ଚିତ୍ରା ବିଶ୍ୱେଶ୍ୱରନ

ସିଟେଲ୍ଠାରେ ଚିତ୍ରା ବିଶ୍ୱେଶ୍ୱରନ୍‌‌ଙ୍କ ପ୍ରଦର୍ଶନ

କେରଳ, ଭାରତରେ ବିଶ୍ୱେଶ୍ୱରନ୍‌‌ଙ୍କ ପ୍ରଦର୍ଶନ

ଚିତ୍ରା ବିଶ୍ୱେଶ୍ୱରନ୍‌‌ ହେଉଛନ୍ତି ଜଣେ ଭାରତ ନାଟ୍ୟମ ନର୍ତ୍ତକୀ ଯିଏ ଚେନ୍ନାଇଠାରେ ଦି ଚିଦାମ୍ବରମ୍ ଏକାଡେମୀ ଅଫ୍ ପର୍‌ଫର୍ମିଂ ଆର୍ଟ୍‌ସ୍ ନାମରେ ଏକ ନୃତ୍ୟ ବିଦ୍ୟାଳୟ ଚଲାଉଛନ୍ତି ।

୧୯୯୨ ମସିହାରେ ସେ, ଭାରତ ସରକାରଙ୍କଦ୍ୱାରା ପ୍ରଦତ୍ତ ଏକ ସର୍ବୋତ୍ତମ ବେସାମରିକ ସମ୍ମାନ ପଦ୍ମଶ୍ରୀ ପୁରସ୍କାର ପାଇଥିଲେ ।

ଆଦ୍ୟ ଜୀବନ ଓ ପ୍ରଶିକ୍ଷଣ

ବିଶ୍ୱେଶ୍ୱରନ୍, ତିନି ବର୍ଷ ବୟସରେ ତାଙ୍କ ମା', ରୁକ୍ମିଣୀ ପଦ୍ମନାଭନ୍‌ଙ୍କ ସ‌ହ ନୃତ୍ୟ ଆରମ୍ଭ କରିଥିଲେ, ଯେ ସମସାମୟିକ ଭାରତୀୟ ନୃତ୍ୟ ଓ ଭାରତ ନାଟ୍ୟମ୍‌ରେ ପ୍ରଶିକ୍ଷଣ ପାଇଥିଲେ । ତାଙ୍କର ବାପା ଭାରତୀଯ ରେଳରେ ଜଣେ ଯନ୍ତ୍ରୀ ଥିଲେ ଓ ଯେତେବେଳେ ତାଙ୍କର ଚାକିରୀ ତାଙ୍କ ପରିବାରକୁ ଲଣ୍ଡନ୍ ନେଇଗଲା, ଚିତ୍ରା ଶାସ୍ତ୍ରୀୟ ବାଲେଟ୍ ଶିଖିବାକୁ ଲାଗିଲେ । ପରେ କୋଲ୍‌କାତାରେ ସେ [[ମନିପୁରୀ ନୃତ୍ୟ‌|ମଣିପୁରୀ] ଓ କଥକ ନୃତ୍ୟ ଶିଖିଥିଲେ ।

୧୦ ବର୍ଷ ବୟସରେ ସେ, ଥିରୁବିଦାଇମାରୁଦୁରର ଅନ୍ୟତମ ଦକ୍ଷ ଦେବଦାସୀଟି ଏ ରାଜଲକ୍ଷ୍ମୀ‌ଙ୍କ ସଂସ୍ପର୍ଶରେ ଆସିଥିଲେ, ଯିଏ କୋଲ୍‌କାତାରେ ଅବସ୍ଥାନ କରୁଥିଲେ । ତାଙ୍କର ଆରନ୍ଜେତ୍ରମ- ତାଙ୍କର ପ୍ରଥମ ମନ୍ଚ ପ୍ରଦର୍ଶନ ୧୦ ମାସ ଭିତରେ ହୋଇଥିଲା, ଯାହା ବ‌ହୁତ ସ୍ୱଳ୍ପ ସମୟ ଥିଲା ଏବଂ ସେ ପ୍ରାୟ ଏକ ଦଶନ୍ଧୀ ଧରି ରାଜଲକ୍ଷ୍ମୀଙ୍କଠାରୁ ପ୍ରଶିକ୍ଷଣ ନେଉଥିଲେ ।

ତେର ବର୍ଷ ବୟସରେ, ବିଶ୍ୱେଶ୍ୱରନ୍ ସେଣ୍ଟ୍ ତ୍ୟାଗରାଜଙ୍କ ଜୀବନୀକୁ ବର୍ଣ୍ଣମ ଆକାରରେ ନିର୍ଦ୍ଦେଶନା ଦେଇଥିଲେ । ସେ ବିଦ୍ୟାଳୟ ଶିକ୍ଷା ସାରିବା ପରେ, ନୃତ୍ୟରେ ପ୍ରଶିକ୍ଷଣ ପାଇଁ, ଚେନ୍ନାଇ (ସେତେବେଳର ମାଡ୍ରାସ୍) ଯିବାକୁ ଚାହୁଁଥିଲେ, ମାତ୍ର ତାଙ୍କର ବାପା, ମା' ବିଶ୍ୱ୍ୱବିଦ୍ୟାଳୟ ଡିଗ୍ରୀ ହାସଲ ପାଇଁ ପ୍ରବର୍ତ୍ତାଇ ଥିଲେ । ସେ କୋଲ୍‌କାତା ବିଶ୍ୱବିଦ୍ୟାଳୟରୁ ଇଂରାଜୀରେ ସ୍ନାତକ ଲାଭ କରିବା ସ‌ହ ନିଜେ ସମୟ ଦେଇ ନୃତ୍ୟ ବିଷୟ ଓ ନୃତ୍ୟ ଇତିହାସ ପଢ଼ିଥିଲେ ।

୧୯୭୦ ମସିହାରେ, ସେ ଏକ ସମୟରେ ମାନବ ସଂସାଧନ ମନ୍ତ୍ରାଳୟରୁ ଭାରତ ନାଟ୍ୟମରେ ଅଧିକ ପଢ଼ିବା ପାଇଁ ବୃତ୍ତି ପାଇଥିଲେ, ଯେଉଁ ସମୟରେ ଏକ ବର୍ଷରେ ଦେଶବ୍ୟାପୀ କେବଳ ଦୁଇଟି ବୃତ୍ତି ଦିଆ ଯାଉଥିଲା, ଯାହା ବର୍ତ୍ତମାନ ୨୫ । ସେ ତାଙ୍କର ଚାରି ବର୍ଷ ବୃତ୍ତି ସମୟ ଭାଜୁଭୁର ରମୟା ପିଲ୍ଲାଇଙ୍କ ଅଧୀନରେ ଚାନ୍ନାଇରେ ପାଠ ପଢ଼ିଥିଲେ । ତିନି ମାସ ଭିତରେ ଭାଜୁଭୁର ନିଜ ନିର୍ଦ୍ଦେଶନାର ଏକ ଏକାଙ୍କିରେ ବିଶ୍ୱେଶ୍ରନ୍‌ଙ୍କୁ ଚୟନ କରିଥିଲେ । ସନ୍ଗୀତକାର ପି ସାମ୍ବାମୂର୍ତ୍ତୀ, କଳା ଐତିହାସିକ କପିଳା ବାତ୍ସ୍ଚାୟନ ଓ ନୃତ୍ୟ ସମାଲୋଚକ ସୁନୀଲ କୋଠାରୀ ସମସ୍ତେ ତାଙ୍କ ନୃତ୍ୟକୁ ଆଦର କରିଥିଲେ ।

ଶିକ୍ଷା ପ୍ରଦାନ

ଷୋହଳ ବର୍ଷ ବୟସରେ କୋଲ୍‌କାତାରେ ବିଶ୍ୱେଶ୍ୱରନ୍ ନୃତ୍ୟ ଶିଖାଇବା ଆରମ୍ଭ କରିଥିଲେ ଓ ୧୯୭୫ରେ ଚେନ୍ନାଇଠାରେ ଦି ଚିଦାମ୍ବରମ୍ ଏକାଡେମୀ ଅଫ୍ ପର୍‌ଫର୍ମିଂ ଆର୍ଟ୍‌ସ୍ (ସି ଏ ପି ଏ) ପ୍ରତିଷ୍ଠା କରିଥିଲେ । ବର୍ତ୍ତମାନ ବିଶ୍ୱବ୍ୟାପୀ ଏହାର ଅନୁଷ୍ଠାନ ଅଛି, ଯାହା ପୁରାତନ ଛାତ୍ରୀ, ଛାତ୍ରଙ୍କଦ୍ୱାରା ପରିଚାଳିତ । ଏଠାରେ ସ୍ନାତକ ଶିକ୍ଷା ପାଇଥିବା ପିଲାମାନେ ଜାତୀୟ ଓ ଆନ୍ତର୍ଜାତୀୟ ବୃତ୍ତି ପାଇଥାନ୍ତି ।

ବିଶ୍ୱେଶ୍ୱରନ୍ ମଧ୍ଧ୍ୟ ବିକଳାନ୍ଗ ପିଲାଙ୍କ ପାଇଁ ଉଦ୍ଦିଷ୍ଟ ଏକ ନୃତ୍ୟ ଓ ଗୀତ ଅନୁଷ୍ଠାନ ରସ ପାଇଁ ପୁନ୍ଜି ଏକତ୍ର କରୁଛନ୍ତି ।

ବାହ୍ୟ ଆଧାର

• Legends of dance
• Chitra Visweswar bio
• Chitra Visweswar website
• Chitra Visweswaran Interview
• Chitra Visweswaran award Archived 10 January 2006 at the Wayback Machine.
• From THE HINDU papers