ଜଗମୋହନ କୌର

ଇଂରାଜୀ ଲିଙ୍କ

https://or.wikipedia.org/wiki/Jagmohan_Kaur

ଜଗମୋହନ କୌର
Also known as	ମାଇ ମୋହନୋ
ଜନ୍ମ	(1948-04-16)୧୬ ଅପ୍ରେଲ ୧୯୪୮ ପଠାଣକୋଟ, ପଞ୍ଜାବ, ଭାରତ
ମୃତ୍ୟୁ	୬ ଡିସେମ୍ବର ୧୯୯୭(1997-12-06) (ବୟସ ୪୯) ଲୁଧିଆନା, ପଞ୍ଜାବ
ଶୈଳୀ	ଲୋକଗୀତ, ଦ୍ୱେତ ସଙ୍ଗୀତ, ହାସ୍ୟ ଅଭିନୟ
ପେଷା	କଣ୍ଠଶିଳ୍ପୀ, ଅଭିନେତ୍ରୀ, ଶିକ୍ଷକ, ହାସ୍ୟ ଅଭିନେତ୍ରୀ
ଅନ୍ୟ ଅଂଶଗ୍ରହଣ	କେ. ଦୀପ୍ ​ (m. ୧୯୭୧⁠–⁠)​

ଜଗମୋହନ କୌର (୧୬ ଅପ୍ରେଲ ୧୯୪୮ – ୬ ଡିସେମ୍ବର ୧୯୯୭) ଜଣେ ଭାରତୀୟ ପଞ୍ଜାବୀ-ଭାଷାର ଲୋକଗୀତ ଗାୟିକା ଥିଲା । ସେ ବାପୁ ୱେ ଆଦ୍ ହୁନ୍ନି ଆଇଁ, ଘର ୱାଜଦା, ଘରୋଲି ୱାଜାଦି ଆଦି ଗୀତ ପାଇଁ ଲୋକପ୍ରିୟ ଥିଲେ ।

ପେଷା

ସେ ପଞ୍ଜାବୀ ଲୋକଗୀତ ଗାଇବା ସହି ତାଙ୍କ ସ୍ୱାମୀ କେ. ଦୀପ୍‌ଙ୍କ ସହିତ କିଛି ଦ୍ୱେତ ସଙ୍ଗୀତରେ କଣ୍ଠଦାନ କରିଥିଲେ । ଗୀତ ଗାଇବା ବ୍ୟତୀତ ସେ ଦାଜ୍ (୧୯୭୬), ମୁତିୟାର୍ (୧୯୭୯) ଏବଂ ଦୁଷ୍ମନି ଦି ଆଗ୍ (୧୯୯୦) ଆଦି ପଞ୍ଜାବୀ କଥାଚିତ୍ରରେ ମଧ୍ୟ ଅଭିନୟ କରିଥିଲେ । ସେ ସୁଖି ପରିବାର (୧୯୮୦) ଏବଂ ଦୋ ଜାତିୟାଁ ଭଳି କିଛି କଥାଚିତ୍ରରେ ପ୍ରଚ୍ଛଦପଟ ଗାୟିକା ଭାବରେ ମଧ୍ୟ ଗୀତ ଗାଇଥିଲେ ।

ଜୀବନୀ

ଜଗମୋହନ କୌର ୧୯୪୮ ମସିହାର ଅପ୍ରେଲ ୧୬ ତାରିଖରେ ବ୍ରିଟିଶ ଭାରତର ପଞ୍ଜାବସ୍ଥିତ ପଠାନ୍‌କୋଟ‌ଠାରେ ଜନ୍ମଗ୍ରହଣ କରିଥିଲେ । ତାଙ୍କ ବାପାଙ୍କ ନାମ ଥିଲା ଗୁର୍ବାଚନ ସିଂହ ଏବଂ ମାଆଙ୍କ ନାମ ଥିଲା ପ୍ରକାଶ କୌର । ପିଲାଦିନ ତାଙ୍କ ଗାଁ ବୁର୍ ମାଜରାରେ କଟିଥିଲା ଏବଂ ତାଙ୍କ ଗାଁ ସ୍କୁଲରୁ ସେ ପ୍ରାଥମିକ ଶିକ୍ଷା ଶେଷ କରିଥିଲେ । ଏହାପରେ ସେ କୁରାଲିସ୍ଥିତ ଖାଲସା ହାଇସ୍କୁଲରେ ପଢ଼ିଥିଲେ ଏବଂ ପରେ ଖାରାର୍, ମୋହାଲିର ଆର୍ଯ୍ୟ ଟେନିଂ ସ୍କୁଲରୁ ଶିକ୍ଷା ସମାପ୍ତ କରି ଚଣ୍ଡିଗଡ଼ ପାଖରେ ଥିବା ମଣି ମାଜରାରେ ଜଣେ ଶିକ୍ଷୟତ୍ରୀ ଭାବରେ କାର୍ଯ୍ୟ କରିଥିଲେ ।

ପରବର୍ତ୍ତୀ ସମୟରେ ସେ ଏସ୍. ମହିନ୍ଦର୍ ସିଂହ ବେଦୀଙ୍କଠାରୁ ସଙ୍ଗୀତ ଶିକ୍ଷା କରିବା ପରେ ନିଜ ଚାକିରୀ ଛାଡ଼ି ସଙ୍ଗୀତକୁ ପେଷା ଭାବରେ ଗ୍ରହଣ କରିଥିଲେ ।