ଶୃତି ମହାପାତ୍ର

ଉଇକିପିଡ଼ିଆ ରୁ
(ଶ୍ରୁତି ମହାପାତ୍ର ରୁ ଲେଉଟି ଆସିଛି)
Jump to navigation Jump to search

ଶୃତି ମହାପାତ୍ର (୨୯/୦୯/୧୯୬୩) ଜଣେ ସମାଜସେବୀ । ଦିବ୍ୟାଙ୍ଗମାନେ କିଭଳି ନିଜ ଅଧିକାର ପାଇପାରିବେ ଏବଂ ନିଜର ଅନ୍ତର୍ନିହିତ ଗୁଣକୁ ବିକଶିତ କରିପାରିବେ ସେଥିପାଇଁ ଶୃତିଙ୍କ ଅନୁଷ୍ଠାନ ସ୍ୱାଭିମାନ ସବୁବେଳେ କାର୍ଯ୍ୟରତ । [୧]

ଶିକ୍ଷା[ସମ୍ପାଦନା]

ପାଠ ପଢାରେ ସବୁବେଳେ ଟପ୍ପର ରହୁଥିବା ଡା. ଶୃତି ମହାପାତ୍ର ଅନେକ ପୁରସ୍କାର ନିଜ ନାଁରେ କରିଛନ୍ତି । ଡେଭଲପମେଂଟାଲ‌ ବାୟୋଲୋଜିରେ ପିଏଚଡି କରିଥିବା ଶୃତି ଏମଏସସିରେ ସ୍ୱର୍ଣ୍ଣପଦକ ବିଜେତା ମଧ୍ୟ । ୧୯୭୮ରେ ସେ ଉତ‌କଳ ବିଶ୍ୱବିଦ୍ୟାଳୟ ପକ୍ଷରୁ କୃତି ଛାତ୍ରୀ ପୁରସ୍କାର ପାଇଛନ୍ତି । ୧୯୮୦,୧୯୮୧ ଏବଂ ୧୯୮୨ ମସିହାରେ ଲଗାତାର ଭାବରେ ସେ ରାଷ୍ଟ୍ରୀୟ ଡିବେଟ‌ ଚାମ୍ପିୟନ‌ ହୋଇଥିଲେ । ୧୯୮୪ ମସିହାରେ ମାତ୍ର ୨୪ବର୍ଷ ବୟସରେ ଶୃତି ସିଭିଲ‌ ସର୍ଭିସ ପରୀକ୍ଷାରେ କୃତକାର୍ଯ୍ୟ ହୋଇଥିଲେ । [୨]

ଜୀବନୀ[ସମ୍ପାଦନା]

ଶୃତିଙ୍କ ଜୀବନ ଖୁବ‌ ସଂଘର୍ଷମୟ । ସିଭିଲ‌ ସର୍ଭିସରେ କୃତକାର୍ଯ୍ୟ ହେବା ପରେ ଚାକିରୀରେ ଯୋଗଦାନ ଦେବାର ଅଳ୍ପ ଦିନ ପୂର୍ବରୁୂ ସେ ଏକ ମର୍ମନ୍ତୁଦ ସଡକ ଦୁର୍ଘଟଣାରେ ଶିକାର ହୋଇଥିଲେ । ଏହି ଦୁର୍ଘଟଣାରେ ତାଙ୍କର ଦୁଇଟି ଯାକ ଗୋଡ ଅଚଳ ହୋଇଯାଇଥିଲା । ଯାହା ଫଳରେ ତାଙ୍କୁ ଚାକିରୀରେ ଯୋଗଦେବା ପାଇଁ ସରକାର ମନା କରିଥିଲେ । ତେବେ ଶୃତି ଏଥିରେ ଭାଙ୍ଗି ନପଡି ଖୁବ‌ ସକାରତ୍ମକ ସହ ଜୀବନକୁ ଏକ ନୂଆ ଦିଗ ଦେଇଥିଲେ । ସେ ୧୯୮୭ରୁ ୧୯୯୬ ପର୍ଯ୍ୟନ୍ତ ଓଡ଼ିଶା ସରକାରଙ୍କଦ୍ୱାରା ଆୟୋଜିତ କର୍ଯ୍ୟକ୍ରମରେ ସିଭିଲ ସର୍ଭିସ ପାଇଁ ପ୍ରସ୍ତୁତ ହେଉଥିବା ବିଦ୍ୟାର୍ଥୀ ମାନଙ୍କୁ ପ୍ରଶିକ୍ଷଣ ଦେଇଥିଲେ । ଯେଉଁଥିରେ ପ୍ରାୟ ୩୦୦ ଜଣ ବିଦ୍ୟାର୍ଥୀ ସଫଳ ହେବା ସହ ବିଭିନ୍ନ ସରକାରୀ ସଂସ୍ଥା ଓ ଅନୁଷ୍ଠାନରେ ନିଜର ଚାକିରୀ ଜୀବନ ଆରମ୍ଭ କରିଛନ୍ତି ।

ଶୃତି ସ୍ୱାଭିମାନ ନାମକ ଏକ ଅନୁଷ୍ଠାନର ପ୍ରତିଷ୍ଠାତା । ୨୦୦୧ରେ ପ୍ରତିଷ୍ଠା ହୋଇଥିବା ଏହି ଅନୁଷ୍ଠାନ ଓଡ଼ିଶା ତଥା ଭାରତର ଦିବ୍ୟାଙ୍ଗ ମାନଙ୍କ ପାଇଁ ଅନବରତ କାର୍ଯ୍ୟରତ । [୩] ଏହା ସହ ଶୃତି ୧୫ ବର୍ଷ ହେବ ଛୋଟ ଛୋଟ ଦିବ୍ୟାଙ୍ଗ ପିଲାମାନଙ୍କ ପାଇଁ ଅଞ୍ଜଳୀ ନାମ ନାମକ ଏକ କାଯ୍ୟକ୍ରମ ଆୟୋଜନ କରି ଆସୁଛନ୍ତି । ଯାହା ଏହି ପିଲାମାନଙ୍କର ଅନ୍ତର୍ନିହିତ ଗୁଣକୁୂ ବିକଶିତ କରିବାରେ ସାହାଯ୍ୟ କରିଥାଏ । [୪]

ପୁରସ୍କାର[ସମ୍ପାଦନା]

ବିଭିନ୍ନ ଅନୁଷ୍ଠାନ ପକ୍ଷରୁ ଶୃତିଙ୍କୁ ଅନେକ ସମ୍ମାନରେ ସମ୍ମାନିତ କରାଯାଇଛି । ଶୃତି ପାଇଥିବା ଆଓ୍ବାର୍ଡ ଗୁଡିକ ହେଲା

  1. ୧୯୯୨ - ରାଷ୍ଟ୍ରୀୟ ଯୁବ ବୈଜ୍ଞାନିକ ଆଓ୍ବାର୍ଡ
  2. ୧୯୯୫ - ଓମେନ‌ ଅଫ ଦ ଇୟର‌ ଆଓ୍ବାର୍ଡ
  3. ୨୦୦୧- ରେଡ କ୍ରସ‌ ଆଓ୍ବାର୍ଡ
  4. ୨୦୧୦- ସିଏନଏନ‌ - ଆଇବିଏନ‌ ତରଫରୁ ଶୃତିଙ୍କୁ ରିୟଲ‌ ହିରୋ ସମ୍ମାନରେ ସମ୍ମାନିତ କରାଯାଇଛି ।[୫]

ଆଧାର[ସମ୍ପାଦନା]

  1. http://www.outlookindia.com/magazine/story/sruti-mohapatra-gives-the-disabled-opportunities-she-never-had/207321. Missing or empty |title= (help)
  2. http://hindtoday.com/Blogs/ViewBlogsV2.aspx?HTAdvtId=7070&HTAdvtPlaceCode=IND674ORISSA. Missing or empty |title= (help)
  3. http://swabhiman.org/. Missing or empty |title= (help); Missing or empty |url= (help)
  4. https://www.telegraphindia.com/1161119/jsp/odisha/story_120036.jsp#.WM43BdKGNR0. Missing or empty |title= (help); Missing or empty |url= (help)
  5. [cite web|last=http://hindtoday.com/Blogs/ViewBlogsV2.aspx?HTAdvtId=7070&HTAdvtPlaceCode=IND674ORISSA cite web|last=http://hindtoday.com/Blogs/ViewBlogsV2.aspx?HTAdvtId=7070&HTAdvtPlaceCode=IND674ORISSA] Check |url= value (help). Missing or empty |title= (help)