ଅଞ୍ଜୋରି ଅଲଗ

ଇଂରାଜୀ ଲିଙ୍କ

https://or.wikipedia.org/wiki/Anjori_Alagh

ଅଞ୍ଜୋରି ଅଲଗ
୨୦୧୨ ମସିହାରେ ଅଲଗ
ଜନ୍ମ	ଅଞ୍ଜୋରି ଅଲଗ ମୁମ୍ବାଇ, ମହାରାଷ୍ଟ୍ର, ଭାରତ
ଅନ୍ୟ ନାମ	ଅଞ୍ଜୋରି ସୁନୀଲ ଅଲଗ
ବୃତ୍ତି	ଅଭିନେତ୍ରୀ
ସକ୍ରିୟ ବର୍ଷ	୨୦୦୭–୨୦୧୪
ପିତାମାତା	ସୁନୀଲ ଅଲଗ (father) ମାୟା ଅଲଗ (mother)
ସମ୍ପର୍କୀୟ	ସମୀର ନାୟାର (ଭିଣେଇ)

ଅଞ୍ଜୋରି ଅଲଗ ଜଣେ ପୂର୍ବତନ ଭାରତୀୟ ଅଭିନେତ୍ରୀ ତଥା ମଡେଲ । ସେ ଅଭିନେତ୍ରୀ ମାୟା ଅଲଗ ଓ ସୁନୀଲ ଅଲଗଙ୍କ ଝିଅ । ସେ ୪ ବର୍ଷ ବୟସରେ ଏକ ବିଜ୍ଞାପନରେ ପ୍ରଥମେ କାମ କରିଥିଲେ । ୨୦୦୭ ମସିହାରେ ସେ ବିକ୍ରମ ଭଟ୍ଟଙ୍କ କଥାଚିତ୍ର ଲାଇଫ୍ ମେଁ କଭି କଭି ଜରିଆରେ କଥାଚିତ୍ର ଜଗତରେ କାମ କରିବା ଆରମ୍ଭ କରିଥିଲେ । ସେ ଜଣେ ତାଲିମପ୍ରାପ୍ତ କଥକ ନୃତ୍ୟଶିଳ୍ପୀ ।

ଜନ୍ମ ଓ ପରିବାର

ଅଞ୍ଜୋରି ପଞ୍ଜାବର ଲୁଧିଆନାରେ ସେ ଏକ ପଞ୍ଜାବୀ ପରିବାରରେ ଜନ୍ମଗ୍ରହଣ କରିଥିଲେ । ତାଙ୍କ ମାଆ ମାୟା ଅଲଗ ହିନ୍ଦୀ କଥାଚିତ୍ର ଜଗତର ଜଣେ ଜଣାଶୁଣା ଅଭିନେତ୍ରୀ ଓ ପିତା ସୁନୀଲ ଅଲଗ ବ୍ରିଟାନିଆ ଇଣ୍ଡଷ୍ଟ୍ରିଜ୍ରର ମୁଖ୍ୟ କାର୍ଯ୍ୟନିର୍ବାହୀ ଅଧିକାରୀ ଥିଲେ ।

ପେଷା

ଅଞ୍ଜୋରି ଅଲଗ ଚାରି ବର୍ଷ ବୟସରେ ବିଜ୍ଞାପନରେ ଅଭିନୟ କରିବା ଆରମ୍ଭ କରିଥିଲେ ଏବଂ ପ୍ରହ୍ଲାଦ କକ୍କରଙ୍କ ସହ ମ୍ୟାଗି ଓ କୋଡାକ୍ ପାଇଁ ସେ ଅନେକ ବିଜ୍ଞାପନ କରିଥିଲେ । ୧୦ ବର୍ଷ ବୟସରେ, ସେ ପାଠପଢ଼ା ପାଇଁ ଅଭିନୟ ଛାଡ଼ିଥିଲେ । ସେ ଓହିଓରେ ଅର୍ଥନୀତି ଏବଂ ବ୍ୟବସାୟ ପରିଚାଳନା ଅଧ୍ୟୟନ କରିବାକୁ ଆମେରିକା ଯାଇଥିଲେ । ଗ୍ରୀଷ୍ମ ଛୁଟି ସମୟରେ, ସେ ଷ୍ଟାନଫୋର୍ଡ ଆକ୍ଟିଂ ସ୍କୁଲରେ ଅଧ୍ୟୟନ କରିଥିଲେ ଏବଂ ଭାରତ ଫେରିବା ପରେ ସେ କିଶୋର ନମିତ କପୁର ଅଭିନୟ ପ୍ରତିଷ୍ଠାନରେ ତାଲିମ ନେଇଥିଲେ । ୨୦୦୭ ମସିହାରେ ବିକ୍ରମ ଭଟ୍ଟଙ୍କଦ୍ୱାରା ନିର୍ମିତ ହିନ୍ଦୀ କଥାଚିତ୍ର ଲାଇଫ୍ ମେଁ କଭି କଭି ଜରିଆରେ ସେ ହିନ୍ଦୀ କଥାଚିତ୍ର ଜଗତରେ କାମ କରିବା ଆରମ୍ଭ କରିଥିଲେ । ଏହା ପରେ ସେ ୧୯୨୦ କଥାଚିତ୍ରରେ ଅଭିନୟ କରିଥିଲେ, ଯାହା ବ୍ୟବସାୟିକ ସଫଳତା ପାଇବା ସହିତ ସମୀକ୍ଷକଙ୍କଦ୍ୱାରା ପ୍ରଶଂସିତ ହୋଇଥିଲା । ସେ ଇମାଜିନ୍ ଟିଭିରେ ପ୍ରସାରିତ ଧାରାବାହିକ ସୀତା ଔର୍ ଗୀତାରେ ଅଭିନୟ କରିଥିଲେ ।

ଅଭିନୀତ କଥାଚିତ୍ର

ବର୍ଷ	କଥାଚିତ୍ର	ଭୂମିକା	ଟିପ୍ପଣୀ
୨୦୦୭	ଲାଇଫ୍ ମେଁ କଭି କଭି	ଇଶିତା ଶର୍ମା	ପ୍ରଥମ ହିନ୍ଦୀ କଥାଚିତ୍ର
୨୦୦୮	୧୯୨୦	ଗାୟତ୍ରୀ	ତେଲୁଗୁ ଭାଷାରେ ମଧ୍ୟ ଡବିଂ କରାଯାଇଥିଲା
୨୦୦୯	ଫେମ୍		ଇଂରାଜୀ
୨୦୧୪	ମଞ୍ଜୁନାଥ	ସୁଜାତା

ଅଭିନୀତ ଧାରାବାହିକ

ବର୍ଷ	ଧାରାବାହିକ	ଭୂମିକା (ଗୁଡ଼ିକ)	ଚ୍ୟାନେଲ୍	ମନ୍ତବ୍ୟ
୨୦୦୯	ସୀତା ଔର୍ ଗୀତା	ସୀତା/ଗୀତା	ଇମାଜିନ୍ ଟିଭି	ଦ୍ୱେତ ଭୂମିକା

ବାହାର ଲିଙ୍କ୍

• ଇଣ୍ଟରନେଟ ମୁଭି ଡାଟାବେସରେ ଅଞ୍ଜୋରି ଅଲଗ