Jump to content

ଖ୍ରୀଷ୍ଟିୟାନ ହାସପାତାଳ, ବିଷମ କଟକ

ଉଇକିପିଡ଼ିଆ‌ରୁ
(Christian Hospital, Bissam Cuttackରୁ ଲେଉଟି ଆସିଛି)
ଖ୍ରୀଷ୍ଟିୟାନ ହସପିଟାଲ, ପ୍ରସବ ବିଭାଗ ବିଷମ କଟକ

ଖ୍ରୀଷ୍ଟିୟାନ ହସପିଟାଲ, ବିଷମ କଟକ ହେଉଛି ରାୟଗଡା ଜିଲ୍ଲାର ଏକ ମୁଖ୍ୟ ମିଶନାରୀ ହାସପାତାଳ । ଏଥି ସହ ଏହା ଓଡ଼ିଶା ଭଳି ପଛୁଆ ରାଜ୍ୟରେ ଥିବା ଭାରତୀୟ ରେଳଦ୍ୱାରା ସ୍ୱିକୃତି ପ୍ରାପ୍ତ ଏକମାତ୍ର ବେସରକାରୀ ହାସପାତାଳ ମଧ୍ୟ[୧] । ବର୍ତ୍ତମାନ ଏହି ହାସପାତାଳଟି ସାଧାରଣ, ଅସ୍ଥିଶଲ୍ୟ, ଔଷଧ, ଚକ୍ଷୁ, ଦନ୍ତ, ସାଙ୍ଗକୁ ନର୍ସିଂ ଶିକ୍ଷା କ୍ଷେତ୍ରରେ ମଧ୍ୟ ସେବା ପ୍ରଦାନ କରୁଅଛି । ମିତ୍ରା MITRA (Madsen's Institute for Tribal and Rural Advancement) ନାମରେ ଏକ ଗୋଷ୍ଠୀ ସ୍ୱାସ୍ଥ୍ୟ ସେବା ଯୋଜନା ଜରିଆରେ ଏହା ଆଖପାଖ ଅଞ୍ଚଳର ଗରୀବ ଲୋକଙ୍କ ସ୍ୱାସ୍ଥ୍ୟର ଯତ୍ନ ନେଉଅଛି[୨] । ହାସପାତାଳ ପରିସରରେ ଏକ ସ୍ୱୀକୃତିପ୍ରାପ୍ତ ନର୍ସିଂ ବିଦ୍ୟାଳୟ ମଧ୍ୟ ରହିଛି[୩]

ଇତିହାସ

[ସମ୍ପାଦନା]

ଖ୍ରୀଷ୍ଟିୟାନ ହାସପାତାଳ, ବିଷମ କଟକ (CHB ଭାବେ ଜଣାଶୁଣା) ୧୯୫୪ ମସିହାରେ ଏଠାକାର ଏକ ଚର୍ଚ୍ଚର ବାରଣ୍ଡାରେ ଡେନିସ ମିଶନାରୀ ଡଃ ଲିଜ ମେଡସେନଙ୍କ୍( ୧୯୧୩-୧୯୯୧)ଦ୍ୱାରା ଆରମ୍ଭ ହୋଇଥିଲା । ଦୀର୍ଘ ୧୧ ବର୍ଷକାଳ ସେ ଏହାକୁ ଚଳାଇବାପରେ ଏକ ଉପଯୁକ୍ତ ଉତ୍ତରାଧିକାରୀଙ୍କ ସନ୍ଧାନ କରୁ କରୁ ସେ ଶ୍ରୀ ଓ ଶ୍ରୀମତୀ ହେନେରୀଙ୍କୁ ପାଇଲେ । ନାନସି ଲଟ ଭାରତରେ କାମ କରୁଥିବା ବେଳେ ତାଙ୍କର ଦେଖା ହୁଏ ବିରେନ୍ଦ୍ର କୁମାର ହେନେରୀଙ୍କ ସହ ଓ ଉଭୟେ ବିବାହ କରନ୍ତି । ଡଃ ମାଡସେନଙ୍କ ଅନୁରୋଧ କ୍ରମେ ଉଭୟେ ଏହି ହାସପାତାଳର ଦାଯୀତ୍ୱ ନେଲେ । ଅନେକ ଦିନ ଏଠାରେ କାର୍ଯ୍ୟ କରିବା ପରେ ହେନେରୀ ଦମ୍ପତି ମୁଙ୍ଗେଲିରେ ଥିବା ମିଶନାରୀ ହାସପାତାଳରେ ଏବେ କାର୍ଯ୍ୟରତ[୪] । ବର୍ତ୍ତମାନ ଏହି ହାସପତାଳର ନିଜସ୍ୱ ଗୃହ ସହିତ ବହିର୍ବିଭାଗର ମଧ୍ୟ ସଂପ୍ରସାରଣ ହୋଇଛି । ଏହି ହାସପାତାଳଟି ଏକ ବିନାଲାଭକାରୀ ସଂସ୍ଥା ଭାବେ ପରିଗଣିତ । ନିକଟରେ (୨୦୦୪ ମସିହାରେ) ଏହାର ହୀରକ ଜୟନ୍ତି ପାଳିତ ହୋଇଯାଇଛି[୫] । ଉକ୍ତ ହାସପାତାଳର ବିଶେଷତ୍ୱଗୁଡ଼ିକ ହେଲା:

  • ଏହା ଓଡ଼ିଶାର ଏକମାତ୍ର ହାସପାତାଳ ଯେଉଁଠି ୧୯୯୨ ମସିହାରେ ରକ୍ତଦାନକାରିଙ୍କର HIV ଯାଞ୍ଚ କରିବା ଆରମ୍ଭ ହୋଇଥିଲା ।
  • ଓଡ଼ିଶାର ଏହା ଏକମାତ୍ର ହାସପାତାଳ ଯେଉଁଠି Neonatal care ନିମନ୍ତେ ଇନ୍‌କ୍ୟୁବେଟର୍‌ର୍ ପ୍ରଚଳନ ଆରମ୍ଭ କରାଯାଇଥିଲା ।
  • ଓଡ଼ିଶାର ଏହା ଏକମାତ୍ର ହାସପାତାଳ ଯେଉଁଠି ନିଜ ସହଯୋଗରେ ଏକ ଗୋଷ୍ଠିଗତ ମାଲେରିଆ ନିରାକରଣ ଯୋଜନାର ଚାଲୁ କରାଯାଇଥିଲା ।
  1. List of private recognized hospitals by Indian railways as on 2007"
  2. "" Mitra-Community Health Deptt. of CHB"" (PDF). Archived from the original (PDF) on 2014-04-13. Retrieved 2014-10-07.
  3. ""School of Nursing at CHB"". Archived from the original on 2021-02-16. Retrieved 2014-10-07.
  4. "Mungeli Christian Hospital"
  5. "Christian Hospital, Bissam Cuttack at 50 years vide"

ଅଧିକ ତଥ୍ୟ

[ସମ୍ପାଦନା]

ବାହାର ଲିଂକ

[ସମ୍ପାଦନା]