ପ୍ରୀତି ଅମିନ
ପ୍ରୀତି ଅମିନ | |
|---|---|
| ଜନ୍ମ | ୨୯ ଡିସେମ୍ବର ୧୯୬୭ |
| ବୃତ୍ତି | ଅଭିନେତ୍ରୀ |
| ସକ୍ରିୟ ବର୍ଷ | ୨୦୦୩–୨୦୧୪ ୨୦୨୨–ଏବେଯାଏଁ |
| ବୈବାହିକ-ସାଥୀ | ଲିଓନେଲ୍ ପେରେରା (୨୦୧୪ – ଏବେଯାଏଁ) |
ପ୍ରୀତି ଅମିନ ପେରେଇରା (ଜନ୍ମ: ୨୯ ଡିସେମ୍ବର ୧୯୬୭) ଜଣେ ଭାରତୀୟ ଅଭିନେତ୍ରୀ ଯିଏକି ମୁଖ୍ୟତଃ ହିନ୍ଦୀ ଦୂରଦର୍ଶନ ଧାରାବାହିକରେ କାମ କରନ୍ତି ।[୧] ଧାରାବାହିକ ଝୁମେ ଜିୟା ରେ ଜିଆ ସଭରୱାଲ, ଦିଲ୍ ମିଲ୍ ଗୟେରେ ଡକ୍ଟର ଜିଆ ମୋଦି, ଲାପତାଗଞ୍ଜରେ ସୁରିଲି, ୟେ ରିସ୍ତା କ୍ୟା କେହଲତା ହୈରେ ଅକ୍ଷରା ଗୋଏଙ୍କା ଶର୍ମା ଏବଂ ଚକ୍ରବକମରେ ଶ୍ରାବନ୍ତୀ ଭୂମିକାରେ ଅଭିନୟ ପାଇଁ ସେ ଜଣାଶୁଣା ।
ପ୍ରାରମ୍ଭିକ ଜୀବନ ଏବଂ ଶିକ୍ଷା
[ସମ୍ପାଦନା]ପ୍ରୀତି ଅମିନ ୧୯୬୭ ମସିହାର ଡିସେମ୍ବର ୨୯ ତାରିଖରେ ହାଇଦ୍ରାବାଦଠାରେ ଜନ୍ମଗ୍ରହଣ କରିଥିଲେ । ସେ ହାଇଦ୍ରାବାଦର ସେଣ୍ଟ ଆଣ୍ଡ୍ର୍ୟୁଜ୍ ହାଇସ୍କୁଲରେ ସ୍କୁଲ ଶିକ୍ଷା ସମାପ୍ତ କରିଥିଲେ ଏବଂ ତେଲେଙ୍ଗାନାର ସିକନ୍ଦରାବାଦର କସ୍ତୁରବା ଗାନ୍ଧୀ କଲେଜ ଫର ଓମେନ୍ ଏବଂ ହାଇଦ୍ରାବାଦର ସେଣ୍ଟ ଫ୍ରାନ୍ସିସ୍ କଲେଜ ଫର୍ ଓମେନରେ ସ୍ନାତକ ହାସଲ କରିଥିଲେ । ଦୂରଦର୍ଶନରେ ଅଭିନୟ କରିବା ପୂର୍ବରୁ, ଅମିନ ମୁକ୍ତ ଶୈଳୀ ନୃତ୍ୟ ଶିକ୍ଷା ନେଇଥିଲେ ଏବଂ ଥିଏଟର ଅଭିନୟ କରିବା ସହିତ ବିଜ୍ଞାପନରେ ଜଣେ ମଡେଲ ଭାବରେ କାମ କରିଥିଲେ ।
ପେଷା
[ସମ୍ପାଦନା]ଅମିନ ତେଲୁଗୁ କାର୍ଯ୍ୟକ୍ରମ ଚକ୍ରବକମ, ଅଲୌକିକ ଏବଂ ନାନ୍ନାରେ ଅଭିନୟ କରିଥିଲେ ।[୨] ସେ ୨୦୦୪ ମସିହାରେ ଇଣ୍ଡିଆଜ୍ ବେଷ୍ଟ ସିନେଷ୍ଟାର୍ସ୍ କି ଖୋଜ୍ରେ ଅଂଶଗ୍ରହଣ କରିଥିଲେ ।
୨୦୦୭ରୁ ୨୦୦୮ ମସିହା ଯାଏଁ ଅମିନ ହିନ୍ଦୀ ଦୂରଦର୍ଶନ ଧାରାବାହିକ ଝୁମେ ଜିୟା ରେରେ ଜିଆ ସବରୱାଲ ଭୂମିକାରେ ଅଭିନୟ କରିଥିଲେ ।[୩] ଦିଲ୍ ମିଲ୍ ଗୟେ, ଭାସ୍କର ଭାରତୀ, ସିଆଇଡି, ଆହଟ, ମିସେସ୍ କୌଶିକ୍ କି ପାଞ୍ଚ ବହୁଏଁ ଏବଂ ଦିଲ୍ କି ନଜର ସେ ଖୁବ୍ସୁରତ୍ ପରି କାର୍ଯ୍ୟକ୍ରମରେ ଅଭିନୟ କରିଥିଲେ ।
୨୦୦୯ ମସିହାରୁ ୨୦୧୨ ଯାଏଁ ସେ ଲାପତାଗଞ୍ଜ ଧାରାବାହିକରେ ସୁରିଲି ଭୂମିକାରେ ଅଭିନୟ କରିଥିଲେ ।[୪] ଏହାପରେ ସେ କମେଡ଼ି ସର୍କସ୍ କେ ତାନସେନରେ ଅଂଶଗ୍ରହଣ କରିଥିଲେ । ଜୀ ଟିଭି ରାଜସ୍ଥାନର କାର୍ଯ୍ୟକ୍ରମ ନାଚ୍ ଲେ ବିନ୍ଦାନୀରେ ସେ ବିଚାରକ ଭାବରେ କାମ କରିଥିଲେ ।[୫]
ଆଠ ବର୍ଷର ବିରତି ପରେ, ସେ ଦୁର୍ଗା ଔର ଚାରୁ ଜରିଆରେ ପୁଣିଥରେ ଅଭିନୟ ଦୁନିଆକୁ ପ୍ରତ୍ୟାବର୍ତ୍ତନ କରିଥିଲେ । ପରେ ସେ କଥା ଅନକହୀରେ ଅଭିନୟ କରିଥିଲେ ।[୬] ୨୦୨୩ ମସିହାରେ, ସେ ୟେ ରିସ୍ତା କ୍ୟା କେହଲତା ହୈରେ ଓକିଲ ଅକ୍ଷରା ଶର୍ମା ଭୂମିକାରେ ଅଭିନୟ କରିଥିଲେ ।
ବ୍ୟକ୍ତିଗତ ଜୀବନ
[ସମ୍ପାଦନା]ପ୍ରୀତି ଅମିନ ୨୦୧୪ ମସିହାରେ, ଆମେରିକାରେ କାର୍ଯ୍ୟରତ ମାନସିକ ରୋଗ ବିଶେଷଜ୍ଞ ଲିଓନେଲ୍ ପେରେରାଙ୍କୁ ବିବାହ କରିଥିଲେ । ଏବେ ସେ ମୁମ୍ବାଇରେ ରହୁଛନ୍ତି ।[୭]
ଆଧାର
[ସମ୍ପାଦନା]- ↑ "India's Best Cinestars Ki Khoj: Will It Work This Time?". Business Insider. 5 July 2014. Retrieved 10 June 2015.
- ↑ Siddiqui, Iqbal (2017-05-12). "Top 10 Telugu Serials Of All Time". Tell Me Nothing. Archived from the original on 2020-06-23. Retrieved 2017-05-14.
- ↑ "Priti Amin in Khoobsurat - Times of India". The Times of India (in ଇଂରାଜୀ). Retrieved 2019-09-01.
- ↑ "Will not join `Lapataganj 2`, says Preeti Amin". Zee News. 20 May 2013. Retrieved 10 June 2015.
- ↑ "Preeti Amin & Arvind Kumar to judge a TV show". The Times of India. 27 February 2014. Retrieved 10 June 2015.
- ↑ "Preeti Amin to take over from Pranali Rathod to play the older Akshara in Yeh Rishta Kya Kehlata Hai". Times of India. Retrieved 2023-10-21.
- ↑ "Preeti Amin has a church wedding". The Times of India. 29 October 2014. Retrieved 10 June 2015.
ବାହାର ଲିଙ୍କ୍
[ସମ୍ପାଦନା]- ଇଣ୍ଟରନେଟ ମୁଭି ଡାଟାବେସରେ ପ୍ରୀତି ଅମିନ