ଉଇକିପିଡ଼ିଆ:ପ୍ରଶ୍ନ ପଚାରନ୍ତୁ/ଉତ୍ତର

ଓଡ଼ିଆ ଉଇକିପିଡ଼ିଆ ବାବଦରେ ପ୍ରଶ୍ନ ପଚାରିବା ପାଇଁ କ୍ଲିକକରନ୍ତୁ

ପଚରାଯାଇଥିବା ପ୍ରଶ୍ନସବୁ ଦେଖନ୍ତୁ...

ଉଇକିପିଡ଼ିଆରେ କିଛି ପ୍ରସଙ୍ଗ ଲେଖିବା ଆଗରୁ ସହାୟତା ପାଇଁ କିଛି ସୂଚନା ତଳେ ପଢ଼ିନିଅନ୍ତୁ । ଆପଣଙ୍କୁ ଲେଖିବାରେ ସୁବିଧା ହେବ ।

Shortcut

WP:CS

ଓଡ଼ିଆରେ ଟାଇପ କିପରି କରିବେ?

ଡାହାଣ ପାଖ ଉପରେ ଥିବା ସର୍ଚ-ବାରରେ କ୍ଲିକ କଲେ

ଆଇକନ ଆସିବ

ସେଥିରୁ ଓଡ଼ିଆ ବାଛନ୍ତୁ

ତାଲିକାରୁ ଲେଖନୀ ବାଛନ୍ତୁ (ଯଦି ଆଉ କିଛି ଲେଆଉଟରେ ଟାଇପ କରିବା ଜାଣନ୍ତି ତାହା ମଧ୍ୟ ବାଛିପାରିବେ)

ଏବେ ଟାଇପ କଲେ ଓଡ଼ିଆ ଆସିବ

କେଉଁ ଇଂରାଜୀ ଅକ୍ଷର ଟାଇପ କଲେ କେଉଁ ଓଡ଼ିଆ ଅକ୍ଷର ଆସିବ ତାହା ଏହି ଲିଙ୍କରୁ ଦେଖନ୍ତୁ

କିପରି ଉଇକିପିଡ଼ିଆରେ ଲେଖିବେ?'

ଉଇକିପିଡ଼ିଆ ଭିତରେ ଥାଇ ଡାହାଣ ପଟ ଉପରେ ଥିବା ଅପ୍ସନରେ କ୍ଲିକ କରି ନୂଆ ଖାତାଟିଏ (Account) ତିଆରି କରିପାରିବେ । ଆଗରୁ ତିଆରି କରିଥିଲେ ଲଗ-ଇନ ଉପରେ କ୍ଲିକକରନ୍ତୁ ।

ନୂଆ ଖାତା ତିଆରି କଲାବେଳେ "ବ୍ୟବହାରକାରୀ ନାମ" ଜାଗାରେ ଆପଣଙ୍କ ଇଚ୍ଛାମୁତାବକ ନାମଟିଏ ଦେବେ । କୌଣସି ସଂସ୍ଥା ସଙ୍ଗେ ଜଡ଼ିତ ଥିଲେ ସଂସ୍ଥା ନାମ ବଦଳରେ ନିଜ ନାମ ଦେବେ । ନାମଟି କାହା ପ୍ରତି ଅସମ୍ମାନସୂଚକ ନ ହୋଇଥିବା ଜରୁରୀ । ନିଜ ପ୍ରକୃତ ନାମ ମଧ୍ୟ ଦେଇପାରିବେ । କିନ୍ତୁ ଜାଣିରଖନ୍ତୁ ଆପଣଙ୍କ ବ୍ୟବହାରକାରୀ ନାମ ସଭିଏଁ ଦେଖିପାରିବେ । ସଭିଏଁ ଆପଣଙ୍କ ପ୍ରକୃତ ନାମ ଜାଣନ୍ତୁ ବୋଲି ଚାହୁଁନଥିଲେ ଭିନ୍ନ ନାମଟିଏ ଦିଅନ୍ତୁ । ଅନେକ ସାଧାରଣ ନାମ ଆଗରୁ ଥାଏ । ସେହି କ୍ଷେତ୍ରରେ ନାମ ପଛରେ ସଂଖ୍ୟା ଯଥା "Sara123" ଏମିତି ମଧ୍ୟ ଦେଇପାରିବେ ।

ପାସୱାର୍ଡ଼ଟି ଆପଣଙ୍କ ଖାତା ଭବିଷ୍ୟତରେ ଖୋଲିବା ବେଳେ କାମରେ ଆସିବ । ତେଣୁ ନିଜେ ମନେରଖିବା ଭଳି ଓ ବାକିମାନେ ଅନୁମାନ କରି ନ ଜାଣିପାରିବା ଭଳି ପାସୱାର୍ଡ଼ଟିଏ ଦିଅନ୍ତୁ ।

ଆପଣଙ୍କ ଇମେଲ ଠିକଣା ଏଠି ଦେଲେ ଭଲ । ତାହା ଗୋପନ ରଖାଯାଏ । ଯଦି କେବେ ପାସୱାର୍ଡ଼ଟି ଭୁଲିଯାଆନ୍ତି ତାହେଲେ ଇମେଲ ବ୍ୟବହାର କରି ପାସୱାର୍ଡ଼ ବଦଳାଇପାରିବେ ।

ପ୍ରଥମେ ସର୍ଚ-ବାରରେ ଓଡ଼ିଆ ସକ୍ରିୟ କରି ଗୋଟେ/ଯୋଡ଼େ ଅକ୍ଷର ଟାଇପ କରନ୍ତୁ । ଏହା କିଛି ସମ୍ଭାବିତ ପ୍ରସଙ୍ଗର ନାମ ଦେଖାଇବ

ସେଥିରୁ ଖୋଜୁଥିବା ପ୍ରସଙ୍ଗଟି ବାଛନ୍ତୁ (ଆଗରୁ ନଥିଲେ ନୂଆ ପ୍ରସଙ୍ଗର ପୂରା ନାମ ଟାଇପ କରି ଖୋଜିବେ, ନାମଟି ଏକ ନାଲି ଲିଙ୍କ ହୋଇ ଏହିଭଳି ଦେଖାଯିବ ➤ ଏହି ପ୍ରସଙ୍ଗଟି ଆଗରୁ ନାହିଁ, ତେଣୁ ପ୍ରସଙ୍ଗର ନାମ ନାମରେ ପ୍ରସଙ୍ଗଟିଏ ଏଠାରେ ଗଢ଼ନ୍ତୁ!)

ଅଧିକ ତଥ୍ୟ ଯୋଡ଼ିବା କିମ୍ବା ଭୁଲ ସୁଧାରିବା ପାଇଁ ସମ୍ପାଦନା [Edit] ରେ କ୍ଲିକ କରନ୍ତୁ

ଏହା ତଳେ ଏକ ଛୋଟ ଉଇଣ୍ଡୋ ଖୋଲିବ

ସେଥିରେ ଯାହା ବଦଳାଇବାକୁ ଚାହୁଁଛନ୍ତି ବଦଳାନ୍ତୁ

ଦେଖଣା [Preview]ରେ କ୍ଲିକ କରି ପରଖି ନିଅନ୍ତୁ

କିଛି ଭୁଲ ରହିଯାଇଥିଲେ ସୁଧାରିଦେଇ ସାଇତିବେ [Save]ରେ କ୍ଲିକ କରନ୍ତୁ

ଏବେ ଆପଣଙ୍କ ସମ୍ପାଦନା ସାଇତାଗଲା!

କି କି ବିଷୟରେ ମୁଁ ଲେଖିପାରିବେ? ଏଥିରେ କିଛି ଲେଖିବା ବାରଣ କି?

କଣ ଲେଖିବେ ନାହିଁ	କଣ ଲେଖିବେ
ଉପାଧୀବାଚକ ସାର, ଡ., ମହାମହୋପାଧ୍ୟାୟ, ପଣ୍ଡିତ ଶ୍ରୀ, କୁମାର, କୁମାରୀ, ସୁଶ୍ରୀ, ଶ୍ରୀଯୁକ୍ତ, ଶ୍ରୀମତୀ ମା, ବାବା ଓ ଶ୍ରୀ ଆଦି (ମନ୍ଦିର ଆଦିରେ): ~~ଶ୍ରୀ~~ ଜଗନ୍ନାଥ ମନ୍ଦିର, ~~ବାବା~~ ଲିଙ୍ଗରାଜ	ଜଣାଶୁଣା ନାମ ବିଜୁ ପଟ୍ଟନାୟକ (~~ବିଜୟାନନ୍ଦ ପଟ୍ଟନାୟକ~~ ନୁହେଁ) ସଚ୍ଚିନ ତେନ୍ଦୁଲକର (~~ସଚ୍ଚିନ ରମେଶ ତେନ୍ଦୁଲକର~~ ନୁହେଁ) ଜଗନ୍ନାଥ ମନ୍ଦିର, ଲିଙ୍ଗରାଜ
ବିଶେଷଣ ଅକ୍ଷୟ ମହାନ୍ତି ଜଣେ ~~ସୁନାମଧନ୍ୟ~~ ସଙ୍ଗୀତଜ୍ଞ ଥିଲେ ।	ଲେଖାରେ ବିଶେଷଣ ନ ଦେଇ କେବଳ ତଥ୍ୟ ଦେବେ ।
ଲିଖନ ବିଷୟ ସୃଜନଶୀଳ ସାହିତ୍ୟ (ଗପ, କବିତା, ସମାଲୋଚନା, ଉପନ୍ୟାସ ଆଦି) ନିଜ/ସମ୍ପର୍କୀୟଙ୍କ ବାବଦରେ ନିଜ ମତ ଲେଖାରେ ସାହିତ୍ୟର ପୁଟ (ଯଥା: "ପ୍ରକୃତିର ପ୍ରାଣପ୍ରାଚୁର୍ଯ୍ୟରେ ଭରା କବିଙ୍କ ରଚନା ନିମନ୍ତେ ତାଙ୍କୁ ସମାଲୋଚକେ ପ୍ରକୃତି କବିର ଆସନରେ ବସାଇଛନ୍ତି")	ରାଜ୍ୟ ତଥା ଦେଶବିଦେଶର ଜଣାଶୁଣା ସାହିତ୍ୟ ବହି ବାବଦରେ ଜଣାଶୁଣା ବ୍ୟକ୍ତିବିଶେଷ କେବଳ ପ୍ରକାଶିତ ସମ୍ବାଦର ଆଧାରରେ ଲେଖିବେ ତାଙ୍କ ରଚନାରେ ପ୍ରକୃତିର ବର୍ଣ୍ଣନା ନିମନ୍ତେ ମେହେର "ପ୍ରକୃତି କବି" ନାମରେ ଜଣା ।

ବହି/ଖବରକାଗଜ/ପତ୍ରିକାରୁ ଦେଖି ଲେଖିପାରିବେ କି?

ହଁ, କୌଣସି ଜଣାଶୁଣା ପ୍ରକାଶନର ବହି ଓ ଖବରକାଗଜରୁ ତଥ୍ୟ ନେଇ ଲେଖିପାରିବେ

ଲେଖା ସିଧା ସଳଖ କପି ନ କରି ନିଜେ ଲେଖନ୍ତୁ

ଆଧାର ଦେଉଥିବା ବାକ୍ୟ/ପାରାଗ୍ରାଫର ଶେଷରେ କର୍ସର

ଉକ୍ତ ବହିର ଆଧାର ଦେବା ପାଇଁ ଟୁଲବାରରେ ଥିବା ▼ Cite ଉପରେ କ୍ଲିକ କରନ୍ତୁ

ଟୁଲ-ବାରର ବାମ ପଟେ ଥିବା Templateରୁ ଉପଯୁକ୍ତ ଅପ୍‌ସନଟି ବାଛି ବହିର ସବିଶେଷ ଫର୍ମରେ ଭରନ୍ତୁ

Insert ବଟନରେ କ୍ଲିକ କରି ଆଧାରଟି ସାଇତିବେ

ଗୁଗୁଲ ବୁକ୍ସ (http://books.google.com)ରୁ ଆଧାର ଖୋଜା

ଗୁଗୁଲ ବୁକ୍ସରେ ଅନେକ ଜଣାଶୁଣା ବହି ରହିଛି ଓ ପାଖାପାଖି ସବୁ ଉଇକିପିଡ଼ିଆରେ ଆଧାର ଦେବା ଲାଗି ବ୍ୟବହାର ହୋଇପାରିବ ।
କିପରି ଖୋଜିବେ?

୧. http://books.google.com କୁ ଯାଇ ଆପଣ ଲେଖୁଥିବା ପ୍ରସଙ୍ଗ ବା ନିର୍ଦ୍ଦିଷ୍ଟ ବିଷୟ ଇଂରାଜୀରେ ଟାଇପ କରନ୍ତୁ । ଯଥା: ସ୍ୱାଧୀନତା ସଂଗ୍ରାମୀ ପରି ବେୱାଙ୍କ ବାବଦରେ ଖୋଜିଲା ବେଳେ "Pari Bewa" ଖୋଜିଲେ ଅନେକ ବହିର ଲିଙ୍କ ଓ ଲିଙ୍କ ତଳେ ସେ ବହିରେ "Pari Bewa" ଶବ୍ଦ ଯୋଡ଼ିକ ଥିବା କେତୋଟି ବାକ୍ୟ ଦିଶିବ । (ଉଦାହରଣ ଦେଖନ୍ତୁ, ଖୋଜିଲା ବେଳେ ୨-୩ଟି ଅଲଗା ଅଲଗା ଉପାୟରେ ଖୋଜିଲେ ନିର୍ଦ୍ଦିଷ୍ଟ ବହି ମିଳିଯାଏ । ଧରନ୍ତୁ ଇରମ ବାବଦରେ ଖୋଜୁଛନ୍ତି । ଶବ୍ଦର ଆଗରୁ ଓ ପଛରେ ଗୋଟେ କଲୋନ ବା " ଚିହ୍ନ ଦେଇ ଖୋଜିଲେ ଅର୍ଥାତ କେବଳ Iramନ ଖୋଜି "Iram"ଖୋଜିଲେ ଅଧିକ ସଠିକ ଫଳାଫଳ ମିଳେ । ନହେଲେ କେଉଁ ବହିରେ Iranଥିଲେ ବି ଦେଖେଇବ । ସେହି ଭଳି ବିନା କଲନରେ pari bewa ଲେଖିବାରୁ pari ଶବ୍ଦ ଥିବା ଅନେକ ବହିର ବିଷବସ୍ତୁ ଦିଶିଲା । କିନ୍ତୁ "pari bewa" ଲେଖିବାରୁ ସ୍ୱାଧୀନତା ସଂଗ୍ରାମୀ ପରି ବେୱାଙ୍କ ଉପରେ ଥିବା ବହିର ଲିଙ୍କ ଦିଶିଲା ।
୨. ଯଦି ସେ ବାକ୍ୟଗୁଡ଼ିକରେ ଆପଣ ଖୋଜୁଥିବା ବିଷୟ ଥାଏ ତାହେଲେ ସେ ବହିର ଲିଙ୍କ ଉପରେ କ୍ଲିକ କରି ତାହା ଖୋଲନ୍ତୁ ଓ ତାହାର URL (ଦେଖିବାକୁ ଏମିତି: https://books.google.co.in/books...) କପି କରନ୍ତୁ ।
୩. http://reftag.appspot.com ସାଇଟ ଖୋଲି କପି କରିଥିବା URL ଉପର ବାକ୍ସରେ ପେଷ୍ଟ କରନ୍ତୁ ।
୪. ଏବେ "Load" ଉପରେ କ୍ଲିକ କଲେ ତଳେ ଗୋଟେ କୋଡ଼ ଦିଶିବ । ସେ କୋଡ଼ କପି କରିଆଣି ଉଇକିପିଡ଼ିଆ ଲେଖାରେ ଯେଉଁ ବାକ୍ୟ ପାଇଁ ଆଧାର ଦେଉଥିବା ସେ ବାକ୍ୟ ପରେ ପେଷ୍ଟ କରିଦିଅନ୍ତୁ ।

ଆଗକୁ କଣ କରିବେ, କଣ ଲେଖିବେ?