ଆଲ୍ଲୁରୀ ସୀତାରାମ ରାଜୁ
ଆଲ୍ଲୁରୀ ସୀତାରାମ ରାଜୁ | |
|---|---|
 | |
| ଜନ୍ମ | ୪ ଜୁଲାଇ ୧୮୯୭ |
| ମୃତ୍ୟୁ | ୭ ମଇ ୧୯୨୪ (ବୟସ ୨୬) |
| ମୃତ୍ୟୁର କାରଣ | Capture and execution by the British |
| Krishnadevipeta, Visakhapatnam District | |
| ପ୍ରସିଦ୍ଧି | Rampa Rebellion of 1922–24 |
| Title | Manyam Veerudu |
| ପିତାମାତା(s) | Venkata Rama Raju (father), Suryanarayanamma (mother)[୧] |
ଆନ୍ଧ୍ରପ୍ରଦେଶରେ ଜନ୍ମିତ ଆଲ୍ଲୁରୀ ସୀତାରାମ ରାଜୁ ଜଣେ ଭାରତୀୟ ସ୍ୱାଧୀନତା ସଂଗ୍ରାମୀ । ବ୍ରିଟିଶ ସରକାରଦ୍ୱାରା ଲାଗୁ କରାଯାଇଥିବା "୧୮୮୨ Madras Forest Act "ର ବିରୁଦ୍ଧରେ ରାଜୁଙ୍କ ନେତୃତ୍ୱରେ ରମ୍ପା ବିଦ୍ରୋହର ସୂତ୍ରପାତ ହୋଇଥିଲା । ସ୍ଥାନୀୟ ଅଞ୍ଚଳରେ ବିଦ୍ରୋହକୁ ସମର୍ଥନ କରୁଥିବା ଲୋକଙ୍କ ମଧ୍ୟରେ ସେ ମାନ୍ୟମ ଭୀରୁଡୁ (ଜଙ୍ଗଲ ବୀର) ନାଆଁରେ ସେ ବେଶ ଜଣାଶୁଣା ଥିଲେ ।
ପରିଚୟ
[ସମ୍ପାଦନା]ସିତାରାମ ରାଜୁଙ୍କ ଜନ୍ମ ସ୍ଥାନ ଓ ଜନ୍ମ ତାରିଖ ବିଷୟରେ ଭିନ୍ନ ଭିନ୍ନ ତଥ୍ୟ ଥିଲେ ବି ଅନେକଙ୍କ ମତରେ ୪ ଜୁଲାଇ ୧୮୯୭ ମସିହାରେ ବିଶାଖାପାଟଣା ଜିଲ୍ଲାର ଭିମୁନୀପାଟଣାଠାରେ ତାଙ୍କ ଜନ୍ମ ।[୨][୩][୪][୫][୬][୭][୮]ମାତ୍ର ବାର ବର୍ଷ ବୟସରେ ସେ ପିତାଙ୍କୁ ହରାଇ କକାଙ୍କ ପାଖରେ ପ୍ରଥମେ ନାରସାପୁର ଓ ପରେ କୋଭାଡା ଯାଇ ରହିଥିଲେ । ପିଲାଟି ଦିନରୁ ପାଠ ପଢ଼ାରେ ତାଙ୍କର ବିଶେଷ ରୁଚି ନ ଥିଲେ ବି ବେଦାନ୍ତ, ଯୋଗ ଆଦି ବିଷୟ ଶିଖିବାରେ ତାଙ୍କର ଆଗ୍ରହ ପ୍ରକାଶ ପାଇଥିଲା । 1918ରେ ଟୁନିରେ ରହଣି ବେଳେ ସେ ସମୟ ସମୟରେ ଜଙ୍ଗଲ ଭିତରେ ବୁଲି ଯାଆନ୍ତି । ଏହି ସମୟରେ ସେ ଜଙ୍ଗଲରେ ବସକରୁଥିବା ଜନଜାତିଙ୍କ ଦୁର୍ଦ୍ଦଶା ଦେଖି ପାରିଥିଲେ ।ଏହାପରେ ସେ ପାଠ ପଢ଼ା ଛାଡି ଜନଜାତିଙ୍କ ସେବାରେ ଲାଗିପଡିଲେ ।[୯]
ସଂଗ୍ରାମୀ ଜୀବନ
[ସମ୍ପାଦନା]ବ୍ରିଟିଶ ସରକାର "1882 Madras Forest Act" ଲାଗୁ କରି ଜଙ୍ଗଲରେ ପୋଡ଼ୁ ଚାଷ କରି ପେଟ ପୋଷୁଥିବା ଜନଜାତି ବର୍ଗର ଲୋକଙ୍କ ଜଙ୍ଗଲରେ ବିଚରଣ କରିବା ଉପରେ କଟକଣା ଲାଗୁ କରିଦେଲେ । ଏହି ଜନ ବିରୋଧୀ ଆଇନ ବିରୁଦ୍ଧରେ ରାଜୁ ପୂର୍ବ ଗୋଦାବରୀ ଏବଂ ବିଶାଖାପାଟଣା ଜିଲ୍ଲାର ସୀମାବର୍ତ୍ତୀ ଅଞ୍ଚଳରେ ବିଦ୍ରୋହର (ରମ୍ପା ବିଦ୍ରୋହ)ନେତୃତ୍ୱ ନେଲେ । ତତ୍କାଳୀନ ବଙ୍ଗଳାର ଅନେକ ସ୍ୱାଧୀନତା ସଂଗ୍ରାମୀଙ୍କ ଦେଶପ୍ରେମରେ ଉଦବୃଦ୍ଧ ହୋଇ ସେ ଚିନ୍ତାପଲ୍ଲୀ, ରାମ୍ପଗେଡା ଭରାମ, ଡମାନ୍ନା ପଲ୍ଲୀ, କ୍ରିଷ୍ଣା ଦେବୀ ପେଟା, ରାଜାଭମାଙ୍ଗୀ, ନରସିପାଟନାମ ତଥା ଆନ୍ନଭରାମ ଇତ୍ୟାଦି ଅଞ୍ଚଳରେ ଥାନା ଆକ୍ରମଣ କରିଥିଲେ । ରାଜୁ ଏବଂ ତାଙ୍କ ସହଯୋଗୀ ବ୍ରିଟିଶ ବାହିନୀର ବନ୍ଧୁକ, ଗୋଳବାରୁଦ ଛଡ଼ାଇ ନେବା ସହ ଅନେକ ପୋଲିସ ଅଫିସରଙ୍କୁ ହତ୍ୟା କରିଥିଲେ ।
ମୃତ୍ୟୁ
[ସମ୍ପାଦନା]ବ୍ରିଟିଶ ସରକାର ରାଜୁଙ୍କୁ ଧରିବା ପାଇଁ ବିଶାଖାପାଟଣା ଜିଲ୍ଲାର ତତ୍କାଳୀନ କଲେକ୍ଟର ରଦର ଫୋର୍ଡଙ୍କୁ ନିର୍ଦ୍ଦେଶ ଦେବା ପରେ ରାଜୁଙ୍କ ସହଯୋଗୀ ସୂର୍ଯ୍ୟ ନାରାୟଣ ରାଜୁ (ଆଗିରାଜୁ ନାମରେ ଖ୍ୟାତ)ଗିରଫ ହେଲେ । ଏହାପରେ ରାଜୁଙ୍କୁ ଧରିବାରେ ବ୍ରିଟିଶ ସରକାର ସଫଳ ହେଲେ । ରାଜୁଙ୍କ ଏକ ଗଛରେ ବାନ୍ଧି ଗୁଳି ବିଦ୍ଧ କରି ହତ୍ୟା କରାଯାଇଥିଲା । ରାଜୁଙ୍କୁ ଧରିବାରେ ସଫଳ ହୋଇଥିବା ପୋଲିସ ଅଫିସର ଜଣ ଜ୍ଞାନେଶ୍ୱର ରାଓଙ୍କୁ ଇଂରେଜ ସରକାର "ରାଓ ବାହାଦୁର" ଉପାଧିରେ ସମ୍ମାନିତ କରିଥିଲେ । [୧୦]
ସଂସ୍କୃତିରେ ରାଜୁଙ୍କ ସ୍ମୃତି
[ସମ୍ପାଦନା]୧୯୮୬ ମସିହାରେ ଭାରତୀୟ ଡାକ ବିଭାଗ ରାଜୁଙ୍କ ସମ୍ମାନାର୍ଥେ ଏକ ଡାକ ଟିକଟ ଜାରି କରିଛନ୍ତି । [୧୧]ରାଜୁଙ୍କ ଜୀବନିକୁ ନେଇ ତେଲୁଗୁ ଚଳଚ୍ଚିତ୍ର "ଆଲ୍ଲୁରି ସୀତାରାମ ରାଜୁ " ମୁକ୍ତିଲାଭ କରିଥିଲା ଯେଉଁଥିରେ ତେଲୁଗୁ ଅଭିନେତା କ୍ରିଷ୍ଣା, ରାଜୁଙ୍କ ଭୂମିକାରେ ଅଭିନୟ କରିଛନ୍ତି । ଆନ୍ଧ୍ର ପ୍ରଦେଶ ସରକାରଙ୍କଦ୍ୱାରା ରାଜୁଙ୍କ ଜନ୍ମଦିନ ୪ ଜୁଲାଇକୁ ସରକାରୀ ଉତ୍ସବ ଭାବେ ପାଳନ କରାଯାଉଛି ।[୧୨] ଏଳୁରୁସ୍ଥିତ କ୍ରିକେଟ ଷ୍ଟାଡିୟମ ରାଜୁଙ୍କ ସମ୍ମାନାର୍ଥେ Alluri Sitarama Raju Cricket Stadium ନାମରେ ନାମିତ ।[୧୩] ୯ ଅକ୍ଟୋବର ୨୦୧୭ରେ ସାଂସଦ ଥୋଟା ନରସିଂହମ ଓ ଭି ବିଜୟସାଇ ରେଡ୍ଡିଙ୍କ ଅନୁରୋଧ କ୍ରମେ ରାଜୁଙ୍କ ସ୍ୱାଧୀନତା ସଂଗ୍ରାମୀର ମାନ୍ୟତା ପ୍ରଦାନ କରି ଭାରତର ପାର୍ଲିଆମେଣ୍ଟ ପରିସରରେ ରାଜୁଙ୍କ ପ୍ରତିମୂର୍ତ୍ତି ସ୍ଥାପିତ ହୋଇଛି ।[୧୪]
ଆଧାର
[ସମ୍ପାଦନା]- ↑ Sharma, I. Mallikarjuna (1987). "Role of Revolutionaries in the Freedom Struggle: A Critical History of the Indian Revolutionary Movements, 1918-1934". Marxist Study Forum. p. 140.
- ↑ "The Great Indian Patriots". books.google.com.
- ↑ "Indian War of Independence". books.google.com.
- ↑ "Indian National Congress". books.google.com.
- ↑ "Nationalist movement in south India". books.google.com.
- ↑ "Decades of daring deeds". books.google.com.
- ↑ Guha, Ranajit (1982). Subaltern studies: writings on South Asian history and society. Oxford University Press. p. 134. Retrieved 15 August 2018.
- ↑ "India's freedom fighters in Arms". google books.
- ↑ "Indian civilization". books.google.com.
- ↑ "Indian Post"
- ↑ "AP to celebrate 117th birthday of Sri Alluri Sitarama Raju". 2 July 2014. Archived from the original on 14 July 2014.
- ↑ Nagaraja, G (23 May 2014). "ASR Stadium to get facelift". The Hindu. Eluru. Retrieved 15 August 2018.
- ↑ "Nod for installing Alluri's statue in Parliament". The Hindu. 9 October 2017.
 | ଏହି ପ୍ରସଙ୍ଗଟି ଅସମ୍ପୂର୍ଣ୍ଣ ଅଟେ । ଆପଣ ଏହାକୁ ସଂପୂର୍ଣ୍ଣ କରି ଉଇକିପିଡ଼ିଆକୁ ସମୃଦ୍ଧ କରିପାରିବେ । |