ଜନ ପିଟରସ ହମ୍ଫ୍ରି

ଉଇକିପିଡ଼ିଆ ରୁ
Jump to navigation Jump to search
John Peters Humphrey
John Peters Humphrey (United Nation Photo Library 124931).jpg
John Peters Humphrey
ଜନ୍ମ ଓ ଜନ୍ମସ୍ଥାନଅପ୍ରେଲ ୩୦, ୧୯୦୫(1905-04-30)
ମୃତ୍ୟୁ୧୪ ମାର୍ଚ୍ଚ ୧୯୯୫ (୮୯ ବର୍ଷ)
Montreal, Quebec, Canada
ଅଲଗା ନାଆଁJohn Humphrey
ଜଣାଶୁଣା କାମ
First draft of the Universal Declaration on Human Rights
ଜୀବନସାଥିJeanne Godreau
Margaret Kunstler
ସନ୍ତାନ1

ଜନ ପିଟରସ ହମ୍ଫ୍ରି (ଇଂରାଜୀ ଭାଷାରେ John Peters Humphrey, ଅର୍ଡ଼ର ଅଫ କାନାଡ଼ା OC (ଏପ୍ରିଲ ୩୦, ୧୯୦୫ – ମାର୍ଚ୍ଚ ୧୪, ୧୯୯୫) କାନାଡ଼ାର ଜଣେ ବିଧିକ ବିଦ୍ୱାନ (Canadian legal scholar), ବିଧିଶାସ୍ତ୍ରୀ (jurist) ଓ ମାନବ ଅଧିକାର (human rights) ଓକିଲ ଥିଲେ । ସେ ୟୁନିଭର୍ସାଲ ଡିକ୍ଲାରେସନ ଅଫ ହ୍ୟୁମାନ ରାଇଟସର (Universal Declaration of Human Rights) ପ୍ରଣେତା ଭାବରେ ଖ୍ୟାତି ଲାଭ କରିଥିଲେ ।

ଶୈଶବ, ଶିକ୍ଷା ଓ ବିଦ୍ୟାଗତ ପେଷା[ସମ୍ପାଦନା]

ଫ୍ରାଙ୍କ ହମ୍ଫ୍ରି ଓ ନେଲି ପିଟରଙ୍କ ଔରଷରୁ ହମ୍ଫ୍ରି ୩୦ ଏପ୍ରିଲ, ୧୯୦୫ରେ ହାମ୍ପଟନ, ନିଉବ୍ରୁନସ୍ୱିକି (Hampton) ସ୍ଥାନରେ ଜନ୍ମ ଗ୍ରହଣ କରିଥିଲେ । ଶୈଶବରେ ସେ କର୍କଟ ରୋଗ‌ଗ୍ରସ୍ତ ପିତାମାତାଙ୍କୁ ହରେଇଥିଲେ ଓ ସେ ନିଆଁ ସାଥିରେ ଖେଳୁ ଖେଳୁ ନିଜର ଏକ ବାହୁ ହରେଇଥିଲେ । ଗୋଟିଏ ବୋର୍ଡ଼ିଙ୍ଗ ବିଦ୍ୟାଳୟରେ ପଢ଼ିଲା ବେଳେ ସେ ତାଙ୍କର ସାଥିମାନଙ୍କର ବ୍ୟଙ୍ଗର ଶିକାର ହେଉଥିଲେ ଓ ଏହାହିଁ ତାଙ୍କୁ ପ୍ରେରଣା ଦେଇ ତାଙ୍କ ଚରିତ୍ର ଓ ଦୟାଳୁ ଭାବକୁ ପ୍ରଭାବିତ କରିଥିଲା ।[୧]

ରୋଥସେ ନେଦରଉଡ଼ ସ୍କୁଲରୁ (Rothesay Collegiate School) ସେ ପଢ଼ିବା ପାଇଁ ମାଉଣ୍ଡ ଆଲିସନ ବିଶ୍ୱବିଦ୍ୟାଳୟକୁ (Mount Allison University) ଦରଖାସ୍ତ କରିଥିଲେ ଓ ତାହା ସ୍ୱୀକୃତ ହୋଇଥିଲା । ଏହା ପରେ ଶିକ୍ଷୟିତ୍ରୀ କାମ କରୁଥିବା ତାଙ୍କର ଭଉଣୀ ପାଖରେ ମଣ୍ଟ୍ରିଲ, କ୍ୱୁବେକ (Montreal) ସ୍ଥାନ‌ରେ ଥିବା ମ୍ୟକଗିଲ ବିଶ୍ୱବିଦ୍ୟାଳୟକୁ ବଦଳି ହୋଇଆସିଥିଲେ । ସେଠାରେ ସେ ସନ ୧୯୨୫ରେ ବ୍ୟଚେଲର ଅଫ କମର୍ସ (Bachelor of Commerce) ଭାବରେ ସ୍କୁଲ ଅଫ କମର୍ସରୁ ସ୍ନାତକ ଡିଗ୍ରୀ ହାସଲ କରିଥିଲେ ଯାହା ଡେସଉଟେଲସ ଫାକଲ୍ଟି ଅଫ ମ୍ୟାନେଜମେଣ୍ଟର (Desautels Faculty of Management) ଏକ ଅଂଶ ଥିଲା । ଏହା ପରେ ସଙ୍ଗେ ସଙ୍ଗେ ସେ ମ୍ୟାକଗିଲରେ କଳାରେ ସ୍ନାତକ ଓ ଲ'ରେ ସ୍ନାତକ (Bachelor of Law) ଭାବରେ ଯଥାକ୍ରମେ ସନ ୧୯୨୭ ଓ ୧୯୨୯ରେ ଉତ୍ତୀର୍ଣ୍ଣ ହୋଇଥିଲେ । ସ୍ନାତକ ଶିକ୍ଷା ପରେ ସେ ପ୍ୟାରିସରେ ପଢ଼ିବା ପାଇଁ ଏକ ସ୍କଲାରସିପ ପାଇ ଆରଏମଏସ ଅରାନିଆ ଜାହାଜରେ (RMS Aurania) ଯାତ୍ରାକଲେ । ତାଙ୍କ ସ‌ହ‌ଯାତ୍ରୀ ଜିନ ଗଡରୋଙ୍କ ସ‌ହିତ ଜାହାଜରେ ସାକ୍ଷାତ ହୋଇଥିଲା ଓ ପ୍ୟାରିସରେ ପ‌ହଞ୍ଚିବାର ଅଳ୍ପ ଦିନ ପରେ ଦୁହେଁ ବିବାହ କରିଥିଲେ । [୧]

ପାଞ୍ଚ ବର୍ଷ ପର୍ଯ୍ୟନ୍ତ ଓକିଲାତି କରିବାକୁ ଫେଲୋସିପ ପାଇ ସେ ମଣ୍ଟ୍ରିଆଲକୁ ଫେରିଲେ ଓ ତା'ପରେ ସେ ମାକଗିଲରେ ପ୍ରଫେସର ହେଲେ ଓ ଇଣ୍ଟରନ୍ୟାସନାଲ ଲରେ (international law) ମାସ୍ଟର ଅଫ ଲ (Master of Law) ହାସଲ କରିଥିଲେ । ସନ ୧୯୩୦ରେ ତାଙ୍କର ଶିକ୍ଷା, କଳା ଓ ମାନବ ପ୍ରୀତି ପ୍ରତି ଆସକ୍ତି ଦେଖି ତାଙ୍କୁ ରେନାଁସା ମାନବ କୁହାଯାଉଥିଲା । ସନ ୧୯୪୦ର ପ୍ରାରମ୍ଭରେ ସେ ମ୍ୟାକଗିଲରେ ଶିକ୍ଷାଦାନ ସମୟରେ ଫ୍ରାନ୍ସର ଜଣେ ରିଫ୍ୟୁଜିଙ୍କୁ ଭେଟିଲେ ଯାହାଙ୍କର ନାମ ହେନରୀ ଲଉଗିଏର (Henri Laugier) ଥିଲା ଓ ସେ ମୁକ୍ତ ଫ୍ରାନସ (Free French) ନିମନ୍ତେ କାମ କରୁଥିଲେ । ସନ ୧୯୪୩ରେ ଲଉଗିଏର ୟୁନିଭରସିଟି ଅଫ ଆଲଜିଅରସରେ (University of Algiers ) ଶିକ୍ଷା ଦାନ ନିମନ୍ତେ ଆଲଜେରିଆ ଚାଲିଗଲେ । ପରେ ଲଉଗିଏର (ମିଳିତ ଜାତିସଂଘର) ଆସିସ୍ଟାଣ୍ଟ ସେକ୍ରେଟାରୀ ଜେନେରାଲ ହୋଇଥିଲେ ।[୧]

ମ୍ୟାକଗିଲରେ କାର୍ଯ୍ୟରତ ଥିବାବେଳେ ମ୍ୟାକଗିଲ ଡିବେଟିଙ୍ଗ ୟୁନିଅନ ନାମକ ଏକ ସଂସ୍ଥା ହମ୍ପ୍ରି ସ୍ଥାପନ କରିଥିଲେ ।


ଆଧାର[ସମ୍ପାଦନା]

  1. ୧.୦ ୧.୧ ୧.୨ "Biography". humphreyhampton.org. Retrieved 2019-07-23.