ବଶୀର ବଦ୍ର
ବଶୀର ବଦ୍ର | |
|---|---|
| ଜନ୍ମ ଓ ଜନ୍ମସ୍ଥାନ | ସୟଦ ମହମ୍ମଦ ବଶୀର ୧୫ ଫେବୃଆରୀ ୧୯୩୫ ଫାଜିଆବାଦ, ବ୍ରିଟିଶ ଇଣ୍ଡିଆର ୟୁନାଇଟେଡ୍ ପ୍ରଦେଶ, ବ୍ରିଟିଶ ଭାରତ |
| ବୃତ୍ତି | କବି |
| ଜାତୀୟତା | ଭାରତୀୟ |
| ଶିକ୍ଷା | ଏମ.ଏ, ପି.ଏଚ.ଡ଼ି |
| ଶିକ୍ଷାନୁଷ୍ଠାନ | ଆଲିଗଡ଼ ମୁସଲିମ ବିଶ୍ୱବିଦ୍ୟାଳୟ |
| ଶୈଳୀ | ଗଜଲ |
| ବିଷୟ | ପ୍ରେମ, ଦର୍ଶନ |
| ଜୀବନସାଥୀ | ରାହତ ବଦ୍ର |
| ସମ୍ପର୍କୀୟ | ନୁଶରତ ବଦ୍ର (ପୁଅ) |
| ୱେବସାଇଟ | |
| www | |
ବଶିର ବଦ୍ର (ସୟଦ ମହମ୍ମଦ ବଶୀର) (ଜନ୍ମ: ୧୫ ଫେବୃଆରୀ ୧୯୩୫) ଜଣେ ଭାରତୀୟ କବି ଅଟନ୍ତି । ସେ ଆଲିଗଡ ମୁସଲିମ ବିଶ୍ୱବିଦ୍ୟାଳୟରେ ଉର୍ଦ୍ଦୁ ଶିକ୍ଷା ଦେଉଥିଲେ ।[୧] ସେ ମୁଖ୍ୟତଃ ଉର୍ଦ୍ଦୁ ଭାଷାରେ ଗଜଲ ଲେଖନ୍ତି । ସେ ୧୯୭୨ ମସିହାରେ, ଶିମଲା ଚୁକ୍ତି ସମୟରେ "ଦୁଷ୍ମାନି ଜାମ କର କରୋ" (Dushmani Jam Kar Karo) ନାମକ ଏକ ଶ୍ଳୋକ ଲେଖିଥିଲେ, ଯାହା ମୁଖ୍ୟତଃ ଭାରତର ବିଭାଜନକୁ ଘେରିଥିଲା । ୧୯୮୭ ମସିହା ମେରଟ ସାମ୍ପ୍ରଦାୟିକ ଦଙ୍ଗା ସମୟରେ ଅନିଶ୍ଚିତ କବିତା ସମେତ ବଦ୍ରଙ୍କ ଅଧିକାଂଶ ସାହିତ୍ୟିକ କାର୍ଯ୍ୟ ହଜି ଯାଇଥିଲା । ପରେ ସେ ଭୋପାଳ, ମଧ୍ୟପ୍ରଦେଶକୁ ଚାଲିଗଲେ ।[୨]
ପ୍ରାଥମିକ ଜୀବନ ଏବଂ ଶିକ୍ଷା[ସମ୍ପାଦନା]
ସେ ଉତ୍ତରପ୍ରଦେଶ ଭାରତରେ ୧୫ ଫେବୃଆରୀ ୧୯୩୫ ମସିହାରେ ଜନ୍ମଗ୍ରହଣ କରିଥିଲେ । ସେ ନିଜର ପ୍ରାଥମିକ ଶିକ୍ଷା ଶେଷ କରିବା ପରେ, ସେ ଆଲିଗଡ ମୁସଲିମ ବିଶ୍ୱବିଦ୍ୟାଳୟରେ ଅଧ୍ୟୟନ କରିଥିଲେ ଯେଉଁଠାରେ ସେ ସ୍ନାତକୋତ୍ତର କଳା, ମାଷ୍ଟର ଅଫ୍ ଆର୍ଟ ଏବଂ ପିଏଚଡି କରିଥିଲେ । ପରେ ସେ ସମାନ ବିଶ୍ୱବିଦ୍ୟାଳୟରେ ଅଧ୍ୟାପକ ଭାବରେ କାର୍ଯ୍ୟ କରିଥିଲେ । ସେ ମଧ୍ୟ ସତର ବର୍ଷରୁ ଅଧିକ ସମୟ ଧରି ମିରଟ କଲେଜରେ କାର୍ଯ୍ୟ କରିଥିଲେ ।
୧୯୮୭ ମସିହାରେ ମିରଟ ହିଂସାରେ ତାଙ୍କ ସମ୍ପତ୍ତି ଏବଂ ଘର ନଷ୍ଟ ହେବା ପରେ ସେ ସବୁଦିନ ପାଇଁ ଭୋପାଳକୁ ଚାଲିଗଲେ । ସେ ବର୍ତ୍ତମାନ ଡିମେନ୍ସିଆରେ ପୀଡିତ ଅଛନ୍ତି ।
ବୃତ୍ତି[ସମ୍ପାଦନା]
ସେ ସାତ ବର୍ଷ ବୟସରେ କବିତା ଲେଖିବା ଆରମ୍ଭ କରିଥିଲେ । ସେ ଇକାଇ, କୁଲ୍ଲିୟାତେ ବଶୀର ବଦ୍ର, ଆମାଦ, ଇମେଜ, ଆହଟ ଭଳି କେତେକ ଗଜଲ ଏବଂ ଉଜଲେ ଆପନି ୟାଦୋ କେ ନାମକ ଦେବନାଗରୀ ସ୍କ୍ରିପ୍ଟ ସଂଗ୍ରହ କରିଥିଲେ । ସେ ବିହାର ଉର୍ଦ୍ଦୁ ଏକାଡେମୀରେ ଚେୟାରମ୍ୟାନ୍ ଭାବରେ ମଧ୍ୟ କାର୍ଯ୍ୟ କରିଛନ୍ତି ।[୩]
ରାଜନୀତିରେ ପ୍ରଭାବ[ସମ୍ପାଦନା]
ତାଙ୍କର ଏହି ଶ୍ଳୋକଗୁଡିକ ଭାରତୀୟ ରାଜନେତାଙ୍କ ଉପରେ ପ୍ରଭାବ ପକାଉଥିବା ପରି ମନେହୁଏ[୪], ଏବଂ ବେଳେବେଳେ ଭାରତର ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଏବଂ କଂଗ୍ରେସର ପ୍ରଧାନମନ୍ତ୍ରୀ ପ୍ରାର୍ଥୀ ରାହୁଲ ଗାନ୍ଧୀଙ୍କ ଭଳି ନେତାମାନେ ତାଙ୍କୁ ସାଂସଦରେ ଉଲ୍ଲେଖ କରିଛନ୍ତି । ୧୯୭୨ ମସିହାରେ, ତାଙ୍କର ଶ୍ଳୋକ ଜୁଲଫିକାର ଅଲି ଭୁଟ୍ଟୋଙ୍କଦ୍ୱାରା ଉଦ୍ଧୃତ ହୋଇଥିଲା ।
ପୁରସ୍କାର[ସମ୍ପାଦନା]
ସାହିତ୍ୟ ତଥା ସଂଗୀତ ନାଟକ ଏକାଡେମୀ ପ୍ରତି ଅବଦାନ ପାଇଁ ବଦ୍ର ୧୯୯୯[୫] ମସିହାରେ ପଦ୍ମଶ୍ରୀ ପୁରସ୍କାର ଗ୍ରହଣ କରିଥିଲେ । ୧୯୯୯ ମସିହାରେ ତାଙ୍କର କବିତା "ଆସ୍" ପାଇଁ ସେ ଉର୍ଦ୍ଦୁରେ ସାହିତ୍ୟ ଏକାଡେମୀ ପୁରସ୍କାର ମଧ୍ୟ ପାଇଥିଲେ ।[୬]
ଉତ୍ତରାଧିକାରୀ[ସମ୍ପାଦନା]
"ବିବିଧ ଭାରତୀ"ରେ ପ୍ରଶାରିତ ଏକ ଲୋକପ୍ରିୟ ରେଡିଓ ଶୋ "ଉଜାଲେ ଅପ୍ନି ୟାଦୋ କେ" (Ujaale Apni Yaadon Ke)ର ଶୀର୍ଷକ ବଦ୍ରଙ୍କ ଅନ୍ୟତମ ଲୋକପ୍ରିୟ ଶେରରୁ ମିଳିଛି ।[୭][୮]
୨୦୧୫ ମସିହାରେ ଚଳଚ୍ଚିତ୍ର ମସାନରେ ଅକବର ଇହ୍ଲାହାବାଦୀ, ବୃଜ ନାରାୟଣ ଚକବସ୍ତ, ମିର୍ଜା ଘଲିବ ଏବଂ ଦୁଶୟନ୍ତ କୁମାରଙ୍କ କାର୍ଯ୍ୟ, ଏବଂ ବଶୀର ବଦ୍ରଙ୍କ କବିତା ଏବଂ କବିତାର ବିଭିନ୍ନ ଉଦାହରଣ ରହିଛି ।[୯]
ଆଧାର[ସମ୍ପାଦନା]
- ↑ "Bashir Badr: A forgotten legend". 25 February 2018.
- ↑ Sharma, Ashutosh (15 February 2020). "Bashir Badr: A poet who once lost everything to communal fire, except faith in humanity". National Herald.
- ↑ "Bashir Badr - Profile & Biography".
- ↑ "When Narendra Modi used Congress' favourite poet Bashir Badr to target the party in Parliament". India Today.
- ↑ "Padma Awards" (PDF). Ministry of Home Affairs, Government of India. 2015. Archived from the original (PDF) on 15 October 2015. Retrieved 21 July 2015.
- ↑ Bureau, ABP News (6 January 2021). "After 47 Years, Poet Bashir Badr Receives His PhD Degree From AMU". news.abplive.com (in ଇଂରାଜୀ).
- ↑ "मोहम्मद रफी जन्मदिन: तुम मुझे यूं भुला न पाओगे!". Firstpost Hindi. 24 December 2016.
- ↑ सुवीर, सीमान्त. "बिंदु की कहानी... खुद की जुबानी". hindi.webdunia.com.
- ↑ Lakhani, Somya (11 September 2016). "Secret Love: How Hindi poetry has become 'cool'". The Indian Express. Retrieved 17 April 2019.