ଡୋଳା ବାନାର୍ଜୀ

Dola Banerjee
ଜନ୍ମ	(1980-06-02) ୨ ଜୁନ ୧୯୮୦ Baranagar, North 24 Parganas district, West Bengal
ଜାତୀୟତା	Indian
ବୃତ୍ତି	Sportsman (Archer)

ଡୋଳା ବାନାର୍ଜୀ(ବଙ୍ଗଳା: দোলা ব্যানার্জি) (ଜନ୍ମ ଜୁନ ୨ , 1980 )ଜଣେ ଭାରତୀୟ ମହିଳା କ୍ରୀଡ଼ାବିଦ୍‌ । ସେ ଜାତୀୟ ଓ ଆନ୍ତର୍ଜାତୀୟ ସ୍ତରରେ ଅର୍ଚେରୀରେ ପ୍ରତିଯୋଗିତା କରନ୍ତି ଓ ଦେଶ ପାଇଁ ବହୁ ପଦକ ମଧ୍ୟ ବିଜୟୀ ହେଇଛନ୍ତି । 

ପ୍ରାରମ୍ଭିକ ଜୀବନୀ 

ଡୋଳା ବାନାର୍ଜୀ କଲିକତାର ଅଶୋକ ବାନାର୍ଜୀ ଓ କଳ୍ପନା ବାନାର୍ଜୀଙ୍କ କନ୍ୟା । ସେ ବାରନଗରୀ ରାଜକୁମାରୀ ମେମୋରିଆଲ ହାଇ ସ୍କୁଲରୁ ଶିକ୍ଷା ପାଇଥିଲେ । ସେ ମାତ୍ର 9 ବର୍ଷ ବୟସରୁ ବାରନଗର ଆର୍ଚେରୀ କ୍ଲବରେ ଯୋଗଦାନ କରି ଆର୍ଚେରୀରେ ପ୍ରଶିକ୍ଷଣ ନଉଥିଲେ । ସେ ୧୯୯୬ ମସିହାରେ ଯୁବ ବିଶ୍ୱ ଆର୍ଚେରୀ ଚମ୍ପିୟାନଶିପରେ ସାନ ଦିଆଗୋଠାରେ ଭାଗନେଇଥିଲେ । 

ଖେଳ ଜୀବନୀ 

ଡୋଳା ୨୦୦୪ ମସିହା ଅଲିମ୍ପିକରେ ଭାରତ ତରଫରୁ ଯୋଗ ଦାନ କରିଥିଲେ । ସେ ସେଠାରେ ମହିଳା ଶିଂଗଲ ବିଭାଗ ଆର୍ଚେରୀରେ 13 ତମ ସ୍ଥାନରେ ରହିଥିଲେ । ସେହି ଅଲିମ୍ପିକରେ ସେ ମହିଳା ଦଳଗତ ପ୍ରତିଯୋଗିତା ପାଇଁ ମଧ୍ୟ ଯୋଗ୍ୟତା ହାସଲ କରିଥିଲେ । 

୨୦୦୭  ମସିହା ଅଗଷ୍ଟ ମାସରେରେ ଇଂଲଣ୍ଡରେ ହେଇଥିବା ବିଶ୍ୱ କପ ଆର୍ଚେରୀ ପ୍ରତିଯୋଗିତାର ଶିଂଗଲ ପ୍ରତିଯୋଗିତାରେ ସେ ସ୍ୱର୍ଣ୍ଣ ପଦକ ଜିତିଥିଲେ । ଏହା ଫଳରେ ସେ ନଭେମ୍ବର ୨୦୦୭ ମସିହାରେ ଦୁବାଇଠାରେ ହେଇଥିବା ବିଶ୍ୱ କପ ଫାଇନାଲରେ ଖେଳିବାର ଯୋଗ୍ୟତା ହାସଲ କରିଥିଲେ । 

ସେହି ପ୍ରତିଯୋଗିତାରେ ବିଜୟୀ ହେବା ଫଳରେ ଡୋଳା ବିଶ୍ୱ ଆର୍ଚେରୀ ରଙ୍କିଙ୍ଗରେ ପ୍ରଥମ ସ୍ଥାନ ହାସଲ କରିଥିଲେ । ଏହା ପରେ ସେ ୨୦୦୮ ମସିହା ବେଜିଂ ଅଲିମ୍ପିକରେ ଯୋଗ ଦେଇଥିଲେ ମଧ୍ୟ ପଦକ ପାଇ ନ ଥିଲେ । ୨୦୧୦ ମସିହାରେ ଦିଲ୍ଲୀରେ ହେଇଥିବା କମନୱେଲ୍‌ଥ ଖେଳରେ ଡୋଳା ଭାରତ ପାଇଁ ଦଳଗତ ପ୍ରତିଯୋଗିତା ରେଦୀପିକା କୁମାରୀ ଓ ବୌମାଲ୍ୟ ଦେବୀ ଙ୍କ ସହ ସ୍ୱର୍ଣ୍ଣ ପଦକ ହାସଲ କରିଥିଲେ । 

ଡୋଳା ବାନାର୍ଜୀ ମହିଳା ଆର୍ଚେରୀରେ ଦ୍ୱିତୀୟ ପ୍ରତିଯୋଗୀ ଭାବରେ ଭାରତ ସରକାରଙ୍କ ସମ୍ମାନ-ଜନକ ଅର୍ଜୁନ ପୁରସ୍କାର ପାଇଥିଲେ । 

ବ୍ୟକ୍ତିଗତ ଜୀବନ 

ଡୋଳାଙ୍କ ସାନ ଭାଇ ରାହୁଲ ବାନାର୍ଜୀ ମଧ୍ୟ ଜଣେ ଆର୍ଚର । ଗାୟକ ଶାନ ଓ ଗାୟିକା ସାଗରିକା ତାଙ୍କର ସମ୍ପର୍କିତ ।