ଦିଶା ବକାନୀ
ଦିଶା ବକାନୀ | |
|---|---|
 ୨୦୧୨ରେ ଦିଶା | |
| ଜନ୍ମ | ୧୭ ଅଗଷ୍ଟ ୧୯୭୮[୧][୨] |
| ଜାତୀୟତା | ଭାରତୀୟ |
| ଶିକ୍ଷାନୁଷ୍ଠାନ | ଗୁଜରାଟ କଲେଜ, ଅହମଦାବାଦ |
| ବୃତ୍ତି | ଅଭିନେତ୍ରୀ |
| ସକ୍ରିୟ ବର୍ଷ | ୧୯୯୭–ଏବେଯାଏଁ |
| ପ୍ରସିଦ୍ଧି | ତାରକ ମେହଟା କି ଓଲଟା ଚଷମା |
| ବୈବାହିକ-ସାଥୀ |
ମୟୂର ପାଡ଼ିଆ (m. ୨୦୧୫) |
| ସମ୍ପର୍କୀୟ | ଭିମ ବକାନୀ (ବାପା) ମୟୂର ବକାନୀ (ଭାଇ)[୪] |
ଦିଶା ବକାନୀ (ଜନ୍ମ: ୧୭ ଅଗଷ୍ଟ ୧୯୭୮)[୧] ଜଣେ ଭାରତୀୟ କଥାଚିତ୍ର ଏବଂ ଦୂରଦର୍ଶନ ଅଭିନେତ୍ରୀ । ସେ ଜଣେ ମଞ୍ଚ ଅଭିନେତ୍ରୀ ଭାବରେ ତାଙ୍କର ଅଭିନୟ ଜୀବନ ଆରମ୍ଭ କରିଥିଲେ । ସେ ଗୁଜରାଟୀ ନାଟକ କମଲ ପଟେଲ ଭର୍ସେସ୍ ଧମଲ ପଟେଲ ଏବଂ ଲାଲି ଲିଲା ଭଳି ନାଟକରୁ ସେ ମଞ୍ଚରେ ଅଭିନୟ ଆରମ୍ଭ କରିଥିଲେ ।[୫] ସେ ଦେବଦାସ, ଯୋଦ୍ଧା ଆକବର ଭଳି ହିନ୍ଦୀ କଥାଚିତ୍ରରେ ସହକାରୀ ଅଭିନେତ୍ରୀ ଭାବରେ ଅଭିନୟ କରିଥିଲେ ।[୬] ଦୂରଦର୍ଶନରେ ପ୍ରସାରତି ଧାରାବାହିକ ତାରକ ମେହଟା କି ଓଲଟା ଚଷମାରେ ସେ ଦୟା ଜେଠାଲାଲ ଗଡ଼ା ଭାବରେ ୨୦୦୮ରୁ ଅଭିନୟ କରୁଛନ୍ତି ।[୭][୮][୯]
ପ୍ରାରମ୍ଭିକ ଜୀବନ
[ସମ୍ପାଦନା]ଦିଶା ବକାନୀ ଗୁଜରାଟର ଅହମଦାବାଦରେ ଏକ ଗୁଜରାଟି ପରିବାରରେ ୧୭ ଅଗଷ୍ଟ ୧୯୭୮ରେ ଜନ୍ମଗ୍ରହଣ କରିଥିଲେ । ସେ ଅହମଦାବାଦର ଗୁଜରାଟ କଲେଜରୁ ଡ୍ରାମାଟିକ କଳାରେ ସ୍ନାତକ ହାସଲ କରିଥିଲେ ।[୫] ସେ ମୁମ୍ବାଇରେ ବାସ କରୁଥିବା ମୟୁର ପାଡ଼ିଆ ଜଣେ ଚାଟାର୍ଡ ଆକାଉଣ୍ଟାଣ୍ଟଙ୍କୁ ୨୪ ନଭେମ୍ବର ୨୦୧୫ରେ ବିବାହ କରିଥିଲେ ।[୧୦][୨] ତାଙ୍କ ଭାଇ ମୟୂର ବକାନୀ ମଧ୍ୟ ତାରକ ମେହେଟା କି ଓଲଟ ଚଷମାରେ ଦିଶାଙ୍କର ଭାଇ ସୁନ୍ଦର ଭୂମିକାରେ ଅଭିନୟ କରୁଛନ୍ତି ।
ଅଭିନୟ ଜୀବନ
[ସମ୍ପାଦନା]ଦିଶା ଏକ ବି ଗ୍ରେଡ ଚଳଚ୍ଚିତ୍ର କମ୍ସିନ୍- ଦ ଅନ୍ଟଚ୍ଡ୍ ଜରିଆରେ ଅଭିନୟ ଜଗତରେ ପ୍ରବେଶ କରିଥିଲେ । ଏହାପରେ ସେ ଫୁଲ୍ ଔର୍ ଆଗ୍, ଦେବଦାସ, ମଙ୍ଗଳ ପାଣ୍ଡ- ଦ ରାଇଜିଂ, ଜାନ୍, ଯୋଦ୍ଧା ଆକବର, ସି କମ୍ପାନୀ, ଲଭ୍ ଷ୍ଟୋରୀ ୨୦୫୦ ଭଳି କଥାଚିତ୍ରରେ ସହକାରୀ ଅଭିନେତ୍ରୀ ଭାବରେ ଅଭିନୟ କରିଥିଲେ ।
ଦିଶା ଚଳଚ୍ଚିତ୍ର ସହ ଦୂରଦର୍ଶନରେ ୨୦୦୪ରେ ଖିଚିଡ଼ି ଧାରାବାହିକରେ ଅଭିନୟ କରିଥିଲେ । ଏହାପରେ ସେ ୨୦୦୮ରେ ସବ୍ ଟିଭିରେ ପ୍ରସାରିତ ଧାରାବାହିକ ତାରକ ମେହଟା କି ଓଲଟା ଚଷମାରେ ଦୟା ଭୂମିକାରେ ଅଭିନୟ କରିଥିଲେ । ଏହି ଧାରାବାହିକରେ ସେ ୨୦୦୮ରୁ ଏବେଯାଏଁ ଅଭିନୟ କରୁଛନ୍ତି । ୨୦୧୪ ମସିହାରେ ସୋନି ଟିଭିରେ ପ୍ରସାରିତ ଧାରାବାହିକ CID ଏବଂ ତାରକ ମେହଟା କି ଓଲଟ ଚଷମାର ମିଳିତ ଅଧ୍ୟାୟରେ ମଧ୍ୟ ସେ ସୋନିର CIDରେ ଅଭିନୟ କରିଥିଲେ ।
ଅଭିନୀତ କଥାଚିତ୍ର
[ସମ୍ପାଦନା]- ୧୯୯୭: କମ୍ସିନ୍- ଦ ଅନ୍ଟଚ୍ଡ୍
- ୧୯୯୯: ଫୁଲ୍ ଔର୍ ଆଗ୍
- ୨୦୦୨: ଦେବଦାସ
- ୨୦୦୫: ମଙ୍ଗଳ ପାଣ୍ଡ- ଦ ରାଇଜିଂ
- ୨୦୦୬: ଜାନ୍
- ୨୦୦୮: ଯୋଦ୍ଧା ଆକବର
- ୨୦୦୮: ସି କମ୍ପାନୀ
- ୨୦୦୮: ଲଭ୍ ଷ୍ଟୋରୀ ୨୦୫୦
ଅଭିନୀତ ଦୂରଦର୍ଶନ ଧାରାବାହିକ
[ସମ୍ପାଦନା]- ୨୦୦୪: ଖିଚିଡ଼ି
- ୨୦୦୮-ଏବେଯାଏଁ: ତାରକ ମେହଟା କି ଓଲଟା ଚଷମା
- ୨୦୧୪: CID
ଆଧାର
[ସମ୍ପାଦନା]- ↑ ୧.୦ ୧.୧ "Daya Ben aka Disha Vakani turns a year older". The Times Of India. 17 August 2015. Retrieved 26 May 2017.
- ↑ ୨.୦ ୨.୧ "TV actress Disha Vakani ties the knot!". India Today. 24 November 2015. Retrieved 26 May 2017.
- ↑ "Disha Vakani misses theatre". The Times of India. 5 Nov 2012. Retrieved 26 May 2017.
- ↑ "Unknown facts of Taarak Mehta Ka Ooltah Chashmah cast". The Times Of India. 30 January 2016. Retrieved 26 May 2017.
- ↑ ୫.୦ ୫.୧ "I enjoy acting: Disha Vakani". Mumbai Mirror. 30 Dec 2011. Retrieved 26 May 2017.
- ↑ Jhumari Nigam-Misra (12 November 2009). "Pretty women". Retrieved 26 May 2017.
- ↑ "Comedy Inc". 1 Jul 2010. Retrieved 26 May 2017.
- ↑ "Character's the KING". Indian Express. 25 Nov 2010. Retrieved 26 May 2017.
- ↑ "Funny female bone". The Times of India. 21 Jun 2009. Archived from the original on 24 July 2013. Retrieved 26 May 2017.
- ↑ "Dayaben of 'Taarak Mehta Ka Ooltah Chashmah' aka Disha Vakani ties the knot". Daily News and Analysis. 25 November 2015.
ଅଧିକ ତଥ୍ୟ
[ସମ୍ପାଦନା]- ଇଣ୍ଟରନେଟ ମୁଭି ଡାଟାବେସରେ ଦିଶା ବକାନୀ