ଦେବାଶିଷ ପାତ୍ର (ଲେଖକ)

ଦେବାଶିଷ ପାତ୍ର
ଜନ୍ମ ଓ ଜନ୍ମସ୍ଥାନ	(1970-09-20) ୨୦ ସେପ୍ଟେମ୍ବର ୧୯୭୦ ଭୋଗରାଇ, ବାଲେଶ୍ୱର
ବୃତ୍ତି	ଅଧ୍ୟାପକ,କଥାକାର ଏବଂ ଗବେଷକ
ଭାଷା	ଓଡ଼ିଆ, ଇଂରାଜୀ
ଜାତୀୟତା	ଭାରତୀୟ
ସାହିତ୍ୟ କୃତି	ଓଡିଆ ସାହିତ୍ୟର ବିକାଶଧାରା ଓ ବାଲେଶ୍ବର ‐ ୨୦୧୬

ଦେବାଶିଷ ପାତ୍ର (ଜନ୍ମ: ୨୦ ସେପ୍ଟେମ୍ବର ୧୯୭୦) ଜଣେ ଭାରତୀୟ ଓଡ଼ିଆ-ଭାଷୀ ଗବେଷକ, ଅଧ୍ୟାପକ ତଥା ଲେଖକ । ସେ ୨୦୧୭ ମସିହାରେ ଢୋଲ ଓ ଅନ୍ୟାନ୍ୟ ଗଳ୍ପ ପାଇଁ କଳିଙ୍ଗ ପୁସ୍ତକମେଳା ପୁରସ୍କାର ପାଇଥିଲେ ।

ସଂକ୍ଷିପ୍ତ ଜୀବନୀ

ଦେବାଶିଷ ବାଲେଶ୍ୱର ଜିଲ୍ଲାର ଭୋଗରାଇ ଠାରେ ୧୯୭୦ ମସିହାରେ ଜନ୍ମଗ୍ରହଣ କରିଥିଲେ । ଓଡ଼ିଆ ଓ ଶିକ୍ଷାରେ ସ୍ନାତକୋତ୍ତର, ଏମ୍.ଫିଲ୍, ପିଏଚ୍.ଡି., ଡି.ଲିଟ୍. ଉପାଧି ପ୍ରାପ୍ତ ଦେବାଶିଷ ବୃତ୍ତିରେ ଜଣେ ଅଧ୍ୟାପକ । ଉଭୟ ଗୁଣାତ୍ମକ ଓ ପରିମାଣାତ୍ମକ ଦୃଷ୍ଟିରୁ ସେ ଓଡିଆ ସାହିତ୍ୟକୁ ଋଦ୍ଧିମନ୍ତ କରିଛନ୍ତି । ସାହିତ୍ୟର ବହୁ ବିଭାଗରେ ତାଙ୍କର ସଫଳ ପ୍ରବେଶ । ଆଦିବାସୀ ଜନଜୀବନର ସେ ଜଣେ ଯଥାର୍ଥ ରୂପକାର । ସେ ସଂପର୍କରେ ସେ ଅନେକ ଗ୍ରନ୍ଥ ପ୍ରଣୟନ କରିଛନ୍ତି । ଦୀର୍ଘଦିନ ଧରି ବିଭିନ୍ନ ଜନଜାତି ଉପରେ ଗବେଷଣା କରି ସେ ଯେଉଁ ଅଭିଜ୍ଞତା ଅର୍ଜନ କରିଛନ୍ତି ତାହା ତାଙ୍କ ଗଳ୍ପ, ଉପନ୍ୟାସ, ପ୍ରବନ୍ଧ ମାଧ୍ୟମରେ ପ୍ରତିଫଳିତ । ଅଧ୍ୟାପନା ବୃତ୍ତିରେ ବ୍ରତୀ ଦେବାଶିଷଙ୍କ ଅନେକ ପୁସ୍ତକ ପ୍ରକାଶ ପାଇଛି ।

ରଚନାବଳୀ

କବିତା

• ଖୋଲା ଆକାଶ ତଳେ
• ଏବଂ ଜହ୍ନରାତି
• ଖୋଲା ଆକାଶ ତଳେ
• ଶବ୍ଦ ସଂଗମ

ଗଳ୍ପ

• ସନାତନର ଦେଶ
• ଢୋଲ ଓ ଅନ୍ୟାନ୍ୟ ଗଳ୍ପ
• ଜହ୍ନ ବଗିଚା (ସଂପାଦନା)

ପ୍ରବନ୍ଧ ଓ ଆଲୋଚନା

• ମାଲକାନଗିରି ପରିଚୟ
• ମାଲକାନଗିରି ଶବ୍ଦାବଳୀ
• ଓଡିଆ ସାହିତ୍ୟର ବିକାଶଧାରା ଓ ବାଲେଶ୍ବର
• ମୁଦୁଲିପଡାର ଲୋକେ
• କିଛି କଥା କିଛି ବ୍ୟଥା
• ତପୋବନର ଓଁକାର
• ଭାଷଣତତ୍ତ୍ୱ
• ମନନର ମୁଖଶାଳା
• କବି କବିତା ନିଃସଙ୍ଗତା
• ସାହିତ୍ୟ ଚୟନିକା
• ଆଧୁନିକ ଉତ୍ତର ଆଧୁନିକ
• ସାହିତ୍ୟ ସ୍ରୋତସ୍ବିନୀ
• ଆଧ୍ୟାତ୍ମିକତା ଓ କବି ବୈକୁଣ୍ଠନାଥ
• ଡଙ୍ଗର ଯେଉଁଠି କଥା କୁହେ
• ଜନଜାତି ସାଂସ୍କୃତିକ ପରିଭାଷା
• ଦକ୍ଷିଣାଞ୍ଚଳୀୟ ଓଡିଆ ଜନଜାତି ସଂସ୍କୃତି ଓ ସାହିତ୍ୟ
• ଓଡିଶାର ଜନଜାତି: ଏକ ସାଂସ୍କୃତିକ ଅଧ୍ୟୟନ
• ଗଳ୍ପ ଗାଳ୍ପିକ ଗଳ୍ପାୟନ
• ରେଣ୍ତୋ: ବଣ୍ତା ଜୀବନ ଓ ସଂସ୍କୃତି
• ଜନଜାତି ଲୋକଧାରା ଓ ବିବିଧ ପ୍ରସଙ୍ଗ

ଇଂରାଜୀ

• The Village of Mahua Flowers

ସମ୍ମାନ ଓ ପୁରସ୍କାର

• ଢୋଲ ଓ ଅନ୍ୟାନ୍ୟ ଗଳ୍ପ, ୨୦୧୭ ପାଇଁ କଳିଙ୍ଗ ପୁସ୍ତକମେଳା ପୁରସ୍କାର
• ତପସ୍ୟା ସୃଜନ ପୁରସ୍କାର