ମନ୍ମଥ କୁମାର ପ୍ରଧାନ

ମନ୍ମଥ କୁମାର ପ୍ରଧାନ
ଜନ୍ମ ଓ ଜନ୍ମସ୍ଥାନ	୧୯୫୭ ବାଲେଶ୍ୱର
ବୃତ୍ତି	ଅଧ୍ୟାପକ,କଥାକାର ଏବଂ ଗବେଷକ
ଭାଷା	ଓଡ଼ିଆ, ଇଂରାଜୀ
ଜାତୀୟତା	ଭାରତୀୟ
ସାହିତ୍ୟ କୃତି	ସମୟ ସ୍ରୋତରେ ବାଲେଶ୍ୱର (ସମ୍ପାଦନା)

ମନ୍ମଥ କୁମାର ପ୍ରଧାନ (ଜନ୍ମ: ୭ ଜୁଲାଇ ୧୯୫୬) ଜଣେ ଭାରତୀୟ ଓଡ଼ିଆ-ଭାଷୀ ଗବେଷକ, ପ୍ରାବନ୍ଧିକ ତଥା ସମାଲୋଚକ । ସେ ସମୟ ସ୍ରୋତରେ ବାଲେଶ୍ୱର ଭଳି ଏକ ଆବଶ୍ୟକୀୟ ଗ୍ରନ୍ଥର ସମ୍ପାଦନା କରିଥିଲେ ।

ସଂକ୍ଷିପ୍ତ ଜୀବନୀ

ମନ୍ମଥ କୁମାର ପ୍ରଧାନ ବାଲେଶ୍ୱର ଜିଲ୍ଲାର ଗୋପାଳଗାଁରେ ଜନ୍ମଗ୍ରହଣ କରିଥିଲେ । ସେ ୧୯୮୮ରେ ଉତ୍କଳ ବିଶ୍ୱବିଦ୍ୟାଳୟରୁ ପିଏଚ୍ ଡି, ୨୦୦୦ ମସିହାରେ ଡି ଲିଟ୍ ଉପାଧି ଲାଭ କରିଥିଲେ । ଓଡ଼ିଶା ଶିକ୍ଷା ସେବାରେ ଯୋଗ ଦେଇ ଦୀର୍ଘଦିନର ଅଧ୍ୟାପନା ପରେ ଅବସର ନେଇଥିଲେ । ଏହା ବ୍ୟତୀତ ଅନେକ ଗଳ୍ପ, କବିତା ଓ ସମାଲୋଚନା ତାଙ୍କ ଲେଖନୀ ନିସୃତ । ତାଙ୍କ ସମ୍ପାଦନାରେ ସମୟ ସ୍ରୋତରେ ବାଲେଶ୍ୱର, ସାରସ୍ୱତ ପ୍ରତିଭା, ଫକୀର ମୋହନଙ୍କ ସୃଷ୍ଟି ମାନସ, ପଦ୍ମଶ୍ରୀ ଲକ୍ଷ୍ମୀନାରାୟଣ ସାହୁ, ଇତିହାସରେ ସେମାନଙ୍କର ସ୍ୱାକ୍ଷର, ଓଡ଼ିଆ ଲୋକସଂସ୍କୃତି ଓ ଜନଜୀବନ ଉପରେ ଏହାର ପ୍ରଭାବ, ବସନ୍ତ ଶତପଥୀଙ୍କ ରମ୍ୟ ରଚନା ଆଦି ପ୍ରକାଶିତ ।

ରଚନାବଳୀ

• ସାହିତ୍ୟର ଧ୍ୟାନ ଧାରଣା
• ସମାଲୋଚନାର ଗତି : ପ୍ରକୃତି
• ସାହିତ୍ୟର ପ୍ରତିଧ୍ୱନି
• ସାହିତ୍ୟ ଚର୍ଚ୍ଚା
• ପଲ୍ଲୀକବି କୃଷ୍ଣପ୍ରସାଦ
• ବୀଣାପାଣି ମହାନ୍ତିଙ୍କ ସୃଷ୍ଟି ମାନସ
• ସ୍ମୃତି (ରମ୍ୟରଚନା)
• ଓଡ଼ିଆ ସାହିତ୍ୟ ସମୀକ୍ଷଣ
• ସଂସ୍କୃତି ଓ ସାହିତ୍ୟ