ଶ୍ରୀୟା ଶରଣ
ଶ୍ରୀୟା ଶରଣ | |
|---|---|
| श्रिया सरन भटनागर[୧] | |
.jpg) | |
| ଜନ୍ମ | ଶ୍ରୀୟା ଶରଣ ଭଟନାଗର[୨] ୧୧ ସେପ୍ଟେମ୍ବର ୧୯୮୧ |
| ଜାତୀୟତା | Indian |
| ଅନ୍ୟ ନାମ | ଶ୍ରୀୟା, ଶ୍ରେୟା |
| ଶିକ୍ଷାନୁଷ୍ଠାନ | ଲେଡି ଶ୍ରୀରାମ କଲେଜ ଫର୍ ଓମେନ୍ |
| ବୃତ୍ତି(ସମୂହ) | ଅଭିନେତ୍ରୀ, ମଡେଲ |
| ସକ୍ରିୟ ବର୍ଷ | ୨୦୦୧-ଏବେଯାଏଁ |
| ବୈବାହିକ-ସାଥୀ |
ଅନ୍ଦେରି କୋସ୍ଚୀଭ୍ (m. ୨୦୧୮) |
ଶ୍ରୀୟା ଶରଣ (pronounced [ʂrɪjaː sərən] (ଜନ୍ମନାମ: ଶ୍ରୀୟା ଶରଣ ଭଟନାଗର, ଜନ୍ମ: ୧୧ ସେପ୍ଟେମ୍ବର ୧୯୮୨),[୪] ଜଣେ ଭାରତୀୟ କଥାଚିତ୍ର ଅଭିନେତ୍ରୀ । ସେ ମୁଖ୍ୟତଃ ଦକ୍ଷିଣ ଭାରତୀୟ କଥାଚିତ୍ର ଜଗତରେ ଅଭିନୟ କରିନ୍ତୁ । ଏହିସହ ସେ ହିନ୍ଦୀ କଥାଚିତ୍ର ଜଗତ ଏବଂ ଆମେରିକାର ଚଳଚ୍ଚିତ୍ର ଜଗତରେ ମଧ୍ୟ ଅଭିନୟ କରିଛନ୍ତି । ଶ୍ରୀୟା ଉତ୍ତରାଖଣ୍ଡର ଡେରାଡୁନରେ ଜନ୍ମଗ୍ରହଣ କରିଥିଲେ ଏବଂ ତାଙ୍କର ଅଧିକାଂଶ ପିଲାଦିନ ହରିଦ୍ୱାରରେ କଟିଥିଲା । ୨୦୦୧ରେ ଶ୍ରୀୟାଙ୍କର ନୃତ୍ୟଗୁରୁ ତାଙ୍କୁ ଏକ ଆଲବମ ଗୀତରେ କାର୍ଯ୍ୟ କରିବାର ସୁଯୋଗ ଦେଇଥିଲେ । ତାଙ୍କର ଏହି ପ୍ରଥମ ଆଲବମ୍ ଥିଲା ଥିରକ୍ତି କ୍ୟୁଁ ହୁଆ ଯୋଗୁଁ ସେ ଅଧିକ ଦର୍ଶକଙ୍କ ପାଖରେ ପହଞ୍ଚିପାରିଥିଲେ ଏବଂ ଭାରତୀୟ ଚଳଚ୍ଚିତ୍ର ନିର୍ମାତାମାନଙ୍କର ଦୃଷ୍ଟି ଆକର୍ଷଣ କରିପାରିଥିଲେ । ଏହାପରେ ଶ୍ରୀୟାଙ୍କୁ ତାଙ୍କର ପ୍ରରଥମ ଚଳଚ୍ଚିତ୍ର ମିଳିଥିଲା ତେଲୁଗୁ କଥାଚିତ୍ର ଜଗତରୁ । ୨୦୦୧ରେ ସେ ଇଷ୍ଟମ କଥାଚିତ୍ର ଜରିଆରେ ତାଙ୍କର ଅଭିନୟ ଜୀବନ ଆରମ୍ଭ କରିଥିଲେ, ମାତ୍ର ୨୦୦୨ର ଚଳଚ୍ଚିତ୍ର ସନ୍ତୋଷମ ଥିଲା ଶ୍ରୀୟାଙ୍କର ପ୍ରଥମ ସଫଳ ଚଳଚ୍ଚିତ୍ର ।
ଶ୍ରୀୟା ଏକାସାଙ୍ଗରେ ତେଲୁଗୁ କଥାଚିତ୍ର ଜଗତରେ ଅଭିନୟ ଜାରି ରଖିବା ସହିତ ହିନ୍ଦୀ ଏବଂ ତାମିଲ କଥାଚିତ୍ର ଜଗତରେ କାର୍ଯ୍ୟ କରୁଥିଲେ । ୨୦୦୭ରେ ଶ୍ରୀୟା ରଜନୀକାନ୍ତଙ୍କ ସହିତ ତାମିଲ କଥାଚିତ୍ର ଶିବାଜୀରେ ଅଭିନୟ କରିଥିଲେ । ଏହି କଥାଚିତ୍ରଟିର ସେହିସମୟର ସବୁଠାରୁ ଅଧିକ ଆୟ କରିଥିବା ଚଳଚ୍ଚିତ୍ର ଥିଲା । ୨୦୦୭ରେ ଶ୍ରୀୟାଙ୍କର ଏକ ହିନ୍ଦୀ କଥାଚିତ୍ର ଆୱାରାପଣ ପାଇଁ ସମୀକ୍ଷକମାନେ ତାଙ୍କୁ ଅନେକ ପ୍ରସଂଶା କରିଥିଲେ । ୨୦୦୮ରେ ଶ୍ରୀୟା ଏକ ଆମେରିକାର ଚଳଚ୍ଚିତ୍ର ଦ ଅଦର୍ ଏଣ୍ଡ ଅଫ୍ ଦ ଲାଇନ୍ରେ କାର୍ଯ୍ୟ କରିଥିଲେ । ଏହି ଚଳଚ୍ଚିତ୍ରଟିର ପ୍ରଯୋଜନା କରିଥିଲେ ଜଣେ ଆମେରିକୀୟ ଏବଂ ଜଣେ ଭାରତୀୟ । ଏହାପରେ ୨୦୦୯ର ତାଙ୍କର ତାମିଲ ଚଳଚ୍ଚିତ୍ର କାନ୍ତାସ୍ୱାମୀ ଏବଂ ୨୦୧୦ର ମାଲାୟଲମ ଚଳଚ୍ଚିତ୍ର ପକ୍କିରି ରାଜା ତାଙ୍କୁ ଅନେକ ସଫଳତା ଦେଇଥିଲା ଏବଂ ସେ ଦକ୍ଷିଣ ଭାରତୀୟ ଚଳଚ୍ଚିତ୍ର ଜଗତରେ ଜଣେ କ୍ଷ୍ୟାତନାମା ଅଭିନେତ୍ରୀ ଭାବରେ ନିଜର ସ୍ଥାନ ପକ୍କା କରିଥିଲେ ।[୫] ୨୦୧୨ରେ ଶ୍ରୀୟାଙ୍କୁ ଏକ କାନାଡ଼ା-ବ୍ରିଟିଶ ଚଳଚ୍ଚିତ୍ରରେ ଅଭିନୟର ସୁଯୋଗ ମିଳିଥିଲା । ମିଡ୍ନାଟସ୍ ଚିଲ୍ଡ୍ରେନ ନାମକ ଏହି ଚଳଚ୍ଚିତ୍ରଟି ସଲମାନ ଖାଁଙ୍କ ଗାଡ଼ି ଚଢ଼େଇବା ଘଟଣା ଉପରେ ଆଧାରିତ ଥିଲା । ଏହି ଚଳଚ୍ଚିତ୍ରଟିର ତାଙ୍କୁ ଆନ୍ତର୍ଜାତୀୟ ସମୀକ୍ଷକଙ୍କର ପ୍ରଶଂସା ଆଣିଦେଇଥିଲା । ଏହାପରେ ୨୦୧୩ର ଚଳଚ୍ଚିତ୍ର ପବିତ୍ରା ଏବଂ ଚନ୍ଦ୍ରା ବ୍ୟବସାୟିକ ସଫଳତା ପାଇଥିଲା । ୨୦୧୪ରେ ଆକ୍କିନେନୀ ପରିବାରଦ୍ୱାରା ନିର୍ମିତ ତେଲୁଗୁ ଚଳଚ୍ଚିତ୍ର ମନମ୍ରେ ଶ୍ରୀୟାଙ୍କୁ ସୁଯୋଗ ମିଳିଥିଲା । ଏହି ଚଳଚ୍ଚିତ୍ରରେ ତାଙ୍କର ଅଭିନୟକୁ ଦର୍ଶକ ପ୍ରସଂଶା କରିଥିଲେ ଏବଂ ଚଳଚ୍ଚିତ୍ରଟି ଅନେକ ଲୋକପ୍ରିୟତା ଅର୍ଜନ କରିଥିଲା ।
ଚଳଚ୍ଚିତ୍ରରେ କାର୍ଯ୍ୟ କରିବା ବ୍ୟତୀତ ଶ୍ରୀୟାଙ୍କୁ ଅନେକ ସ୍ୱାସ୍ଥ୍ୟୋପଯୋଗୀ ତଥା ସୌନ୍ଦର୍ଯ୍ୟ ଉତ୍ପାଦ ସଂସ୍ଥାର ମୁଖ୍ୟ ବିଜ୍ଞାପନ ପ୍ରଚାରିକ ଭାବରେ କାର୍ଯ୍ୟ କରୁଛନ୍ତି । ଅନ୍ୟାନ୍ୟ ଭାରତୀୟ କଳାକାରମାନଙ୍କ ଭଳି ଶ୍ରୀୟା ମଧ୍ୟ କିଛି ସମାଜସେବା ସଂସ୍ଥା ସହ ଯୋଡ଼ିହୋଇଛନ୍ତି । ୨୦୧୧ ମସିହାରେ ଶ୍ରୀୟା ଏକ ସ୍ପା ଖୋଲିଥିଲେ, ଯେଉଁଥିରେ ସେ ଦୃଷ୍ଟିଶକ୍ତିରେ ଅକ୍ଷମ ଲୋକମାନଙ୍କୁ କାମ ଦେଉଥିଲେ । ସେଲିବ୍ରେଟି କ୍ରିକେଟ ଲିଗ୍ର ପ୍ରଥମ ଦୁଇଟି ସଂସ୍କରଣ ପାଇଁ ଶ୍ରୀୟାଙ୍କୁ ମୁଖ୍ୟ ଦୂତ ଭାବରେ ନିଯୁକ୍ତ କରାଯାଇଥିଲା ।
ଆଧାର
[ସମ୍ପାଦନା]- ↑ "Sivaji changed my life completely: Shriya Saran". Hindustan Times. 19 January 2012. Retrieved 27 September 2017.
Hindi comes naturally to me because it's my mother tongue.
- ↑ "Shriya Saran: I’ve been infatuated by almost every actor I’ve worked with"
- ↑ Kapoor, Chetna (20 March 2018). "Shriya Saran marries Russian beau Andrei Koscheev". International Business Times. Retrieved 23 March 2018.
- ↑ "Birthday Bumps: Shriya Saran turns 30". IBM Live. Archived from the original on 12 September 2012. Retrieved 2013-02-17.
Actress Shriya Saran was born on September 11, 1981
- ↑ "Sizzling Shriya's Life in Pics (click through multiple pages)". NDTV. Archived from the original on 19 June 2011. Retrieved 2011-07-11.
ବାହାର ଆଧାର
[ସମ୍ପାଦନା]
- ଇଣ୍ଟରନେଟ ମୁଭି ଡାଟାବେସରେ ଶ୍ରୀୟା ଶରଣ