ସଲମାନ ଖାଁ

ସଲମାନ ଖାନ
Khan at a promotional event for [Bajrangi Bhaijaan]] in 2015
ଜନ୍ମ	Abdul Rashid Salim Salman Khan (1965-12-27) ୨୭ ଡିସେମ୍ବର ୧୯୬୫ ଇନ୍ଦୋର, ମଧ୍ୟ ପ୍ରଦେଶ, ଭାରତ
ଜାତୀୟତା	ଭାରତୀୟ
ବୃତ୍ତି(ସମୂହ)	Actor, Film producer, Television personality, Singer,Philanthropist
ସକ୍ରିୟ ବର୍ଷ	୧୯୮୮–ବତ୍ତମାନ
ପିତାମାତା(s)	ସଲୀମ୍ ଖାନ୍ (Father) ସୁସିଳା ଚରକ(ମାଆ)
ସମ୍ପର୍କୀୟ	See Khan family

ସଲମାନ ଖାନ (ଜନ୍ମ ୨୭ ଡିସେମ୍ବର ୧୯୬୫) ଜଣେ ବଲିଉଡ଼ ଅଭିନେତା ଓ ନିର୍ଦ୍ଦେଶକ | ତାଙ୍କ ପ୍ରକୃତ ନାମ ଅବଦୁଲ ରଶିଦ ସଲିମ ସଲମାନ ଖାନ | ନିଜ ପ୍ରଶଂସକମାନଙ୍କ ମଧ୍ୟରେ ସେ ସଲ୍ଲୁ, ସଲ୍ଲୁ ମିୟାଁ ଓ ଭାଇଜାନ୍ ନାମରେ ଅଧିକ ଜଣାଶୁଣା | ଦକ୍ଷିଣ ଏସିଆ ଛଡ଼ା ସମଗ୍ର ପୃଥିବୀରେ ତାଙ୍କ ପ୍ରଶଂସକ ରହିଛନ୍ତି |

ସେ ୧୯୮୮ରେ "ବିୱି ହୋ ତୋ ଐସି" ଚଳଚ୍ଚିତ୍ରରୁ ନିଜର କ୍ୟାରିୟର ଆରମ୍ଭ କରିଥିଲେ, ତେବେ ତା ପର ବର୍ଷର ସୁରଜ ବଡଜାତ୍ୟାଙ୍କ ମୈନେ ପ୍ୟାର କିୟା ଚଳଚ୍ଚିତ୍ର ହିଁ ତାଙ୍କ କ୍ୟାରିୟରକୁ ପ୍ରମୁଖ ମୋଡ଼ ଦେଇଥିଲା | ତା ପରେ "ହମ୍ ଆପକେ ହୈଁ କୌନ୍" (୧୯୯୪), "କରନ୍ ଅର୍ଜୁନ୍" (୧୯୯୫), "ବିୱି ନଂ ୧" (୧୯୯୯), "ହମ୍ ସାଥ୍ ସାଥ୍ ହୈଁ" (୧୯୯୯) ପରି ହିଟ୍ ଫିଲ୍ମ ଦେଇ ସେ ସୁପରଷ୍ଟାର ପାଲଟି ଯାଇଥିଲେ | "କୁଛ୍ କୁଛ୍ ହୋତା ହୈ" ଲାଗି ତାଙ୍କୁ ସର୍ବଶ୍ରେଷ୍ଠ ସହାୟକ ଅଭିନେତାର ଫିଲ୍ମଫେୟାର ପୁରସ୍କାର ମଧ୍ୟ ମିଳିଥିଲା | କିଛି ବର୍ଷର ଅବନତି ପରେ ପୁଣି ୨୦୧୦ରେ ସେ "ଦବଙ୍ଗ" ଚଳଚ୍ଚିତ୍ରରୁ ନିଜ ପୂର୍ବ ଖ୍ୟାତି ଫେରିପାଇଲେ | ଏହା ପରେ "ବଡ଼ିଗାର୍ଡ଼" (୨୦୧୧), "ଏକ୍ ଥା ଟାଇଗର୍" (୨୦୧୨), "କିକ୍" (୨୦୧୪) , "ବଜରଙ୍ଗୀ ଭାଇଜାନ୍" (୨୦୧୫) ,"ପ୍ରେମ୍ ରତନ୍ ଧନ୍ ପାୟୋ" (୨୦୧୫) , "ସୁଲତାନ୍" (୨୦୧୬) ପରି ସୁପରହିଟ୍ ଫିଲ୍ମ ଦେଇସାରିଲେଣି | ଫିଲ୍ମ ଜଗତକୁ ତାଙ୍କ ଅବଦାନ ଲାଗି ତାଙ୍କୁ ମନୋରଞ୍ଜନରେ ରାଜୀବ ଗାନ୍ଧୀ ପୁରସ୍କାର ମଧ୍ୟ ମିଳିଛି |

ଅଭିନେତା ହେବା ଛଡ଼ା ସେ ମଧ୍ୟ ଜଣେ ମାନବତାବାଦୀ ଓ ପରୋପକାରୀ ବ୍ୟକ୍ତି | ତାଙ୍କ ସଙ୍ଗଠନ "ବିଇଙ୍ଗ ହ୍ୟୁମାନ" ମାଧ୍ୟମରେ ସେ ଅନେକ ଗରିବ ବ୍ୟକ୍ତିଙ୍କୁ ସାହାଯ୍ୟ କରିଆସିଛନ୍ତି |

ପ୍ରାରମ୍ଭିକ ଜୀବନ

ସଲମାନଙ୍କ ବାପା ସଲିମ ଖାନ୍ ଓ ମାଆ ସୁଶୀଳା ଚରକ (ପରେ ସଲମା ଖାନ) | ତାଙ୍କ ପିତାଙ୍କ ବଂଶଧର ଆଫଗାନିସ୍ତାନରୁ ଇନ୍ଦୋରକୁ ଚାଲିଆସିଥିଲେ | ତାଙ୍କ ମାଆ ଜଣେ ହିନ୍ଦୁ ଥିଲେ | ସଲମାନ ନିଜକୁ ଉଭୟ ମୁସଲିମ ଓ ହିନ୍ଦୁ ବୋଲି କହନ୍ତି |

ତାଙ୍କ ସାବତ ମାଆ ହେଲେନ | ତାଙ୍କର ଦୁଇ ଭାଇ: ଅରବାଜ ଖାନ ଓ ସୋହେଲ ଖାନ ଏବଂ ଦୁଇ ଭ‍ଉଣୀ ଆଲଭିରା ଖାନ ଅଗ୍ନିହୋତ୍ରି ଓ ଅର୍ପିତା ଖାନ (ପୋଷ୍ୟ) |

ସଲମାନ ନିଜ ଭାଇମାନଙ୍କ ସହ ସେଣ ଷ୍ଟାନଶିଲସ ହାଇସ୍କୁଲରେ ପାଠ ପଢ଼ିଥିଲେ | ତାଙ୍କ କଲେଜର ନାଁ ଏଲଫିନଷ୍ଟୋନ କଲେଜ |

ବ୍ୟକ୍ତିଗତ ଜୀବନ

ସଲ୍ଲୁଙ୍କ ଘର ଗାଲାକ୍ସି ଆପାର୍ଟମେଣ୍ଟ, ବାନ୍ଦ୍ରା, ମୁମ୍ବାଇ | ତାଙ୍କ ଶରୀର ଅତି ସୁଗଠିତ: ଛାତି ୪୨ ଇଞ୍ଚ, ହାତ ୧୭ ଇଞ୍ଚ ଓ ଅଣ୍ଟା ୩୦ ଇଞ୍ଚ |

ସେ ଏଯାଏଁ ବିବାହ କରି ନାହାନ୍ତି | ୧୯୯୯ରେ ସେ ଅଭିନେତ୍ରୀ ଐଶ୍ୱର୍ଯ୍ୟା ରାୟଙ୍କୁ ଡେଟ୍ କରୁଥିଲେ | ପରେ ସେ କ୍ୟାଟ୍ରିନା କୈଫଙ୍କୁ ଦୀର୍ଘ ସମୟ ଧରି ଡେଟ୍ କରିଥିଲେ | ଏ ନେଇ ଅନେକ ଗୁଜବ ପରେ ୨୦୧୧ରେ ଗୋଟେ ସାକ୍ଷାତ୍‌କାରରେ କ୍ୟାଟ୍ ତାଙ୍କ ଭିତରେ ଥିବା ସମ୍ପର୍କ (ଯାହା ୨୦୧୦ରେ ତୁଟି ଯାଇଥିଲା)ର ପୁଷ୍ଟି କରିଥିଲେ | ସଙ୍ଗୀତା ବିଜଲାନୀ ଓ ସୋମୀ ଅଲୀ ମଧ୍ୟ ଭିନ୍ନ ଭିନ୍ନ ସମୟରେ ସଲ୍ଲୁଙ୍କ ସହ ଡେଟରେ ଥିଲେ |

ପ୍ରସିଦ୍ଧି

୨୦୦୪ରେ ଆମେରିକାର ପିପୁଲ ମାଗାଜିନ୍ଦ୍ୱାରା ପୃଥିବୀର ୭ମ ସବୁଠୁ ଭଲ ଦେଖାଯାଉଥିବା ପୁରୁଷ ରୂପେ ବଛାଯାଇଥିଲା |