ବ୍ରଜଲାଲ ବିୟାନୀ
ବ୍ରଜଲାଲ ବିୟାନୀ | |
|---|---|
 | |
| ବ୍ୟକ୍ତିଗତ ସବିଶେଷ | |
| ଜନ୍ମ | ୧୮୯୬ |
| ମୃତ୍ୟୁ | ୧୯୬୮ (୮୨ ବର୍ଷ) |
| ଜାତୀୟତା | ଭାରତୀୟ |
| ସନ୍ତାନ | କମଳା କିଶୋର ବିୟାନୀ କମଳା ଦେବୀ ସାରଦା ସରଲା ବିର୍ଲା |
| ଶିକ୍ଷାନୁଷ୍ଠାନ | ମୋରିସ୍ କଲେଜ, ନାଗପୁର |
ବ୍ରଜଲାଲ ବିୟାନୀ (୧୮୯୬ – ୧୯୬୮) ଜଣେ ଭାରତୀୟ ସ୍ୱାଧୀନତା ସଂଗ୍ରାମୀ ତଥା ଲେଖକ ଥିଲେ । ମହାରାଷ୍ଟ୍ରର ଆକୋଲା ଜିଲ୍ଲାରେ ତାଙ୍କ ପିଲାଦିନ କଟିଥିଲା । ନାଗପୁରର ମୋରିସ୍ କଲେଜରେ ସେ ଅଧ୍ୟୟନ କରିଥିଲେ । ୧୯୨୦ ମସିହାରେ ସେ ଅସହଯୋଗ ଆନ୍ଦୋଳନରେ ଯୋଗ ଦେଇଥିଲେ । ଦହିହଣ୍ଡାଠାରେ ଲବଣ ସତ୍ୟଗ୍ରାହ, ଜଙ୍ଗଲ ସତ୍ୟଗ୍ରାହରେ ସକ୍ରିୟ ଭାବରେ ଅଂଶଗ୍ରହଣ କରିବା ସହିତ ହାଇଦ୍ରବାଦର ନିଜାମଙ୍କ ବିରୁଦ୍ଧରେ ସଂଗ୍ରାମ କରି ଚାରିଥର କାରାବରଣ କରିଥିଲେ ।
୧୯୨୭ – ୧୯୩୦ ଯାଏଁ ଚାଲିଥିବା ସେଣ୍ଟ୍ରାଲ୍ ପ୍ରୋଭିନ୍ସ ଏବଂ ବେରାର ତୃତୀୟ ବିଧାନ ପରିଷଦକୁ ସେ ପ୍ରଥମେ ବିଧାୟକ ଭାବରେ ନିର୍ବାଚିତ ହୋଇଥିଲେ ।[୧]
ସ୍ୱାଧୀନତା ପରେ ସେ ମଧ୍ୟପ୍ର ଦେଶର ଅର୍ଥମନ୍ତ୍ରୀ ଭାବରେ କାର୍ଯ୍ୟ କରିଥିଲେ ଏବଂ ପରେ ଅକୋଲା ନିର୍ବାଚନ ମଣ୍ଡଳୀରୁ ନିର୍ବାଚିତ ହୋଇଥିଲେ ।[୨]
ପରେ ସେ ୧୯୫୭ ମସିହାରେ ବମ୍ବେ ରାଜ୍ୟର ମାଙ୍ଗ୍ରୁଲ୍ପିର୍ ବିଧାନ ସଭା ନିର୍ବାଚନ ମଣ୍ଡଳୀରୁ ମହାରାଷ୍ଟ୍ର ବିଧାନ ସଭାକୁ ନିର୍ବାଚିତ ହୋଇଥିଲେ ।[୩]
ସେ ଖୁବ୍ କମ୍ ବୟସରେ ସାବିତ୍ରୀଙ୍କୁ ବିବାହ କରିଥିଲେ । ତାଙ୍କ ଝିଅ ସରଳା ବିର୍ଲା ଅପ୍ରେଲ ୧୯୪୧ରେ ଭାରତୀୟ ବ୍ୟବସାୟୀ ଘନଶ୍ୟାମ ଦାସ ବିର୍ଲାଙ୍କ ପୁଅ ବସନ୍ତ କୁମାର ବିର୍ଲାଙ୍କୁ ବିବାହ କରିଥିଲେ ।[୪]
ଅମରାବତୀର ବ୍ରଜଲାଲ ବିୟାନୀ ସାଇନ୍ସ କଲେଜ ତାଙ୍କ ନାମରେ ନାମିତ ହୋଇଛି । ୨୦୦୨ ମସିହାରେ ଭାରତ ସରକାର ତାଙ୍କ ସମ୍ମାନାର୍ଥେ ଏକ ଡାକ ଷ୍ଟାମ୍ପ ଜାରି କରିଥିଲେ ।[୫]
ଆଧାର
[ସମ୍ପାଦନା]- ↑ Pateriya, Raghaw Raman (1991). Provincial legislatures and the national movement: a study in interaction in ... New Delhi: Northern Book Centre. p. 228. ISBN 81-85119-58-9.
- ↑ "State Election of India 1951" (PDF). Election Commission of India. p. 11. Retrieved 29 January 2010.
- ↑ "State Election of India 1957" (PDF). Election Commission of India. p. 33. Retrieved 21 January 2010.
- ↑ "Story of India's prominent family".
- ↑ Brijlal Biyani and Indian Post