ଗୋବିନ୍ଦ ଚନ୍ଦ୍ର ମାଝୀ

ଉଇକିପିଡ଼ିଆ ରୁ
ସିଧାସଳଖ ଯିବେ ଦିଗବାରେଣିକୁ, ଖୋଜିବେ
ଗୋବିନ୍ଦ ଚନ୍ଦ୍ର ମାଝୀ
ଜନ୍ମ ଓ ଜନ୍ମସ୍ଥାନ ୧୭ ମଇ ୧୯୫୬ (1956-05-17) (୬୧ ବର୍ଷ)
ବହଳଦା, ମୟୂରଭଞ୍ଜ
ଶିକ୍ଷା ସ୍ନାତକ(ଆଇନ)
ଶିକ୍ଷାନୁଷ୍ଠାନ ବି.ଜେ.ବି କଲେଜ
ଜୀବିକା ସାହିତ୍ୟିକ
ବାପା ମା ଭୀଳୁ ସୋରେନ, ଆରସୁ ସୋରେନ
ପୁରସ୍କାର କେନ୍ଦ୍ର ସାହିତ୍ୟ ଏକାଡେମୀ ପୁରସ୍କାର

ଗୋବିନ୍ଦ ଚନ୍ଦ୍ର ମାଝୀ(ଜନ୍ମ : ୧୭ ମଇ ୧୯୫୬) ଜଣେ ସାନ୍ତାଳୀ ସାହିତ୍ୟିକ ।[୧] ସାନ୍ତାଳୀ କବିତା ସଂଗ୍ରହ "ନାଳହା" ପାଇଁ ୨୦୧୬ମସିହାର କେନ୍ଦ୍ର ସାହିତ୍ୟ ଏକାଡେମୀ ପୁରସ୍କାର ପାଇଁ ମନୋନୀତ କରାଯାଇଛି ।[୨] ବ୍ୟାଙ୍କିଙ୍ଗ ଚାକିରିରୁ ଅବସର ନେବା ପରେ, ମାଝୀ ଏବେ ଅଖୀଳ ଭାରତୀୟ ସାନ୍ତାଳୀ ଲେଖକ ସଂଗଠନର ଓଡ଼ିଶା ପ୍ରଦେଶ ଅଧ୍ୟକ୍ଷ ଭାବରେ କାର୍ଯ୍ୟ କରୁଛନ୍ତି ଓ ସାହିତ୍ୟ ସାଧନାରେ ଲିପ୍ତ ଅଛନ୍ତି ।[୩]

ଜୀବନୀ[ସମ୍ପାଦନା]

ଗୋବିନ୍ଦ ଚନ୍ଦ୍ର ୧୯୫୬ ମସିହାରେ ମୟୂରଭଞ୍ଜ ଜିଲ୍ଲାର ବହଳଦାଠାରେ ଜନ୍ମଗ୍ରହଣ କରିଥିଲେ । ତାଙ୍କ ପିତାଙ୍କ ନାମ ଥିଲା ଭୀଳୁ ସୋରେନ ଓ ମାତାଙ୍କ ନାମ ଆରସୁ ସୋରେନ । ବହଳଦା ସରକାରୀ ଉଚ୍ଚ ବିଦ୍ୟାଳୟରୁ ଗୋବିନ୍ଦ ମାଟ୍ରିକ ପାସ କରି, ଭୁବନେଶ୍ୱରସ୍ଥ ବକ୍ସୀ ଜଗବନ୍ଧୁ ବିଦ୍ୟାଧର ମହାବିଦ୍ୟାଳୟରୁ କଳାରରେ ଓ କଟକର ମଧୁସୂଦନ ଆଇନ ମହାବିଦ୍ୟାଳୟରୁ ଆଇନରେ ସ୍ନାତକ ହାସଲ କରିଛନ୍ତି । ସିଣ୍ଡିକେଟ ବ୍ୟାଙ୍କରେ କାର୍ଯ୍ୟ କରି, ସେ ସିନିୟର ମ୍ୟାନେଜର ପଦବୀରୁ ସେବା ନିବୃତ ହୋଇ ସାରିଛନ୍ତି ।[୪]

ସାହିତ୍ୟ ସର୍ଜନା[ସମ୍ପାଦନା]

ସାହିତ୍ୟ ରଚନା ସହିତ ସଂଗଠକ ଭାବରେ ଗୋବିନ୍ଦ ଚନ୍ଦ୍ର କାର୍ଯ୍ୟ କରିଆସୁଛନ୍ତି । ସାନ୍ତାଳୀ ସିନେମାରେ ସଂଳାପ ଲେଖନ ସହିତ, ସେ ଅଭିନୟ ମଧ୍ୟ କରିଛନ୍ତି । "ବାପଲା" ଓ "ଜୋଲୋନ" ଭଳି ସାନ୍ତାଳୀ ଚଳଚ୍ଚିତ୍ର ସହିତ ଗୋବିନ୍ଦ ଚନ୍ଦ୍ର ଜଡିତ ଥିଲେ ।

ରଚନାବଳି[ସମ୍ପାଦନା]

  • ନାଳହା - ୨୦୧୪
  • ମିଦ ଟିଡାଗ ସିନ୍ଦୁର
  • ହଂସ ହଂସଲୀ
  • ସାଗେନ ସାକାମ
  • ନାଵା ସାଗେନ ସାକାମ
  • ସୋବୋନାଖା
  • ଜାହେରଗାଢ଼
  • କାରାମ ସିରମ
  • ସରୀ ସାରଜୋମ
  • ମାଂତାର
  • ସୋନ୍ଧ୍ୟାନୀ
  • ସାବତା ଆଡାଙ୍ଗ ସରୀଖେ

ପୁରସ୍କାର ଓ ସମ୍ମାନ[ସମ୍ପାଦନା]

  • କେନ୍ଦ୍ର ସାହିତ୍ୟ ଏକାଡେମୀ ସମ୍ମାନ - ୨୦୧୬[୫]
  • ଦଳିତ ସାହିତ୍ୟ ଏକାଡେମୀ ସମ୍ମାନ
  • ବି.ବି.ଆର ଆମ୍ବେଦକର ଫେଲୋସିପ[୬]

ଆଧାର[ସମ୍ପାଦନା]