ପ୍ରେମାନନ୍ଦ ଶ୍ରୀ ଆର୍ଯ୍ୟବ୍ରତ ଦାସ

ପ୍ରେମାନନ୍ଦ ଶ୍ରୀ ଆର୍ଯ୍ୟବ୍ରତ ଦାସ
ଜନ୍ମ	୧୬ ଏପ୍ରିଲ ୧୯୮୩ କାନ୍ଦଣା, ଚିତ୍ରଡା, ମୟୁରଭଞ୍ଜ
ଜାତୀୟତା	ଭାରତୀୟ
ବୃତ୍ତି	ଅଧ୍ୟାପନା

ପ୍ରେମାନନ୍ଦ ଶ୍ରୀ ଆର୍ଯ୍ୟବ୍ରତ ଦାସ (ଜନ୍ମ: ୧୬ ଏପ୍ରିଲ ୧୯୮୩) ଜଣେ ଭାରତୀୟ ଓଡ଼ିଆ-ଭାଷୀ ସାହିତ୍ୟିକ ଓ ଶିକ୍ଷାବିତ । ସେ ଓଡ଼ିଆ ଗଳ୍ପ, କବିତା, ନାଟକ, ଉପନ୍ୟାସ, ଶିଶୁସାହିତ୍ୟ, ଅନୁବାଦ ଓ ସମାଲୋଚନା ଆଦି ରଚନା କରିଛନ୍ତି ।

ସଂକ୍ଷିପ୍ତ ଜୀବନୀ

ସେ ମୟୁରଭଞ୍ଜ ଜିଲ୍ଲାର ଚିତ୍ରଡା ବ୍ଲକ କାନ୍ଦଣା ଗ୍ରାମରେ ଜନ୍ମ ହୋଇଥିଲେ। ମୟୁରଭଞ୍ଜର ଉଦଳା ଠାରେ ତାଙ୍କର ଶିକ୍ଷା ଜୀବନ ବିତିଥିଲା । ଛାତ୍ର ଅବସ୍ଥାରୁ ସେ କବିତା, ଗଳ୍ପ ଓ ଉପନ୍ୟାସ ଲେଖିବା ଆରମ୍ଭ କରିଥିଲେ । ତାଙ୍କର ପ୍ରଥମ କବିତା 'ପ୍ରଭୁ' ସତସଙ୍ଗ, ଦେଓଘରରୁ ପ୍ରକାଶିତ ମାସିକ 'ଊର୍ଜନା'ରେ ୧୯୯୫ ମସିହାରେ ପ୍ରକାଶ ପାଇଥିଲା। ଉଦଳା ମହାବିଦ୍ୟାଳୟରେ ଯୁକ୍ତ ତିନି ବିଜ୍ଞାନ ପଢୁଥିଲା ବେଳେ ୨୦୦୧ ମସିହାରେ 'ଅଭିମନ୍ୟୁ' ନାମରେ ଏକ ଉପନ୍ୟାସ ପ୍ରକାଶ ପାଇଥିଲା । ବାଲେଶ୍ୱର ଫକୀରମୋହନ ବିଶ୍ୱବିଦ୍ୟାଳୟ ଅଧୀନରେ ପଦାର୍ଥ ବିଜ୍ଞାନରେ ସ୍ନାତକୋତ୍ତର ଶିକ୍ଷା ପରେ ସେ ପଦାର୍ଥ ବିଜ୍ଞାନରେ ଅଧ୍ୟାପନା ଆରମ୍ଭ କରିଥିଲେ ଓ ମାନବ ମାନବ ସମ୍ବଳ ଓ ପରିଚାଳନା ବିଷୟରେ ଫକୀରମୋହନ ବିଶ୍ୱବିଦ୍ୟାଳୟ ରୁ ପୁନଃ ସ୍ନାତକୋତ୍ତର ଡିଗ୍ରୀ ପ୍ରାପ୍ତ ହୋଇଥିଲେ । ପଦାର୍ଥ ବିଜ୍ଞାନରେ ଅଧ୍ୟାପନା କରିବା ସହ ସାହିତ୍ୟ ସୃଷ୍ଟିରେ ମନୋନିବେଶ କରି ସେ ନିଜସ୍ୱ ମୌଳିକ କବିତା ରଚନା ସହ ଅନୁବାଦ କ୍ଷେତ୍ରରେ ମଧ୍ୟ ସକ୍ରିୟ । ଏହାସହ ଓଡ଼ିଆ ସାହିତ୍ୟ ସମୀକ୍ଷା ଓ ଆଲୋଚନା ମୂଳକ ତାଙ୍କର ଅନେକ ଆଲେଖ୍ୟ ବିଭିନ୍ନ ଖବର କାଗଜ ଓ ପତ୍ରିକାରେ ପ୍ରକାଶିତ।

ରଚନାବଳୀ

• ଅଭିମନ୍ୟୁ (ଉପନ୍ୟାସ )୨୦୦୧
• ମାଳିନୀ (ଓଡ଼ିଆ କବିତା ସଂକଳନ) -୨୦୧୯
• ଆଗାମୀ ଜନ୍ମରେ ଯଦି ପକ୍ଷୀଟିଏ ହୁଏ (କବିତା) ୨୦୨୦
• ଟୁୱାର୍ଡ଼ସ୍ ହରାଇଜନ୍ - ୨୦୨୦
• ଖଲିଲ ଜୀବ୍ରାନଙ୍କ ଦ ପ୍ରଫେଟର ଓଡ଼ିଆ ଅନୁବାଦ ୨୦୨୪