ମହେଶ୍ୱର ବାଗ
ମହେଶ୍ୱର ବାଗ | |
|---|---|
 | |
| ବିଧାୟକ: ୩ୟ ଓଡ଼ିଶା ବିଧାନ ସଭା | |
| କାର୍ଯ୍ୟକାଳ ୧୯୬୧ – ୧୯୬୭ | |
| ପୂର୍ବ ଅଧିକାରୀ | ଅକ୍ଷୟ ନାରାୟଣ ପ୍ରହରାଜ |
| ପର ଅଧିକାରୀ | ଚିନ୍ତାମଣି ଜେନା |
| ନିର୍ବାଚନ ମଣ୍ଡଳୀ | ବସ୍ତା |
| ବିଧାୟକ: ୭ମ ଓଡ଼ିଶା ବିଧାନ ସଭା | |
| କାର୍ଯ୍ୟକାଳ ୧୯୭୭ – ୧୯୮୦ | |
| ପୂର୍ବ ଅଧିକାରୀ | ଚିନ୍ତାମଣି ଜେନା |
| ପର ଅଧିକାରୀ | ଭୂପାଳ ଚନ୍ଦ୍ର ମହାପାତ୍ର |
| ନିର୍ବାଚନ ମଣ୍ଡଳୀ | ବସ୍ତା |
| ବ୍ୟକ୍ତିଗତ ସବିଶେଷ | |
| ଜନ୍ମ | ୧୭ ଅପ୍ରେଲ ୧୯୩୧ |
| ମୃତ୍ୟୁ | ୨୮ ଜାନୁଆରୀ ୨୦୧୬ (ବୟସ ୮୪) |
| ନାଗରିକତା | ଭାରତୀୟ |
| ଜାତୀୟତା | ଭାରତୀୟ |
| ରାଜନୀତିକ ଦଳ | ଜନତା ପାର୍ଟି |
| ଅନ୍ୟାନ୍ୟ ରାଜନୀତିକ ସମ୍ବନ୍ଧ | ପ୍ରଜା ସୋସିଆଲିଷ୍ଟ ପାର୍ଟି |
| ଜୀବନ ସାଥୀ | କୁନ୍ଦଲତା ବାଗ |
| ସନ୍ତାନ | ୧ ପୁଅ, ୧ ଝିଅ |
| ବାପା/ବୋଉ | ଦାମୋଦର ବାଗ (ବାପା) |
| ବୃତ୍ତି | ରାଜନୀତିଜ୍ଞ |
ମହେଶ୍ୱର ବାଗ (୧୭ ଅପ୍ରେଲ ୧୯୩୧ - ୨୮ ଜାନୁଆରୀ ୨୦୧୬) ଜଣେ ଓଡ଼ିଆ ରାଜନୀତିଜ୍ଞ ଥିଲେ । ସେ ପ୍ରଜା ସୋସିଆଲିଷ୍ଟ ପାର୍ଟି ଓ ଜନତା ପାର୍ଟିର କର୍ମକର୍ତ୍ତା ଭାବରେ ଓଡ଼ିଶା ରାଜନୀତିରେ ସକ୍ରିୟ ଥିଲେ । ଓଡ଼ିଶା ବିଧାନ ସଭାରେ ସେ ଜଣେ ବିଧାୟକ ଭାବରେ କାର୍ଯ୍ୟ କରିଥିଲେ । ୧୯୬୧ ଓ ୧୯୭୭ ମସିହାର ଓଡ଼ିଶା ବିଧାନ ସଭା ନିର୍ବାଚନରେ ସେ ବସ୍ତା ବିଧାନ ସଭା ନିର୍ବାଚନ ମଣ୍ଡଳୀରୁ ଯଥାକ୍ରମେ ୩ୟ ଓ ୭ମ ଓଡ଼ିଶା ବିଧାନ ସଭାକୁ ନିର୍ବାଚିତ ହୋଇଥିଲେ ।[୧]
ଜନ୍ମ, ଶିକ୍ଷା ଓ ପାରିବାର
[ସମ୍ପାଦନା]ମହେଶ୍ୱର ବାଗ ୧୯୩୧ ମସିହାର ଅପ୍ରେଲ ମାସ ୧୭ ତାରିଖରେ ବାଲେଶ୍ୱର ଜିଲ୍ଲାରେ ଜନ୍ମଗ୍ରହଣ କରିଥିଲେ । ତାଙ୍କ ବାପାଙ୍କ ନାମ ଦାମୋଦର ବାଗ । ତାଙ୍କର ଶିକ୍ଷାଗତ ଯୋଗ୍ୟତା କଳାରେ ସ୍ନାତକ । ମହେଶ୍ୱରଙ୍କର ପତ୍ନୀଙ୍କ ନାମ କୁନ୍ଦଲତା ବାଗ । ତାଙ୍କର ଗୋଟିଏ ପୁଅ ଓ ଗୋଟିଏ ଝିଅଙ୍କ ସମେତ ସମୁଦାୟ ସନ୍ତାନ ସଂଖ୍ୟା ୨ ।
ରାଜନୈତିକ ଜୀବନ
[ସମ୍ପାଦନା]ମହେଶ୍ୱର ବାଗ ଓଡ଼ିଶା ରାଜନୀତିରେ ପ୍ରଜା ସୋସିଆଲିଷ୍ଟ ପାର୍ଟି, ଜନତା ପାର୍ଟି, ଉତ୍କଳ କଂଗ୍ରେସ ଆଦି ରାଜନୈତିକ ଦଳର କର୍ମକର୍ତ୍ତା ଭାବରେ ସକ୍ରିୟ ଥିଲେ । ସେ ଓଡ଼ିଶା ବିଧାନ ସଭାରେ ଦୁଇଥର ବିଧାୟକ ଭାବରେ କାର୍ଯ୍ୟ କରିଥିଲେ ।
୧୯୬୧ ମସିହାର ଓଡ଼ିଶା ବିଧାନ ସଭା ନିର୍ବାଚନରେ ମହେଶ୍ୱର ବାଗ ପ୍ରଜା ସୋସିଆଲିଷ୍ଟ ପାର୍ଟିର ପ୍ରାର୍ଥୀ ଭାବରେ ବସ୍ତା ବିଧାନ ସଭା ନିର୍ବାଚନ ମଣ୍ଡଳୀରୁ ନିର୍ବାଚନ ଲଢ଼ିଥିଲେ । ଏହି ନିର୍ବାଚନରେ ସେ ବିଜୟୀ ହୋଇ ୩ୟ ଓଡ଼ିଶା ବିଧାନ ସଭାକୁ ନିର୍ବାଚିତ ହୋଇଥିଲେ । ଏହି ବିଧାନ ସଭାରେ ସେ ୧୯୬୧ ମସିହାରୁ ୧୯୬୭ ମସିହାଯାଏଁ କାର୍ଯ୍ୟ କରିଥିଲେ ।
୧୯୭୭ ମସିହାର ଓଡ଼ିଶା ବିଧାନ ସଭା ନିର୍ବାଚନରେ ମହେଶ୍ୱର ଜନତା ପାର୍ଟିର ପ୍ରାର୍ଥୀ ଭାବରେ ପୁଣିଥରେ ବସ୍ତା ବିଧାନ ସଭା ନିର୍ବାଚନ ମଣ୍ଡଳୀରୁ ୭ମ ଓଡ଼ିଶା ବିଧାନ ସଭାକୁ ନିର୍ବାଚିତ ହୋଇଥିଲେ । ଏହି ବିଧାନ ସଭାରେ ସେ ୧୯୭୭ ମସିହାରୁ ୧୯୮୦ ମସିହାଯାଏଁ କାର୍ଯ୍ୟ କରିଥିଲେ ।
ମୃତ୍ୟୁ
[ସମ୍ପାଦନା]ମହେଶ୍ୱର ବାଗ ୨୦୧୬ ମସିହାର ଜାନୁଆରୀ ମାସ ୨୮ ତାରିଖରେ ମୃତ୍ୟୁବରଣ କରିଥିଲେ ।[୨] ମୃତ୍ୟୁବେଳକୁ ତାଙ୍କୁ ୮୪ ବର୍ଷ ବୟସ ହୋଇଥିଲା ।
ଆଧାର
[ସମ୍ପାଦନା]- ↑ "Late Maheswar Baug". odishaassembly.nic.in. Odisha Assembly. Retrieved 18 June 2019.
- ↑ "ପୂର୍ବତନ ମନ୍ତ୍ରୀ ମହେଶ୍ୱର ବାଗଙ୍କ ପରଲୋକ". dharitri.com. ୨୯ ଜାନୁଆରୀ ୨୦୧୬. Retrieved 27 March 2021.
{{cite web}}: Check date values in:|date=(help)