ କରିବା ପରେ, ସେ ରାଜକୋଟସ୍ଥିତ 'ଅମୃତଲାଲ ମନସାଙ୍ଗ ପାରେଖ ଆଇନ ମହାବିଦ୍ୟାଳୟ'ରେ(A.M.P. Law college) ସ୍ୱେଚ୍ଛାକୃତ ଭାବେ ଆଇନରେ ଥିବା ସମସ୍ତ ପରୀକ୍ଷା ଇଂରାଜୀ ମାଧ୍ୟମରେ ଦେବା ପାଇଁ ଚେଷ୍ଟା କରିଥିଲେ । ଏହିପରି ୱାଘେଲା ସୌରାଷ୍ଟ୍ର ବିଶ୍ୱବିଦ୍ୟାଳୟର ସ୍ନାତକ ଆଇନ ଏବଂ ସ୍ୱତନ୍ତ୍ର ଏଲ୍. ଏଲ୍. ବି. ପରୀକ୍ଷାରେ ଯଥାକ୍ରମେ ୧୯୭୪ ଓ ୧୯୭୫ ମସିହାରେ ପ୍ରଥମ ସ୍ଥାନ ଅଧିକାର କରି ଉତ୍ତୀର୍ଣ୍ନ ହୋଇଥିଲେ । ୧୯୭୬-୭୭ ମସିହାରେ ସେ ଆଇନରେ ସ୍ନାତକୋତ୍ତର ଡ଼ିଗ୍ରୀ ହାସଲ କରିଥିଲେ ।[୩] ୱାଘେଲା ୧୯୭୮ ମସିହାରେ ଶ୍ରମ ଏବଂ ଶିଳ୍ପ ଅଦାଲତରେ ନିଜର ଓକିଲାତି ଜୀବନ ଆରମ୍ଭ କରିଥିଲେ । ୧୯୯୯ ମସିହାରେ ଗୁଜରାଟ ଉଚ୍ଚ ନ୍ୟାୟାଳୟର ଏକ ଅତିରିକ୍ତ ନ୍ୟୟାଧୀଶ ଭାବେ ସେ ୧୭ ସେପ୍ଟେମ୍ବର ୧୯୯୯ରେ ଯୋଗ ଦେଇଥିଲେ । ହାଇକୋର୍ଟର ଜଜ୍ ଭାବରେ କାର୍ଯ୍ୟ କରୁଥିବା ଜଷ୍ଟିସ୍ ୱାଘେଲା ବିଶେଷ ଭାବରେ ଶ୍ରମ ଏବଂ ସାମ୍ବିଧାନିକ ଆଇନ କ୍ଷେତ୍ରରେ ନିଜର ସ୍ୱତନ୍ତ୍ର ପରିଚୟ ସୃଷ୍ଟି କରିପାରିଥିଲେ । ମାର୍ଚ୍ଚ ୨୦୧୩ରେ ସେ କର୍ଣ୍ଣାଟକ ଉଚ୍ଚ ନ୍ୟାୟାଳୟର ମୁଖ୍ୟ ନ୍ୟାୟାଧୀଶ ଭାବେ ନିଯୁକ୍ତି ପାଇଥିଲେ ।[୪]
ଆଧାର[ସମ୍ପାଦନା]
- ↑ "Justice Waghela takes oath as Chief Justice of Bombay High Court". The Economic Times. Retrieved 19 February 2016.
- ↑ "Orissa High Court, Cuttack". Archived from the original on 7 July 2015. Retrieved 19 February 2016.
- ↑ "Justice Dhirendra Waghela sworn-in as new Chief Justice of the Bombay High Court". Firstpost. Retrieved 19 February 2016.
- ↑ "Hon'ble Chief Justice Mr. D.H. WAGHELA". karnatakajudiciary.kar.nic.in. Retrieved 15 April 2022.