ଟଙ୍କ ତୋରାଣି
| ଆରମ୍ଭ | |
|---|---|
| ମୂଳ ଜାଗା | ଭାରତ |
| ଅଞ୍ଚଳ | ଓଡ଼ିଶା |
| ଖାଇବାର ସବିଶେଷ | |
| ଖାଇବାର ମେଳଣ | ଅବଢ଼ା |
| ବାଢ଼ିବାର ତାତି | ସାଧାରଣ ଉତ୍ତାପ |
| ମୂଳ ଉପାଦାନ | ଅବଢ଼ା ଅନ୍ନ, ଦହି, କଞ୍ଚା ଲଙ୍କା, ଲେମ୍ବୁ, ଅଦା, ଭୃଷୁଙ୍ଗା ପତ୍ର ଓ ଜିରା ଗୁଣ୍ଡ |
| ବଦଳ | ତୋରାଣି |
ଟଙ୍କ ତୋରାଣି (ଅବଢ଼ା ତୋରାଣି ନାମରେ ମଧ୍ୟ ଜଣା) ଜଗନ୍ନାଥ ମନ୍ଦିରର ଆନନ୍ଦ ବଜାରରେ ମିଳୁଥିବା ଏକ ପାନୀୟ। ଏହି ତୋରାଣି ରନ୍ଧା ଅବଢ଼ା ଅନ୍ନରେ ଦହି, କଞ୍ଚା ଲଙ୍କା, ଲେମ୍ବୁ, ଅଦା, ଭୃଷୁଙ୍ଗା ପତ୍ର ଓ ଜିରା ଗୁଣ୍ଡ ଆଦି ମିଶାଇ ତିଆରି କରାଯାଏ । ରଥ ଯାତ୍ରା ସମୟରେ ବଡ଼ଦେଉଳରୁ ମାଉସୀ ମା’ ମନ୍ଦିର ଯାଏ ରଥ ଟାଣି ନେଲାବେଳେ ଲୋକମାନଙ୍କୁ ସେବନ ପାଇଁ ଏହି ଟଙ୍କ ତୋରାଣୀ ପରସାଯାଇଥାଏ ।[୧] ୨୦୧୩ ମସିହାରେ ଓଡ଼ିଶା ପୋଲିସ ହାବିଲଦାର ପକ୍ଷରୁ ମନ୍ଦିର ଆଗରେ ଏକ "ଅବଢ଼ା ତୋରାଣି ବଣ୍ଟନ କେନ୍ଦ୍ର" ଖୋଲି ଟଙ୍କ ତୋରାଣୀ ବିତରଣ କରାଯାଉଛି । ୨୦୧୫ ମସିହାରେ ଅପରିଷ୍କାର ପରିବେଶରେ ତିଆରି କରାଯାଉଥିବାର ଅଭିଯୋଗକୁ ବିଚାର କରି ଓଡ଼ିଶା ଉଚ୍ଚନ୍ୟାୟାଳୟର ରାୟ ପରେ ଶ୍ରୀ ଜଗନ୍ନାଥ ମନ୍ଦିର ପ୍ରଶାସନ ତରଫରୁ ଟଙ୍କ ତୋରାଣି ବିକ୍ରି ବନ୍ଦ କରାଯାଇଥିଲା ।[୨][୩] ୧୫୧୨ ମସିହାରେ କବୀରଙ୍କ ପୁରୀ ଆଗମନ ସମୟରେ ଭକ୍ତମାନଙ୍କୁ ଟଙ୍କ ତୋରାଣି ପରସାଯିବା କବୀର ଚଉରା ମଠରେ ଲିପିବଦ୍ଧ ହୋଇଛି ।[୪]
ପ୍ରସ୍ତୁତି ପ୍ରଣାଳୀ[ସମ୍ପାଦନା]
ଆବଶ୍ୟକୀୟ ଉପାଦାନ
ଅଭଡ଼ା ଅନ୍ନ - ଏକ ଛୋଟ କୁଡୁଆ।
- ପାଣି
- ଦହି
- ଲେମ୍ବୁ
- ଲେମ୍ବୁ ପତ୍ର
- ଆମ୍ବ କଷି ଅଦା
- କଞ୍ଚା ଲଙ୍କା
- ଜୀରା ଗୁଣ୍ଡ
- ଭୃସଙ୍ଗ ପତ୍ର
- ଅବଢ଼ା ଅନ୍ନରେରେ ପାଣି ପୂରାଇ ଅନ୍ୟୁନ ୬ ଘଣ୍ଟା ରଖନ୍ତୁ । ପାଣି ଅଧିକ ହେଲେ ଭଲ ।
- ୬ ଘଣ୍ଟା ପରେ ତୋରାଣିକୁ ଅଲଗା କରି ଦିଅନ୍ତୁ ।
- ତୋରାଣିରେ ଦହି, ଲେମ୍ବୁ, ଭୃସଙ୍ଗ ପତ୍ର ଓ ଲେମ୍ବୁ ପତ୍ର ପକାନ୍ତୁ ।
- ଆମ୍ବକଷି ଅଦାକୁ ଛେଚି ମିଶାଇବେ ।
- ସ୍ୱାଦ ଅନୁଯାୟୀ ଲଙ୍କା, ଲୁଣ ଓ ଜୀରା ଗୁଣ୍ଡ ପକାନ୍ତୁ ।
- ଏକ ଡଙ୍କିରେ କିଛି ସମୟ ପାଈଁ ଘାଣ୍ଟନ୍ତୁ ।
- ପ୍ରସ୍ତୁତ ପାନୀୟ ଟଙ୍କ ତୋରାଣି ଅଟେ । ଏହାକୁ ମାଟି ପାତ୍ରରେ ପିଈବାକୁ ଭଲ ଲାଗେ ।
ଅଧିକ ପଠନ[ସମ୍ପାଦନା]
ଆଧାର[ସମ୍ପାଦନା]
- ↑ Bal, Sandip (୧୯ ଜୁଲାଇ ୨୦୧୩). "Drenched in religious fervour - Cops serve torani and get closer to devotees". ଟେଲିଗ୍ରାଫ. Retrieved ୧୦ ଅଗଷ୍ଟ ୨୦୧୫.
{{cite news}}: Check date values in:|accessdate=and|date=(help) - ↑ "Restrict Sale of Mahaprasad in Shree Jagannath Temple: HC". Retrieved 10 August 2015.
- ↑ "Sale of Abhada only at Anand Bazar". ପ୍ରଗତିବାଦୀ. ୯ ଫେବୃଆରି ୨୦୧୫. Retrieved 10 August 2015.
{{cite news}}: Check date values in:|date=(help) - ↑ Pradhani, Damodar (ଜୁନ ୨୦୧୪). "Purusottama Sri Jagannath and Universal Religion" (PDF). Odisha Review. Retrieved 10 August 2015.