ଟେଟସେଓ ଭଗିନୀଗଣ
ଟେଟସେଓ ଭଗିନୀଗଣ | |
|---|---|
| ଜନ୍ମସ୍ଥାନ | ନାଗାଲାଣ୍ଡ, ଭାରତ |
| ଶୈଳୀ | ଲୋକ ସଙ୍ଗୀତ (Folk), World Music |
| କାର୍ଯ୍ୟକାଳ | ୧୯୯୪ – ବର୍ତ୍ତମାନ ପର୍ଯ୍ୟନ୍ତ |
| ୱେବସାଇଟ | www.tetseosisters.com |
| ସଭ୍ୟ | ମୁଟସେଭେଲୁ ଟେଟସେଓ (ମର୍ସି) ଅଜିନା ଟେଟସେଓ (ଅଜି) କୁଭେଲୁ ଟେଟସେଓ (କୁକୁ) ଆଲୁନେ ଟେଟସେଓ (ଲୁଲୁ) |
ଟେଟସେଓ ଭଗିନୀଗଣ (ଇଂରାଜୀ ଭାଷାରେ Tetseo Sisters) ଉତ୍ତର-ପୂର୍ବ ଭାରତରେ ଥିବା ନାଗାଲାଣ୍ଡ ପ୍ରଦେଶରେ ବାସ କରୁଥିବା ଏକ 'ଚାରିଜଣିଆ ଭଗିନୀ' ଦଳର ନାମ । ଏହି ଭଗିନୀବୃନ୍ଦ ପିଲାଦିନରୁ ମଞ୍ଚରେ ନାଗାଲାଣ୍ଡର ଲୋକସଙ୍ଗୀତ ଗାଇଆସୁଛନ୍ତି । [୧]
ବ୍ୟକ୍ତିଗତ ଜୀବନ
[ସମ୍ପାଦନା]ଖାଇବାରେ ସଉକୁନି ରଖିଥିବା ମର୍ସି ଦିଲ୍ଲୀ ବିଶ୍ୱବିଦ୍ୟାଳୟରୁ ମନସ୍ତତ୍ତ୍ୱରେ ଡିଗ୍ରୀ ହାସଲ କରିଥିଲେ; ସେ ଜଣେ ପରିବ୍ରାଜକ ଓ ଲେଖିକା ଥିଲେ । ମିସ ନାଗାଲାଣ୍ଡ ହୋଇଥିବା ଅଜି ଦିଲ୍ଲୀ ବିଶ୍ୱବିଦ୍ୟାଳୟରୁ ରାଜନୀତି ବିଜ୍ଞାନରେ ଡିଗ୍ରୀ ହାସଲ କରିଥିଲେ ।[୨] ସେ ମଡେଲିଙ୍ଗ ମଧ୍ୟ କରୁଥିଲେ ଓ ଅଧୁନା ଦୁଇଟି ଛୋଟ ପୁଅଙ୍କର ଲାଳନ ପାଳନ କରିବା ନିମନ୍ତେ ବିଶ୍ରାମରେ ଅଛନ୍ତି ।[୩] [୪] ଦିଲ୍ଲୀର ଲେଡି ଶ୍ରୀରାମ ମହିଳା କଲେଜରେ କୁକୁ ଅଧ୍ୟୟନ କରିଥିଲେ ଓ ସକ୍ରିୟ ଫେସନ ବ୍ଲଗର ତଥା ମାଇ ସାଲାଡ଼ ଡେଜର ମିଡିଆ ପ୍ରଭାବୀ ଅଛନ୍ତି ଯାହାର ନାମ ପରିବର୍ତ୍ତିତ କରି ନାଗାନେସ ରଖାଯାଇଛି । ଚାରି ଭଉଣୀଙ୍କ ମଧ୍ୟରେ ସବା ସାନ ଲୁଲୁ [୩] ନାଗପୁରର ଇନ୍ଦିରାଗାନ୍ଧୀ ସରକାରୀ ମେଡିକାଲ କଲେଜରେ ଅଧ୍ୟୟନ କରୁଛନ୍ତି ।
ଜୀବନ ଓ ବୃତ୍ତି
[ସମ୍ପାଦନା]ଚଖେସଙ୍ଗ ଜାତିର ଏକ ବଡ଼ ନାଗା ଗୋଷ୍ଠୀର ଚାରି ଝିଅ ମୁଟସେଭେଲୁ ଟେଟସେଓ (ମର୍ସି), ଅଜିନା ଟେଟସେଓ (ଅଜି), କୁଭେଲୁ ଟେଟସେଓ (କୁକୁ) ଓ ଆଲୁନେ ଟେଟସେଓ ନାଗାଲାଣ୍ଡର ରାଜଧାନୀ କୋହିମାରେ ବଢ଼ିଥିଲେ । ସେମାନେ ଚୋକ୍ରି (Chokri) ଭାଷାରେ ଗାଆନ୍ତି ।[୩] ଅଳ୍ପ ବୟସରୁ ନିଜ ସ୍ଥାନୀୟ ପାରମ୍ପରିକ ଭାଷା 'ଲି'ରେ ତାଙ୍କ ପିତାମାତା ତାଙ୍କୁ ଗାଇବାକୁ ଶିକ୍ଷା ଦେଇଥିଲେ । ଗୋଟିଏ ଦଳ ଭାବରେ ସେମାନେ ପ୍ରଥମେ ସନ୧୯୯୪ରେ ପ୍ରଦର୍ଶନ କଲେ ଓ ସନ ୨୦୦୦ରୁ ନିୟମିତ ଭାବରେ ନାଗାଲାଣ୍ଡର ସବୁଠାରୁ ବଡ଼ ବାର୍ଷିକ ସାଂସ୍କୃତିକ କାର୍ଯ୍ୟକ୍ରମ 'ହର୍ଣ୍ଣବିଲ ଉତ୍ସବ' (Hornbill festival) ଓ ଅନ୍ୟାନ୍ୟ ଉତ୍ସବମାନଙ୍କରେ ପ୍ରଦର୍ଶନ କରିଆସୁଛନ୍ତି । ତାଙ୍କର ବର୍ଦ୍ଧିଷ୍ଣୁ ଲୋକପ୍ରିୟତା ଦେଖି 'ସାତ ଭଗିନୀ ପ୍ରଦେଶ' (Seven Sister States) ଓ ଅନ୍ୟାନ୍ୟ ଭାରତୀୟ ରାଜ୍ୟମାନେ ମଧ୍ୟ ତାଙ୍କୁ ଡାକିଆଣି ତାଙ୍କର ପ୍ରଦର୍ଶନ ଦେଖୁଛନ୍ତି । ଦିଲ୍ଲୀରେ ପଢ଼ୁଥିବା ବେଳେ ମର୍ସି ଓ ଅଜି ମିଳିତ ଭାବରେ ଅନେକ ପ୍ରଦର୍ଶନ କରିଥିଲେ ଓ ସେତେବେଳେ କୋହିମାରେ କୁକୁ ଓ ଲୁଲୁ ପ୍ରଦର୍ଶନ ଜାରିରଖିଥିଲେ । ନାଗାଲାଣ୍ଡରେ ଲୋକ ସଙ୍ଗୀତର ଫ୍ୟୁଜନ ଆରମ୍ଭର ଶ୍ରେୟ ସେହି ଟେଟସେ ଭଉଣୀମାନଙ୍କୁ ଦିଆଯାଏ । ପ୍ରଦେଶରେ ଓ ବିଦେଶରେ ସେମାନଙ୍କୁ ନାଗାଲାଣ୍ଡର ସାଂସ୍କୃତିକ ରାଷ୍ଟ୍ରଦୂତ/ପ୍ରତିନିଧିର ମାନ୍ୟତା ଦିଆଯାଇ ନିୟମିତ ଭାବରେ ପ୍ରଦର୍ଶନ କରିବାକୁ ଡକାଯାଏ । ସନ ୨୦୦୮ରେ ଥାଇଲାଣ୍ଡର ବାଙ୍ଗକକରେ ଅନୁଷ୍ଠିତ ଉତ୍ତର-ପୂର୍ବ ବ୍ୟାପାର ସୁଯୋଗ ସମିଟ, ସନ ୨୦୧୨ରେ ଅନୁଷ୍ଠିତ ବାଙ୍ଗକକର (Bangkok) ହ୍ୟାଣ୍ଡସେକ ଇନସର୍ଟ, ସନ ୨୦୧୪ରେ ମ୍ୟାନମାରରେ ଅନୁଷ୍ଠିତ ୟଙ୍ଗୋନ,[୫] ନଭେମ୍ବର ୨୦୧୫ରେ ଚୀନ, ୟୁନାନ, କୁନମିଙ୍ଗରେ,[୬] ସନ ୨୦୧୬ରେ ଦକ୍ଷିଣ କୋରିଆର ଗ୍ୱାଙ୍ଗଜୁରେ,[୭] ସନ ୨୦୧୦ର ଟୌଫେମାରେ ଅନୁଷ୍ଟିତ କମନୱେଲଥ ଖେଳର କୁଇନ ବାଟନ ରାଲିରେ ଓ ସନ ୨୦୧୨ରେ କୋହିମାକୁ ଆସିଥିବା ରାଜପୁତ୍ର ଏଚଆରଏଚ ଆଣ୍ଡ୍ରୁଙ୍କ ସମ୍ମାନାର୍ଥେ ସେମାନେ ପ୍ରଦର୍ଶନ କରିଥିଲେ । ସନ ୨୦୧୪ରେ ଏଡିନବର୍ଗ ଯାଇ ଏଡିନବର୍ଗର ରୟଲ ମିଲିଟାରୀ ଟାଟୁ ସଂସ୍ଥାରେ ୨୪ଟି ପ୍ରଦର୍ଶନ କରିଥିବା ଗୀତ ଓ ନାଚ ଦଳରେ ମର୍ସି ଓ କୁଭେଲୁ ଭଗିନୀଦ୍ୱୟ ଥିଲେ ଓ ସ୍କଟଲାଣ୍ଡର ତିନୋଟି ସ୍ଥାନରେ ମଧ୍ୟ ପ୍ରଦର୍ଶନ କରିଥିଲେ । [୮][୯] ସନ ୨୦୧୪ରେ ଯୁକ୍ତରାଷ୍ଟ୍ର ଆମେରିକା ଗସ୍ତରେ ମର୍ସି, କୁଭଲୁ, ଲୁଲୁ ଓ ତାଙ୍କର ଭାଇ ହାଂସେବ ଥିଲେ । [୧୦]
ଆଧାର
[ସମ୍ପାଦନା]- ↑ Candid conversation with Tetseo Sisters – Mercy, Azi, Kuku and Lulu Archived 19 June 2013 at the Wayback Machine., EF News International
- ↑ Tetseo Sisters – an interview Archived 2016-07-08 at the Wayback Machine., India-north-east.com
- ↑ ୩.୦ ୩.୧ ୩.୨ Vishü Rita Krocha: Tetseo Sisters : Cultural Ambassadors extraordinaire (Eastern Mirror, retrieved 1 September 2012)
- ↑ Vishü Rita Krocha: Azi Tetseo : The singer and her song (originally: Eastern Mirror, retrieved 1 September 2012)
- ↑ Handshake concert in Myanmar Archived 2014-07-13 at the Wayback Machine. (Nagaland Post, 27 June 2014, retrieved 6 July 2014)
- ↑ Art has no boundaries, says Guru Mashangva Archived 8 December 2015 at the Wayback Machine. (The Sangai Express, 30 November 2015)
- ↑ Rio for strengthening ties with Korea (The Morung Express, 3 September 2016)
- ↑ Nagaland Young Ambassadors at Royal Military Tattoo Fest Archived 28 July 2014 at the Wayback Machine. (The Morung Express)
- ↑ Homecoming ‘Taste of the Tattoo’ run opens in Glasgow on Thursday 7 August
- ↑ Nagaland Governor visiting US to address a workshop Archived 2020-02-01 at the Wayback Machine. (The Shillong Times, 25 October 2014, retrieved 31 October 2014)